ابي مشورتكم ياشباب ( حادث بسيط حصل لسيارتي )

**meshoo** · 21-06-2009, 08:41 PM

السلآم عليكم ورحمة الله وبركاته

كيف حالكم ياشباب ؟ ان شاء الله بخير

قبل فتره مو بعيده الله يهديه الوالد رجع على سيارتي وعفط لي الكبوت من البدايه

وصار زي رقم 8 بس مو زاويه حاده يعني ميلان خفيف ومن بداية الكبوت معفوط

ومأدري وش اسوي انا خايف لو وديتها اي ورشه مايضبطونها ويصير الكبوت متعرج

وسعر الكبوت بالوكاله 500 ريال

وعندي الصدام بعد دخل الشكمان فيه وتحفر شوي قلت ممكن اضبطه بمحل فايبر واصبغه

المهم سعر الصبغ بالوكاله كبوت + صدام بـ 1500 ريال و 145 مواد دهان

يعني بيطلع علي المجموع 2145 ريال

وش تشورون علي اسمكر الكبوت والا اغيره ؟

واصبغ الكبوت والصدام بالوكاله والا بأي ورشه ؟

وفي احد يعرف ورشه بالدمام تضبط الصبغ زي الوكاله بالملي ؟

ويعطيكم العافيه مقدمآ

**slaitr** · 21-06-2009, 08:55 PM

الكبوت غيره وودها ورشه محترمه ورش الصدام مع الكبوت
سؤال الوالد وش السياره الي معه ؟ <<<<ملقووووووووووف

**meshoo** · 21-06-2009, 09:10 PM

المشاركة الأصلية كتبت بواسطة slaitr

الكبوت غيره وودها ورشه محترمه ورش الصدام مع الكبوت
سؤال الوالد وش السياره الي معه ؟ <<<<ملقووووووووووف

رجع علي بسيارة السواق تويوتا انوفا مرفعه ترفيع من ورا والاستبنه مشيوله منها وكلها حدايد من تحت

وطبعا هو غلط بدال مايحط d ويمشي سيده حط r وداس بنزين وعلى سيارتي

:d

**accordyon** · 21-06-2009, 09:38 PM

المشاركة الأصلية كتبت بواسطة meshoo

المهم سعر الصبغ بالوكاله كبوت + صدام بـ 1500 ريال و 145 مواد دهان

يعني بيطلع علي المجموع 2145 ريال

متأكد من المجموع2145

على كلامك 1500+145=1645ليش 2145

نرجع للموضوع اولاً خطاك السوء
واذا الضربه مو قويه عدل الكبوت والصدام غيره احسن
والراي لك

**دحومي 2008** · 21-06-2009, 09:56 PM

الكبوت غيره وودها ورشه محترمه ورش الصدام مع الكبوت

وأنا مثل أخوي في الرئي:d

**meshoo** · 21-06-2009, 10:11 PM

المشاركة الأصلية كتبت بواسطة أأح2024 بيج

متأكد من المجموع2145

على كلامك 1500+145=1645ليش 2145

نرجع للموضوع اولاً خطاك السوء
واذا الضربه مو قويه عدل الكبوت والصدام غيره احسن

والراي لك

ولاتنسى 500 ريال سعر الكبوت جديد يعني 2145

الصدام تلحيم فايبر الفتحه الي بالصدام ماهي كبيره وسعر الصدام وكاله 900 ريال

ويعطيك العافيه يالغلآ ماقصرت

**meshoo** · 21-06-2009, 10:12 PM

المشاركة الأصلية كتبت بواسطة دحومي 2008

الكبوت غيره وودها ورشه محترمه ورش الصدام مع الكبوت

وأنا مثل أخوي في الرئي:d

انا ودي اسوي زي كذا بس خايف يلعبون بالكبوت ومايرجع زي اول شد بلد

ويعطيك العافيه يالغلآ ماقصرت

**slaitr** · 21-06-2009, 10:21 PM

طيب دور تشليح يمكن تلاقي كبوت او صدام نظيف نفس لون موترك

**meshoo** · 21-06-2009, 10:37 PM

المشاركة الأصلية كتبت بواسطة slaitr

طيب دور تشليح يمكن تلاقي كبوت او صدام نظيف نفس لون موترك

مستحيل اشتري من التشليح

ويعطيك العافيه ماقصرت على مشورتك

**accordLTR** · 22-06-2009, 01:11 AM

^^^
بالعكس التشليح شد بلد وبويه من نفس المصنع

انت روح التشليح وشوف فارق السعر

**المباشر** · 22-06-2009, 02:34 AM

الحمدلله على السلامة

عزيزي اذا متخوف ان الكبوت مايطلع مثل شد بلد فطق لك جديد اذا سعره 500 ريال والصبغ يهون امره ومادري بالوكالة يجي مصبوغ الكبوت ولا أسود

الصدام بسيط أقرب محل فيبر جلاس وأصبغ فرن في أحسن ورشة ومايحتاج أكيد عارف شغل باسمير

**ن ع ر السعودية 0005** · 22-06-2009, 09:28 AM

وعليكم السلام ورحمة الله ......
يا هلا أخوي ميشو الحمد الله على السلامة وإن شاء الله بسيطة أنا أقول إذا الكبوت ما أنقشعت البويه منه وعلى كلامك أنها بسيطة أنا أشوف أنها تتعدل من داخل الكبوت أحسن ويمكن تعدلها بيدك لانه بسيط أحسن من أنك تغير كبوت كامل يمكن ما الوزنة ما تطلع صح أو تكون البوية مش مضبوطة والدائرة إلي بالصدام سو لها تلقيط وما راح توضح إلا من قريب والرآى الأول والأخر لك أخوي ميشو .....

**meshoo** · 22-06-2009, 09:46 AM

والله يا اخوي اكورد ltr ماني مقتنع بفكرة التشاليح ويعطيك العافيه ماقصرت

الله يسلمك اخوي المباشر سعر الكبوت بالوكاله 500 ريال بدون صبغ والصدام زي ماقلت برقعه فايبر لكن مابي اسوي بالوكاله شي وبالورشه شي وهل انت مجرب ورشة باسمير ؟ ويعطيك العافيه على المساعده

الله يسلمك اخوي ن ع ر الكبوت مانقشعت بويته الحمد لله انا ماشوفها تستاهل التغيير بس ماني محصل ورشه مضمونه 100% على العموم في الورش تصليح الكبوت + صبغ الكبوت + ترقيع الصدام + صبغ الصدام بتكلفني حدود الـ 1500 ريال ومادري وش اسوي !! ويعطيك العافيه ماقصرت

**EmPTY** · 22-06-2009, 12:40 PM

....

كيف حالكـ اخوي ..
اخوي مادام البويه ماطارت من الكبوت ليه ماتعدله تعديل ؟؟

ولا تروح عند اي ورشه تعديل روح لورشه مشهوره بالتعديل مثل ::ورشه الحسون وورشه ابوفهد بعنيزه <<< ترجع لك السياره احسن من اول لكن شغلهم غالي شوي ..اتوقع يكلف عليكـ اكثر من 500 ريال على حسب الضربه ..

والصراحه انا ما اعرف وين محلهم بالضبط لكن الشباب اللي يعرفون الورشه باذن الله ماراح يقصرون وكثيرين من اللي اعرفهم اذا صارت الضربه ماتستاهل سمكره ويخاف ماترجع زي اول يروح هناكـ ويعدلها تعديل ..

اخوكـ فهد..

**المباشر** · 22-06-2009, 01:16 PM

ميشو حبيب قلبي مر ورشة باسمير واسألهم عن سعر صبغ الكبوت قبل تشتريه وشوف التكلفة كم اذا مناسبة ركب جديد مع الصبغ

واذا كثير اسألهم كم السمكرة مع الصبغ للكبوت والباقي مثل الصدام وشوري عليك مرهم أول شي وشوف السيارات اللي عندهم والصبغ بعينك وللمعلومية عندهم ورشتين وانا والله ناسي مكانهم وين بالضبط لكن اسأل عن محل اصباغ باسمير وهم يدلونك وين الورشة

وصدقني اذا صبغت عندهم راح تدعيلي وشغلهم فوق الممتاز

**meshoo** · 22-06-2009, 01:49 PM

الحمد لله اخوي فهد اخبارك انت ؟

والله قالو لك بنسمكرها لك بدون بويه بس بيصير الكبوت مموج شوي يعني لازم صبغ اذا مابيها تبين ويعطيك العافيه ماقصرت على مساعدتك

يعطيك العافيه يالمباشر وبأذن الله بمرهم اليوم بعد العصر وان شاء الله خير

**lambo** · 22-06-2009, 05:33 PM

الحمد لله ع السلامه الوالد
اذا صبغ بس بدون سمكره بالوكاله 1500 والله السعر غالي جدا .. ولاتنسى اقل شي يبيلها اسبوعين عندهم والعذر البايخ .. زحمه
ميشو .. شف اللي يريحك واحسب التكلفه .. واذا تبي ورش محترمه اطلق من الوكاله شيك ع الناجم
بس اسعارهم نار .. وشغل اطلق من الوكاله
ورشه باسمير .. أنا مصلح سيارتي عندهم سمكره وصبغ الصدامين الأمامي والخلفي والرفرفين الجانبيين .. وشغلهم حلو
والسعر مقبول كذلك .. واذا تبي تشوف موتري قبل لاتروح فأبشر طال عمرك
وبالتوفيق لكــ ..

**meshoo** · 22-06-2009, 07:23 PM

المشاركة الأصلية كتبت بواسطة lambo

الحمد لله ع السلامه الوالد

اذا صبغ بس بدون سمكره بالوكاله 1500 والله السعر غالي جدا .. ولاتنسى اقل شي يبيلها اسبوعين عندهم والعذر البايخ .. زحمه
ميشو .. شف اللي يريحك واحسب التكلفه .. واذا تبي ورش محترمه اطلق من الوكاله شيك ع الناجم
بس اسعارهم نار .. وشغل اطلق من الوكاله
ورشه باسمير .. أنا مصلح سيارتي عندهم سمكره وصبغ الصدامين الأمامي والخلفي والرفرفين الجانبيين .. وشغلهم حلو
والسعر مقبول كذلك .. واذا تبي تشوف موتري قبل لاتروح فأبشر طال عمرك
وبالتوفيق لكــ ..

اي صبغ بدون سمكره 1500 + 145 مواد دهان وقالي تقريبا اسبوعين

والله احترت وخلاص طفشت خايف اصبغ بالورش يطلع فيه اختلاف باللون ومأدري وش اسوي :(

ويعطيك العافيه على مساعدتك

**سعودي ستايل** · 23-06-2009, 02:20 AM

:d والله اخوي ميشو لا زم ترضى بواحد من ال2
يا تسويها عند الوكالة وانشاء الله ترجع وكاله وبسعر غالي
ولا تشليح اكيد بيرجع لك شد بلد انشاء الله وسعر معقول
اخوي اذا انت ما تحب التشليح شوف لك واحد ياخذ سيارتك ويروح فيها التشليح
وب5 دقايق ترجع لك كبوت سليم و
امورك طيبه
ولا تجلس 5 ايام تطامر على البوية ويمكن ماتضبط وسعر غالي
وللمعلومه مافي احد يضب لك بوية زي شد البلد <<مايتكلم على ضبط الون يتكلم على التقشر و اذا جك حجر على الواجهييه البوية ما تستحمل زي حقت شد البلد
بالنهاية افضل شي التشليح فكر انت بكلامي

(الي ياخذ سيارتك لا زم يكون عنده خبر على شان التشليح تر فيه كبابيت مسمكره يعني خل واحد فنان يروح مو اي واحد على شان قبل مايشتريه ويركبونه له يكون متأكد ان شد بلد 100%

)
و تحياتي لك اخوك فهد

**مجنون اكورد 07** · 23-06-2009, 12:59 PM

ميشو اذا انت بالدمام شوف روح تشليح البلادي اي سيارة بالعالم عندهم وكلها قطع اصليه انا قبل فتره رحت هناك ابي غرض الا واحد جاي بأكورد 2008 الكبوت معفوط بالنص وحصل عندهم 5 اكوردات 2 منهم سليم الوجهيه والبويه شد بلد فك القديمه وركب الجديدة ورج كل شي تمام بس لازم تتاكد ان السيارة ما صار لها فتره بالتشليح

واذا ما حصلت حرام تسمكر سيارتك جديدة حاول تدبر كلها كم ميه وخذلك كبوت جديد واصبغه والله يوفقك

**meshoo** · 23-06-2009, 01:35 PM

المشاركة الأصلية كتبت بواسطة سعودي ستايل

:d والله اخوي ميشو لا زم ترضى بواحد من ال2

يا تسويها عند الوكالة وانشاء الله ترجع وكاله وبسعر غالي
ولا تشليح اكيد بيرجع لك شد بلد انشاء الله وسعر معقول
اخوي اذا انت ما تحب التشليح شوف لك واحد ياخذ سيارتك ويروح فيها التشليح
وب5 دقايق ترجع لك كبوت سليم و
امورك طيبه
ولا تجلس 5 ايام تطامر على البوية ويمكن ماتضبط وسعر غالي
وللمعلومه مافي احد يضب لك بوية زي شد البلد <<مايتكلم على ضبط الون يتكلم على التقشر و اذا جك حجر على الواجهييه البوية ما تستحمل زي حقت شد البلد
بالنهاية افضل شي التشليح فكر انت بكلامي

(الي ياخذ سيارتك لا زم يكون عنده خبر على شان التشليح تر فيه كبابيت مسمكره يعني خل واحد فنان يروح مو اي واحد على شان قبل مايشتريه ويركبونه له يكون متأكد ان شد بلد 100%

)

و تحياتي لك اخوك فهد

والله هذا الي خايف منه ماحد يضبط اللون والا يتقشر اذا صبغته :(

وشكلي بروح اشوف وين التشاليح هذي وان شاء الله خير

يعطيك العافيه اخوي فهد ماقصرت

**meshoo** · 23-06-2009, 01:40 PM

المشاركة الأصلية كتبت بواسطة مجنون اكورد 07

ميشو اذا انت بالدمام شوف روح تشليح البلادي اي سيارة بالعالم عندهم وكلها قطع اصليه انا قبل فتره رحت هناك ابي غرض الا واحد جاي بأكورد 2008 الكبوت معفوط بالنص وحصل عندهم 5 اكوردات 2 منهم سليم الوجهيه والبويه شد بلد فك القديمه وركب الجديدة ورج كل شي تمام بس لازم تتاكد ان السيارة ما صار لها فتره بالتشليح

واذا ما حصلت حرام تسمكر سيارتك جديدة حاول تدبر كلها كم ميه وخذلك كبوت جديد واصبغه والله يوفقك

وين مكان هالتشليح ؟ اوصفه لي اذا ماعليك امر

والله خلاص انلحست وبقوه

وحتى لو اخذت كبوت جديد بصبغه ونفس الحكايه مين الي بيضبط الشغل

اللهم امييين ماقصرت ويعطيك العافيه يامجنون اكورد 07

**مجنون اكورد 07** · 24-06-2009, 12:09 AM

وصف مكان تشليح البلادي اول ما توصل التشليح بتحصل لوحه اكبر من سيارتك :d مكتوب تشليح البلادي سهم يمين روح يمين وامش مسافة 700 متر وبتحصله واذا على الشغل في ورشة اسمها القارات بس شغل وكاله وفي ورشه ثانيه اسمها برج العرب شغلهم بعد وكالة ووصف ورشة برج العرب اذا تعرف ورشة سهم في الخضريه في بعدها مفرق يمين ادخل تحصل الورشه على يسارك على طول اذا بتروح ارسل لي خاص علشان اكلم لك الرجال ويعطيك سعر حلو والله عدل لي رفرف كابرس 2006 لو تشوفه قبل وبعد ما تصدق الرفرف معفوس ورجعه وكاله وبالتوفيق

**meshoo** · 24-06-2009, 12:19 AM

المشاركة الأصلية كتبت بواسطة مجنون اكورد 07

وصف مكان تشليح البلادي اول ما توصل التشليح بتحصل لوحه اكبر من سيارتك :d مكتوب تشليح البلادي سهم يمين روح يمين وامش مسافة 700 متر وبتحصله واذا على الشغل في ورشة اسمها القارات بس شغل وكاله وفي ورشه ثانيه اسمها برج العرب شغلهم بعد وكالة ووصف ورشة برج العرب اذا تعرف ورشة سهم في الخضريه في بعدها مفرق يمين ادخل تحصل الورشه على يسارك على طول اذا بتروح ارسل لي خاص علشان اكلم لك الرجال ويعطيك سعر حلو والله عدل لي رفرف كابرس 2006 لو تشوفه قبل وبعد ما تصدق الرفرف معفوس ورجعه وكاله وبالتوفيق

انا ماعرف التشليح براسه :d

وبالنسبه لورشة القارات الله بالخير

وورشة برج العرب امر من جنبها وماقد وقفت وسئلته وبحاول امر عليه بكره واشوف

ويعطيك العافيه يامجنون اكورد 07