رد مع اقتباسكلها كمن يوم وتقول ما ابي غير الملكة موتر:d:p:p
السلام عليكم
ومبروك عليكم الشهر
اقول لكم قصتي طبعا هاذا غير موضوي كيف اقتنعت في هوندا.... وغير كل الكلام
قبل شراء الاكورد بحوالي 3اسابيع كنت في الرياض
وقلت انا ناوي اركب الاكورد الجديده طبعا ذاك الوقت مافكرت حتا اني اشتري اكورد
يعني كان في راسي لكزس ناشفه مالك امل تخليني اهون؟؟
ورحت على الوكاله وعلى طووول سيده على اكورد فل كامل 6سلندر الضاهر
وركبتها وقلت ياخي موتر عادي طبعا كنت انا ووجهي اقارن بينها وبين لكزس
وقلت مساكين ذولا فرحانين ان عندهم شاشه وياليتها ملونه بعد وقلت شكل الدركسون ماله داعي
وبعدين ركبت الكوبيه واعجبتني مرره بس قلت شكلها خاص من الجنب صغير ولا اعجبتني بالحيل
وبعد فتره وبعدنا الكامري قال ابوي وش تبي سياره قلت على طول لكزس قال لكزس غاليه
وان شريت مستعمل منتب ضامنه ولا عندك وكالات لاني ماني عايش بالرياض نفسها
وانت في مكان كله مطبات وحفر وبعدين قلت اجل وش اشري قال لي ابوي التيما
قلت مانيب ولله فاضي اشري ويجيني ماجاني بالكامري من خرابات مال امها داعي
قال اجل وش تبي قلت على طوووووووول ابي اكورد قال خلاص قلت فل كامل قال ابشر
وكلم المندوب من بكره وقال الفل كامل<<هو طبعا يحسب الفل زي سيارات تويوتا تجي 6سلندر وجلد مالك امل
تلقا قماش للفل هاذا نظام الوالد الله يطول بعمره
وقال ابي اكورد فل كامل قال 94الف ريال قال خلاص باجيكم واشوفها
وبعيد حطيت انا موضوع وكلكم قلتو الفل ب110 وانا طبعا استغرب السعر مهوب فرق الف ولا الفين
وبعد يومين قلت له وش قال لك المندوب بالضبط قال اكورد فل كامل مافيه الى ذهبي هو اللون الى يجي داخليه
خشب وبيج وقال الفل ب94الف وقلت انت قلت له هي 6سلندر ولا4سلندر وقال لا قلت كلمه وتئكد
وبعيد قال تراها 4سلندر ولله ياجاني من التحطيم وقال اجل بكم ال6سلندر قال ب110 وقال غاليه
وبعدين قال لي وش تبي قلت ابي 4سلندر ولنا 6سنين نسوق ال4سلندر ماخالفت وبعد كم يوم
رحنا للرياض ودخلنا الصاله وشفتو كيف النحسه بس كل الانواع معروضه كلووووو الى الفل 4سلندر
الى انا ابيه ماعرض قلق وبعدين دفعنا الفلوس وبعد 3ايام استلمت السياره والمندوب ذاك الوقت
ركبني ال6سلندر فل قال تراها زي هاذي ومافيه فرق الى المكينه وغسال الانوار نصب مهوب صاحي
ولا جاب طاري البالونات ارباج ولا جاب طاري vsa والمشكله بعد يقول معها زينون وكاله خررررط
والى الان انا مااحس اني عاشق هوندا لهلحين ماتئقلمت مع الوضع انتم عارفين العروسه جديده
ويبي لك سنه عشان يروح الحياء منها<<<يا ابو الشباب وين رحت
وعلى العموم هاذي قصتي والى عنده تعليق او قصه مشابهه يقولها لاجل التسليه
كلها كمن يوم وتقول ما ابي غير الملكة موتر:d:p:p
بتجربها في السريع
ولا تملل نفسك منها عشان ماتمل
دلعها وغسلها وسوا اللي بخاطرك
بتلاقى نفسك مع الزمن حبيتها
انا ماحبها بس سقتها اعجبتني وتحسفت ماشريتها زمان
ممممممم
والله قصتك قصة ,,
وواضح انك تبي 6 سلندر .. شوف يالغالي
انا قبل لا اشتري الاوريون كنت ناوي ع الاكورد و قلت خليها تنزل و على طووووووول بشتريها ,,
اول ما نزلت صراحه انصدمت من المواصفات القليلة و سعرها العااالي جداا
وخلفيها مو ذاك الشي بس الوجهية دمااااااااااار وداخليتها حلوة بس مو بالمستوى اللي كنت ابيه
على طووول طنشت الاكورد و رحت ع الاوريون حبيبة قلبي و بقولك شغلة
صحيح الاوريون تجميع استرالي ..لكن القطع الميكانيكية و الكهربائية ( Made In Japan )
والله اني ما اكذب عليك انا صارلي حادث قوي جدا و اتضررت الذراع الخلفي و العكس و المساعد
وطلبت القطع وكاله .. وشفت اللي يسر الخاطر ,, جميع القطع يابانية 100 % يعمي مو مثل ما يقولون قطعها استرالي
وسعر الاوريون 2009 فل كامل بدون شاشة 100 الف و اكيد راح تحصل 2008 جديد بسعر ارخص
وفيها جميع المواصفات اللي تبي
( vsa . رشاش ماء . 6 سلندر . زينون حتى بالاستاندر . قير 6 تعشيقات . 6 ايرباقات امامية و خلفية . بصمة . تشغيل بزر )
وكثييييير
والاكورد سيارة ما عليها كلام ابد ممتاز و راائعه بس ناقصها المواصفات تكون افضل
واهم شي راحه البااااااااااااااال
وبالاخير استخر ربكـ وان شاء الله تلقى اللي يريحك و يسر خاطركـ
أنا قبل لا أشتري سيارتي كنت ناوي على الكامري وقبل لا أشتري الكامري مريت المعارض وشفت الأكورد اللي بتوقيعي وركبتها صراااااااحه طنشت أبو الكامري :p
و صدق رعودي مع الوقت والله تحبها
ركب لها زنون و أي شغله براسك وشوف نظرتك لها بعدين ;)
.
.
.
.
.
.
.
أحمد ربك أنت خذت أكورد ما توهقت بالكامري ولا التيما
هلا بيك
ما عليك ترا اكورد موتر صح انشاءالله تعجبك
مشكورين على الردود
يا شيخ احمد ربك عندك سياره وبعد اكورد فل كامل:d
تراك احسن من غيرك((ما يقصد نفسه)):d
غيرك معه ياريس مو اكورد:p
مشكور عالقصه الحلوه
هلا بيك حبيبي
صدقني الملكة أحسن من الكامري والألتيما
وبعد كم يوم بتحصل نفسك بديت تحبها
لأنها رووووعة
بس لا تنسى تنزل الصور عشان نبارك لك فيها
لا هي احسن ولا شي كل السيارات نفس الشي بس الانسانعينه مالحه ما تعبيها الا التراب
بس احسن واحد القنوع اللي يقتنع باللي عنده تشتري اكورد تقول ليتها اورين تاخذ اوريون تقول ليتها التيما الخ....
المشاركة الأصلية كتبت بواسطة aha
كلامك صح .. بس الواحد لما يريد يشتري سيارة وكالة .. ويرفه نفسه ويبدل سيارته القديمة
لازم يختار النوع الأفضل والأرقى
أو ياخذ برأيك وينزل اي وكاله وياخد اي سيارة والسلام .. أنا ما اعارضك .. بس كل واحد هو وقناعته
وأنا برأي أني يوم اريد اشتري سيارة وكالة لازم تكون الأحلى بين كل السيارات .. حتى بين فئتها
تكون مميزة عشان لما اشوفها اصلي على النبي من جمالها
والله صراحة..قصة محزنة..
طيب...يعني مافيه أمل بيرجعون لبعض؟...( واحد مفهي)..:d
فلللللللللل كااااااااااامل وماهى خاشة مزاجكونا الي عندي سياحي وشايفها احلى موتر :o
اسف الى كنت غلتط على الاكورد
ويا اخوي اكورد وبس
الله يرزقك اكورد فل كامل
والله كنك انا انا مفهي مع اللكزس واعرف كل مواصفاتها وحتى اني اعلم اصحابها الي مايعرفونه
وانا اتمنى
ضوابط المشاركة
مواقع النشر (المفضلة)