انسـرقت سيارتي ممكن خـدمه ؟

**MOhamed** · 04-12-2008, 01:04 PM

السـلام عليكم ..

ياشـباب قدر الله علي وانسـرقت سيارتي قبل يومين بشـارع إنكاس وبلغت عليها وعممو البلاغ ..
واحد من الشباب يسولف لي ان فيه طريقة بوكالة هوندا يحددون لك موقع السياره مع إني ماظنيته .. :(
هل فيه طريقه بـ وكالة هونـدا ؟
والامالك الا تدعي ربك ليـن تجيك !

حـسبي الله عليه دنيـا وآخره يارب تجيب العواقب سـليمه :(

**قصيمي جدة** · 04-12-2008, 01:16 PM

الله يرده لك سالمة غانمة

**Jack** · 04-12-2008, 01:17 PM

حسبي الله ونعم الوكيل
إن شاء الله تلقاها وإن شاء الله الشباب يفيدونك

**أكورداوي** · 04-12-2008, 01:39 PM

أنا أنصحك تتابع أماكن التفحيط الموجوده في الرياض ,, وممكن توصل لها عن طريق موقع البحري ,,

واذا بتكتب موضوع في البحري يكون أفضل بحيث يكون أسلوبك مؤثر ومحزن وصدقني ممكن تلقى الحرامي نفسه هو الي يجيب لك السياره لأن المنتدى هذا متخصص في التفحيط والمفحطين والحراميه كلهم يدخلونه وبيشوفون موضوعك ,,

الله يردها لك سالمه غانمه في أقرب فرصه ,,

ولاتنسى ياحبيبي الدعاء ثم الدعاء ثم الدعاء خصوصا يوم عرفه وانت صايم ,, والله ماراح يخيب ظنك ,,

:(

**first** · 04-12-2008, 02:21 PM

الله يسهل لك امورك
وتلقها من غير اضرار كبيرة

**غضب الاكورد** · 04-12-2008, 02:47 PM

الله يلعن الحراميه
ليه كذي
ما يخافوا الله
لكن يا اخي تتعوض ان شاء الله
:(

**meshoo** · 04-12-2008, 04:17 PM

لاحول ولاقوة الا بالله

الله يعينك وان شاء الله تتسهل الامور وتلقاها

**أبو الريش** · 04-12-2008, 04:26 PM

حسبي الله ونعم الوكيل

**alawoy96 v6** · 04-12-2008, 05:39 PM

الله يعووض عليك :(

وإنشاءلله تلقاها بأسرع وقت ياطيب

ومثل ماقالو الشباب تابع أماكن التفحيط لأن أول مكان يفكر فيه الحرامي وكيف يلعب بالسيارة

**just ACCORD** · 04-12-2008, 05:49 PM

لا حول ولا قوه إلأ بالله يا ريت تحط لوحه السياره ومواصفاتها على شان اذا شافوها الشبااب يقولون لك

تحياتي لك

**أسير المشاعر** · 04-12-2008, 06:56 PM

لاحول ولاقوة الا بالله ....

ان شاء لله مايصير لها شيء وتلقاها باقرب وقت يارب،،،

بخصوص الوكاله للاسف ماعندي خلفيه :(

**ne6ro** · 04-12-2008, 07:28 PM

لا حوول ولا قوه الا بالله

والله يردها لك ساالمه:(

**المباشر** · 04-12-2008, 07:50 PM

حسبنا الله ونعم الوكيل

ياخوي مالك الا الدعاء .. ووكالة هوندا ماعيقدرون يفيدونك بشي

هو ممكن تعرف مكان السيارة لو كنت مركب الجهاز اللي من الأتصالات بقيمة تصل الى 1000 ريال

ولكن الدعاء ونحن معك بالدعاء

**accord momo** · 04-12-2008, 07:58 PM

انشاء الله ترجع لك سالمه والله يعوضك انشاء وتحصلها

**ياسر الشمراني** · 04-12-2008, 09:16 PM

اسأل الله ان يردها لك سالمه غانمه يارب العالمين

اخوي كيف كانت وضعية سيارتك لما انسرقت ؟ هل كانت شغاله ولا طافيه ؟

وتطمن وتفاءل بالخير ان شاء الله ترجع لك .

**خالد7** · 04-12-2008, 10:21 PM

الله يحرقهم وينتقم منم بالدنيا قبل الاخرى

والله يرجعها لك سالمه يارب:(

**wahd** · 05-12-2008, 01:13 AM

طيب يالغالي ولو تحط رقم جوالك واي وصف لسيارة وااضح مثلاً مشخ أو حاجه زي كذا واللوحه

**Y.k.A** · 05-12-2008, 01:27 AM

حسبي الله ونعم الوكيل
وان شاء الله مال الحلال مايضيع

**MOhamed** · 05-12-2008, 02:22 AM

حـسبي الله ونعـم الوكيل حسـبي الله ونعـم الوكيل .. :(
والله العظيم ياشـباب هاذي طلعتي من المغرب ولكن مامن جديد ..
يامجيب المضطر اذا دعاه يكشف السـوء , يـاجامع الناس يوم الحشر أجمعني بضـالتي !

السيــاره فيها ميزه نادره , إنها 6 سـلندر شكمانين شكل 2005 نادر تلقى 6 سـلندر شكمانين نفس الموديل !

دعــواتكم ياشـباب حسبي الله عليه , الله لايوفقه لادنيا ولاآخره ..
انا غطلت غلطه وتحملت غلطتي اني خليتها مولعه !
والله إني خسرت عليها مبلغ وقدره بس لعلها خيره !

اللوحه ( ل ع ص 744 ) بس مب معقوله حرامي بكل هالجراءه يسرقها قدامي ولاهو مغير اللوحه !

حسـبي الله حسـبي الله ونعم الوكيل

عـالعموم هذا رقم جوالي اي واحد يلمحه والا يشوفه يدق علي وإن له من الشاكرين واللي تبيه يجيك من عـيوني الثنتين .. :(
( 0555083322 )

**momo** · 05-12-2008, 04:43 AM

يارب ترجع لك سالمه غانمه ياااااااااااااااررب:(

**The Stig** · 05-12-2008, 07:21 AM

اخوي ..

انشالله ترد لك بالسلامه ..

اعمل لك ايميل .. وحط له كم صوره .. والتفاصيل . . والاشياء اللي ممكن تتلاحظ ..
وارسله .. وخلي اللي يستلمه يرسله ..
وبينتشر باذن الله ..

ومثل ماقال اكورداوي .. منتديات البحري هي الحل الوحيد