الموضوع: كل واحد يقول لنا كيف اقتنع في الاكورد

السلام عليكم

بالنسبة لي انا قبل 5 شهور قررت اشتري سيارة والوالد قالي رح هوندا وشف اذا تعجبك ورح شف الكامري

عاد انا شلت الكامري على طول من راسي خابرها ولا احبها وحطيت بدالها مقارنه الالتيما والكراون فكتوريا والتشارجر كلهم 2008

وجلست شهرين كامله وانا افرفر بين الوكالات وكل يوم مسير على الاكورد ابيها تقولي ابيك زي ما ابيها انا بس ما خقت معي مسويه ثقل :o

وسويت بحث شامل بالنت عن السيارات هذي واول شي حذفته من راسي التشارجر وبعده الكراون فكتوريا

وظلت الالتيما والاكورد وكثفت البحث بين السياراتين وحصلت مشاكل في الالتيما في كثير من المنتديات :d

وجيت هنا اشوف اذا احد يشتكي من شي بالاكورد!! والحمدلله ما شفت الا كل خير وكل الكلام الي يطمن

وحصلت بين مواضيع واسطر اعضاء منتداكم الي يقولي خذ الاكورد وانت مرتاح :d

والحمدلله اخذت الاكورد من 3 شهور ومرتاحين وبينا قصة حب ناجحة :o

والله يعطيك العافية ياراعي الموضوع

تـحـيـاتـي

مشكورين على ردودكم

ومن جد نادر ماتلقا مشكله في الاكورد هاذي وجهت نظري فيها خاصه ان معي الدفعه الثانيه

تقدر تقول لو الصوت حق المسجل اقوى شوي كان جت اوكييي

ياخي الاكورد ماشاء الله قوه ورساوه ويكفيك ياباني
كنت باخذ كامري بس طلعت كرتون اللهم منظر بس صح دعس وقومه بس انا مارح اجلس كل ايوم اسابق في خلق الله وقومات
الاوريون هي نفسها كامري بس بستة سلندر

وخلاص الاكورد وبس وماشاء الله سياره بحق سياره
حتى ان جيت تبيعها الحين تجيب سعر مو زي زمان وقطع غيارها اسعارها كمان انخفضت

هلا والله بالدردشه اللى توسع الصدر

والله يالغالي انا كنت ابي كوريلا 1.8

بس اللى مكتوب هوندا اكورد لقيتها رخيصه ونظيفه وبأسم هندي وتقل عن السوق بخمس الاالف تقريبا قلت
خليني اشتريها وابيعها يعني بسوي فيها شريطي اخذت فيها لفه وهونت مابي ابيعها وبس

والى يقول ان الاكورد يطيح سعرها

انا يوم شريتها جانا واحد وطلبها بزود 2000 بس انا هاذاك الوقت مضطر ولا وافقت

ومشكورين على الردود

اخوي اكورد صاحب الرد رقم30
اجل كنت محتار بين كورلا و اكورد ابو ابو الفرق صراحه سويت مقارنه ماقد احد سواها
انا تصدق اني الى سقت سياره مكينتها 1.8 او اقل تراني مضظر او حالتي حاله
الى عاد ان كانت سيفك تراها 1.8 بس بالراحه تحس انها 2.2

والله يا الربع انا كان عندي مازدا 2003 فل كامل ومرتاح فيها طبعا كرفتها كرف الويل ولا طلبت من عندي شيء ابد الا الشغلات الاستهلاكيه ويوم بعتها كانت ماشيه 300,000الف كيلو متر طبعا كنت ادرس بالرياض وانا ساكن بالدمام وكل يومين ماسك الخط وغير خط جده المهم بعتها بسبب اخر فتره لها قامت تطلب واجد ومالقيت الا الاكورد لانها مع اخوي عيب الاكورد 2008 شغله وحده انها غير راسيه بالخط طبعا مجرب المازدا واقارنها بالرساويه بينها وبين الاكورد المازدا ارسى بالخط واجد من عند الاكورد 2009

لان الاكورد عزمها قوي و واسمها حلو هوندا ...مميز.وشعارهم في الشركة الام ..في اليابان مره قوي ...كان شعارهم عندي في التوقيع و شلته بمناسبة العيد ...

تحياتي .

مشكورين على الردود

وش جاب المازدا للاكورد

لو المازدا يركبون لها مساعدات مرسيدس ماشريتها ههههههههههههههه

اجل الى قالو لي وش معك اقول مازدا لازم تقول مازدا وتقول بعدها وانت بكرامه ههههه <<وجهه نظر لا احد يزعل
من عرفنا العمال وهم على المازدا

والله الاكورد تقنعك قصب عنك ماهو بكيفك بس انا افضل اكورد 2007 رهيبه خيال اما 2008 تحسها خفييفه مره تستنى النطله هههههههههههههههههههههههههههههههههههه

كل اللي أقدر أقوله


حب من أول نظرة

الهوندا قوية وعملية ...

وشكرا

:o ... حبيتهاا ..

مشكورين على الردود

انا لو يقلولون لي وش حبيت من السيارات اقول لكزس

بس بالاونه الاخير جتها عيبو وسعرها زاد وقلنا نظرب ب الاكورد لين الله يزبط الحال ونظق لكزس او BMW مستعمل

هلا اخوي زياد موضوع رائع
(ولا يهون كل من شارك فيه )
انا اقتنعت حقيقه فيها من خلال سفره انا وخويي فيها (موديل 98)
بعدها قلت مابي الا هوندا اكورد ( يبست الراس )
كل اخوياي واهلي يقولون لا تشري ترى قطع غيارها ناااااار
قلت بشريها < مسكت غلط
المهم شريتها وكان موديلها وقتها 98 بعد
قطع الغيار = غالي نوعا ما ( عند البعض ) انا اشوفه رخيص مقارنه بالسيارات الاخرى
ركب اي قطعه بشرط (اصلي ) وشف سياره من نوع ثاني (كامري ... وخلافه ) مركب زيك تلقاه
يخرب معاها ويكرب ثاني وثالث وانت ما غيرته


ميزة قطع غيار هوندا
كد ومد وريح راسك من عوار الراس
اتمنى ما اطلت عليكم

اول شي اهنيك على الموضوع الرائع
واصراحه كنت محتار بين شارجر rt , كليزلر و انفينتي 35 و والله سيارات كثيره بس كانت حاط براسي كلهم مستعمل الا قاشقاي نيسان
انا كاتب قصتي كامله وابنسخها لك وكيف فكرت بهنادي وكيف شريتها

منقول من موضوعي السابق

السلام عليكم قبل ما تزعل وتتضايق كمل الموضوع وتعرف السالفه
ابقولكم سالفتي واسمي وكل شي
معاكم فهد حامد عمر 19 سنه >>> ياكبير :d
كنت امتلك اودري TT 2000 وكنت مبسوط فيها كثير بس بعد ما شريتها بـ 5 صرت ازور الصناعيات كلها واروح الوكاله واقول ....... xxx لحد الحين وما بقى خراب ما قالو فيها مع ان الي شاريها منه خاسر عليها 55 الف ريال سعودي قطع غيار وشكله ما بقى شي ما غيره
طبعا بعت السياره والحمد لله على واحد من اصحابي السياره اقولك ميكانيكين مره كويسه والحمد لله و بدي بس فيها اشياء صغار تخرب مثل لمبات زينون و...الخ
الله يبارك له فيها انشاء الله

طبعا رحت ادور لي على سياره ثانيه قلت ابخذ مستعمل بس ياباني مثل لكزس حصلت واحد بسعر مناسب لي بس بعد الكشف طلعت فيها مليون مشكله :( قير ومكينه وعكوس الله لا يوريكم

المهم رحت البيت وقاللي اخوي امش معاي نروح نشوف نيسان ونشوف اسعارهم كان في بالي قاشقاي بسعره مررره غالي ومايستاهل الان مكينته ضعيفه بس افضل شي انه صنع في انجلترا على ما اضن وقالي سعره بـ 94 الف
وانجنيت

وطلعت من الوكاله قلت لخوي يله بنمشي البيت قالي "رح وكالة هوندا" قلت له " ياخي ما عندهم سيارات زي العالم وسيارتهم دايييخه "
اول شي ابعترف لكم كنت شايل على الهوندا نظره مرررررره مو كويسه ومنتدى بعد مدري ليه
وعلى سيارات بعد المهم
قالي " طيب دقيقه وبركب معاك " قلت على ما هو يكلم بروح وكالة هوندا بستهبل عليهم
وربي ما انسها دخلت الوكالة الي بخريض فيه واحد ملحوس بالوكاله اذا xxxxxx اول ما تدخل من البوابه الرائيسيه بتلقاه في اقدامك تشوفه يلبس نظارات شمسيه بالمعرض بالضهر هو الوحيد الي يلبس نظارات

مدري ليه وربي اسلوبه يخليك قسم بالله تقول ياخي لو فيه سياره عاجبتني والله ما اشتريها المهم نرجع دخل المعرض ولا يقابلني واحد مصر اسمه " ايهاب عبدالمنعم توفيق " والله لما قابلني كان اسلوبه معاي فووووووووق الروعه ما شاء الله عليه هوو ممثل مبيعات الشركة والي يبغى رقمه 4454646 تحويلة 1313 راح يفيدكم انشاء الله المهم اخذني ب

كلامه المعسول وسألت عن الكوبيه ومواصفاتها ما قصر معاي المهم دخل اخوي اخوي بالاصل ما يحب هوندا وقالي ادخل الوكاله على شان بيخلص من الجوال دخل المهم كان يقول ها " وش عندك شكلك كيفت على الوكاله " وايهاب يوصف الي السياره


ويقول اخوي " ايه ايه بس سيارتكم بس سيارتكم ازعاج ومدري وشو والخ " قاله وش معاك سياره المهم تعرف الاخ هيط ويحط مفتاح سيارته على الطاوله سكت ايهاب ورد عليه رد حلو قال له لكل شركه مميزاتها وطلبت منه تست درايف وماقصر معاي طبعا المهم ركبت وانا اقول في بالي السياره خايسه ومعفنا ومعاي اخوي وايهاب والمهم وانا ا

ول ما ركبت الوهوندا نوع اكورد كوبيه فل كامل 6سلندر لونها ازرق روعه الون قلت حلوه بس مو بذاك الزود وربي اول ما حركت السياره وطلعتها من الوكاله جاني شي مدري وشو حسسني ان السياره فيها راحه نفسي والطبلون رايق ومدري وش اشياء كثير طبعا وقفت السياره وانا مدري وش جاني صرت امدح فيها بس جد والله السياره قمه بالروعه طبعا شريت السياره والحمد لله اكورد ابيض v6 والحمد لله وانشاء الله بكره تطلع يارب دعواتكم بس انها تطلع
وكنت شيل على المنتدى هذا بعد بس والله بعد ما شفته وشفت المواضيع الي فيه اصراحه حقدت على نفسي والحين
اتأسف منكم يا اعضاء المنتدى وكل الي له ايد بهوندا ومن يملك سيارت هوندا
وياريت ترحبون فيني كا غضو جديد بالمنتدى :o
انتهى العرض ..
تر ملوون الكلام على شان يصير لك خلق تقرا يعني تكفى اقرا يلي تشوف وياريت لو تتكرم و ترد علي لو تقول شكرا ياخي زود مشاركتك
هههههههههههههههههه امزح معاك

تحياتي لكم
اخوكم فهد حامد

^^^^^^^^^^^^^^^^

دائما تقلدني <<<< مدري مين يقلد مين خخخخخ

المهم راح اعمل مثل اخوي فهد وانقل موضوعي

عالرابط التالي

http://hondaarabia.com/club/showthread.php?t=21626

والقصه من مصدرها افضل من نقلها <<<< مو قصده فهد ابدا

شكرا