والله لأني أعزكم .....نصيحة

**A C C O R D** · 02-11-2006, 12:38 AM

السلام عليكم .....,

بختصار

يسولف لي واحد من الشباب يقول ماسك خط الشرقية وهم سيارتين والسياره الثانيه وراهم
وقبل الشرقية تقريبا بشوي وقفو عند محطة يعبون بنزين وبعد ما وصلو الشرقية وهم يتمشون وخويهم وراهم وقفهم ليه ؟؟؟؟

>
>
>
>
>
>
>يقولهم دخان ابيض يطلع من الشكمان ؟؟؟؟؟؟

طق طق ودخلها ورشه وش السبب طلع معبي عند محطه ونص البنزين مخلوط ((بديزل))
واخذت السيارة وقت بالورشة يصلحونها والسبب محطة الغش فيها يمشي مليووووون ولا في رقابة ولا هم يحزنون (((ومن أمن العقوبة أسآء الأدب )))

فنصيحتي لك علشان ما تبلش لا تعبي الا من محطات معروفه حتى لو تتعنى لها اهم شي ما تجيك محطة والله ماتدري اللي بيحطونه لك بنزين ولا ديزل وهالله هالله بالمحطات الصح مثل الدريس والتسهيلات واللي يبي الزين يلقاه
>
>
>
وشكرا ...(مجرد نصيحة)

**HONDA_Accord** · 02-11-2006, 01:14 AM

يعطيك العافية اخوي اكورد على النصيحة ويشرفني اكون اول من يرد على موضوعك
وصارت مع كثير ناس لكن الشكوى لله مافيه احد رقابة
في محطات ساسكو محطة بداية طريق الدمام ومحطة ثانية بنص الطريق قبل الرياض بتقريبا مية او مية وخمسين كيلو هم احسن محطات على طريق الدمام الرياض يعني قبل تمشي عب واذا كفا البنزين تمام واذا ماكفا بتجيك محطه بنص الطريق تبع ساسكو عب من هناك وانشالله ماتلاقي اي مشكلة

**دحوم** · 02-11-2006, 04:01 AM

يعطيك العافية على النصيحة وانا بصراحة اكتشفت شيء توني ادري عنه انه إذا خليت عداد البنزين يسرع هذا مهو من صالحك لأن البنزين راح يخلص بسرعة وهذي الحركة جربتها مع جمس الوالد وماشاء الله عبيته من الجمعة الماضية ولحد الآن ماعبيته يعني يجلس معك اسبوع تمام .

**ن ك د السـعــــوديه 3 5 7** · 02-11-2006, 04:43 AM

الحمد لله انا دايم ماسك خط الشرقيه بس ماأعبي الا في محطات معروفه

ياشباب اللي بيروح الشرقيه عندك محطة التسهيلات اول ماتطلع من الرياض وعندك محطة ساسكو بعد الرياض 200 كلم وهذي المحطتين تكفيك الى ان توصل الدمام

وبالنسبه لطريق العوده وانت طالع من الدمام ب 30 كلم بتجيك محطة التسهيلات وبعد 200 كلم بتجيك محطة ساسكو الخالدي هذي المحطات اللي اعبي عندهم والمعروفه (دوليا) :d