هل بالإمكان إيجاد حل يمنع إنتشار هذه الظاهر بالأكورد

**بلا حدود** · 11-07-2008, 12:19 AM

^
^

ياشباب الحاله المتخلفه اللي بالصوره هذي شكلها بتخليني اكره الاكورد

الاكورد تتسم بالفخامه والرزانه وحجمها كبير , برأيي انها تنظلم بالتفحيط عليها

ماودكم تشوفون حل مع شعب فك الطيس والتلميع بالبيبسي

طيب وشرايكم بنشر اشاعه كالتالي

ان الاكورد 2008 اذا زحفت فيها عيب مصنعي واحتمال ينفك الكفر الخلفي بالكامل وتنقلب السياره لا قدر الله

تتوقعون يرجعون هالفئه الضاله الى منبع ثقافتهم المتخلفه ( كامري )

مارأيكم انتم حول هذا الموضوع , وهل بالإمكان إيجاد حل ؟

**mo0odi^_^** · 11-07-2008, 12:35 AM

انا حاب اقول لك شي عزيزي

انا معاك اكره جدا ظاهرة التفحيط و ودي تختفي للابد

بس انت اللي تشوفها المقاطع اغلبها سيارات مستأجرة يعني مو تعبان فيها

واكثر هذه الفئة المتخلفه من الناس ياخذونها عشان يجربون السيارة و يقول انا اول واحد مفحط بهوندا موديل 2008 و الا 2009 مثلا

يعني من باب الشهره ,,, يعني اللي زي كذا يحب يحفط ما يفكر لا قدر الله يروح ينهي روحه بنفسه

ياخي اذا ما تفكر في نفسك و لا تبها في ناس انت غالي عليهم و لا يرضون انو نملة تقرصك فما بال اذا جو الشرطة يتصلون على البيت و يقولون ولدكم فلان فارق الحياة في تفحيط ( الله يحفظنا جميعا )

انا والله ودي يعني تنتهي كل الظواهر اللي زي كذا تفحيط - سرعة و من هذا الكلام

تحياتي ,,,

**أبو الريش** · 11-07-2008, 12:42 AM

والله على حسب ما اشوفه هذي هي القصة

مراهق ما خلى حاره والا ترك بصمة فيها ----> لا قدر الله قتل له كم شخص -----> صار مطوع وينصح الناس

وهذا ياخوك الي اشوفه

يعني انا ما شفت ولا مفحط تاب غير هذي الحالة معظم المفحيطين هذي توبتهم تكون الله لا يبلانا بشر التفحيط

لكن تصدق ما ألوم المفحطين

اذا كانت الدولة فيها نسبة البطالة تجاوزت الآن 27%

شي طبيعي بنشوف مثل هذي مظاهر

-----------------------------------

الحـل كالتالي:-

1- إعمــار الأحياء ذات مساحات واسعة لكي يضيق الخناق على المفحطين
2-إلزام مخالفة شديده على المفحط بحيث تكون بالجلد وتكون مخالفة حقيقة وليس فقط كـلام وإعلان
3-فتح نوادي و حلبات خاصة للشباب لكي يستطيع المفحط تفريغ همومه بحيث تكون مجهزة تجهيزا كامل و تماما لهذه الهواية لدى الشاب
4-تـشغيل الشـاب السعودي بأي طريقة . المهم تكون عنده حاجة ينشغل فيها

واذا تحققت هذي الحلول

فبإذن الله فبتقل هذه الظاهرة بشكل كبير ;)

وتقبل تحياتي

**mo0odi^_^** · 11-07-2008, 12:44 AM

اصلي ابو الريش

عين العقل بس وين اللي يطبق الكلام

**the pirate** · 11-07-2008, 01:04 AM

انا اوافق ابوالريش في كلامه ...

وتسلم اخوك على الطرح ...

**عبدالعزيز11** · 11-07-2008, 04:44 AM

اخوي افهم من كلامك :
خلو الناس تفحط لكن لا يفحطون بأكورد
يفحطون بكامري عادي !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!

**naio0of** · 11-07-2008, 05:26 AM

السلام عليكم ورحمه الله وبركاته ..

مشكوور اخوي على طرحك الموضووع ..

وشوف اولا مافي سياره الا لازم يكون مجموعه من الناس يقبحونها من تفحيط و غيره ..

وثانيا انت تقصد بموضوعك فحطو بالكامري و خلو الاكورد بحالها ....

وثالثا .. اايد اخوي ابو الريش

**Jack** · 11-07-2008, 05:34 AM

نفس الكلام اايد أبو الريش

تحياتي..

**MA6ANSH** · 11-07-2008, 06:43 AM

وش تسوي وانا اخوك اذا البي ام الـ 745 الارج فحطواا فيها !!!!!!!!!!! ما تبغاهم يفحطون بأكورد ؟

لا وازيدك انهم قلبوها بعد !! لكن وش تقول.؟
ياخي يستاجرون ويفحطون بسلامتهم بس لا يسرقوون مواتر خلق الله ويكسرونها .. <<< حاقد على اللي يفحطون لان قد صدموه هههههه

**زووم6** · 11-07-2008, 07:34 AM

ابشرك اخوي ترا قبل كم يوم مفحطين على لكزس 460 الجديد

والاكورد من 2003 وهو مدهرين تفحيط فيها ويفضلونها على الكامري

شوف صور لكزس خخخخخ:d

**زووم6** · 11-07-2008, 07:39 AM

http://www.arb-up.com/files/arb-up-2008-6/qbf66220.jpg

http://www.arb-up.com/files/arb-up-2008-6/Edi66288.jpg

http://www.arb-up.com/files/arb-up-2008-6/0kn66323.jpg

**HONDA_Accord** · 11-07-2008, 12:38 PM

البي ام 745 اخر موديل نزل 2005 واللي فحطو فيه بي ام يزيد الراجحي عطاه هتلر وقال روح فحط فيه وقلبه له وكان نوعه 750 موديل 2007 لان بدلو 745 في سنة 2006 وحطو بداله 750 لكن عموما مثال ماقالو الشباب مافي مكان ولا في طريقه للضعفاء غير انهم يفرغون همومهم بالتفحيط ولو يسوون لهم مكان يفكونا من شرهم يكون احسن ومثل ماقالو بعد اذا البي ام فحطو فيها ماتبيهم يفحطون باكورد ؟

**mo0odi^_^** · 11-07-2008, 03:44 PM

يا زين السياكل بس

**delw** · 11-07-2008, 04:54 PM

يابن الحلال فرامل الاكورد نايمة جدا جدا جدا

**al_fars** · 11-07-2008, 07:02 PM

بصراحة...
أكره التفحيط

والمفحطين

**راعى الموتر** · 13-07-2008, 03:55 PM

يا شباب ابى رايكم وشوركم ولاحد يبخل علينا;)
خويى عنده اكورد2007 ويبى يركب مكيف خلفى مابين المقاعد زى السيارات الطالعه هل اليومين شكلى دوختكم:d:d:d:d
سئلنى ومافتده قلت مالها الا رجالها بس لاتفشلونى ومعشم فيكم خير يااطلق منتدى فيه مجال يتولف المكيف واذا لاسمح الله فيه مجال وين بيسويه وسلامتكم.......

**maged** · 13-07-2008, 04:49 PM

^^^^^^^^^^^

الموضوع في وادي وأنت في ودياااااااااان ...!:d

**عشقي الأول** · 13-07-2008, 04:56 PM

من جد :d

**ـبطرانـ2005ــ** · 13-07-2008, 10:36 PM

يا حبي لكم بس;)

**راعى الموتر** · 13-07-2008, 11:41 PM

الظاهر انى ضيعت البيت ههههههههههههههههههههه :d:d:d بس كنت بكتب موضوع ماادرى الا انا ناط بالموضوع ذا بس انبراشه خريش:d:d:d

**جريح الاكورد** · 14-07-2008, 01:22 AM

لقد اسمعت لوناديت حيا

و لكن لا حياة لمن تنادي

**ابو سعود** · 14-07-2008, 01:50 AM

الله لا يوفقه واحد مفحط وانا كنت توني مطلع الهنادي على شارع المعذبين حول بيتنا (الرياض )ويجيك هوندا 2008 بن كلب بغا يشيل صدامي الامامي والدوريه الجهه الثانيه مدري وش يسوي

بس خل عنك والله ربك ستر تغت تجيني سكته واموت