محتــآر .. بين ( هوندـآ آكورد او كـآمري Glx ) .. ؟ ممكن تتفضل و تعطيني رـآيك

**بونعيم** · 06-09-2008, 02:13 AM

ممرحبـآ شباب ..

اخباركم ؟

انا آبي مشوورتكم ...

فكرت في الكـآمري Glx .. و دخلت منتديات خاصه للكامري و شفت و قريت .. يعني كل شي عرفته عن الكامري .. ما بقى لي الا اني اسوق الكامري

ولد جيرانا عندهـ كامري Glx قير آوتوـآ ( فل كـآمل )

آخذ سيارته و بصراحه السيارهـ مايعلى عليها .. تحس ان السيارهـ راسسيه ماشاءا الله

فـ حبيت اسألكم .. عن الآكورد ..

رحت للوكـآله و حصلت عندهم آكورد معروضه .. " الموـآصفات بقولها لكم و علموني هي اي درجه "

( قير آوتوـآ .. مخمل وليس جلد .. كشافات .. فتحت سقف .. و باقي الموـآصفات معروفه ) ==~> اووهـ نسيت اقولكم انها 4 سرندل

ابيكم تعطوني رايكم في الآكورد بكل آمانه و شفافيه .. و تعلموني بـ عيوبها .. و ايجابياتها ..

==~> شباب لاتنسون تعطوني .. نوع الآكورد الي ذكرت مواصفاتها فوق ..

**A C C O R D 0 8** · 06-09-2008, 02:40 AM

اول شي يالغالي المكيف الكتروني ولا عادي ..

اقصد على هو على شكل دوائر ولا لا ؟؟

مقابض الابواب من النيكل ولا لا ..

اذا هي نيكل فمعناته انها فل .. يعني اعلى فئه يالغالي .. واذا مقابضها موب نيكل فمعناته انها سبشل .. اقل بفئه وحدهـ ...

اما العيوب والمميزات الكثير منها تحصله بالبحث بالمواضيع .. او الشباب يفيدونك ..

**Dark Sea** · 06-09-2008, 03:11 AM

اسعد الله اوقاتك بكل خير

معليش بسئل سؤال محيرني بعد بشاركك في الموضوع:d

وياريت احد يوضح لي الاشكاليه

يقلون الاكورد 2008 عيبها في التكييف !!

ماهوب بارد يعني مش ولا بد

ياريت تفيدونا:(

**meshoo** · 06-09-2008, 03:39 AM

انا ماقول الا جرب الاكورد وصدقني بتنسى الكامري

ولاتقارن استرالي بياباني

**بونعيم** · 06-09-2008, 03:49 AM

يرحم امكم ..

انا كلامي واضح .. !!

ابي .. الايجابيات و السلبيات

و هل السيارهـ راسيه في الخط ..

؟

لحد يجي يقولي سو بحث

**بونعيم** · 06-09-2008, 03:52 AM

المشاركة الأصلية كتبت بواسطة a C C O R D 0 8

اول شي يالغالي المكيف الكتروني ولا عادي ..

اقصد على هو على شكل دوائر ولا لا ؟؟

مقابض الابواب من النيكل ولا لا ..

اذا هي نيكل فمعناته انها فل .. يعني اعلى فئه يالغالي .. واذا مقابضها موب نيكل فمعناته انها سبشل .. اقل بفئه وحدهـ ...

اما العيوب والمميزات الكثير منها تحصله بالبحث بالمواضيع .. او الشباب يفيدونك ..

و الله يالغالي .. الذـآكرهـ ضعيفه .. ما اذكر شي .. :(

ياليت اي واحد من اهل الاحسـآء .. يجي يرد على الموضوع ..

**kakashi-san** · 06-09-2008, 04:23 AM

السلام عليكمْ ورحمةُ الله وبركآتة

يا هلا فيكْ أخويْ ،

يا خي أحس أني أعرفك ما أدري ليشْ ،

شسمه ؛ والله بيني وبينكْ بقول لك شيء وبدون تعصّب للأكوردْ ،

اللي يقرب لي عنده كامري SE 2007

سافرت معاه من الأحساء إلى الخبر وأحس كأن الهواء بيدخل عنديْ ،

والرساوة حلوة الكامري عليهاْ ،،

أما الأكورد ؛ والله حسيت بالفرقْ وراحةْ الحمد لله ،

آخر مرة سقتها من الساعة 2 الظهر الى الليلْ ،

هذا الكلامْ وانا بره السعوديةْ ،،

ولا اشتكتْ فديتها اناْ ،، :d

وإذا لكْ خاطرْ تركبْ الأكوردْ ؛ حيآكْ ،

واللي شفتها أظنّي الفل كاملْ ،،

..

**meshoo** · 06-09-2008, 04:30 AM

ياخوي انا انصحك بالتجربه عشان تتضح لك الامور وبتحس بالفرق

**المـــــلكـ اكـــــورد** · 06-09-2008, 04:32 AM

اتوقع الفئة اللي ذكرتها هي الفل المخمل اربعة سلندر <<فيها كشافات

بالنسبة للمقارنة وبدون تحيز للاكورد>> لانك دخلت منتدى محبي هوندا

انصحك انك تزور الوكالتيين وتاخذ معاك ورقة وتسجل مزايا السيارة وسلبياتها لكلا السيارتين وتقارن بينهما لما ترجع للبيت <<هذا اولا

ثانيا: بالنسبة لتجربتي انا مع الكامري 2006 فأقولك وبكل صدق لاتقارن مع الاكورد 2006 من حيث الرساوة والفخامة والميزات فما بالك الموديل الاحدث

ثالثا: استخر الله... والله يكتب لك كل خير

تحياتي

**بونعيم** · 06-09-2008, 04:36 AM

عوـآفي .. يا شبـآب

ننتظر آراء الشباب الباقيين

**accord05** · 06-09-2008, 04:42 AM

يا الغالي ترى فيه ناس في المعارض يسمونهم خدمة العملاء ... قد سمعت عنهم ؟؟؟
اسال وانا خوك وش فئتها ترا ماهي راس خبر سؤال والسلام ...
الكامري والله ان تندم اذا شريتها اول ماتركبها حلوة بس امسك خط الهوا يلعبك والصدام الي وراء مررة ماهو ماسك اعرف ثنين واحد انفك عليه مره وطاح والثاني انفك عليك بس معلق ولا ركبه الا عندنا (تندحة) ...
الاكورد انا جربتها بلا منازع وبلا كذب وبلا بكش وترى بتشتريها من وكالة والفلوس ماراح استفيد منها انا ..
تحس انك راكب موتر من جد تتحكم فيها وراسية رسو جبااااار ماشاء الله ...

وغيري كل يوم وهو ماسك خط ماهو 500 كيلو ولا 1000 كيلو باختصار ماخلى ديرة جنوب شمال شرق غرب وبرى السعودية بعد ..

بالتوفيق،،،

**O m a r** · 06-09-2008, 04:57 AM

بعطيك رأي مجرب :

كان معي اكورد 2002 نص فل ، مشت معي لا يقل عن 100 الف والحقيقه ما طلبت مني غير زيت وكفر !
والآن معي اكورد 2008 فل كامل ، مشت الآن 5000 كم ولا فيه اي ملاحظه بل بالعكس كل يوم يزيد اقتـناعي فيها

( اذا انت تبي موتر شيك لك وللزمان ولا يطيح من قيمته فـ الاكورد والكامري متساويات بهالشي )
لكن ، انت وش الي تبيه ؟ هنا السـؤال

تبي فخامه .. فالاكورد اكثر فخامه !
تبي رساوه .. الاكورد !
تبي قطع غيار رخيصه .. الكامري اقل سعر !
تبي شكل ومساحه داخليه .. الاكورد افضل !
تبي داش بورد مميز وقوي .. الاكورد لا يعلى عليها ( في فئتها ) !
تبي مواصفات شبابيه .. الاكورد ترضي غرورك !

.. طبعاً هذا رأي شخصي وبكل شفافيه ، في النهايه انت من يحـكم ..

**civic 008** · 06-09-2008, 05:05 AM

اذا تبغا النصيحه ابعد عن الكامري .......... انا اخوي عنده كامري glx فل والله فيها عيوب ............
اول عيب الفتحه تمام ........
وثاني عيب فيها قربعه في المساعد الخلفي .....
وثالث عيب البطاريه ماكملت ست شهور الا وهي مروحه ..
ورابع عيب المكيف وهذا في اغلب الكامريات ...
ومن جهة انها راسيه فهي راسيه واما الهوا مافيه ولاهوا يدخل زي الكامريات القديمه
بس فيه عيب مدري عنه ان الزيت ينقص .........
وعاد انت ورايك ......

**يحياتوووو** · 06-09-2008, 05:12 AM

انا قبل لا اطلع الأكورد رحت تويوتا عند موظف الإكسسوارات واحد شباب وسألته بأمانه قالي
خذ اكورد قلتله طيب قطعها غالية قالي لو أغلى من الكامري 4 مرات خذ اكورد

والله هذا كلام الموظف

**wahd** · 06-09-2008, 06:22 AM

والله يالغالي أسمع الكامري أول زينه إلين 2002 وبعدها خربت

خذلك أكورد وأنت مغمض

**Slam tic** · 06-09-2008, 08:21 AM

حياك الله يالغالي...

كل الشباب هنا يعطونك رأيهم وهم ملاّك للأكورد ، فطبيعي أنه يقول لك الأكورد أفضل ؛ لأن الشهادة هنا مجروحة طبعا في الأكورد ، ولو شاورت منتدى يهتم بالكامري فبكل تأكيد راح يقولون لك الكامري أفضل ، وهالشي طبيعي . وبالأخير المسألة مسألة أذواق ، لذلك أنا أقترح أنك تسوي استفتاء في منتدى محايد مثل منتدى يهتم بالألتيما مثلا - ولابد تحط مقدمه أنك سويت هالشي للحصول على نتائج محايدة نوعا ما-.
ومن خلال منتدانا ممكن تستفيد من تجارب الشباب ولكن لتأخذها من باب المقارنة بأي سيارة ثانية أنت محتار بينها والأكورد.
وهذا واحد من الشباب من خلال هالرابط يحكي تجربته مع الأكورد خلال سنه تقريبا:
http://www.hondaarabia.com/club/showthread.php?t=13102

**abu khaled** · 06-09-2008, 09:01 AM

شف يا أخوي أنت تسأل عن أكورد وكامري و دخلت لمنتدى الأعضاء اللي في تحب الكامري
ودخلت لمنتدى الأعضاء اللي في تحب الأكورد فأكيد منتدى تويوتا راح يمدح الكامري
ومنتدى هوندا راح يمدح لك االأكورد أحسن حل إنك تروح للوكالتين وتقولهم أبي سيارة تجربة
وإذا قالوا لك مافيه أو أي شي أكثر ما كثر الله محلات الأجار جرب الأكورد يوم والكامري يوم

وبالأخير هذا شي راجع لك(ولا تنسى صلاة الإستخارة)

وطبعا بعد كل هالكلام لابد من إستشارة الناس اللي معهم السيارة من قبل

والسلام

**بدر2003** · 06-09-2008, 10:16 AM

إذا تيسرت أمورك إن شاء الله وأخذت الهوندا فالله يعينك على الفحمات ( القماشات ) كل سنة يبيلك 500 ريال تقريبا قيمة الفحمات الخلفية والأمامية مع الإصلاح في الوكالة ؛ وهذا من عيوب الهوندا

**دحوم** · 06-09-2008, 02:30 PM

لولا اختلاف الاذواق لبارت السلع ، اركب مايعجبك ولاتركب مايعجب الناس ....... إذا معجبتك الكامري وترا بإمتلاكك غيرها ندم وحسرة فإمتلكها وتوكل على الله ، بالنسبة للاكورد الواضح لدى العلن انتشارها بشكل يتخطى المألوف بعكس الكامري تماماً خاصة الاعوام الاخيرة .

**بونعيم** · 06-09-2008, 06:35 PM

المشاركة الأصلية كتبت بواسطة بدر2003

إذا تيسرت أمورك إن شاء الله وأخذت الهوندا فالله يعينك على الفحمات ( القماشات ) كل سنة يبيلك 500 ريال تقريبا قيمة الفحمات الخلفية والأمامية مع الإصلاح في الوكالة ؛ وهذا من عيوب الهوندا

500 ريال .. هذي مقدور عليها

بس ياشباب ..

عندي سؤال

كيف المكيف \\ في عز الحــر ؟

في انتظار اراء الشباب الباقيين

**O m a r** · 06-09-2008, 07:10 PM

بالنسبه لي .. موديل 2008 مكيفهآ ثلآجـه الحقيقه .. العيب الوحيد
هو الصـووت للمكيف عالي شوي يعني تسمع صوت الكومبرسر اذا اشتغل بشكل واااضح !!

لكن من ناحيـة بارد عز الله حط المستوى الثاني بعز الحر كافي !! خاصه اذا الموتر يتحرك يكون ابرد

**أبو عــزوز ..** · 06-09-2008, 07:32 PM

^^^

سيارتي 2007 .. الحمد لله حلو .. وجهه المكيف عليك وأحلى تكييف ..

والله إنك تنسى الجو برا ..

وجرب 2008 فترت 5 أيام متواصلة - قبل أسبوع - صراحة حلو .. وبرضوا أوجه المكيف على خشتي :d وأحلى تكييف ..

يعني أعتقد ممتاز .. بس مدري ليه العضو 92500 يقول مو مصصم للأجواء الخليج .

**zeyad** · 06-09-2008, 11:53 PM

انا كان عندي كامري 2006 Gli وفرقها عن السياحي هو تزوديات عبدالطيف جميل فقط
ومن اكبر عيوبها مافيها ارباج(بالون)للراكب ولا فيها مانع انزلاق ومرتفعه وخفيفه وحتى حساسات
قدام من اول اسبوعين قامت تعلق والى ورا ترن وماوراك احد بالعربي تحسفت على الساعه الى قلت ابي كامري
ولله بس بيضت وجهي ان ماطاح من سعرها كثير بس
وموتر كل شي فيه تقدر تكسره وتفكه بالراحه يعني لو مااعجبك المسجل تقدر تقشعه بدون ماتفك المسامير
كل القطع الدخليه خفيفه مرررره وعلى طاري الكامري الجديده 2007 اعرف واحد معه Glx كان ماشي
تقريبا160 مدري اكثر وجاب فيها حادث وباختصار النور الامامي وصل لين مقعد الراكبب ولا طلع البالون الى بالدركسون
وعطوه الوكاله 50الف تعويض وجلس شهر بالمستشفى وش تبي اكثر من كذا_وشفت انا شخصيا كم حادث كامري
راحت وطي والسياره المواجهه ماجاها شي كثير وهاذا خوفني كثير

الموضوع: محتــآر .. بين ( هوندـآ آكورد او كـآمري Glx ) .. ؟ ممكن تتفضل و تعطيني رـآيك

أدوات الموضوع

عرض

محتــآر .. بين ( هوندـآ آكورد او كـآمري Glx ) .. ؟ ممكن تتفضل و تعطيني رـآيك

المواضيع المتشابهه

ممكن بس تعطيني رأيك ؟ 2007 ؟ نعم أو لا

مطلوب ممكن تتفضل طلب بسيط

ممكن تعطيني رأيك ؟؟؟

مواقع النشر (المفضلة)

مواقع النشر (المفضلة)

ضوابط المشاركة