الموضوع: كل واحد يقول لنا كيف اقتنع في الاكورد

سبب اقتناعي بالاكورد

(تجارب اللي قبلي عن السياره)

الصراحه شور الوالد علي ..

انا لو علي مابعت المكسيما2004 وشريت اكورد2007

انا ما شريت اكورد هع هع

وش اسوي

انا الوالد مايعرف عن هوندا شي ابد

حتى ابوي ماعرف ان اكورد من هوندا الى من قريب

والسبب انها غير منتشره في مدينتي؟؟؟

تدرون منهو الشخص الي في اعتقادي انه بيمل من اكورد
هو الشخص الى شاريها عشان شكلها
او هو الشخص الى شاريها عشان سمعتها
او الشخص الى شاريها تقليد
هاذولي الاشخاص حده 3سنوات ويمل منها اتوقع

اما الشخص الى مثلي جرب الاسترالي والمنافسين ونب في راسه شجره من القهر وعوار الراس
يشوف الاكورد لكزس ويقدرها حتى الكزس ماسلمت من الخرابات الى تفشل

بصراحة أو شي أقوله إنه الأكورد في السابق ماكانت منتشرة مثل الكامري لكن الحين فحدث ولا حرج ,,
واللحين أقول لكم قصتي مع الأكوورد :d,,
أنا كان عندي سوناتا هيونداي موديل 2000 يعني في سنتها شاريها والله لايوريكم بس خذت 3 سنوات وإبتدت الخرابات أشكال وألوان فيها وتقريبا بين كل شهرين إلى ثلاث شهور أوديها الورش بين قوسين الخضرية ,,
حتى أتذكر مرة من المرات كنت جاي من الحسا وفجأة طفا الكهرب اللي في السيارة وتخيلو مشيت من هافمون
إلين المدرسة الصناعية بدون لمبات أو إمبيرات ,,
حتى الهوند اللي في الخضرية حفظوا شكلي من كثر خراباتها
إلين ماجا شعبان السنة اللي راحت يعني مو هذي السنة
وكنت في الإشارة وفجأة طلع دخان ولما رحت عند الكهربشي قال لي يبي لها شغل واجد يعني يبي لها مراوح وكومبراسر وأشياء ثانية والقطع الغيارة تخيلو ب3000 غير التصليح
فقلت مافي أمل أصلحها ,,
وقلت خلني إنتظر شهر رمضان يمكن ينزلون عروض على اللومينا وأشتريها ,,
وإنتظرت لين رمضان ورحت لوكالة الشفروليه وقلت أبي لومينا موديل 2006 لأن ماعندي فلوس
وقتها وقال لي فيه لومينا لونها أسود وقمية الدفعة الأولى 20000
وإنتظرت شوي وقالو لي ربعي ترى اللومينا ماوراها إلا وجع راس وعلى فكرة ترى تجميعها أسترالي ومب زينة وخرابة
عاد أنا كنت في وقتها متحمس للومينا وابي وحدة فقال لي الوالد إذا ماتقدر الحين تشتري سيارة اللحين أخذ سيارتي وقت ماتبي لأني أغلب وقتي مع ربعي وخبركم السوناتا مافيها مكيف :( فوافقت لأن سيارة الوالد زووم ( مازدا) وقلت يالله خلني أصبر سنة كاملة ,,
وخلص رمضان وجا العيد وفي وقتها كنت إنتظر راتب السكن عشان أفك لي سيارة ,,
لكني هالمرة لغيت فكرة اللومينا من كثر ماأسمع من خرابات فيها ,,
وإبتديت أفكر في الكامري لكن لما رحت الوكالة إنصدمت
وقلت هذي السيارة اللي أذونا العالم فيها
يعني بصراحة أهي حلوة من برا لكن من داخل الله لايوريكم لاجمال ولا دلال
يعني من برا الله الله ومن جو يعلم الله ,,
وبعدها شاورت الربع وقالو لي نصيحة إذا عندك فلوس أخذ الأكوورد وإنت متطمن
وانا اللحين في الشهر الرابع من أشتريتها ومتطمن وداق إصبع ورقبة بعد

قبل لا اتخرج من الثانويه كنت افكر ب لومينا ss يا عيني بس شاورت وابغى احد يمدح فيها مافي احد قلت اوكى مو مشكله اللي يحافظ على السياره تعيش معاه الين ما واحد من اصحابي اشترى لومينا 2007 s مو ss وبعد 5 اشهر راح الجربكس قلت لا هذا ااخر الوعد بيني وبين اللوميناوقتها كنت ابغا اطلع لومينا اس اس وبطلت
رحت شفت الاوريون بس مشكلتها تويوتا وانا كانت معايه كامري 2003 مرره تعبانه ومو راسيه قلت اكيد الاورين من شركة تويوتا يعني نفس اللي ابغا اواجهه في الكامري والاوريون داخليتها من جوه مو حلووه مرره اللهم الشاشه بس
بعدها ابوي قللي شوف الاكورد وقدر الله علي واخذت اكورد لان السياره فخمه وراااسيه في الخط
وما في السياره خرابات وغير كده ياباني يعني ما يقول اي<<<<<<<ههههههه
بس فيه شيئ واجهني وهدى اللي شاغل بالي الى الان انو الاكورد ما تعتبر سياره رياضيه وما فيها هداك الدعس الي في اللومينات
وانا ما اعرف اذا كانت الاكورد تقبل تلغيم او لا لاني خايف من الجربكس او المكينه وانتو تعرفو قطع غيار الاكورد


يعني مشكلة الاكورد 2007 انها ما تعتبر سياره رياضيه وتخاف من التلغيم :(
المميزات حدث ولا حرج (فخامه رساوه شكل رسمي والاهم العمر كله تبلشك ) يعني لا تكل ولا تمل
وااسف على الاطاله:d

لحظة أشمعنى تلغيم
عشان ناخذ الحذر

انا ذكرت لكم قصتي باختصار

اقول لكم الى ماقلته بس باختصر

انا في عام 2006 سويت هجوم على الاكورد وسبيتها سب مهوب صاحي والسبب ((ان كل اصحاب الاكورد مايدانون الكامري ويتكلمون عليها في المنتديات)))وانا اشتغل في التشتيم وتطليع عيوب الاكورد واحش فيها حش مهوب صاحي
قلت ابي اسجل في منتدى نادي محبي هوندا ولو تلاحظون اني مسجل عام2006 والسبب الرئيسي تسكيتكم عن المدح ولله كنت متحطم
والمشكله الكبرا اني ماقد ركبت اكورد في ذاك الوقت وقدر الله علي واستاجرت سياره وقلت ابي اكورد باشوف مدح الشباب صح ولالا
وولله يوم جربتها وكبرت بعيني قلت يبطون امدحها لهم تبي تطيح سمعتي ويوم جيت للديره وانا اقوم اقارن بين الكامري والاكورد
طلعت 90% من مواصفات الكامري تخرب واغلبها من عبدالطيف جميل خربوطيه وبعدها سويت موضوع اعتذار عن الاساءه في هاذا المنتدى وعام 2008 خطبت الاكورد واعرستها

المشاركة الأصلية كتبت بواسطة zeyad

وعام 2008 خطبت الاكورد واعرستها

منك المال ومنها العيال:d

أما أنا كنت بشتري كامري SEوكنت منهبل على شكله من برا

قالي الوالد شف أكورد 2008 شكله حلو ويابانية أزين من الكامري

<أنا كنت باخذ كامري علشانها معروفة حقت كرف وتجيب سعر زين إذا بعته>

المهم اسأجرت أكورد وجربته وقلت توكلنا على الله أكورد بلا كامري بلاهم

ابو خالد

اعلمك من المستفيد من الكامري؟؟؟ التكسي لانها بلاش وقطع بلاشن مثلها او ابو شاريها لولده عشان الى قبع ولا حك مايخسر عليها
او طعسن يكشخبها عن اخوياه هاذولي الى يتهنون اما واحد برستيج ورزه ومع الموضه ويشتري كامري يجيه تحطم مهوب صاحي

الكامري هي الموتر الوحيد الي يركبه كل الناس

المشاركة الأصلية كتبت بواسطة zeyad

ابو خالد

اعلمك من المستفيد من الكامري؟؟؟ التكسي لانها بلاش وقطع بلاشن مثلها او ابو شاريها لولده عشان الى قبع ولا حك مايخسر عليها
او طعسن يكشخبها عن اخوياه هاذولي الى يتهنون اما واحد برستيج ورزه ومع الموضه ويشتري كامري يجيه تحطم مهوب صاحي

الكامري هي الموتر الوحيد الي يركبه كل الناس

بس شوف اذا صدمت باكورد وصدمت بكامري ؟؟ وش الي بيكلفك اكثر

ساعتها خل البرستيج ينفعك :d

مشكورين على الردود

اشوف موضوعي مكتوب عليه منقول عسا ماشر

ترا الموضوع شد وكاله وجميع الحقوق محفوظه والى كان احد شايفه في منتدى ثاني تراه ناقله من هنا وشكرا

اما الى كان منقول من قبل المشرف من قسم ل قسم او انا فاهم غلط اغذروني

باختصار ..

مافيه سيارة إلا وفكرت فيها ومنها :

سوبارو ليجاسي , كابرس ss , كامري , لاند كروزر << مستعمل لا أحد يدف , كراون فيكتوريا ,

التيما , دودج كاليبر ,

وكل شي .. بس نسيت معظمها ..


المهم وفريت أم المنتديات فر .. يمكن حوالي 5 شهور ..

وفجأة .. نزلت الأكورد الـ All new وشفت كم مجرب لها الاسطورة ..

منهم واحد معاه 2002 يا زينها ما شاء الله ..

فقررت بعد استخارة الله آخذها ..


:::::::::::::::::::::::::::::::::
**********************

بس فيه مشكلة واحده قاهرتني .. قلة الاوبشن والترفيه في السيارة ..

**********************
:::::::::::::::::::::::::::::::::

وشكراً يا صاحب الموضوع والمشاركين ..

بصراحة عجبتني فكرة الموضوع وحبيتا شارك


طبعا أنا من فترة طويلة أفكر اشتري سيارة -لأنه اللي عندي قربت تنتهي صلاحيتها خلاص-


طبعا انا من الناس اللي تفضل 6 سلندر لأنه أداءه افضل واقوى وعمر


كان عندي 3-4 خيارات : الاكورد, التيما , اوريون , واخيرا الافالون


الاوريون شكلها الخارجي لاباس به مقبول .. لكن داخاليا محبطة للآمال بشدة .. نسخة من الكامري ( مع ال 3 دوائر حقة المكيف مادري ايش هاللي تضحك )


الافالون كانت حلم تقريبا ولكن للأسف ماقدر على إمكانياتي الحالية


كنت لآخر فترة ناوي على الالتيما لأنه محركها من افضل المحركات في فئتها ومواصفاتها تطورت عن الموديلات السابقة كثيرا


وجيت للخيار الاخير .. واللي كان الأول صراحة ... الأكورد


سيارة انيقة وفخمة .. طبعا من ناحية الفخامة تجي بعد الافالون هي مباشرة


وانا من الناس اللي تحب الاشياء الالكترونية بالضبط مثل أزرار التحكم في الاكورد والخطوط الانسيابية الجميلة بالداخل والجلد المنسق بعناية وووو

للأمانة الاكورد خارجيا لا باس بها خصوصا الجهة الخلفية لكن هذي له حل .. بتشووفنه تحت


طبعا اللي خلاني اقول الاكورد الخيار الاول والاخير بنفس الوقت هو محركها وتقنية ال VCM


كنت متخوف من هذي الشغلة خصوصا ان المحرك يوقف ويشغل السلندرات باستمرار


ولكن بعد سؤالي لاشخاص اعرفهم , وشفت نفس هذا النظام تقريبا في سيارة قريبي (Dodge Charger ) بديت اقتنع شوي شوي ,, وطبعا ما انسى الاخوان في المنتدى اللي فادوني كثير

ادري طولت عليكم كثير بس الخلاصة اني يوم السبت اللي فات رحت الوكالة عندنا بالبحرين وخذيت مشوار بالسيارة تجربة والحمدلله السيارة زي الفل وسياقتها سلسة ولا تحس بشي .. وبعديها على طول توكلت على الله وحجزت سيارة من الدفعة القادمة باذن الله اكورد 6 سلندر مع جناح ( عشان تعدل من شكل الخلفية مثل ما ذكرت فوق)

وسلامتكم

انا منت ابي باثفندر موديل 2005 مخزن او مستعمل نضيف :o

لا التطعيس يمشي بدمي :o

الله يرحم زمان الصابونه

راح قيرها مرتين بسبب الهافمون

نرجع للاكورد

خلصت الثانوي

ابوي يقدر شي اسمه اكورد مدري ليش

من زمااان وهو يمدح فيها

المهم خلصت الثانوي ومعي صابونه

وقال رح فر وعطني خبر

بس انا اقول اكورد

رحت فريت فريت

الكامري من داخل تحس انها مهردسه

احترت بين السوناتا

والاكورد

لدرجه اني اذا شفت اكورد بالشارع اقول خلاص ابشتري اكورد

واذا شفت سوناتا بعدها اقول لااااااااااا سونتا وبس :p

الزبده خذت الاكورد لـ

قوتها - ياباني 100% - جوده - فخامه - رساوه - شبابيه -

سعرها فيها

وبس

السبب تحدي فصل عداد الأكورد
وللآن العرض موجود
7
7
كنت قبل ما اشتري الاكورد
طايح في المستأجرة هياته
وهاتك فصل عدادات(من طقت بابا جميل)
ويوم بحبحت معي تهورت بالاكورد
وتورطت
وعرضت للي يفصله 500 ريال
لكن مافي أمل حجازي:d
وكان احسن حل اقسى حل
الفيوز
(ماتشتغل بدونها+مكيف مافي+قزاز مايفتح
+ماتغير النمرة الاخيرة+طبلون مظلم...الخ)
غير رساوتها ... الخ

انا مبسوط هههههههههه موضوعي مثبت هيه

ومشكورين على الردود

بس اخوي الى يقول الى صدمت وش بيفكك

اقول لك خويي معه كامري 2007 جاب حادث عليها وخرب عليها Abs تدري كم صلح السياره
طبعا كبوت مع النور مع الصدام وشوي من الاسلاك والصفه الى انت خابرها صلحها ب8000ريال
والعله هو ال Abc لانه هو اغلا شي

[quote=ثــلــج مــشــوي;161867]

احترت بين السوناتا

والاكورد



ياعالم معقوله في أحد يفكر بالسوناتا بعد ماشفت الويل منها

عاد تصدقون

اني معي اكورد فل كامل

ولا عشقتها زي بعض الاخوان

البعض نام تحتها

والبعض حلم فيها

انا شريتها عشان مافيه زيها اصلي في الوقت الحاضر يعني من صفه الالتيما والكامري وانت نازل

والحين كلامي غير طبعا حصل بعض التغير في النظره لو تجي الكامري ياباني ماشريتها اكورد ولله كبرت في عيني

السلام عليكم

بسم الله الرحمن الرحيم

بابدا بقصتي الي هيا اقرب للجنان

صراحه بدايه حيرتي كانت بين الاكورد 2008 والافلون 2008

الوالد قالي فكر بروويه وبعدين صوب روح قارن وشووف

المهم بديت الرحله ضليت شهر مابين وكاله تويوتا وطبعا اشوف الاوريون والافلون والكامري

وبين هوندا وامر على الاكورد والسفك والجيوب

المهم اقارن بالسعر بالجوده افر المنتديات فر تويوتا يمدح تويوتا

وهوندا يمدح هوندا

واصاحب الافلون يتغزلون بمعشوقتهم

واصحاب الاكورد يتوعدون بتكسير الراس في 2008 وانا باحر احر احر من الجمر وانا انتظر 2008

وكل يوم طاب الوكاه او امر واشوف من برا الين جا الافتتاح وشفتها ونبهرت بالفعل فيها

فكرت لمده كم يوم واستشير وافر المنتديات فر

لين رحت للوالد وقلت له ابي افلون خلاص قالي طيب ابعطيك يوم زياده وروح اركب الافلون واركب الاكورد وشوف واستخير

ركبت الافلون عادي هيا الي ابيها اصلا

يوم رحت وركبت الاكورد حسيت براحة مو طبيعية ابدا احسااااس ماحسيت فيه ابحياتي ولا طرا لي .......

رجعت للولاد وقلتله اكووووورد قال ياهوو حنا نلعب ولا وش

قلتله احساس حسيت........ < شكله تكفخ

وبس حجزناها وجبنها

الشي الوحيد الي كنت متحسف عليه الفي اس اي والصراحة لو منزلين السته سلند مره وحدة مو متاخرين والله كان اخذتها بس قهروووني استنا
4 شهور وبعدين تنزل

وانا انسان مافيني صبر

وسلامتكم

الافالون شكلها قديم وصار بكل مكان

وصناعتها امريكي وهاذا السبب الرئيسي الى خلاني ابعد عنها

ولو تركب افالون ولكزس تلاحظ حاجه الى هي قوه القطع الداخليه بالكزس افضل بمليون مره من افالون
حتى اني اقول ان قطع الداخليه في الاكورد نفس الكزس وكلو ياباني ارتااااااااااح

والشكل حتى لو انه مهوب هاذاك الزود اقصد شكل الاكورد 2008 الى انه هو الشكل
الجديد فعلا وعليه حركات ولو كانت بايخه الى ان ولا سياره سوت زينه وهاذي ميزه لصالح اكورد