مثلا لو رحت للمعارض ولقيت ؟؟؟!

**ابو ناصر** · 17-09-2006, 01:56 AM

السلام عليكم ورحمة الله وبركاته

نعتذر لطرح الموضوع في هذا المكان واتمنى أن يكون المكان الصيحيح لطرح هذا الموضوع . . . ندخل في صلب الموضوع
كيف حالكم اخواني الغالين .. والله انها فشله اول موضوع والصراحه المفروض انا
نسلم عليكم ونتعرف على بعض بقسم التعارف لكن .. لعل المفيد يختصر ..

اول شيء نبارك لكم بحلول (( شهر الخير وشهر الطاعه والمغفره ))
وثاني شيء : الصراحه المنتدى ماشاء الله تبارك الله واضح عليه الحركه والله
يجعله ان شاء الله صرح شامخ في عالم السيارات والمنتديات يارب
وأن بختصر واببدى كلامي من الاخر
انا معزم بمشيئة الله تعالى (( هوندا أكورد)) لكن الحقيقه ماعندي خلفيه
عن 1- مواصفاتها الداخليه مثلاً 4 سلندر هل الزجاج عادي والا كهرب والا مايجي كهرب
والا تجي اصلا كهرب

2- طبعا ان اتمنى انه يكون فيه موضوع متكامل عن الأسعار والمحركات .
وانا هنا عندي سؤال ؟

مثلا انا (وان شاء الله )اني عزمت اروح للمعارض وابشتري هوندا اكورد 2006 (فتحه -قير اتوماتيك ) فقط
كم تتراوح اسعارهن طبعا اهم شيء النظافه وعادي ممشى الموتر مايهم .
عارف ان دبلت تسبودكم :d بس عشقي للهوندا هو اللي اجبرني على كذا
دمتم بود يارب
اخوكم ابو ناصر

**ذياب** · 17-09-2006, 07:10 AM

انا انصحك ب2005 فل كامل ب60

**ابو ناصر** · 17-09-2006, 12:59 PM

الله يجزاك خير ذياب

ننتظر نصائح اللاخوة الباقيه

دمت بود

**ابو ناصر** · 17-09-2006, 01:01 PM

وش

**اكورد لؤلؤي** · 17-09-2006, 02:14 PM

هلا بك اخوي ناصر

اول شي بالنسبة لسؤالك عن القزاز لـ ال4 سلندر

فاأقولك الاكورد ماتجي قزاز عادي ابد

حتى السياحي

وبالنسبة للسعر جديد في الوكاله بـ 71 الف

لكن ماادري هل بتلقى 2006 ولا خلص

لان 2007 نزل

وفي المعارض انا مره لقيت 2006 فل كامل مخمل ماشيه 9000

لون كحلي بـ 73 الف بس

يعني اتوقع السبيشل الي هو فتحه وقير تماتيك بيكون ارخص

لكن كم بالضبط ماعندي علم للاسف

واتمنى اني افدتك يالغلااا

واي شي ثاني انا حاظر...

**الماستر حنوم** · 17-09-2006, 05:34 PM

تقريبا ياعيوني سعر السبشل مستعمل في 65000 واقل حسب النظافه
اما المواصفات
قير اتومتك
سي دي
سنتر لوك مع رموت مدموج بالمفتاح فخم زي الكزس
فتحه سقف
وبالتوفيق

**ابو ناصر** · 17-09-2006, 09:48 PM

مشكورين على مروركم وعلى طرحكم لبعض المعلومات الف شكر لكم والله يبيض وجيهكم

واللي عنده اضافة معلومات يفيدنا الله يجزاه خير

**دحوم** · 17-09-2006, 11:10 PM

اقولك شيء اول حاجة كيفك ابو ناصر شرفتنا والله ثانيا الاكورد ماتجي زجاج عادي كله كهرب ثالث شيء اتوقع راح تلاقي طلبك بــ70000ريال إذا كان الممشى شوي طبعا كلامي عن 2006 فتحة اوتو , والسيارة حلوة وانصحك فيها يعني في نظري افضل فئة من السيارات المتوسطة الحجم من حيث الشكل والمواصفات والعملية .

وبالتوفيق إن شاء الله يارب و اي خدمات احنا حاضرين .

**ابو ناصر** · 19-09-2006, 03:02 PM

والله ياجماعه ردود طيبه ومفرحه

ودحوم ياخلفهم سعرك غالي اظاهر هذا جديد 70 الف

واحد من العيال ماشاءا الله شاري وحده يوم الجمعه اللي طاف 65 الف سبشل وجاي معها زنون انوار وجنوط ماشاء اله والموتر نصبه نظيفه مره ماشيه 19 الف واللون لؤلؤي ماشاء الله تبارك الله

دمتم بود

**دحوم** · 19-09-2006, 03:16 PM

معقولة بــ65000ريال موديل 2006 اوتو وفتحة . لا وجنوط بعد وزينون .

والله راح السعر .

**الماستر حنوم** · 19-09-2006, 09:52 PM

المشاركة الأصلية كتبت بواسطة دحوم

معقولة بــ65000ريال موديل 2006 اوتو وفتحة . لا وجنوط بعد وزينون .

والله راح السعر .

وينك فيه يادحوم
هذي الاسعار اللحين الوكاله تبيعها بـ 71000 جديده وبعديلو حاط فيها بلاوي اسمها مستعمله

**ابو ناصر** · 20-09-2006, 09:34 PM

ايه يادحوم والله الرجال اعرفه وراكب معه ماشاءالله الموتر جيد مره

<<== تراني ادور وحده وجازم بس ع الشرط

دمتم بود شاكر لمروك الماستر حنوم

**حياتي كلها اكورد** · 21-09-2006, 12:41 AM

اخوي ابو ناصر انتبه من الشريطيه تراهم بيلحسون مخك انتبيه ولا تاخذ اي شي الا وانت مرتاح و واثق وغير كذا لازم تفحصها انتبه انتبه من الشريطيه

**أكورد2005** · 21-09-2006, 12:53 AM

شف اخوبي ابو ناصر بالنسبه لل
(2005)--- فل كامل + جلد 4سلندر يمكن اذا كانت نظيفه(( 65000ريال)) مثل ما قال الماستر
((2006)) نفس المواصفات مثل غاليه شوي يمكن حوالي ب(( 75000)) لاني محصل وحده سبيشل 2006 ب(( 69000))

**ابو ناصر** · 21-09-2006, 10:14 PM

ابشــــــــــــركم شريت

ياجماعه انا شريت اليوم وحده ماشية 50 الف 2006 شريتها 64 الف والموتر ماشاءالله البدي والماكينه والقير يقول على الشرط له وجربها وارجع اذا شفت فيها شيء

دمتم بود

**ابو ناصر** · 21-09-2006, 10:16 PM

على فكره سبشل
فتحه وقير توماتيك لا ويقول بعد من زود الثقه شف الوكاله خلف المعارض رح افحصها وارجع اذا شفت فيها شيء

دمتم بود

**ابو ناصر** · 21-09-2006, 10:18 PM

ياجماعه شكلكم مبطين عن المعارض

**اتــشـــــ** · 21-09-2006, 10:39 PM

المشاركة الأصلية كتبت بواسطة ابو ناصر

ابشــــــــــــركم شريت

ياجماعه انا شريت اليوم وحده ماشية 50 الف 2006 شريتها 64 الف والموتر ماشاءالله البدي والماكينه والقير يقول على الشرط له وجربها وارجع اذا شفت فيها شيء

دمتم بود

مبروك عليك الموتر يابوناصر والله يعطيك خيره ويكفيك شره

ماشاء الله توفقت في الموتر والسعر ماشاء الله طيب

فرحنالك والله :d
يالله تعيدبها ونت وهي بألف خير قل آمين

**الرويال** · 22-09-2006, 02:40 AM

الله يعطيك خيره ويكفيك شره ياابو ناصر

مبارك ما شريت وخير مااخترت

وحنا بخدمتك بالمنتدى لين احتجت شي

**ابو ناصر** · 22-09-2006, 02:15 PM

الله يجزاكم خير والله يبارك لكم على ردودكم الطيبه والاقتراحات والله يجزاكم الف خير

دمتم بود

**حياتي كلها اكورد** · 22-09-2006, 10:01 PM

الله يعطيك خيره ويكفيك شره يا ابوناصر

**ابو ناصر** · 23-09-2006, 01:26 PM

اتش الله يوفقك ويسعدك يارب
الرويال
حياتي كلها اكورد
واللي ماذكرناه يعذرنا والله يجزاكم الف خير ويسعدكم ويوفقكم يارب على الاقتراحات والردود وسرعة الردود اللي تجي بوقتها

دمتم بود