.. الحيرة تذبح .. :(
بسم الله الرحمن الرحيم
السلام عليكم جميعا
انا جديد على عالم الهوندا او بالاصح جديد على عالم السيارات اليابانيه :o
بكل إختصار ..
يا جماعه انا الحيره ذبحتني بقوه ..
يعني مدري وش اشتري
يا اكورد 2007 وكاله لونها ذهبي تقريبا وهذي داخله مزاجي بقوه بس ناسي هل هي 4 او 6 سلندر !! <== طبعا هي اول ما طاحت عيني عليها ..!
فيه خيار ثاني اللي هو اكورد 2008 بس ما اتوقع اني بشتريها خصوصا انها غاليه ولا ادري عن مميزاتها وعيوبها بعكس الـ 2007 اللي تقدرون تقولون شبه فاهم فيها .. (( ياليت احد الاخوان يزودني بأسعارها ..الكاش طبعا :d ))
جاني اليوم خيار ثالث
اللي هي كامري 2008 فل كامل سعرها تقريبا والله العالم انها بـ 84000 كاش
وانا حدودي من 85 فما اقل .. !
ابي منكم النصيحه الطيبه تكفون
إن شاء الله انكم بتبيضون الوجه ;) بس ركزوا لي على الاكورد 07 و 08 لاني ميال للاكورد اكثر بس ابثروني بقطع الغيار :(
النصيحه تكفون
و عذرا على الإطاله
في حفظ الله
انا بقول لك عن 08
سبيشل بــ 84 جنوط و فتحه وسيدي واحد و مكيف عادي و مخمل و بدون تخشيه و بدون كشافات و المساكات نفس لون السياره
فل اوبشن بــ 95 جنوط اكبر من السبيشل و 6 سيديات - جلد - مكيف الكتروني - و تخشيبه - بكشافات - والمساكات نيكل
فل 6 سلندر بــ 111 تقريبا نفس الفل 4 بس الفرق المكينه و الزينون و فيها نظام vsa التحكم بالسلندرات
قطع غيار 2008 ارخص من 2007 بـــ 40% تقريبا ...
ولا تنسى الشكل يختلف من 07 و 08 ...
وللحين 08 ما سمعت عنها عيوب ...
واي سؤال ثاني انا و الشباب حاضرين ...
وموفق
وعليكم السلام ورحمةُ الله وبركآتة
يا هلا و غـــلا فيك اخويْ ،
طيب أنت الآن تقول عندك تقريباً 85 ألف ،
ممتاز وحلوْ ، ^^
راح اقول لك شيء عن الكامري الجديد 2008 se
ذاك اليوم واحنا راجعين من الدمام ، دق في الشيارة صوت ما ادري وشْ ،
نزلنا شفنا اللحية طاحت اشوي ، طقيناها على فوق وركبتْ ><"
يعني كله شغل كبس × كبسْ ،
وذاك اليوم شفت كامري se بدون الزوايد الخلفيةْ ،
يعني الله يعينكْ عليهاْ ،
هذا غير الرجه اللي في الطريقْ ،
:
خذ لك يا أخوي أكورد 2008 سبيشلْ ،
ولا إذا حصل لك فل كامل بـ 85 مستعمل ونظيفْ ،
لا تترددْ في شرائها ،
وأنا أقول لك امس وانا راجع من الرياض أمشي في السيارة 200 ومقصّر النور اللي ع الطبلونْ ،
أسأل صديقي اللي ورى ؛ تتوقع كم أمشي بالسيآرةْ ، ؟!
قال ها 140 ، 160 بالكثيرْ ،
يعني حتى اللي في السيارة ما حسْ ،
ما شاء الله ثبات وقوّة وقطع رخيصهْ ،
ولا تنسى الوكيلْ الغبي والصيانة الأغبى لـ تويوتا ،
وغير كِذا الهوندا ياباني والتويوتا استراليْ ،
وفي الأول والأخير الخيار لك انتْ ،
ولا تنسى يا عزيزي صلاة الاستخارةْ ،
وشسمه ؛ عسى بس ما طولت عليكْ :d
لا هِنت عسى ~
بصراحه اخوي كشكش ما قصر :d
لكن بزيدك بشي بسيط
ادخل قوقل واكتب حقيقة الكامري 2008 وشوف ايش راح يطلع لك
ونصيحة اخ والله مافي مقارنه بين الكامري والهوندا
لحد يقارن الهنادي بالكامري رجاء
معي اكورد 2008 بالخطوط راسيه
قبعت وصلحتها ولا أحلى
نضام امان
مو كامري شغل كبس
وبعدين بقولك شي الكامري معروفه
بالكبس صح لها قوتها بس ما تعيش مثل الهنادي.
الهوندا لك وللزمن.
^^^^^^^^^
أصلي والله
الهوندا لك وللزمن
بس مو فول (وتميس) الله يصلحك:d
أنصحك بأكورد سبيشل
وإن كنت تبي الفل أشتر مستعمله أفضل لك من كامري جديدة
ضوابط المشاركة
رد مع اقتباس
مواقع النشر (المفضلة)