لأهل الخبره بالسيفيك ال 94 ... حياك الله

**أكورداوي** · 27-06-2006, 01:16 AM

حبيت أسألكم ياشباب ياأهل الخبره والذوق ,,

عن السيفيك موديل 94 ,,

كيف زينه ولا لا ؟ هل فيها عيوب في هالموديل يعني عيب جامد .. لأن أخوي طاقه براسه,,

لأنها معبثه وجاهزه له وأنا نصحته يبعد عنها ورفض الا يبيها فقلت خلني أسأل الشباب وان شاء الله انكم ماتقصرون ..

**اكورد الجنوب** · 27-06-2006, 08:08 AM

أكورداوي
والله انا ماني داري وش اقلك موديل 94قديم شوي حتى ولوكانت هوندا بعدين انصحك بالذهاب الى موضوع معلومات لمن يريد شراء سيارة مستخدمه.
وتقبل مروري

**accord-se** · 27-06-2006, 11:58 AM

مو بس أخوك الي وده يسوق سيفيك معبث .. ههه انا بعد

الي اعرفه ان قطع الغيار لاسمح الله لو صار عليك شي من الصعب تحصلها وإذا كانت امريكيه الله يفتح عليك

في فرق بالقطع الأمريكيه والخليجيه وهذا الي يزيد الطين بله

**أبان الطباع** · 27-06-2006, 06:27 PM

أنا عندي سيفيك 96 هاتشباك، لم أعاني مسبقاً من قطع الغيار، كل القطع التي احتجتها متوفرة
حتى القطع الخارجية إلا النصف الخلفي من الأبواب إلى الصدام الخلفي لأن شكلها يختلف عن السيفيك العادية.
لا أعلم عن الموديل السابق لها الـ 94 لكن ما أعلمه حقاً أن انتشار شكل 96 كان أكبر بكثير مما أظنه يؤثر على فطع الغيار!
طبعاً كل ذلك يعتمد على نظافة السيارة أولاً وسعرها ثانياً وبالتوفيق.

**Accord 4 EvEr** · 27-06-2006, 07:32 PM

من وجهة نظري ابتعد عن السيارات المعدله ...

ممكن تكون مسمكره والا مخرومه عشان يركب قطعه ..

وماتدري هل القطع اللي مزود فيها اصليه والا اي كلام عشان يبيع السياره ..

والقرار الاول والاخير لك انت واخوك

فوتكوو بعافيه