ياشباب أفيدوني تكفون .. أنا مستعجل .!

**مـحـتـار ..** · 27-01-2009, 08:10 PM

السلام عليكم ورحمة الله وبركاته ..

شباب أنا ناوي على أكورد 2008 لونها أسود مستعمله وجلست

أدور تقريبآ عليها 3 شهور إلين لقيتها .. المهم يوم لقيتها

صارت بنظام التأجير منتهي بتمليك .. من البنك الأهلي ..

وبعد القروشه والازعاج .. إلين طلع السعر كامل ..

صاحب السياره يقول أنا بتنازل عنها .. ويقول أنا دافع فيها

35 ألف تقريبآ .. والبنك طالب 55 ألف كاش تقريبآ .. والرجال على شان يتنازل عنها يبي 20 ألف تقريبآ .!!

يعني المجمووع نقول 73 اذا حاولنا مع الرجال ..

علمآ أن السياره ماشيه 40 ألف تقريبآ .. وراعيها

عاقل ومهب راعي تفحيط وسرعه يعني كبير في السن ..

علمآ أني قابلته وشفت السياره والسياره ما شاء الله نظيفه جدآ جدآ ..

ومركب عليه بعض الاشياء مثل التخشيبه السياره + تخشيبة الدركسوون + كشافات ..

علمآ أن بينه وبين الوكاله تقريبآ 12 ألف ..

فأتمنى انكم تساعدوني وتنصحوني وش أشتري

الصراحه يوم شفت السياره قلبي تعلق فيها

فأتمنى أنكم تنصحوني .. تكفوون ..

قفله :: لاحد يقرآ الموضوع الا وهو راد عليها لان مايبيله خبره ..

وشكرآ ..

**accord 04** · 27-01-2009, 08:18 PM

اول شئ اخوي هذا مو قسمه :d

ذآني شئ ما ابي اقول شئ من عندي و انا ما افهم اصلاااااا في نظآم التآجير ,, :(

ان شاء الله الشباب يفيدوك

**ا ا ب السعوديه 6 6 5 5** · 27-01-2009, 08:27 PM

السلام عليكم
كيف الحال اخوووي
والله انا من ائيي انك تصبر شوي لان السياره غاااليه لاني رااح تحصل جديده في المعارض 77 الف اذا كنت بتاخذ كاااش وكلها ما تفرق الا 5 الاف عن الجديده وهذي ماشيه 40 الف حلرااام تاخذها بالسعر هذا والتخشب مايكلفك الا 1500 ريال حرااااام السعر هذا فيها

**مـحـتـار ..** · 27-01-2009, 08:33 PM

المشاركة الأصلية كتبت بواسطة ا ا ب السعوديه 6 6 5 5

السلام عليكم
كيف الحال اخوووي
والله انا من ائيي انك تصبر شوي لان السياره غاااليه لاني رااح تحصل جديده في المعارض 77 الف اذا كنت بتاخذ كاااش وكلها ما تفرق الا 5 الاف عن الجديده وهذي ماشيه 40 الف حلرااام تاخذها بالسعر هذا والتخشب مايكلفك الا 1500 ريال حرااااام السعر هذا فيها

مشكور أخوي وماقصرت بس أنا مستعجل ..

وأنا ناوي كاش ان شاء الله .. بس الأسعار بتطيح ..

ومتى ...!؟

**smiling devil** · 27-01-2009, 10:36 PM

الراي الاول والاخير لك

بس من رايي زد عليها شوي وخذ جديده اصفار

اما مستخدمه تدفع فيها مبلغ كبير وانت ما تدري وش فيها

والله يرزقك بالموتر الطيب اللي يتجمل معك

**مـحـتـار ..** · 27-01-2009, 11:15 PM

المشاركة الأصلية كتبت بواسطة smiling devil

الراي الاول والاخير لك

بس من رايي زد عليها شوي وخذ جديده اصفار

اما مستخدمه تدفع فيها مبلغ كبير وانت ما تدري وش فيها

والله يرزقك بالموتر الطيب اللي يتجمل معك

الله يجزاك خير أخوي وماقصرت ..

**momo** · 28-01-2009, 01:13 AM

رديت عليك بموضوع اصحاب 2008و2009

**kakashi-san** · 28-01-2009, 01:31 AM

وعليكم السلامْ ،،

هلا فيك أخويْ ،،

فيه واحد في البحرين عارض موتره للبيع أكورد 2008 مستعمل وماشي عليه 5000 كيلوْ ،،

بسعر 80 ألف ريالْ ،،

والجمارك ما ياخذون على السيارات من فوق 2007 ،،

والسيارة مثل ما يقول نظيفة مرةْ ،،

اذا لك نيّه تتواصل معاه ، ارسل لي على الخاص ،،

بالتوفيق لكْ ،،

**lonly style** · 28-01-2009, 02:11 PM

طيب الحين انت مجموع السياره كم ما فهمنا وكم موديلها وشنو مواصفاتها ومجموع السعر اجمالي السعر كم ؟؟

**مـحـتـار ..** · 28-01-2009, 02:46 PM

المشاركة الأصلية كتبت بواسطة lonly style

طيب الحين انت مجموع السياره كم ما فهمنا وكم موديلها وشنو مواصفاتها ومجموع السعر اجمالي السعر كم ؟؟

الاجمالي 72 ألأف..

مواصفاتها .. سياحيه لونها أسود مركب مقابض نيكل + تخشيب كامل + تخشيب الدركسوون + كشافات .

**المـــــلكـ اكـــــورد** · 28-01-2009, 02:47 PM

^^^
بالسعر هذا تاخذ سبيشل واقل ممشى

وانصحك تشوف موقع مستعمل يمكن تحصل طلبك

**أبو عــزوز ..** · 28-01-2009, 03:14 PM

غاليهـ ..

شوف المعارض بتحصل أقل ممشى ..
ومواصفات سبيشل --> جنوط 16 + فتحهـ سقف + مثبت سرعة + تحكم بالصوت عن طريق الدركسون ...... إلخـ

المهم سبيشل أفضل لك

وتحصل سعرها مقارب لهذي ..

**lonly style** · 28-01-2009, 04:16 PM

احس السالفه ماتسوى 72 الف تشتري فيها سياره بدون مواصفات ؟؟؟

حط عليها زياده واشتري جديده سبيشل او دور لك وحده سبيشل مستخدمه افضل

**أبو سليمان** · 29-01-2009, 12:10 AM

بما أنها سياحيه فأشوف السعر غالي عليها

دور لك سبيشل بالمعارض ممكن تلقى بهذا السعر

**a7la accord** · 29-01-2009, 12:50 AM

73 ألف كثيييير جدا مقارنة بموديلها

زي ما قالوا لك الشباب لاتستعجل

تقدر تلقى من الموديلات الجديده وبفرق جدا بسييط

**Y.k.A** · 29-01-2009, 01:15 AM

غالية زي ماقالو الشباب دور في المعارض بتحصل احسن منها موصفات (سبيشل) وارخص

**zeyad** · 29-01-2009, 01:58 AM

معلومه مهمه

ترا الاكورد سعرها صار يمسك ماهيب زي اول

نصيحه اللون الاسود ابعد عنه بيتعبك ب التغسيل ويتوسخ بسرعه

**مـحـتـار ..** · 30-01-2009, 02:56 PM

المـــــلكـ اكـــــورد

أبو عــزوز ..

lonly style

أبو سليمان

a7la accord

yazeed.k.a

zeyad

مشكورين كل واحد بأسمه ,,

وشكلي بأخذ لي سياحيه وكاله .. وأفتك من المستعمل وغثاه .

الموضوع: ياشباب أفيدوني تكفون .. أنا مستعجل .!

أدوات الموضوع

عرض

ياشباب أفيدوني تكفون .. أنا مستعجل .!

المواضيع المتشابهه

تكفون ياشباب أفيدوني

افيدوني ياشباب لاني مستعجل

تكفون يشباب مستعجل مــرررره

مواقع النشر (المفضلة)

مواقع النشر (المفضلة)

ضوابط المشاركة