تقريري الخاص - نقل لوحات بين سيارتين - تنازل عن لوحة مميزة

**المباشر** · 24-06-2009, 08:49 AM

بسم الله الرحمن الرحيم

السلام عليكم ورحمة الله وبركاتة

في هذا الموضوع راح أطرح لكم جميع الخطوات الخاصة بنقل اللوحات بين سيارتين أو التنازل عن لوحة مميزه لشخص آخر أو شراء لوحة مميزه لصالحك - كلها نفس الخطوات اللي راح أذكرها.

طبعآ قبل كل شي هذه لوحتي السابقة مع أنها احلى شكل لكن وش نسوي أمرنا لله ونبي نتميز ولو بشي بسيط :d

مره من المرات كنت واقف مع رجال ( مايحتاج تعرفون مين هو ) المهم أسولف معه وكان على موتره لوحة نقدر نقول حلوة شوي وفجأة قلت له وش رايك تبيعني اللوحة بـ 500 ريال << أول ماطلع خبر حذف الأصفار.

رد علي وقال يارجال تبيها ببلاش خذها وتركته ودارت الأيام ويوم شفت المرور طبق حذف الأصفار دقيت عليه وقلت له وش رايك للحين على كلامك قال مر علي وأبشر

مريت عليه ودردشنا شوي وانا أحاول فيه كم تبي في اللوحة وهو يقول مابي أخسرك وخذها ببلاش وأنا أحاول فيه آخر شي أتفقنا على مبلغ 500 ريال فقلت له عيب والله المبلغ شوي وخلني أعطيك 1000 ريال علشان ماتزعل ولا زال معاند وأخيرآ رسينا على 500 ريال.

طيب الحين الموتر تبع الرجال كان يبيله شويه شغلات ( فحمات ) ( تواير ) علشان الفحص

ضبطنا الفحمات وركبنا تواير من عند رجال

ودينا المواتر للفحص مع المبروكه الأكورد والحمدلله السيارتين ناجحة

والحين بختصر عليكم الموضوع بالخطوات كاملة وش المطلوب والتكلفة

قبل كل شي حط في بالك لا بد نقل ملكية السيارتين بأسم مالك واحد

للمعلومية جاني كم واحد وقال مايحتاج تقدر تنقل اللوحات بدون نقل ملكية ( << غلطانين لابد من نقل الملكية )

1- أول خطوة فحص السيارتين بقيمة 73 ريال للسيارة الواحدة بمجموع 146 ريال

2- ثاني خطوة عمل مبايعه بمعرض سيارات للسيارة اللي عليها الرقم اللي تبيه يعني تنقلها بأسمك وتدفع للمعرض 100 ريال اذا بتراجع المرور بنفسك

3- تاخذ ورقة المبايعه وتحطها بملف وتروح تأمن على السيارة بمبلغ 350 ريال

4- تاخذ أوراقك بعد ماتحطها بملف وتروح للمرور بعد ماتسدد 75 ريال بصراف الرياض أو الأنترنت المصرفي وتختار ( نقل ملكية )
( مبايعه المعرض / صورة بطاقة الأحوال أو الهوية الوطنية / صورة الفحص الدوري للسيارة / صورة التأمين - مع الأصل ومع صورة الهوية الوطنية لصاحب المركبة السابق ) المعرض يضبط لك الأوراق كلها ، وفي المرور تعبي ورقة خاصة للأستمارة مع تحديث عناوين وتحطها بالملف وتقدمه لهم.

تقدم المعاملة الصباح وتاخذ أستمارة السيارة بعد الظهر بأسمك ونقدر نقول خلصنا أول خطوة

الخطوة الثانية ( طلب نقل اللوحات بين السيارتين )

تروح للمرور أول شي وتقولهم أبي أنقل لوحات بين سيارتين كلها بأسمي

وطبعآ تجهز أوراقك وهي :

1- معروض مقدم لمدير المرور بالمنطقة تطلب فيه نقل لوحات بين سيارتين وترفق صورة الأستمارات للسيارات مع صورة الهوية الوطنية للمالك

2- توقيع المعروض من مدير المرور وتحول للمحفوظات وبعدها المحفوظات يحولونك للحاسب الآلي لطباعة برنت للسيارتين مع برنت ثاني للعمليات لكل سيارة

3- طلب الملفات الخاصة بالسيارات من مصدرها بواسطة المرور ( سيارتي الأولى مصدر الأستمارة مرور الخبر والثانية الظهران ) - يفضل لو كانت مصدر الأستمارات من مدينة واحدة لتسريع العملية وأذا كانت من مدينة بعيده فردد ياليل

بخصوص سيارتي الملف وصل بعد 18 يوم والسيارة الثانية وصل بعد شهر كذا أو زيادة ( طبعآ بعد الأتصالات والواسطات والشباب في المرور بيض الله وجههم ماقصروا والله أرسلوا خطابات طلب ثانية علشان يسرعون الموضوع شوي

المهم الملفات وصلت على خير وكان المطلوب هو :

1- ملفات علاقية / صورة الأستمارات / صور الفحص الدوري / صور التأمين / صور الهوية الوطنية للمالك الحالي توضع بكل ملف

2- تعبي أوراق المرور ( الورقة العادية اللي تعبيها عند طلب تجديد أستمارة أو نقل ملكية )

3- تعبي ورقتين تحديث عناوين وتحط كل وحده في ملف وتسلم الأستمارات الأصلية

4- قبل كل شي تسدد مبلغ 500 ريال للسيارتين

كل سيارة 250 ريال كما هو موضح بالصورة

تقدم طلباتك الصباح وتستلم الأستمارات بعد الظهر .

وبكذا أنتهينا وتفك اللوحات بين السيارات وتبدلهم واليوم الثاني تروح لأقرب معرض وتسوي مبايعه جديدة لصاحب السيارة يعني تبيع الموتر عليه واذا ماله نفس يراجع المرور يخلي المعرض يخلصها ( أتفقنا مع معرض وشركة تأمين انه يبدل لنا التأمين اللي سويناه قبل بـ 150 ريال علشان يصير بأسم صاحب السيارة وبرقم لوحة الجديد

وهنا لوحتي الجديدة ( أدري انها مش مميزة بقوة ولكن على الأقل رقمين :d )

باقي حذف الأصفار الشباب في المرور نصحوني أروح للرياض لمرور الناصرية وأقدم الطلب هناك في الصباح والظهر مخلص أحسن لأنهم يقولون تتأخر اذا طلبتها من الشرقية ويمكن تاخذ شهرين وممكن أربعة وممكن أسبوعين يعني أنت وحظك

تاريخ بدء الأجراءات

2009/05/12

تاريخ انتهاء الأجراءات

2009/06/23

نموذج المعروض موجود بالمرفقات

وسلامتكم ولأي أستفسار أنا بالخدمة قبل لا أنسى الخطوات :d

( الموضوع خاص بنادي محبي هوندا ولا يسمح بنقله الا بعد ذكر المصدر )

**meshoo** · 24-06-2009, 01:24 PM

الف مبروك يالمباشر ومابقى الا انك تلغي الاصفار

وتقرير جدا رائع

والكثير منا يجهل هذه الخطوات

يعطيك العافيه

**الـمـسـافـر** · 24-06-2009, 01:42 PM

اهنيك على طولة بالك :d

ومبروووووووك اللوحه الجديده

**المباشر** · 24-06-2009, 03:16 PM

المشاركة الأصلية كتبت بواسطة meshoo

الف مبروك يالمباشر ومابقى الا انك تلغي الاصفار

وتقرير جدا رائع

والكثير منا يجهل هذه الخطوات

يعطيك العافيه

الله يبارك فيك يالغالي

بخصوص حذف الأصفار يبيلي أطلع الرياض وأضبطها :d

المشاركة الأصلية كتبت بواسطة الــمــســافــر

اهنيك على طولة بالك :d

ومبروووووووك اللوحه الجديده

الله يبارك فيك ياحبيب قلبي ومع الحكومة مالنا الا طولة البال

**AliAhmed** · 24-06-2009, 03:35 PM

مبروووك على اللوحة الجديدة..
وعقبال ماتتطلع طويلة ... لان شكلها وهي قصرة مي حلوة أبــد ..:d
يبي لك تحط لنا تقرير عن اللوحة الطويلة كيف طريقتها بعد !!
ويعطيك العافية

**S.M.A.R.T** · 24-06-2009, 03:48 PM

مبروك يالمباشر بس والله ضحكت لين جاني شد عضل في بطني الله يرجك ابليسك

الحساب المراد السداد منه: علي بن محبي نادي هوندا .................. والنعم والله :d

تشاااااااااااااو

**المـــــلكـ اكـــــورد** · 24-06-2009, 04:17 PM

صراحه انا مااهنيك على اللوحه بس اهنيك على صبرك... الله يعطيك الف عافيه
___
لكن فيه نقطه
من وين بجيب الشخص الثقة اللي انقل ملكيه سيارتي عليه او( العكس) علشان تتم العمليه :d

لو انك مريح عمرك ومريت احد مزادات المرور في الرياض كان اخذت اللوحه بسرعه وبدون هالمشواااااااااااار

تحياتي لك

**King** · 24-06-2009, 04:34 PM

مبروك اللوحة

بس مازلت اشوف اللوحة القديمة لها شكل ومنظر افضل

هالمرور لو يثبتون على لوحة وحده كان ارتحنا

أي خدمات إحنا موجودين

**المباشر** · 24-06-2009, 04:42 PM

المشاركة الأصلية كتبت بواسطة AliAhmed

مبروووك على اللوحة الجديدة..

وعقبال ماتتطلع طويلة ... لان شكلها وهي قصرة مي حلوة أبــد ..:d
يبي لك تحط لنا تقرير عن اللوحة الطويلة كيف طريقتها بعد !!
ويعطيك العافية

الله يبارك في عمرك وبخصوص اللوحة الطويلة أتوقع مايبيلها شي أدفع 100 ريال وقدم طلبك

المشاركة الأصلية كتبت بواسطة امير الهنادي

مبروك يالمباشر بس والله ضحكت لين جاني شد عضل في بطني الله يرجك ابليسك

الحساب المراد السداد منه: علي بن محبي نادي هوندا .................. والنعم والله :d

تشاااااااااااااو

ينعم بحالك :d شيكت أنت

المشاركة الأصلية كتبت بواسطة المـــــلكـ اكـــــورد

صراحه انا مااهنيك على اللوحه بس اهنيك على صبرك... الله يعطيك الف عافيه
___
لكن فيه نقطه
من وين بجيب الشخص الثقة اللي انقل ملكيه سيارتي عليه او( العكس) علشان تتم العمليه :d

لو انك مريح عمرك ومريت احد مزادات المرور في الرياض كان اخذت اللوحه بسرعه وبدون هالمشواااااااااااار

تحياتي لك

هلا وغلا بالغالي

كلامك صحيح والثقة راح تكون مشكلة بين الطرفين كل واحد يبي الموتر يصير بأسمه ولكن الحل الثاني أنك تشوف لك سيارة قديمة عليها لوحة حلوة وتشتريها وتفك عمرك :d

شايف بيوك قديم عليه لوحة رقم 004 سعره في السوق ممكن 2000 ريال لو حصل مثل ذا ويكون راعيها أجنبي افضل < علشان مايرفع السعر ويدري انك تبي اللوحة

بخصوص المزاد انا شفت لوحة حلوة أعتقد كانت ل م ل 15 ويبدأ المزاد عليها من 1000 ريال لكن تخوفت من العالم قلت أكيد في النهاية بتوصل 5000 ريال بالراحه أو أقل يعني أنت وحظك وخبرك الناس حاليآ تدور الرقم والرقمين .

الشباب في المرور عندنا في معرفة خفيفة بيني وبينهم فجلست معهم وقالوا ان في لوحات أنباعت عندهم على 700 ريال وأرقام حلوة وبعد مادققت وياهم في الأرقام طلعت كلها 4 أرقام يعني مثلآ 3344 فقلت لهم هذاك أول الحين الناس تدور الرقم والرقمين

**المباشر** · 24-06-2009, 04:49 PM

المشاركة الأصلية كتبت بواسطة King

مبروك اللوحة

بس مازلت اشوف اللوحة القديمة لها شكل ومنظر افضل

هالمرور لو يثبتون على لوحة وحده كان ارتحنا

أي خدمات إحنا موجودين

هلا والله ومنور ياحلو :d

صحيح القديمة أحلى حتى في آخر اللحظات كنت بلغي الموضوع بس قلت مادام دفعت خلاص أكشخ في الجديدة

والرجال حصلها الأستمارة تجددت 3 سنوات قدام ولوحاتي القديمة بيكشخ فيها :d

بخصوص المرور كل يوم طالعين بلوحة ذكرتني واحد جاي قال أبي اللوحات الجديدة لأن عنده 3 أرقام حلوه في القديمة وطلع أستمارته تنتهي بعد سنه فقال له تعال اذا أنتهت وقال له الرجال أبي أكشخ ورد عليه الموظف في المرور وقال له ( يارجال ماتدري بعد سنه يمكن يطلع نظام جديد ) << كأنه يدري ان المرور كل فتره نظام

**أبو الريش** · 24-06-2009, 08:18 PM

يـعطيك الف عافيه يبو فهد عـ التقرير المميز
بـصراحة اسفدت منه كـثير <<< ناوي يبدل اللوحة

يـلا عقـبال إزالة الأصفار :d
يسلمووو

**lambo** · 24-06-2009, 10:18 PM

الف مـــبروك أخي المباشر .. لوحه ماحصلتش .. اكيد تعنيلك شي
شغله النقل طلعت معقده بالمره .. ليه الاجراءات دايم كذا ..!!
تم حفظ اللوحــه .. لــــزوم الشطف :d
وفي بــــعد شغله مهمه .. العشــاء متى ووين ..؟؟ << ومير يوهقه :o
بالتوفيق لك يابعدي ..

**SAND** · 25-06-2009, 01:46 AM

مبروووك عليك اللوحة

وشكرا على التقرير اللي استفذت منه كثير

**المباشر** · 25-06-2009, 02:38 AM

المشاركة الأصلية كتبت بواسطة أبو الريش

يـعطيك الف عافيه يبو فهد عـ التقرير المميز
بـصراحة اسفدت منه كـثير <<< ناوي يبدل اللوحة

يـلا عقـبال إزالة الأصفار :d
يسلمووو

الله يعافيك ويبارك فيك يابو الريش وعقبال نشوف لوحة مميزة على موترك :d

وجاري التخطيط لحذف الأصفار قريبآ

المشاركة الأصلية كتبت بواسطة lambo

الف مـــبروك أخي المباشر .. لوحه ماحصلتش .. اكيد تعنيلك شي

شغله النقل طلعت معقده بالمره .. ليه الاجراءات دايم كذا ..!!
تم حفظ اللوحــه .. لــــزوم الشطف :d
وفي بــــعد شغله مهمه .. العشــاء متى ووين ..؟؟ << ومير يوهقه :o
بالتوفيق لك يابعدي ..

الله يبارك في عمرك ايه شطف ماعندك مشكلة بس اذا أنحجزت السيارة ترى مب شغلي :d << يعلمك واسطات

وعلى فكره كنت مخطط أسوي عشاء بس المطاعم صارت تخوف من الأنفلونزا :p وفكرت أسويه عندي بالبيت بس عندي صيانة حاليآ وفكرت أسويه على البحر لكن رطوبة وحر ويوم تعدل الجو صار غبار وعلشان كذا قررت أني أتعشى لحالي علشان ماننحرج وياكم :d << عطاك مخارج مضبوطه ومالك عذر ... ترى حتى الأستراحات تخوف .. يفكرونا مجتمعين على شي ثاني

المشاركة الأصلية كتبت بواسطة ل ط و السعودية 874

مبروووك عليك اللوحة

وشكرا على التقرير اللي استفذت منه كثير

الله يبارك فيك يالغالي وشاكر لك مرورك الحلو

**AHN** · 25-06-2009, 02:45 AM

كانت في بالي فكرة أني أخذ لوحة الوالد ., ( #*# 9)
بس عقب ما شفت الموضوع غسلت أيــــدي .,

شكرا ع الموضوع ..,

**المباشر** · 25-06-2009, 02:55 AM

المشاركة الأصلية كتبت بواسطة AHN

كانت في بالي فكرة أني أخذ لوحة الوالد ., ( #*# 9)

بس عقب ما شفت الموضوع غسلت أيــــدي .,

شكرا ع الموضوع ..,

:d :d حط في بالك انك راح تحتاج 2000 ريال للرسوم كلها والعفسه

هذا بعد ماجينا للرجال مادري علشان نرجعها بأسمه الظاهر راح نحتاج فحص جديد لأن القديم فيه رقم اللوحة القديم لكن انا من ناحيتي بحاول أمشيها بواسطة

**seraj_9196** · 25-06-2009, 03:35 AM

اف كل دا والله حوسه وأنا كنت ناوي اخد رقم صاحبي (( CR@AS )) لان لوحته 9196 شفتو كيف !!

وأدى على الأصفار ممكن تسأل محجوب لانه طلع لوحته وشال صفرين وبصراحه صارت ماشاء الله شي 1 بس

**memories** · 25-06-2009, 04:59 PM

ماشاء الله تبارك الله عليك

والله عندك طووولة بال عجيبه

انا مع انه نفسي بلوحه برقم واحد بس مني فاضي للفلم دا كلو

بعد المشوار حقك دا اقتنعت انه لوحة سيارتي حلوه

لوحة سيارتي تدل عالسياره

سيارتي اكورد كوبيه

والحروف أ ك و (اختصار اكورد)

أ ك و 1xxx

يعطيك العافيه مشرفنا

شكراً

**amer09** · 25-06-2009, 09:24 PM

مبرووووك عليك اللوحه
وعقبال ماتنقلها على بنتلي

**محجوب** · 26-06-2009, 12:43 AM

واااااااااااااااااااااااااااو ... والله حوسه بجد .. وانا اللي كنت مفكر ابيع لوحة سيارتي بعد ما سويتها بدون اصفار :d!!

بالنسبة لشيلة الاصفار سهلة جدا ;).. ما تحتاج لا صور ولا تأمين ولا فحص ولا شي .. بس ادفع الرسوم من البنك(50 ريال للوحة وحدة و 100 للوحتين) وقدم طلبك .. انا بالنسبة لي قدمت طلبي من مرور الفحص الدوري (ابو حدرية) ووصلت اللوحة بعد ثلاث اسابيع بالضبط ..

يسلموا مباشر ع التقرير المتكامل

**المباشر** · 26-06-2009, 07:02 AM

المشاركة الأصلية كتبت بواسطة seraj_9196

اف كل دا والله حوسه وأنا كنت ناوي اخد رقم صاحبي (( CR@AS )) لان لوحته 9196 شفتو كيف !!

وأدى على الأصفار ممكن تسأل محجوب لانه طلع لوحته وشال صفرين وبصراحه صارت ماشاء الله شي 1 بس

يعطيك العافية ياسراج وانا عارف اجراءات حذف الأصفار انها سهله مايبيلها شي مثل طلب لوحة طويلة

المشاركة الأصلية كتبت بواسطة memories

ماشاء الله تبارك الله عليك

والله عندك طووولة بال عجيبه

انا مع انه نفسي بلوحه برقم واحد بس مني فاضي للفلم دا كلو

بعد المشوار حقك دا اقتنعت انه لوحة سيارتي حلوه

لوحة سيارتي تدل عالسياره

سيارتي اكورد كوبيه

والحروف أ ك و (اختصار اكورد)

أ ك و 1xxx

يعطيك العافيه مشرفنا

شكراً

الله يعافيك

المشاركة الأصلية كتبت بواسطة amer09

مبرووووك عليك اللوحه

وعقبال ماتنقلها على بنتلي

الله يبارك فيك وخلنا على الأكورد اصرف مافينا حيل على البنتلي

المشاركة الأصلية كتبت بواسطة محجوب

واااااااااااااااااااااااااااو ... والله حوسه بجد .. وانا اللي كنت مفكر ابيع لوحة سيارتي بعد ما سويتها بدون اصفار :d!!

بالنسبة لشيلة الاصفار سهلة جدا ;).. ما تحتاج لا صور ولا تأمين ولا فحص ولا شي .. بس ادفع الرسوم من البنك(50 ريال للوحة وحدة و 100 للوحتين) وقدم طلبك .. انا بالنسبة لي قدمت طلبي من مرور الفحص الدوري (ابو حدرية) ووصلت اللوحة بعد ثلاث اسابيع بالضبط ..

يسلموا مباشر ع التقرير المتكامل

هلووووو محجوووب :d

الا الطلبات أتوقع صورة الأستمارة بس ( صحيح ؟؟؟ ) :d

هو بالعادة هي المدة المعروفة شهر أو أكثر بشوي لكن انا في بالي أطلع الرياض وأخلصها عندي كم شغلة في السفارة السيريلانكية ومنها مرة وحده امرهم ويمكن اقدم من مرور الدمام وللحين متردد

**accordyon** · 26-06-2009, 04:37 PM

مبروك ياحبي بي اللوحه الجديده وعقبال الأصفار وعقبال اللوحه

الطويله

بس تكفى اذا طلعت اللوحه الطويله علمني الطريقه

**المباشر** · 27-06-2009, 12:25 AM

المشاركة الأصلية كتبت بواسطة أأح2024 بيج

مبروك ياحبي بي اللوحه الجديده وعقبال الأصفار وعقبال اللوحه

الطويله

بس تكفى اذا طلعت اللوحه الطويله علمني الطريقه

أبشر يالغالي

وعندي سؤااااااال لأهل الخبرة في المرور :d

أقدر أطلب لوحة طويلة ولوحة قصيرة وقت طلبي حذف الأصفار << الله يرحم والديكم ركزوا بالطلب لا تخلطون بين طلبي مع التقديم بحذف الأصفار والطلب بعد الحذف ( طبعآ بعد الحذف ماعندك مشكلة بيعطوني لكن قصدي وقت الحذف )

**سعودي ستايل** · 27-06-2009, 12:31 AM

اول شي السلام عليكم
ومشكور وماتقصر على الموضوع
انا عندي نفس المشكله ابحول الوح من سيارتي القديمه الى الجديده هذي انشاء الله ومعلوماتك مره فادتني
حبيبي انا السياره القديمه باسمي والحمد لله صاحبي صلحها الانها كانت خربانه ودخلها افلحص الدوري ونجحت والحمد لله عليها تأمين والحمد لله
بس يسيارتي الجديده لا زم يكون عليها فحص ولالا ؟؟؟
انا بالرياض هذي العملية تطول عندنا ولا نفس الشي ؟؟؟
انا ابحول لوح بس لوحة الجديده ابسقطها خويي مايبيها بيطلع وحده جديده باسمي الي يبي الوحة (أ م س السعودية 3031 ) يقولي على شان اسقطها وياخذها على طول :d

**amer09** · 27-06-2009, 12:34 AM

المشاركة الأصلية كتبت بواسطة المباشر

أبشر يالغالي

وعندي سؤااااااال لأهل الخبرة في المرور :d

أقدر أطلب لوحة طويلة ولوحة قصيرة وقت طلبي حذف الأصفار << الله يرحم والديكم ركزوا بالطلب لا تخلطون بين طلبي مع التقديم بحذف الأصفار والطلب بعد الحذف ( طبعآ بعد الحذف ماعندك مشكلة بيعطوني لكن قصدي وقت الحذف )

عادي وماعندك مشكله

اذا قدمت قله ابغى وحده طويلة والثانية قصيرة