استفسار عن شماســات الأكورد 2008

**aziz666** · 25-12-2010, 11:33 PM

أحبتي أعضاء الصرح الرايقين

أسعد الله أيامكم بالخير والمسرات

أنا خربت علي الشماسة حقت السواق الي فوق بحيث أنها ماعاد تثبت وترجع للسقف ... تقعد نازلة شوي تضايقني بالسواقة
رحت اليوم الوكالة أسئلة عن سعرها طلع ضربة جامده والله حوالي 900 وشوي وطلبيه من دبي كمان تجي من اسبوع إلى أسبوعين

فـ الي عنده خلفيه أو يقدر يوفر شماسات للأكورد أكون شاكر له ومقدر
خاصة حقت الفل كامل البيـــــج الي فيها لمبات

مافيني أرووح التشاليح بالحاير وربي تعب أنا ساكن بعيد بشرق الرياض

إحترامي لكم

**من عذابك** · 25-12-2010, 11:36 PM

كان قلتلي قبل كم يوم كان جبتها لك

الله يعينك

**aziz666** · 03-01-2011, 12:18 AM

الله يسعدك حبيبي من عذابك

ياليت والله كان ريحتني

ع العموم الي عنده شماسات او يعرف لي يعلمني ع الخاص فديتكم

إحترامي

**ب ر ق 4872** · 03-01-2011, 12:29 AM

والله يا خي ما اتوقع راح تضرك وقفه على التشليح ..

واذا انت عجزاان انا اجيبها لك وباخذ حق مشواري .. وما اتوقع ان فيها شيء اخذ حقي.

**aziz666** · 03-01-2011, 02:53 PM

هلا حبيبي برق

أدري والله مابتضر وقفه للتشاليح واروح أدور لين ألاقي لكن للظروف أحكام دائما ولا ماكان نزلت الموضوع هنا

وفيك الخير والله لو بتجيب لي أبعطيك حق التعب مو مشكلة :d
وأبرسل لك رقمي ع الخاص حبيبي

شكرا لك مقدما

**ب ر ق 4872** · 03-01-2011, 07:02 PM

ابشر حبيبي ان شاء الله بكره اشوف وقت فاضي واروح للتشليح

واتصل عليك واقولك سعرها كم ..

**King** · 03-01-2011, 07:11 PM

إذا لمبات الشماسة تشتغل ومافيها مشكلة, غير المثبت الصغير إلي على اليمين حق مثيت الشماسة من الجهة الآخرى له, وإذا كانت متعطله غير اللمبات صدقي ماتطلع عليك ولا 10 ريال من محلات الزينه وانت واقف.

وانا ساكن شرق إذا تسمح لي اشوفها ممكن احلها لك بأسهل الطرق. ;)

**gray2008** · 04-01-2011, 04:03 PM

انا خربت علي قبل فتره حقت الراكب ونفس المشكله ما ترتفع فوق لين اخر شي لازم تقعد نازله شوي

بس كان في لها حركه - شوف حاول تسويها مؤقتا لين تلاقيلك جديده

انا كنت ارفعها على فوق وبعد كذا تعال حط ايدك عليها من عند العامود اللي مثبتها اللي هوا من جهة اليسار طبعا في حالتك راح تلاقي قطعه مربعه نازله على تحت اضغطها على فوق بقوه وراح ترجع تمسك لك الشماسه مزبوط

بس المشكلله الله يعينك كل مره تنزل الشماسه لازم تسوي هالحركه لمن تجي ترفعها عشان ترجع لوضعها الطبيعي

وعموما انا غيرتها على الضمان والله اعلم شفت سعرها في الفاتوره كان حوالي 700 ريال اللي هي الشماسه حقت الراكب ولكن طبعا مادفعت ولا ريال الحمدلله

**aziz666** · 06-01-2011, 11:31 PM

king
مره مشكووور وربي ع الخدمه هذي الله يوفقك يارب ومو مشكلة ارسل لي ع الخاص رقمك او ابرسل رقمي نتفاهم بإذن الله بأي مكان نتقابل ان شاء الله
ونشوف طريقتك

gray2008
الحين انا موتري اخذته تقصيد و الحين ماشي 76 ألف هل باقي الضمان يشملني لو بروح لهم ...؟
والله فله لو الضمان يشمل الاكسسوارات
وكويس سعرها 700 أنا قالو لي وكالة خريص قطع الغيار 900 وشوي

الله يوفقكم يارب شكرا لكم من القلب مقدما وأفيدوني لو طلع شيء جديد أنا حاليا شريت لصق من جهتين 3M حطيته تثبتها ع الاقل ما تنزل تعميني وأنا أسوق

**جنوون** · 07-01-2011, 03:40 PM

نفس مشكلتي .. :(
أخوي عزيز .. لا تنسآني بالحلول معك .. :d

**gray2008** · 07-01-2011, 03:53 PM

الاكورد 2008 ضمانها 3 سنوات او 100 الف كيلومتر ايهما اسبق

اذا سيارتك من يوم ماستلمتها من الوكاله ماعدت 3 سنوات فراح يشملها الضمان

وبرضو انت روح انشب لهم شويتين انشالله يمشونها لك خصوصا اذا كنت ملتزم بغالبية الصيانات