الموضوع: **فـرصـه مـاتـتـفوت ورشـة هـونـداhonda**

السلام عليكم ورحمة الله
حيالله الشباب كيف الحال انشالله انكم طيبين
حبيت أبشركم وأبلغكم عن ورشة هوندا متخصصين في هوندا
توها فاتحه المشرف اللي فيها كان في ورشة ثانيه وفتح هذي
الجديده وانا اقولكم عن تجربه سابقه الشغل نظيييف بيني
وبينكم مليت من الوكاله كسروا ظهورنا بأسعارهم دخلت
موتري عندهم أكورد 2005 وضبطوها لي من اولها إلى
اخرها والشغل مايحتاج شغل نظيف المشرف باكستاني أسمه
(ابراهيم) بسم الله كلامه كأنه سعودي ,وماشالله عليه خبير
يعرف المشكله اللي في الموتر على طول
عاد هي توها فاتحه ومسوي عرض فحص مجاني يفحص لك
الموتر من إلى مثل الوكاله يرفع لك الموتر ويفحصه وتغيير
بواجي
(فحص كامل+تغيير بواجي) مجاني لمدة شهر من يوم السبت
28/5/1430هـ إلى 28/6/1430هـ ((فرصه ماتفوت))

لسكان الرياض الورشه في صناعية البديعه أعتذر لعدم وضع
صورة الكروكي لعدم توفر السكنر خذوا الوصف:

البديعه مول انشالله انكم عارفينه اللي في شارع المدينه
المنوره خلوه على يساركم واطلعوا سيدا/
وبيجيكم بعده الهرم بلازا على اليسار اطلعوا سيدا ليييين تجيكم
إشاره تقاطع شارع المدينه المنوره مع شارع الشيخ عبدالعزيز
بن باز/ أرجعوا مع الإشاره
بيصير مجمع سكون الليل على
اليمين واطلعوا سيدا كأنكم بترجعون للبديعه مول حلو اول
ماترجعون مع هذي الإشاره احسب
1000متر يعني كيلو بتجيكم صناعية البديعه على اليمين/ لها
مدخلين المدخل الأول عنده محل قطع
غيار تويوتا النهدي خشوا معه امشوا تقريباً 100 متر إلى
ماينحني الخط يسار تشوفون الورشه
على اليسار HONDAرقم الورشه (35) وهذي صورة الورشه

تحميل صور[/url]


تحميل صور[/url]

اتمنى انشالله ان الوصف واضح

وآسفين على كثرة الكلام

والله يعطيكم العافيه

أخوكم
V T I Lوبس