4 سلندر × 6 سلندر .. أتوكل؟ أو انتظر !

**T H A M E R** · 13-01-2009, 12:34 AM

السلام عليكم

أهنيكم على المنتدى الرائع للملكة الرائعه ولهوندا بـ شكل عام .. والحمدلله صرت منكم وفيكم :o ،،

أول موضوع سؤال .. تحملوا البداية :o

يمكن تكرر هالسؤال كثير وشفت كذا موضوع لكن للحين محتار ،،

السالفة إني انسان اموووت مع الدودج تشارجر :o .. لكن لـ سعرها الغالي .. وبعد مانزلت الملكة بشكلها الجديد ( 2008-2009) دخلت مزاجي بالإضافة إلى سعرها نقدر نقول مقبول نوعاً ما !

الزبدة :d .. الوالد لو جزمت على الأكورد 4سلندر شراها لي من بكرا .. لكن ودي بالـ سلندر6 بس احس سعرها شوي مبالغ فيه وصعبه أقنع الوالد ... فـ أقنعوني اتوكل واطق الـ4 ؟ لاني يوم فكرت قلت ماتفرق كثير غير المكينة وحاجات بسيطه .. مع اني راعي مقاومات احياناً وهذا اللي قاهرني هههههه .. فـ تكفون شوركم أتوكل على الله واشتري الـ4 فل كامل 2009 ؟

أو انتظر نزول سعر الدودج:o بما انها امريكي؟؟

ان شاء الله من ردودكم راح اتوكل على الله واقرر بعد الاستخاره ان شاء الله ،،
بإنتـــــــــظاركـمـ ،،،

**meshoo** · 13-01-2009, 01:05 AM

التشارجر يبدا من 81.000 الف لكن مأنصح فيها كاسياره عمليه وكيلها زفت وقطع غيارها نار وخرابتها واجد

ومسئلة نزول الاسعار شيلها من راسك ;)

استخير الله والي كاتبه الله بيصير

**T H A M E R** · 13-01-2009, 01:19 AM

تسلم حبيبي ع الرد السريع ،،

لا وان شريت شريت الـr/t اللي بـ 137 ألف ،،

لكن ماعلينا من الدوج ..

اهم شي الهوندا .. كيف الـ4 ؟

**first** · 13-01-2009, 01:21 AM

المشاركة الأصلية كتبت بواسطة t H A M E R

السالفة إني انسان اموووت مع الدودج تشارجر :o .. لكن لـ سعرها الغالي ..

انا واحد من الشباب جاني يقولي ايش رايك
اكورد 4 سلندر ولا تشارجر 6 سلندر
قولته على طول اكورد
قالي هادي 6 سلندر و هادي 4 سلندر !!!
المهم يوم طلع التشارجر بعد فترة يقولي صار يدخل هواء يشكل مو طبيعي
وبداء موال الامريكي خرابات ...

المشاركة الأصلية كتبت بواسطة t H A M E R

لاني يوم فكرت قلت ماتفرق كثير غير المكينة وحاجات بسيطه .. مع اني راعي مقاومات احياناً وهذا اللي قاهرني

لا يا الحبيب لا احد يقولك ما في فرق يعني المكينة تتماثل مع الحاجات البسيطة
6 - 4 =2

نصيحة :
واذا انتا راعي قومات لا تأخذ تشارجر 6 سلندر
واسأل الشباب حقون 4 سلندر ايش سوى معها ;)

و زبدة من الكلام داه كله خذ شي وانتا مقتنع تمام التمام

**Ëńġ․ℱάίśάℒ** · 13-01-2009, 01:34 AM

شوف انا عندي 6 سلند ماشاء الله لو تقدر خذها السياره

والموديل الجديد
و4 سلندر حلوه بس احسها ثقيله
الله يوفقك

**T H A M E R** · 13-01-2009, 01:50 AM

ماقصرتوا يالغالـــين ،،

حبيبي first الدوج أقصد الـR/T وهي 8 سلندر محرك هيمي ! .. اعووووووذ بالله

هههههههههههه ،،
لكن صعبه .. لذلك أحتمال الأكورد قريب وكبير جداً .. لكن الـ4 أحس مادري .. اقنعوني :d

بانتظار البقية :o

**T H A M E R** · 13-01-2009, 02:01 AM

بالإضافة إلى ..

جلد أو مخمل !

طبعاَ المعروف والطبيعي ان الجلد احلى وأفخم .. لكن مع جونا ؟؟

بانتظاركم

**momo** · 13-01-2009, 02:22 AM

فل 4 جلد وتوكل على الله فرق مكينه بس الفرق الجوهري وشكان ثاني

توكل على الله بلا مقماوات بلا خرابيط

**الشمــــالـــي** · 13-01-2009, 02:30 AM

أكورد 6 سلندر 2009

وخلك من الدوج .

**O m a r** · 13-01-2009, 02:47 AM

هههههه يآخي انت تحيّر صار مثل الي شاري هوندا وخلاص دافع فلوسها وراكبها وقبل ما يشغل يقول :
شرايكم حلوه صح ؟ احلى من الهيمي والا الـ 6 سلندر ؟ صح .. يعني ما ودك تشوف احد يذم الـ 4 سلندر هههههههههه
عموماً الله يوفقك بكل قرار تتخذه سواء اكورد والا ددسن .. ولا تشاور على شي إنت تنتظر المشوره الي تعجبك!
شوف حبيبي انا معاي 4 سلندر اكورد .. وكنت مستخدم سيارة مــآ .. 6 سلندر أكيد فيه فرق لكن المسأله على حَسب إستخدامك!
تبي سياره عمليه وفي البيع مرغوبه وبنزين أقل صرفيه وتتحمل الكرف .. لا تبتعد عن الـ 4 سلندر ..
أما اذا عندك أي ميول أو رغبه غير الي قلته لك.. هنا أعد التفكير مره ثانيه ..
( وكـ نصيحه شخصيه ابتعد عن الأمريكي تسلم ) , ايضاً نقطه اخرى ممكن غايبه عنك ألا وهي المبلغ الي راح يتوفر معاك
اذا شريت الـ 4 سلندر .. هذا المبلغ تقدر تضبط فيه سيارتك وترضي غرورك - إذا صح التعبيـر -

تقبل رأيي ومروري اخوك عمر :d

**أكورد دبي 9639** · 13-01-2009, 04:26 AM

أنا برأي اختار الأكورد

صحيح أنه التشارجر اقوى .. بس الأكورد شكلها احلا .. وبعدين ما ينزل سعرها بسرعة بعد الشراء ;)
لكن التشارجر ينزل بسرعة لأنه امريكي :p

**lonly style** · 13-01-2009, 05:27 AM

انا برأي الخاص اختار اكورد فل كامل وياريت لو كانت 6 سلندر ياهي فجيعه ناقصها بصمه و شاشه و سلف ظغط وتصير افضل عندي من اللكزس الصغير

**امبراطور الاكورد** · 13-01-2009, 09:27 AM

الاكورد 4 سلندر سلحفاه اذا انت راعي مقاومات ومعك موتر اول قوي صدقني بتكره نفسك

اما اذا كانت سواقتك مظبوطه انا اقولك الاكورد

طيب ليش ماتشوف التيما

**ieboo** · 13-01-2009, 10:46 AM

عزيزي
الخص لك الموضوع؟
التشارجر قاري
صوت
عزم
دفرنش خلفي <<< ميزه كبير

لكنه مو عملي .. ماله قيمه في البيع .. قطع غياره غااااااااالللللللللللييييييييييييييييه

الاكورد بالنظير سياره عمليه
سعر البيع لها عالي جدا
سعر قطع الغيار (ان احتجتها) معقول جدااا
وغير هذا كله أأمن ومن داخل افخم بمليون مره

(اساسا الكوريلا افخم من داخل من التشارجر)

بقى شي واحد
انا معي v6
يوم جيت اشتريها مريت بنفس اللي قاعد تتكلم عنه
سعرها بالنسبه لي مبالغ فيه
والاربعه سلندر سلحفاه ما تمشي
بس حليت المسأله اذا تبي الحل راسلني على الخاص واعلمك :d

المشاركة الأصلية كتبت بواسطة lover_s87

أنا برأي اختار الأكورد

صحيح أنه التشارجر اقوى .. بس الأكورد شكلها احلا .. وبعدين ما ينزل سعرها بسرعة بعد الشراء ;)
لكن التشارجر ينزل بسرعة لأنه امريكي :p

من قال ان التشاجر اقوى؟
يمكن انت تقارن الثمانيه سلندر بالسته حق الاكورد
او تقارن السته سلندر باربعة الاكورد
لكن لو هم الثنتين سته سلندر ما يصف التشارجر

**The Stig** · 13-01-2009, 11:44 AM

المشاركة الأصلية كتبت بواسطة O m a r

هههههه يآخي انت تحيّر صار مثل الي شاري هوندا وخلاص دافع فلوسها وراكبها وقبل ما يشغل يقول :

شرايكم حلوه صح ؟ احلى من الهيمي والا الـ 6 سلندر ؟ صح .. يعني ما ودك تشوف احد يذم الـ 4 سلندر هههههههههه
عموماً الله يوفقك بكل قرار تتخذه سواء اكورد والا ددسن .. ولا تشاور على شي إنت تنتظر المشوره الي تعجبك!
شوف حبيبي انا معاي 4 سلندر اكورد .. وكنت مستخدم سيارة مــآ .. 6 سلندر أكيد فيه فرق لكن المسأله على حَسب إستخدامك!
تبي سياره عمليه وفي البيع مرغوبه وبنزين أقل صرفيه وتتحمل الكرف .. لا تبتعد عن الـ 4 سلندر ..
أما اذا عندك أي ميول أو رغبه غير الي قلته لك.. هنا أعد التفكير مره ثانيه ..
( وكـ نصيحه شخصيه ابتعد عن الأمريكي تسلم ) , ايضاً نقطه اخرى ممكن غايبه عنك ألا وهي المبلغ الي راح يتوفر معاك
اذا شريت الـ 4 سلندر .. هذا المبلغ تقدر تضبط فيه سيارتك وترضي غرورك - إذا صح التعبيـر -

تقبل رأيي ومروري اخوك عمر :d

احلى كلام سمعته من فتره طويله :d

اهم شي اقتناعك .. لاتقول لي الشارجر يدخل هوا ولا تقول الهوندا سليمه ميه في الميه !!
كل السيارات فيها ايجابيات وفيها عيوب ..
ومادام انها جديده وعلى الضمان .. توكل باللي ترغب فيه ..

وياحبذا الهيمي الفي 8 هع هع عنننننننننننننننننن

**المباشر** · 13-01-2009, 12:44 PM

روح لوكالة الدمام بتحصل شارجر أسود R/t معروض بـ 73 الف محرك هيمي وتراه تبع اخوي

تخيل اخذناه كاش حوالي 120 الف وبعناه 69 الف وياشيخ مشاكله ماتخلص جاب المرض لأخوي

لوحته 848 اذا ماني ناسي

على العموم والله الأكورد أبرك واحسن وحتى لو كان فيها مشاكل مثلآ لكنها تهون وكلها بسيطة وأي شي على الضمان مش مثل التشارجر تخلص من مشكلة وتطلع لك الثانية وهكذا

**BLK** · 13-01-2009, 12:50 PM

إذا بتاخذ أكورد خذ ستة سلندر

او خذ مستعمل يعمي السوق مليان 2007 و 2008 ماشيين قليييل و بسعر حلوووووووو

**@اكورد وبس@** · 13-01-2009, 01:28 PM

اكورد v6

**الهنادي معشوقتي** · 13-01-2009, 03:42 PM

انا اناصحك وبقووه بـ اكورد 6 سلندر...

والله حلووووه..

**T H A M E R** · 13-01-2009, 11:17 PM

ما قـصـرتوا جميعاً :o ،،

والله مدري اجل سلحفاة ههههههه .. عاد اللي معي الحين VX-R 99 بس طبعاً مو سيارة شخصية لي لي ويعني 8سلندر .. تهقون اكره نفسي ؟ ههههههههه

بس صراحه اشوف 116 - 114 ألف سعر مبالغ فيه صراحه مدري ،،

ماقصرتوا حبايبي وانتظر البقية ،،

**meshoo** · 13-01-2009, 11:30 PM

ماكل مايتمناه المرء يدركه تجري الرياح بما لاتشتهي السفن

انت تبي سياره تكرها مع الوقت من وكيلها ؟ تبي سياره خرابات ؟
خذ دوج

تبي سياره عمليه ؟ وسواقتها ممتازه ومريحه ؟
خذ اكورد

وعلى قولة المثل مد رجولك على قد لحافك

اذا ماتقدر على الاكورد 6 سلندر خلاص خذ الـ 4 وتوكل على الله

وشي طبيعي انك بتحس بفرق بين السياره الي معك والاكورد 4 سلندر لكن مع الوقت بتتعود

ومره وحده جرب الاكورد 4 سلندر والـ 6 سلندر اذا تبي منت خسران شي

وصدقني سعر الاكورد 6 سلندر عندنا مو مبالغ فيه شوف الامارات بكم عندهم الـ 6 سلندر

**سيتي ماكس** · 14-01-2009, 12:40 AM

اخوي اذا انت مفكر بالتشارجر بشكل جدي انصحك بالاكورد ستة سلندر لان الاربعة راح تتحطم خاصة اذا قد سقت الكابرس او التشارجر بو ثمانية سلندر....

**المباشر** · 14-01-2009, 01:31 AM

خذ لك اكورد 6 سلندر وعيش الرفاهية

**مـحـتـار ..** · 14-01-2009, 01:26 PM

مدامك راعي مقاومات وتبي يباني وسعره زين ..

خذ أوريون .. وفكر في الموضوع زين ..

**lambo** · 14-01-2009, 09:50 PM

^^^^^^^^^
اذا مره ماسكه معك 6 سلندر يباني مثل ماتفضل محتار
الاوريون قراندي ب 98 الف ريال وتركب شاشه نفيقشن بثلاثه الاف زياده وتصير توب التوب
برأيي المتواضع انها حل حلو والسياره فخمه
وشوف اللي يريحك وتوكل على الله ولاتنسى الاستخاره