مشكووووور أخوي دحوم على موضوعك الحلوووو
وإن شاء الله يستفيدو الشباب منه وكل من زار هذا المنتدى يستفيد منه
ويعطيك العافيه وما قصرت
افضل طريقة للحصول على سيارة بالتفصيل الممل
اعضاء ومشرفي ومراسلي نادي محبي هوندا السلام عليكم ورحمة الله وبركاته كلنا على علم ان هناك عدة طرق للحصول على السيارة إما بالنقد (كاش) أو نظام التأجير المنتهي بالتملك أو عن طريق التقسيط حبيت ان اتطرق لها الموضوع وإن شاء الله نظهر بفائدة للجميع ، فنحن اناس نتكون من طبقات معينة ولكن اغلبيتنا وخصوصا في هذا الموقع بما اننا نملك سيارات هوندا وبالأخص الاكورد فإننا من الطبقة المتوسطة والطبقة الوسطى تتفرع إلى ثلاث فئات الأولى من تستطيع ان تشتري السيارة بالنقد والثانية من تستطيع ان تشتري السيارة بالتقسيط والثالثة من تستطيع ان تشتري السيارة بنظام التأجير المنتهي بالتملك عن طريق البنوك ، في السابق كان الإنسان الغني واضح فلم يكن هناك نظام تقسيط ولاتأجير منتهي بالتملك لم يكن متوفر إلا الكاش فيكون معروف لدى الجميع صاحب السيارة الفلانية فترى الناس ينبهرون لدى مروره او على كلام الناس العامية (مريش) ، اما الآن اختلف الحال فكل منا يستطع ان يحصل على سيارة بالطرق المذكورة اعلاه ، نقدر ان نقول مادام ان عندك راتب فإن امورك تمااااااام ، لكن في ظل ظهور العديد من الوكالات والعديد من فئات السيارات لدرجة ان بعض السيارات اخذت تتغير كل سنتين ، عطفي الاكثر على من صب ميزانيته (شراها كاش)في تلك السيارة على سبيل المثال 2007 اكورد وبعد شهرين تتغير الاكورد بالكامل بنزول 2008 ، فكلنا شباب وكلنا تخفق قلوبنا لتلك السيارات التي تتغير سنة تلوا الأخرى وكلنا يحب التغيير من شكل إلى آخر ومن وكالة إلى اخرى ، ففي هذا الموضوع اتطرق إلى فئة الشباب محبي التغيير ومن الفئة المتوسطة أما بالنسبة لآباءنا سيارة واحدة لمدة عشر سنوات مافيه اي مشكلة ، على سبيل المثال للتوضيح أكثر اشتريت سيارة (كاش) موديل 2007 سيارة آخر حلاوة نزل الموديل اللي بعده وتغييرت نفس الفئة اللي معك تلقائياً راح يطيح من قيمة سيارتك إذا كانت صفر (10000ريال) فمابالك إذا كنت ماشي بها اكيد اقل شيء (15000) ريال ومابالك إذا كانت امريكية أو المانية ومابالك إذا كانت 8سلندر ومابالك لو كانت من النوع الغالي القليل الإقبال مثل المرسيدس والبي ام ومابالك إذا كانت من اللون الغير مرغوب به ومابالك إذا اصيبت بخدوش او صدمة لاقدر الله وكل هذا راح يصير بسبب الإقبال على الموديل الجديد وترك الموديل السابق والشريطية ماراح يقصرون معك في كسر السعر فما هو الحل اتبع هذي الخطوات وإن شاء الله مـــــــــاراح تندم :
1- يجب ان نلغي سياسة (الكاش) لاتسوي لي فيها ولد نعمة وتقول لازم السيارة بإسمي وانا ولد فلان ، احتفظ بـ90% من المبلغ وضعها لمشروع المستقبل او لزواج او لدراسة خارجية افضل من ان تشتري السيارة (كاش) وانت تعرف انها راح يطيح سعرها لامحالة بسبب جشع اصحاب المعارض التجار وجشع الشريطية الله يعيننا عليهم اربحاهم في السيارة الواحدة تبدأ من 4000ريال بالنسبة للسيارات المنتشرة بين الشعب إلى 40000ريالبالنسبة للسيارات الفخمة الخاصة بالطبقة الغنية وانا لا أبالغ بهذا الشيء بل ربما اكثر .
2- سياسة التقسيط اصبحت مزعجة بسبب كثرة الشروط :(ومن ضمنها كفيل غارم وست سنوات اقل شيء عمل في القطاع الخاص ، واكثرنا شباب تونا متخرجين من الجمعة تونا مال بعضنا إلإ كم شهر والبعض ان كثر كمل سنة ، حتى ان سياسة التقسيط تجبرك على دفع دفعة أولى ضخمة وتقسيط شهري جامد يعني ضغط .
3- من كم سنة نزل عندنا برنامج حلوالا وهو (برنامج التأجير مع الوعد بالتملك) عن طريق البنوك مواصفات هذا البرنامج على النحو التالي :
أ- تأمين شامل على السيارة حتى تنتهي فترة السداد لمدة 60شهر;) - لانروح بعيد الهوندا اكورد قطعها نار لاقدر الله صدمت ذاك اليوم وراتبك ضعيف او عليك التزامات ثانية من اين تجد المبلغ لتصليح السيارة وحتى إذا لقيت المبلغ راح تحطها في ورشة لأن الوكالة راح تكون اسعار تصليحها نار لكن مع هذا التأمين ريح بالك وإذا صدمت ماعليك إلا ان تتصل بالبنك التي تكون السيارة بإسمه وراح يحل لك الموضوع بكل سهولة ويسر وراح يصلح لك السيارة في الوكالة يعني انبسط ياعم ، غير ذلك لو تسببت انت في الحادث واصدمت بسيارة فخمة مثل البي ام او المرسيدس وانت شاريها كاش راح تضطر تبيع السيارة لتصليح السيارة الالمانية لكن مع هذا التأمين اصدم في هذا السيارات ولاتزعل انزل من السيارة وانت تضحك .
ب- المطلوب منك أثناء إخراج السيارة من الوكالة أو المعرض طبعاً بنظام التأجير المنتهي بالتمليك هو كشف الحساب ثلاث شهور والعمل وبطاقة احوال ورخصة سارية المفعول ورسم كروكي موضح بالمنزل طبعاً تختلف الشروط من بنك إلى بنك فالبعض منهم يزيد ويطلب صك المنزل و فاتوة الجوال والكهرباء:p .
ج- مطلوب منك دفعة أولى غالبية البنوك 10%:d من قيمة السيارة مع الرسوم البنكية اتوقع 3600ريال (البنك الأهلي) ويؤخذ منك ثلث الراتب وحتى لو كان معك التزام بقرض من بنك آخر ممكن تمشي امورك خصوصا لموظفي الدولة امورهم سالكة اكثر من القطاع الخاص .
د- مطلوب منك دفعة اخيرة مع امكانية تقسيطها على حسب البنك وعلى حسب دفعتك الأولى إذا كانت ضخمة فلا يحتاج إلى ذلك .
فوائد (برنامج التأجير المنتهي مع الوعد بالتلملك):
1- لنتكلم بصدق انتشرت السيارات في الآونة الأخيرة بسبب هذا البرنامج يعني حتى لو كان راتبك 2000ريال بإمكانك تحصل على سيارة .
2- حتى الاغنياء اتجهوا لهذا البرنامج رغبة منهم في الإستفادة من التأمين الشامل ورغبة في أن يستثمر الغني ماله في مشاريع اخرى افضل من ان يربطها في سيارة راح يكون سعرها نازل بعد كم سنة لا محالة .
3- بدت الراحة النفسية لدى المواطن عند إخراج سيارة جديدة بهذا البرنامج لعدم شرط كفيل غارم او معرف مثل برنامج التقسيط .
4- في حالة الملل من السيارة إمكانية التنازل عنها لشخص آخر تنطبق عليه المواصفات والشروط من البنك نفسه وايضاً مطالبة المستأجر السابق للمستأجر الجديد بنصف الدفعة الأولى على اقل تقدير ، اكيد افضل من الذين شروها كاش ونزل فيها ماالله بها عليم .
5- امكانية تصريح قيادة السيارة لك ولأخوك على سبيل المثال .
ولكن لكل شيء اضرار كما له من فوائد :
1- عدم القدرة على السفر بالسيارة خارج دولتك إلا بتصريح من البنك .
2- يجب السداد في الموعد المحدد وإلا سحبت السيارة من امام بيتك .
3- عند شراء السيارة الجديدة مفتاح لك ومفتاح للبنك .
4- تجديد التفويض كل ثلاث اشهر فلا يمكنك المشي بالسيارة عند انتهاء التفويض .
5- الإستمارة بإسم البنك حتى تسدد كامل المبلغ .
6- عند تسديد المبلغ كاااااااش للبنك فالمطلوب منك فائدة البنك على حسب سنين استعمالك للسيارة .
7- انت المسؤل الاول على من يقود سيارتك خاصة عندما ينتج من قيادة الشخص الآخر اي اضرار .
هذهي تقريباً ابرز الأضرار ، ولكن كل هذه الاضرار نستطيع ان نسيطر عليها اذا اتبعنا شروط العقد المدون عند استلام السيارة .
أخيراً ، انا لست ضد من يشتري السيارة كاااااااااش فأنا اولهم:p لكن صراحة ندمت لأن السيارة اتوقع الآن لو ابيعها راح يطيح فيها 20000ريال ، فالكاااااااش رائع لكن كما اسلفت فهو لكبار السن لعدم اهتمامهم بعالم السيارات مقارنة بنا كشباب ، ايضاً للأغنياء لما امدهم الله من نعمة توفر المال إما من شركته او من مشاريعه الخاصة .
التقسيط رائع لكن شروطه تنطبق على الكبار في السن وكثر الهرب منه بسبب دفعاته الكبيرة وقسطه الشهري جامد ووجود شرط الكفيل او المعرف .
فمالك إلا برنامج التأجير المنتهي بالتمليك شروطه ميسرة للجميع خصوصاً فئة الشباب اصحاب الرواتب الضعيفة عسى الله ان يغنينا وإياهم من فضله الواسع ومن يفضل تغيير سياراته كل سنة او سنتين ليواكب العصر والتطور او لملله من السيارة نفسها .
آسف على الإطالة ياشباب لكن في نظري الموضوع مهم جداً وعسى ان تعم الفائدة بإذن الله للجميع وبإنتظار ;)تعليقاتكم واي خدمة احنا حاضرين ........
تحياتي لكم جميعاً------دحــــوم------- :d
مشكووووور أخوي دحوم على موضوعك الحلوووو
وإن شاء الله يستفيدو الشباب منه وكل من زار هذا المنتدى يستفيد منه
ويعطيك العافيه وما قصرت
شاكر مرورك اكورد 2007 وإن شاء الله نستفيد ونفيد ، بس بعض الشباب الله يهديهم اول مايشوفون الموضوع كله كلام طويل على طول يضغط الماوس والخلف عشان كذا اشوف الزيارات 16 والرد واحد واكيد مارد هذا الواحد إلا بعد ماتيقن ان الموضوع يستاهل ، طلبي من اللذين يأتون فقط للزيارة انهم مايردون على الاقل ينسخون الكلام الطويل والغثيث على قلوبهم ويحطونه في متصفح برنامج وورد وصدقوني راح تستفيدون بعد كذا ممكن تتواضعون وتردون وحتى لو مارديتوا مسامحكم .
تحياتي للجميع .....
دحووم شغل متعووووب عليه تشكر عل العمل الرائع
بالنسبة لي قلت الردود انا اتوقع بس اللي حرصين عل انفسهم ومعرفة مالهم وماعليهم هما اللي شافو الموضوع كامل ضروري يكون لك معرفة بكل المعلومات حتى لاتضيع وتخش في امور صعبه لاسمح الله
اشواقي لك
والله كل واحد له وجه نظر
بس انا ما بحب اكون مديون في كل الاحوال ..
قليل من مالك يعزك
ما في مثل ما تشتري سيارة كاش فرحتها على شراءها احلى من شراءها دين ..
يعني لما تشتريها تقسيط تحس إنها ما هي حقك ..
أخي دحوم,,
جميل موضوعك
لكن أنا عن نفسي لاأويد التأجير المنتهي بالتمليك ,,
1- إختلاف المفتين على تحليله لانه عقدين في عقد واحد
2- كثرت القصص اللي سمعناها والمشاكل
3- خرابيطه كثيره ومشاكله كثيره
4-وش فايده السياره إذا ماكانت باسمك
5-وجهه نظر
((اختلاف الأراء .. لا يفسد للود قضية))
تحياتي,,
موضوع رائع بمعنى الكلمة اخوي دحوم و انا من ناحيتي اشوف برنامج التأجير مع الوعد بالتملك رائع وناجح خصوصا عندنا .
أنا سيارتي شاريها كاش دافع فيها 78000 ريال الأكورد السبيشل أول مانزلت 2006 و مرتاح وما أخفيك أنا الوالد إللي أشترالي السيارة .
فقبل ما أشتري السيارة طلبت من الوالد غنها تكون تأجير منتهي بالتمليك قال الوالد أبعد عن هذا النظام قلت ليش قال ماتقدر تنام في الليل تجيك وساوس و إنك تعتبر مديون و اكثر مايتعب الرجال الديون .
لأن الوالد أشترى من زمان جراند ماركيز موديل 91 كانت قيمتها كاش 124000 ريال فكان يعرف واحد في الإدارة حقت الوكالة وخلاها تقسيط بسعر الكاش .
سدد أول شهر وثاني شهر و ثالث شهر جاهم ودفع المبلغ الباقي كاملا .
قالي الوالد طيب إذا إنت توفيت لاسمح الله حيكون هذا دين في رقبتك و حتتعذب في قبرك بسببه .
هو أكيد و معروف إن قلة من الناس إللي تشتري الكاش لكن تجيلهم نفسيا تلاقيهم مرتاحين وماهم شايلين هم شي .
أما إللي ياخذ السيارة إيجار بالتمليك لنفرض شخص راتبه متوسط مثلا 10000 ريال .
قسط السيارة في الشهر 2000 ريال . راتب الخادمة 1000 ريال . فاتورة الكهرباء 300 ريال . توفير إيجار الشقة إللي ساكن فيها بمعدل 2000 ريال شهريا .
كم يبقى من الراتب ؟؟؟؟؟
4700 ريال ..... هل تقدر تعيش بهذا المبلغ إنت و زوجتك وولدين مثلا ؟ أتوقع الشي هذا صعب جدا .
أحسن للواحد إنو يمشي مع المثل القائل ( مد رجلك على قد لحافك ) .
خذلك سيارة كاش مو مهم النوع لكن الأهم إنها توصلك المكن إللي تبغاه ويازين السيارات الصغيرة في الزحمة .
مشكور على الموضوع المميز والرائع أخوي دحوم .
المشاركة الأصلية كتبت بواسطة أبو درب
أخي دحوم,,
جميل موضوعك
لكن أنا عن نفسي لاأويد التأجير المنتهي بالتمليك ,,
1- إختلاف المفتين على تحليله لانه عقدين في عقد واحد
2- كثرت القصص اللي سمعناها والمشاكل
3- خرابيطه كثيره ومشاكله كثيره
4-وش فايده السياره إذا ماكانت باسمك
5-وجهه نظر
((اختلاف الأراء .. لا يفسد للود قضية))
تحياتي,,وأزيد سبب مهم جدا ، الكوريلا فيها فئة قيمتها نقد 50 الف ريال ، لما تسأل عن قيمتها بالتأجير تطلع عليك بحدود 78 الف ريال ، على 3 سنوات ونص ، يعني الزيادة ضربت فوق الـ 50% من قيمة السيارة .
ولو أخذتها تقسيط تطلع عليك بـ 64 الف ريال .
بعدين شغلة التأمين خارجه من تحت فلوسك ، لان التأمين الشامل عند التعاونية للتأمين ما يزيد بالسنة عن 1200 ريال ولو قلنا التأجير على 5 سنوات يا رجال مو لازم 3 ونص 1200 × 5 = 6000 ريال .
شفت الغبنة كيف .
أعطيك قصة
أخوي شاري فورد مونديو فل اوبشن بنظام التقسيط اللي تكون السيارة مرهونة باسم الشركة حتى يخلص الاقساط ، يعني تأجير بدون دفعة أخيرة .
هذا هو ورطان فيها لانه دفع دفعة أولى حوالي 14 الف ريال ، ومدة التقسيط اربع سنوات ، راح منها سنة ، السيارة ما جازت له لكثرة خراباتها الاليكترونية وتعقد تصليحها الا بالشركة اللي يوم شفت اسعارها قلت والله وكالة الهوندا رحمة ، غير قطع الغيار الاستهلاكية الفاحشة الغلاء .
هل يرضى واحد ياخذ منك سيارة مستعملة ويكمل أقساطها اللي ممكن تصير على ظهر المشتري الاول قرابة 50 الف ، يا اخي هذي قيمة سيارة جديدة بالتقسيط ، بعدين الدفعة رايحة رايحة على اخوي ، لان الشركة تقول لنا بواحد يكمل الاقساط انت او غيرك ما يفرق لكن الدفعة الاولى بكيفكم تاخذونها او تاخذون نصها من المستعمل الجديد للسيارة احنا مالنا علاقة .
وهذا هو صابر عليها ، رغم اذلال الشركة اللي كل شهر مرسلين له رسالة على جواله سدد وإلا سيتم سحب السيارة ، هذا وهو مسدد اجل لو تأخر شهر ، طارت الفلوس اللي دفعها .
الله يغني الجميع عن الحاجة للشركات ، والله انها جشع بجشع ، وتشوف مالك يسرق وغصب عنك توافق لانك تحتاج سيارة .
يعطيك العافية
هنووي ، بحرق ، أبو درب ، أكورد ، إنسان يعطيكم العافية على مروركم الكريم لما قريت ردودكم استنتجت ان هناك معارض وهناك مؤيد وهناك مؤيد إلا حد معين ، لكن ياشباب ارجع واقول ان برنامج التاجير المنتهي بالتمليك رائع بمعنى الكلمة لثلاث فئات من المجتمع :
1- إلى من يصيبهم الملل السريع من السيارة حتى لو كانت آخر موديل .
2- إلى من لديهم دخل محدود اقلها راح يتمتعون بتأمين شامل وحلاوته إذا كان من الوكالة حيث تتغير القطعة المصدومة تلقائياً .
3- إلى من يمشون وراء الموديلات الجديدة ومن عندهم حب وشغف للسيارات التي تتغير بشكل مستمر فهذا البرنامج رائع بالنسبة لهم .
مااحد ينكر ان الكااااااش رائع لكن في حالتين :
1- إذا كان من الوالد .
2- إذا كان اللي يشتري كاش مايهتم بتغيير سيارته إلا كل ست سنوات وفوق فيصبح مرتاح البال بحيث انه لايعاني السحب الشهري من راتبه لأجل قسط السيارة .
البعض رد وقال حلاوة السيارة تكون بإسمك انا معاكم انها اريح وفشخرة اكثر قدام الشباب لكن بعد كم سنة راح ينطفىء بريق سياراتك لظهور سيارات جديدة لدرجة ان سيارتك ماتجيب نصف الكاش اللي دفعته .
واقرب واحد يحب الكاااااش هو والدي بحيث ان ماعنده ولاقرض وماستر كارد من البنك ويحس ان الدين ربط على الرقبة ويسبب عدم الراحة والقلق ، لكن بالنسبةلي كوني انني لست متزوج ولا علي اي التزامات مادية والوالد بنعمة ولله الحمد والمنة بحيث لايحتاج من راتبي اي شيء فهذا البرنامج مناسب فيمن هم في حالتي .
اما اللي عندهم التزمات كثيرة مثل البعض اللي ذكر راتب الشغالة والسواق والفواتير هذا هو الوحيد اللي انصحه بالكااااااااش .
وشاكر لكم مرورك ويعطيكم العافية .
مشكوووو اخوي دحوووم على الموضوووع
بس بعض برامج الايجار المنتهي بالتمليك غير محلل شرعا
السلآم عليكم ورحمة الله وبركاته
آخــوي دحــوم
آنآ أأيدك 100%
خآصة مثل حالاتي (الدخل المحدود) ’’’
لآنيب قادر آجمع حق كآش ,,
وش آسوي آتم من غير سياره؟؟
بعدين اللي يقولون انه محرمه شرعاً
آخوي اللي محررم لو كان عليك دفعة آخيره لتملك السيآره
والآن آغلب البنوك بدون دفعه آخيره يعني بعقد وآحد
وآنا آن شآء الله بطلع لي سيآره إيجار منتهي بالتمليك بس آنتظر الى آخر لحظه:d
حتى يصير عبدالله هآشم يوزع سيآرآات ببلآش >>===>>
فوتكوو بعافيه
مجهود رايع وانت تكلمت علي الموضوع من جميع جوانبه وماقصرت وجزاك الله خير
وكلام عن التاجير حلو. تاخذ سياره من 9 شهور الي سنه تاجير وتبدل بموديل اخر اذا كنت من الناس اللي يحب يغير كل سنه
وكل عام والجميع بخير وبصحه وعافيه
بعدين فين يودوها السيارات حقت التأجير المنتهي بالتمليك
تروح لعبد الله هاشم
يعني ممكن بعدين اروح اشتري وحدة من عندهم تكون نص استخدام .. مثلا
قد تكون فرصة
واحد اخذ سيارة قعد فيها كم شهر مثلا .. بعدين اخذها كاش ويكون استخدام مثلا ثلاث شهور واخذها بسعر اقل مثلا 5000 الاف أو 7000 الاف طبعا اقصد كاش
في قسم عندهم كذا .. السيارات استخدم حقت التأجير
فهد الشمري : شاكر مرورك بس يقولون ان طاعك الزمان ولا طيعه نادر جداً تجد شخص جالس سنوات كثيرة في عمله اعوذ بالله تحس حتى تغيير الشغل بين فترة وفترة طالع موضة عند الشباب فكيف يقبلون بنظام التقسيط وغير كذا احس انهم عقدوه زيادة عشان تتجه لبرنامج التأجير المنتهي بالتمليك تلقائياً وغير كذا اكثر اللي يتجهون لبرنامج التقسيط ناس كبار في السن او اقل شيء في الثلاثينات يعني كذا ولا كذا انت شاب جامعي توك متخرج وراتبك ماشاء الله يعني اكيد مالك إلا كم شهر وزين إذا مر سنة وودك تفشخر بسرعة مالك إلا برنامج التأجير المنتهي بالتمليك وانا مستعد احط تصويت لشراء السيارة عن طريق (الكاش) أو (التقسيط) أو (التأجير المنتهي بالتمليك) واتوقع راح تصل نسبة التأجير إلى 70% يعني لولا الله ثم هذا البرنامج كان ماشفنا السيارات آخر موديل مع الشباب ومنتشهر بكثرة .
Accord 4 Ever : شاكر مرورك الكريم وانا معاك في كلامك كلام سليم .
Fmamry : مشكور على مرورك وكلامك صحيح ويعطيك العافية .
بحرق : تلقاها بكثرة في المعرض خصوصا لما يماطل المستأجر بعد سحب السيارة منه تكون ماشية 5000-10000وتكون نظيفة جداً ، والبعض الآخر يحولها إلى شخص آخر لتكملة التسديد إلى خامس سنة ويعطيك العافية وشاكر مرورك .
صحيح الدين يجيب الهم.. لكن
لو انا موظف وابي سياره متوسطه.. خلنا نقول بـ 80 ألف..
اما اني اجلس اجمع في هالمبلغ سنتين ثلاثه عشان اشتريها كااااش.. والعمر يمشي...
أو اخذها اقساط وامتع نفسي واتهنا بشبابي.. والرازق الله
من جد هذي وجهة نظري بالموضوع
والزياده اللي تطلع على سعر السياره بالاقساط (اسمها فوائد بس هم يلفون ويدورون) لها مبررات:
التضخم في الاقتصاد يزيد في السنه بمعدل 2-3 بالميه.. الا في السنه الاخيره ارتفع فوق ال 4%
يعني البنك سلفك 100 الف اليوم... لو ترجعها لهم 130 الف بعد ثلاث سنوات مثلا.. بتكون انت الربحان لان العمله فقدت قيمتها و القوه الشرائيه للـ 100 الف اليوم.. يمكن تعادل القوه الشرائيه للـ 130 الف بعد خمس سنوات
time is money
^
^
^
الللي فوق كله مجرد اراء وتصورات..
تشااااو :d
فليم ^^^
كلامك صحيح 100% و حاليا انا ماخذ دوره فقط علشان تعلمك كيف يعمل نظام التقسيط و نظان الاقتراض و غيره من الانظمه
يعني لازم يستفيد منك البنك
و احسن حل انك تاخذها كاش
و على كلامك يا دحوم ان الناس تحب تغيير سياراتها فهذا شي طبيعي بس غلط فادح
لو ان الناس تتمسك بسياراتها اكثر كان ما شفت سعر السياره يطيح
يعني مثلا اللحين راح ينزل موديل جديد للاكورد
شنو اللي يخلي الاكورد اللي عندنا يطيح سعرها ؟
الناس تبيع سياراتها الاكورد علشان تشتري الاكورد الجديد
يزيد عدد سيارات الاكورد المستعمله المعروضه للبيع في المقابل يقل سعرها عند البيع
يعني زايادة عدد السيارات الاكورد المستعمله المعروضه للبيع = يقل السعر للاكورد المستعمله المعروضه للبيع
لو انا و انت فلان و فلان نتمسك بسيارتنا اللي عندنا ماراح نشوف ان سعر سياراتنا يقل
لو تلاحظ
الكامري موديل 2006 و انت نازل طاح سعرها اول ما نزلت موديل 2007
بس رجع مره ثانيه ارتفع ليه
ظهور عيوب بالقير و صارت موديل 2006 قريب من الموديل الجديد
و طبعا وكلاء السيارات الامريكان طلبو ارجاع السيارات و صلحو العيب
طبعا الكلام هذا عن امريكا
عندنا بالخليج وكلاء تيوتا عتمو على الموضوع و قامو يصلحون العيب بمجرد دخول السياره للصيانه العاديه دون علم العميل
و اذا تبون تشوفون العيب هذا دورو لكم على واحد اشترى كامري موديل 2007 اول ما نزلت بالخليج و ماوداها للصيانه ابد
و خلوه يدوس و يعدي النمره الثالثه
و حسب ما عرفت ان العيب كان بالدفع الاولانيه من السياره
معشي الجن
http://www.flickr.com/photos/ashknaney/
Raptor eco boost... anyone whana try his luck !!? XD
Flame: شاكر مرورك وكلامك عين الصواب من الفاضي يجمع كاش لمدة لاتقل عن ثلاث سنوات يصير الواحد منا قد فكر يتزوج او فكر في اشياء ثانية اصلاً من اللي قادر يجمع هذين الايام خصوصاً إذا كان ماعنده دخل إلى الراتب كثرت المصاريف وارتفعت الاسعار واكلنا هواء يالجيل الجديد .
Black Accord : شاكر مرورك وانا معاك ان اللي يغير سيارته مخطىء خصوصاً اللي مايكدها سنوات معدودة ، وبالنسبة للشريطية فمعلومة جديدة انهم بيرفعون اسعار الاكورد الجيل الحالي بسبب ان 2008راح تصير غالية وايضاً مايندراى عن عيوبها وايضاً انها ستكون تايلندية الصنع وهذا الكلام مذكور في جريدة الشرق الأوسط .
مجهود رائع وانت تكلمت علي الموضوع من جميع جوانبه وماقصرت وجزاك الله خير
تقبل تحياتى...:
موضوع شيق ويستحق التثبيت
ياخسارة : شاكر مرورك والجهد مايكمل إلا بوجود مشاركتك .
مغلي : شكراً على التأييد .
شباب احسبو معي
كامري دفعة اولى 16000 + 1570في60 شهر +دفعة اخيرة 18000 تقدر تقسطها على البنك
128000 الف ريال
قيمتها كاش 86 الف
اشتريها بـ 86 الف واذا حبيت ابيعها بعد سنتين بـ 60 الف احسن من اني ادفع 128 الف واذا بغيت ابيعها بعد ماخلص اقساطها ماتجيب لي حتى 30 يعني خساره 100 تقريبا
غير الحكم الشرعي للتأجير منتهي بالتمليك وحكمه من شيخ لشيخ
واذا على التأمين راس ماله الف ريال
اسف على الاطالة
كلامك صح ياhonda Accord لكن كلامي ينطبق على اللي راح يغير سيارته خلال سنة او سنتين اما تخلصها بالكامل حتى تنتقل بإسمك فأنا انصحك بالكاااااااااش اكيد مافيها كلام ويعطيك العافية على مرورك .
الف شكر لك وكلامك فوووق رووسنا مو غثيث والله يجزاك خير والله يغنينا
مشكور على الموضوع
أنا أرى انها حلوه إذا الواحد محتاج لسيارة و راتبه قليل وما يقدر يطلع أقساط
فالحل هو نظام التأجير
أما اللي يغير كل شوي فأقول الله يعينه فلوسه تروح على حديد.....إلا إذا كان ولد نعمة هذا شي ثاني
والواحد يفكر أدفع في كورولا 78 ألف مثل ما تفضل فيه أخوي انسان.....صراحه ما تستاهل
وشوف القهر لما ينزل الموديل الجديد وانت قاعد تدفع على الموديل القديم ومش بإسمك بعد
غير الهم الواحد اللي يفكر فيه نهاية كل شهر تدفع الإيجار
أحسن شي الواحد يشتري سيارة كاش ويخليها معه 10 سنوات
وبعدها يبيعها ويشتري وحده ثانيه
بيوفر كثيييييييير
هذا مجرد رأيي
شاكر مرورك accord 05 والتيما واحترم وجهات نظر كل واحد فيكم على راسي من فوق .
ضوابط المشاركة
مواقع النشر (المفضلة)