فالحديد ولا فينا .... صدمت بالاكورد 2008 .... ((صور))

**..rec0o0o..** · 23-05-2008, 05:32 PM

السلام عليكم

كيف حالكم طيبين

قبل امس صار علي حادث بالاكورد :(

كنت جاي مع شارع وسيع شوي والناس تديور فيه سلام سلام وانا جاي امشي عادي جا شايب

بيديور :p كبست العالي ووقف ويوم قربت دعس واظرب فرامل بس يمدي قريب مرره قمت سحبت جلنط وكسرت يمين <<< يقاله بيدخلها حاره

المهم انها دخلت بس كان فيه دينا واقفه وصدمتها بالركن الخلفي الايسر << كذا مكتوب فالتقرير :d

وقدر الله وما شاء فعل الاضرار ولله الحمد ماهيب قويه وكويس انها ما جت بالوجه كانت اقوى

....

انا ما صدمت فالشايب صدمت فالدينا والدينا ما جاها اي شي

جا المرور وحط الخطأ على الشايب 100%

وبيصلح الموتر عالتأمين قالوا رح قدرها

رحت الخميس لقيتهم مسكرين

وبكره بروح لهم ان شاء الله

بس كيف اصلحها صدام جديد واصطب جديد والرفرف ؟؟

.. وسلامتكم .. ;)

ملاحظه: الصدمه لخويي بس انا نزلتها

**Mr.CaR** · 23-05-2008, 05:37 PM

بسم الله الرحمن الرحيم ..

اولاً الحمد لله على سلامتك ..
كلّه حديد في حديد وكلّه يتعوّض .
والظاهر من الصور انه يبيلك اصطب ورفرف وصدّام وترجع سيّارتك زي الفُل ..

..

لا تتحسّر على شي راح ومضى ..
وانسى الأمس ..
وطنّش اليوم ..
وفكّر في بكره ..

تحياتي

**دحوم** · 23-05-2008, 05:59 PM

الحمدلله على سلامتك , وإذا ماخاب ظني اني انا شايفك اليوم وكنت مظلل نيكل وكنت شايل الصدام الخلفي كان وقت صلاة العصر (الجمعة) .

الحمدلله على سلامتك وماتشوف شر .

**Black Accord 2008** · 23-05-2008, 06:00 PM

لا حول ولا قوة الا بالله ..

الله يعوضك خير ان شاء الله ..

الواضح انه ..

اصطب + صدام + رقرق وبيكلف واجد ..

الاشياء الداخلية مادري بس ان شالله ماتحتاج شي

وعساها آخر المصايب ..

تحياتي

**B Useful** · 23-05-2008, 06:08 PM

الحمد لله ع السلامة اولاً واخيراً ..
دام منت دافع شي من جيبك ..
وتأمين الشايب هو اللي بيصلح ..

بتغير الاصطب ..
وصدام جديد ..
وتصلح في الوكالة (( يا انهم يسمكرون الرفرف .. بس بما انهم وكالة ومنت دافع شي ويدرون الفلوس ... بيقولون هذا بيتغير .. - لان التأمين هو اللي راح يدفع - ))

اتوقع الوكالة بيقدرون حادثك مع شغل اليد بحدود 15.000 ريال ...
ولو تصلحة لحالك برا .. ما ياخذ اكثر من 4000 ريال ..

**هوندا2004** · 23-05-2008, 06:43 PM

بل 15,000 وبرا 4000 شوف الفرق

المهم حمد الله على سلامتك وماتشوف شر وانشاء الله الله يعوض عليك بس لاتاخد على خاااطرك لانه كله حديد في حديد

تحياااااااااااااااااتي لك علاوووي

**AL5FY** · 23-05-2008, 07:25 PM

الحمد لله على السلامه

ونصيحه من شخص انصدم مرتين

وصلحت كل الحادثين على التأمين

الاول في الوكاله لكن السيارة طولت جلست في الوكالة حدود شهر وكلف التأمين 19004 تسعة عشر الف واربع ريالات

والحادث الثاني برضو على التأمين لكن قلت للتأمين مابيها تتصلح في الوكاله ابي ورشه الوفاء اللي بالصناعيه علشان تخلص بسرعه

والصراحه اني تحسفت لأن شغل الوكاله افضل من الورشة بمليون مرة

الزبده

لاتصلح سيارتك الا في الوكاله حتى لو جلست سنه

**AL5FY** · 23-05-2008, 07:28 PM

ملاحظه أخيره

اللوحة للبيع :d ^_^ :d

**أبوكرم** · 23-05-2008, 07:37 PM

الله يعوضك بخير منها
وبالنسبة للتصليح
دام انك منت دافع شي وديها للوكالة

**وهـمـ** · 23-05-2008, 08:37 PM

الحمد لله على السلآمه اخوي ..

ودهآ للوكآله افضل لك (f)

**عبدالعزيز11** · 23-05-2008, 09:58 PM

الحمدلله على السلامة

انا اقول لو توديه للوكالة دام انك منتب دافع شئ <<< ماكد جربت الوكالة
لكن وجهة نظر في ورشات تصلح احسن من الوكالة << تجربة شخصية^_^

**الـمـسـافـر** · 23-05-2008, 10:22 PM

الحمد لله على السلامه

جعلها اخر المصايب

الله يعوضك

التظليله مو كويسه لو تحط اسود تطلع

<<وجه نظر :d

**azooz252** · 23-05-2008, 10:59 PM

الحمد لله على السلامة

**&فارس&** · 23-05-2008, 11:01 PM

الحمد لله على السلامه والله يعينك ان شاء الله

**alfeed3** · 24-05-2008, 02:03 AM

الحمد لله على السلامة ,,,,,,, قدر الله وماشاء فعل
مكتوب والحمد لله سليمة والحديد يتصلح والشباب ماقصروا معاك .

**أكورد1449** · 24-05-2008, 02:31 AM

الحمدلله على السلامه

مدامكـ منتب دافع شي ودها الوكاله افضل لكـ

تراها2008

توها على الورش

**ACCORD 747** · 24-05-2008, 07:59 AM

الحمد لله على السـلامـة ومـا تشوووف شـر يا الغاااالـي .. في الحـديد ولا فيـكـ . . .

وعلى كـلام الشبـاب ووودهـا للوكـالـة تراها باااقي ع الضمـان لا تووديها للورش . . .

تحيـاتـي لكـ . . .

**اكورداوي2008** · 24-05-2008, 09:35 AM

الحمد لله على السلامه والله يعينك ان شاء الله

**هـ ن ط 425 badoory** · 24-05-2008, 09:43 AM

الحمد لله على سلامتك ...أهم شي سلامتك
أما السيارة الله يعينك على تصليحها ..أنشاء الله ترجعلك مثل ماكانت

**B я H o ற** · 24-05-2008, 10:57 AM

'
'
'

حمداً لله على سلامتك
اهم شي انك سليم

**..rec0o0o..** · 24-05-2008, 03:32 PM

الله يسلمكم :o

وزي ما قلتو شكلي بوديها الوكاله وبس

لكن باقي التقدير اذا قدرولي بـ5000 وهي تكلف 8000 مين بيدفع الـ3000

انا والا التأمين والا مين :d

يعطيكم العافية على تفاعلكم

**هوندا2004** · 24-05-2008, 04:20 PM

المفرووووض الشايب الي سوا لك الحاااادث
وانشاء الله الاعضااااء يفيدووك اكثر

**Jack** · 24-05-2008, 04:51 PM

الحمد لله على السلامه

**ـبطرانـ2005ــ** · 24-05-2008, 04:51 PM

الحمد الله على سلامتك

<<<<خوووفتني عليك ياخي

ما تشووف شر

الي يبيلك اصطب جديد

والرفرف سمكره والصدام<<<ما اشووف له صوور بس اذا هو منشق تلحمه من فيبرجلاس<<<وترش

والحمد الله انها ما وصلت التانكي

ودمتم