Please drive safe

**B Useful** · 08-06-2009, 03:02 PM

[ame="http://www.youtube.com/watch?v=YY4hICSiRa4"]http://www.youtube.com/watch?v=YY4hICSiRa4[/ame]

* تذكر .. في الدنيا لك حياة وحدة .

* تذكر .. في الطرق السريعة اقرب مستشفى العادة تكون على بعد 400 كيلو .

* داخل المدن اقرب مستشفى على بعد ساعتين عشان الزحمة .

* الشئين الوحيدة في جسم الانسان اللي اذا انقصوا يطلعون مرة ثانية (على حسب علمي ) : الشعر والاظافر .

* قطع الوكالة غالية ..!

* التشليح نصابين ..!

* كل مطرود ملحوق .

* ما عرف اكتب موضوع .

* تذكروا ،، اصدقائكم ، جيرانكم ، اقاربكم ، اللي راحوا ضحية حادث ..
متيم بالهنادي - رحمة الله - كان عمرة اقل من 20 سنة يوم توفي في الحادث مع صديقة .

* الفهاوة حلوة بعض الاحيان بس موب في قيادة السيارات ..!

* اذا جيت تبي تسقط على واحد بسيارتك .. اسقط على سنع ولا لا تسقط من الاساس ،،!

* حزام الامان ، أمان بمشيئة الله .

* استخدام الفحمات الاصلية والتأكد من سلامة نظام الفرامل دورياً يساعدك على التوقف السليم وتقليل الخسائر في اللحظات الحرجة .

* لحظة انفجار الايرباق في وجهك ما تحس فيها ..!
لكن بتلاحظ ان يدك فيها جروح وحروق .. وآثار حرق في وجهك .. وبتحس بكل شي بعد دقائق من انفجار الايرباق .

* لما يقولون فلان كان نايم ومات ، فلان مات بعد معاناة مع المرض كلها تهون ، لكن كلمة فلان مات في حادث وأحدهم يصف لك انة كان ينزف ويتألم ويستنجد ويحترق واطرافة مقطعة ..! ( لك ان تتخيل الموقف ...) .

* احلى شي في العالم ان تكتب رسالة جوال وانت على سرعة عالية بالسيارة !! But لما تكتشف في آخر لحظة ان الله نجاك من الحادث اللي كان بيصير بسبة هالرسالة ............. !!

* مرة من المرات .. فقدت صديقي واخوة الاصغر ووالدة بل ووالدتة وايضاً اختة في حادث واحد !!

* Please drive safe

* Please drive safe

* Please drive safe

* الموضوع من اخراج وتأليف ونشر وكتابة وأفكار واضاءة وتصوير وتعبير واعداد كوكو كورد ...

* اللي معهم V6 بالذات ;) Please drive safe

**A C C O R D** · 08-06-2009, 03:21 PM

ياخي المقطع الييييم :(

والله حكرتها يا مصعب

مشكور وما قصرت يا بطل

**Dodiii78** · 08-06-2009, 03:35 PM

تسلم اخوي كوكوكورد
على المقطع المؤثر جدا جدا
وعلى السيناريو الجميل اللي قدمته
الله يسترنا والحمد الله على العافية

**@اكورد وبس@** · 08-06-2009, 04:26 PM

يعطيك العافيه على الموضوع الأكثر من رائع.

تحاتيـ)~

@اكورد وبس@.

**accord 2007** · 08-06-2009, 04:30 PM

مصعب صراحة ماادري ايش اقول لك على المقطع
صح اني شفت المقطع قبل لاكن مع اغنية Evanescence & My immortal كلام ثاني
والله ان عيني دمعت على المقطع وماودنا يوم من الايام نحط في موقف من المواقف اللي في المقطع او ان نفقد يوم من الايام انسان غالي وعزيز علينا
حبيت اقول للجميع
For Your Safety
Pay Attention*& Drive Safely

في الختام اذا كان في المنتدى خاصية شكر صدقوني ماعرفتها الا بهذا الموضوع
تحياتي لك مصعب .....
برايفت .....
ياليت اللي عندنا يفهمون افضل من اللي هم فالحين فيه بنظامتهم الجديده اهم شي المخالفه
نظام من دون ....... تطبيق اي توعيه للشعب
والله لو يدبلون المخالفات من اليوم الى بكره بنشوف ناس تخالف
لاكن وعي الشعب بالاول وبعدها طبق النظام

**kakashi-san** · 09-06-2009, 01:49 AM

السلام عليكم ،

الله يهديك يا مصعب قلبت علينا المواجعْ ،

بس بصراحة فيديو بطل ومؤثّر ،

عسى بس يتعضع بعض الشبابْ ،

ما هووب يوم يومين ما يسرعْ وعقب تشوف رجلة من قوّة الدعسة تحس بيحفر في الشارعْ ،

اكتشفت اشياء كثيرةْ وخاصة لما أروح الكليّةْ ،

لما امشي بالسرعة المحدده على الشارع وغيري يمشي 120 و 140 ،

كلنا نوقف في نفس الاشارة وجمب بعض ، فليش اتعّب نفسي واتعّب سيارتيْ ويمكن تحدث أشياءْ ما تتعوّضْ ..

صارت السيارة لعبة ،

الله يستر على الجميع ،

**O m a r** · 09-06-2009, 04:10 AM

شريط من الذكريات .. مرّ عليّ ..

أهنيك يا بطل ، فعلاً أدمعت عيني :(

**ـبطرانـ2005ــ** · 09-06-2009, 05:51 AM

>>> يا حبيبي يا مصعب

عاد تبي الجد <<< بعض الاحيان ادخل المنتدى وانا اقوول يا رب مصعب كاتب موضوع

بصراحهـ مواضيعك <<< صحيح انها بعض الاحيان ما تميل للهوندا

>>>بس احس انك تتكلم عن الواقع بكل صرااحهـ

ولا تحسبني لمى اقوول مشكور على الموضوع >>يعني اسلك لا والله اتأثر معاك

ولا تحرمنا من مواضيعك الي تطيب الخاطر

**عطر الحكي** · 09-06-2009, 06:32 AM

هذي المواضيع الي يستفيد منها الانسان في حياته ويتعض من غيره

عزيزي مصعب:

كلمات الاعجاب بك تقف حائره عندك

لاعدمناك يالغالي

سلمت يداك

**B Unique** · 09-06-2009, 09:33 AM

ليت كل ما يُكتب يُطبق

شكراً مصعب

**amer09** · 09-06-2009, 09:38 AM

يعطيك العافيه مصعب وسلمت يدينك

والله يكفبنا ويكفيكم شر الحوادث

**King** · 09-06-2009, 01:54 PM

كلمة شكرا ً لا تكفي

قد يكون موضوعك سبب في نجاة شخص من حادث

وقد يكون عضه له ولغيره

**SAND** · 09-06-2009, 05:16 PM

جزاك الله مليون خير

والله كلمة شكر قليلة في حقك

**memories** · 09-06-2009, 07:26 PM

المشاركة الأصلية كتبت بواسطة كوكو كورد

* تذكر .. في الدنيا لك حياة وحدة .

* تذكر .. في الطرق السريعة اقرب مستشفى العادة تكون على بعد 400 كيلو .

* داخل المدن اقرب مستشفى على بعد ساعتين عشان الزحمة .

* الشئين الوحيدة في جسم الانسان اللي اذا انقصوا يطلعون مرة ثانية (على حسب علمي ) : الشعر والاظافر .

* قطع الوكالة غالية ..!

* التشليح نصابين ..!

* كل مطرود ملحوق .

* ما عرف اكتب موضوع .

* تذكروا ،، اصدقائكم ، جيرانكم ، اقاربكم ، اللي راحوا ضحية حادث ..

* الفهاوة حلوة بعض الاحيان بس موب في قيادة السيارات ..!

* لما يقولون فلان كان نايم ومات ، فلان مات بعد معاناة مع المرض كلها تهون ، لكن كلمة فلان مات في حادث وأحدهم يصف لك انة كان ينزف ويتألم ويستنجد ويحترق واطرافة مقطعة ..! ( لك ان تتخيل الموقف ...) .

* احلى شي في العالم ان تكتب رسالة جوال وانت على سرعة عالية بالسيارة !! But لما تكتشف في آخر لحظة ان الله نجاك من الحادث اللي كان بيصير بسبة هالرسالة ............. !!

* مرة من المرات .. فقدت صديقي واخوة الاصغر ووالدة بل ووالدتة وايضاً اختة في حادث واحد !!

* اللي معهم v6 بالذات ;) please drive safe

صدقني تعرف تكتب مواضيع وتعرف تأثر في الناس

وصدقني الى الان ماشفت المقطع

قرأت كلامك وحسيت بغصه وعيوني دمعت

الكلام اللي أثر فيا هوا اللي بالاحمر

مع اني لم أقرأ القصه حقت فقدان صديق وعائلته ولكن تخيل فقدان مجموعه كامله أحزنني بشده

شكراً كوكو كورد

**كلاس وولد ناس** · 09-06-2009, 07:53 PM

أهنيك عالموضوع
أهنيك عالأسلوب
أهنيك عالمقطع
ولكن يبقى هنالك سؤال كلنا نريد إجابة له
هل من معتبر؟؟؟

**راعي الحلم** · 09-06-2009, 08:15 PM

بيض الله وجهك على الموضوع
كفيت ووفيت

**اكورد 07** · 09-06-2009, 09:06 PM

من الصعب انك تفقد احد غالي وخاصة اد كان من اقرب الناس لك
والله ذكرتني القصة باخووي الله يرحمه نزلت دموعي مني
على العموم اشكرك من كل قلبي ونشاء الله كل الا في المنتدى ويستفيدو من هل الكلام
تحياتي لجميع

**ثــلــج مــشــوي** · 09-06-2009, 11:23 PM

* اذا جيت تبي تسقط على واحد بسيارتك .. اسقط على سنع ولا لا تسقط من الاساس ،،!

صراحه ....هذا اقدر اقول انه اكبر سبب للحوادث المميته ( اتكلم عن الي اشوفه بالرياض )

يجيك هياط

ياولد خل اخيط

اخرتها قبل كم يوم بغت تصير قدامي مصيبه لدرجه اني غمضت عيوني وانا اسوق خلااااااص

ماشي بالدايري الغربي طقه مخرج 25 وانت طالع

ماسك اليسار

قدامي جيب الي يسوق اقل ماا اقول فيه معتوه

الي قدامه مافتحله وهو كان مسرع

راح لاقصى اليمين مره على الكتف الايمن

اول مامسك الكتف الايمن وش لقا قدامه ....؟

عايله موقفه ومبنشر والابو او الرجال جالس يصلح الكفر

جا بيرجع طلع يساره تريله

لانه شطف التريله من ورا ولا شاف الي بيصير قدامه وهذي العن حركه

وراعي التريله مافيه مجال بينه وبين راعي الجمس الي واقف

يعني راعي الجيب = يا بالتريله يا. بالعايله

رحمه من ربي ان راعي التريله منتبه ووخر بشكل جنوني عن الدلخ ...

سؤال

لو راعي التريله ماوخر وش راح يصير ......؟؟؟

هذا نموذج واحد من عدد هائل من الي يسوون الحركه هذي ودايم عواقبخا وخيمه

السرعه مو كل شي ....صحيح انها سبب رئيسي

لكن الفهاوه وقله الوعي وقله الخبره هي الي تجيب العيد

اذا اجتمع سرعه وتهور بزحمه فـ الله يستر

وكم مره تصير قدامي حوادث على الخطوط وكلها غبيه وكلها مميته

واخرتها فورد متجاوز من اليمين ولفت عليه التريله ورجع حب فان عايله

ياناس الفان فيه بزر يطل مع الدريشه الي ورا

وهذا دخل فيهم وحاس الفان وضرب بتريله ..........

وصلت للرياض ماتفوهت بكله وعيوني تدمع من الي شفته قدامي

وكلها ......

بس وش تقول ....

الله يستر

شكلي كثرت كلام

**الاخطبوط** · 10-06-2009, 12:59 PM

ماقصرت يامصعب كفيت ووفيت وبأسلوب رائع أديت

وطلعت راعي نصايح ماشاء الله >> الله يتمم على خير

اشتغل معي المقطع اليوم والصراحه انه مؤثر كثير وياليت نفكر في العواقب قبل مانعمل اي شيء

وعسى الاعضاء يستفيدون وخاصه اللي قلت عليهم اخر الموضوع

**يامطنش** · 10-06-2009, 11:21 PM

شكراَ مصعب

**slaitr** · 11-06-2009, 01:11 AM

والله مدري وش اقول

مواضيعك يا مصعب قمة

الله يخليك ويسخرك لخدمة الامة

**accord 2007** · 11-06-2009, 02:44 AM

المشاركة الأصلية كتبت بواسطة slaitr

والله مدري وش اقول

مواضيعك يا مصعب قمة

الله يخليك ويسخرك لخدمة الامة

**اتحادي** · 11-06-2009, 03:16 AM

مشكور على الكلام الرائع و المقطع المؤثر

**℃iⅤi℃** · 11-06-2009, 03:54 AM

:(

المقطع أليــــــــــم ..!

قلبت المواجع ..

رجعتني 3 شهور ورا .. ايام حصلي حادث .. تخيل ماشي 130 وماسكـ اليسار و فجأة و انت غافل يعرض قدامكـ وايت بياخذ اليو تيرن ..

ربكـ ستر .. بعدت عنه و حاست السيارة و ركبت الرصيف ..

و آخرتها فاتورة بـ 8 الاف :( ..

و الحين تقدر تقول اني اخذت العبرة .. بس لابد في بعض الاوقات اغفل و انسى الماضي و اعطيها دعسه شوي ..

الله يكفينا الشر ..!

سلامـ,