السيفيك و لا الكورولا

**look for the best** · 24-02-2007, 03:32 AM

بسم الله الرحمن الرحيم

اول حاجة انا من اشد المعجبين بالسيفيك الجديدة فعلا سيارة جميلة و لكن الكثير من الناس يتكلمون عن مشاكل الهوندا من قطع غيار مبالغ في اسعارها وسعر منخفض عند بيعها طبعا اكبر منافس للسيفك اكيد الكورولا و بما انكم محبين للهوندا و اخص كلامي السيفيك فاتمني ان اعرف هل قطع غيار سيفسك مرتفعة(مقارنة بين اسعار قطع الغيار) لاني مقبل على شراء سيارة ومحتار بين الكورولا و السيفيك وشكرا..........................

**look for the best** · 24-02-2007, 03:35 AM

أكيد كورولا 1.8

**يامطنش** · 24-02-2007, 04:18 AM

اقدر اقولك جرب سواقة الكورلا والسفك قبل كل شي والله تكره الكرولا برضو الشكل احلا السفك المواصفات ام بخصوص قطع الغيار متوفره بس من ناحيت السعر اكيد بس شوف الجوده
قطع الهوندا قويه كرولا 2005 قبل شهر مغير مساعدات حق اخوي ونا عندي اكورد 96 مساعدتها وكاله فحمات الفرامل كل شهرين غير الكورلا صحيح قطعها رخيصه نسبين بس ما فيه جوده ولا مواصفات فخمه في الكرولا اما بخصوص البيع روح شوف السوق بعدين انت بتشتري تستخدم ولا تبيع وتشتري بس فرق بسيط في سعر البيع وذا الي اقدر افيدك فيه

**922** · 24-02-2007, 05:56 AM

الناس اذواق

والسفيك الجديدة ماتفوت ابدا

**A.K.S.F** · 24-02-2007, 07:44 AM

كلام أخوي "يامطنش" صحيح , بحيث انه جودة قطع وكالة هوندا أفضل من تويوتا , والسبب هو ان قطع غيار تويوتا هي ثلاتة أنواع : أصلي - ياباني - تجاري ...فالأصلي يكون مصنع من قبل وكالة تويوتا , والياباني يكون مصنع من أي شركة تتعامل مع تويوتا ويا كثرهم في اليابان أم التجاري فقد يكون من من أي دولة أخرى كالإمارات مثلا .. في حين أن الوكالة الي في السعودية توفر الياباني والتجاري أم الأصلي نادر توفره لك وقد يكون بالطلبية بعكس الهوندا ماتوفر إلا الأصلي عشان كذا تشوف قطعها غالية شوي هذا شيء , والشيء الثانية الي تخلي الشباب يهمون على سيارات تويوتا هي محلات الزينة... ياشيخ تحس إنهم فاتحينهم حق سيارات تويوتا وبس

**أبو شلوة** · 24-02-2007, 09:36 AM

هوندا وبس

ماعندي غير هذا الكلام

وبالتوفيق

أخوك/// أبو شلوة

**الطبل** · 24-02-2007, 09:44 AM

وش جاب تويوتا لهوندا
لوتبغا الكرف القيمة بعد البيع كورولا:p

لو منت بياع (يعني مستخدم) وتبغى الفخامة
والهدوء والرساوة على الخط والعزم ايضا ...سيفك;)

**هاااي 9 7 7** · 24-02-2007, 11:32 AM

والله من اللي اشوفه << اثنين من ربعه معهم الكورولا

يقولو ان مافيها عزم ابد ابد ويقلون بعد وهذي بصراحه ان مكينتها مثل مكينة الدباب :p

يعني اذا جيت تمشي 120 تسمع حنت المكينه او تحس ان الموتر مجهد << متعوب على كلمة مجهد :d

واما السيفك فما حصل لي اني جربتها او شفتها مع احد من ربعي بس يكفيك انها من شركة هوندا ;)

والكتاب باين من عنوانه ...

اتمنى اكون افدتك ///

**LikE.nO.oThER** · 24-02-2007, 12:15 PM

;) اكيييد سيفك مع كل فيها بس في شي لازم تعرفه وانا مو متأكد منه هو انك اذا مشيت على 180 بالسيفك تفصل السياره وانا مومتأكد

**CIVIC_33O** · 24-02-2007, 01:57 PM

ياخي خذلك سيفيك وبس انا معي وحدة و ماشية زي الحلاوة و كانت معي كرولا ايجار و بصراحة فرق السماء عن الأرض

و بعدين من قال انها تفصل مع الـ180 انا مشيت فيها فوق الـ200 و لا قالت شي بالعكس كلما تعطيها تعطيك وبعدين السيارة فيها نظام يأخر تبديل النمر في السرعات العالية

**الطبل** · 24-02-2007, 02:01 PM

المشاركة الأصلية كتبت بواسطة CIVIC_33O

ياخي خذلك سيفيك وبس انا معي وحدة و ماشية زي الحلاوة و كانت معي كرولا ايجار و بصراحة فرق السماء عن الأرض

و بعدين من قال انها تفصل مع الـ180 انا مشيت فيها فوق الـ200 و لا قالت شي بالعكس كلما تعطيها تعطيك وبعدين السيارة فيها نظام يأخر تبديل النمر في السرعات العالية

قول ماشالله
لا تحسد سيارتك:d :d :d :d

**LikE.nO.oThER** · 24-02-2007, 02:48 PM

ما شاء الله بس انا قلت اني مو متأكد وعلى كلن صلي صلاة الاستخار وتوكل على الله
اخوي look for the best واشتري سيفك

**عاشق الأكورد06** · 24-02-2007, 02:56 PM

أخوي الكورولا الصراحة ما تنفعك لأنها في الأغلب سيارة عائلية مب شبابية , واسأل مجرب الكورولا عند سرعة 140 تصير فيها رجة تحس عمرك تتدغدغ فيها
سيفيك وبس اخوي

**vip_ryo** · 24-02-2007, 03:55 PM

في السرعة سيفيك ـ في الرساوة سيفيك ـ في الفخامة سيفيك ـ في الأمان سيفيك ـ في المميزات سيفيك ـ الشي الوحيد اللي حلو في الكورولا بس الحساسات
روح وكالة هوندا وتويوتا وشوف السيارتين وانته احكم بنفسك

**أكورداوي** · 24-02-2007, 04:59 PM

سيفيك وبدون تردد ..

اقتصاديه .. فخمه ... رياضيه ... مواصفات ... اسم ... جوده ... ديكور داخلي ... تمشي والناس من فوق خشمها تطالعك اذا كانت فل كامل ... ألوان حلوه ومميزه ... وفوق كذا تصير معنا عضو دائم ;)

**اتــشـــــ** · 24-02-2007, 07:03 PM

سيفيك وبسسسسسسسسسسس

شكل جديد انسيابي ومتميز
طبلون غريب
قوة محركها وقيرها
ثبات على الخط وفي السرعات العالية
مساحة داخلية واااااسعة جدآ ومقاربه لحد كبير لمساحة الاكورد
تحس انك راكب سيارة ( مو زي الكورلا :d )

اذا بتحافظ عليها ;) بتخدمك ان شاء الله 7 سنوات لقدام ومابتغير فيها الا القطع الاستهلاكية .

توكل على الله وخذ اللون البحري
ومبروك مقدمآ والله يعطيك خيرها ويكفيك شرها

**هوندا كونكورد** · 24-02-2007, 07:07 PM

المشاركة الأصلية كتبت بواسطة عاشق الأكورد06

أخوي الكورولا الصراحة ما تنفعك لأنها في الأغلب سيارة عائلية مب شبابية , واسأل مجرب الكورولا عند سرعة 140 تصير فيها رجة تحس عمرك تتدغدغ فيها
سيفيك وبس اخوي

الكرولا سيارة عائلية

الله يهديك ما عرفت توصف ... اللي يسمعك يقول انك تتكلم عن جمس ولا ارمادا

الكرولا قوطي متحرّك

وانا انصح الاخ انه ياخذ سيفيك وهو مغمض السيفيك فخامة و قوّة وأداء و راحة و هدوء شو تريد اكثر من كذا؟؟

ما تقفل ع الــ 180 هذاك فالسيفيك القديمة لكن الجديدة كأنها أكورد قويّة وتسارعها ممتاز بالنسبة لحجم المكينة وبمجرد انك تدعس ع الريس كامل ما تتعب لين توصل ال 200 او اكثر
وعدادها الالكتروني عجييييييب وملفت للنظر و شي جديد و فخامتها من داخل ما اشوفها تفرق عن الاكورد بصراحة اللهم الاكورد اوسع و اكبر كحجم

وشكرا

**vip_ryo** · 24-02-2007, 07:40 PM

السيفيك ما تقفل عند 180 انا اخويا وصل بيها 197 كلم وكان يمديه يكمل

**الـــظـــل** · 24-02-2007, 09:23 PM

بصراحه سيفيك و إنت مغمض

فخامه .... تميز .... قوه .... شكل .... جوده .... و سعر حلو عند البيع

و فيها أشياء مش موجوده في الكورولا ....... يكفيك شكل الطبلون من داخل و لون أنوار الطبلون

و الله يبارك لك إن شاء الله بأي شي تاخذه

**هاااي 9 7 7** · 25-02-2007, 12:35 AM

المشاركة الأصلية كتبت بواسطة هوندا كونكورد

الكرولا قوطي متحرّك

:d :d :d

احسنت الوصف ...

**و ق ا 177** · 25-02-2007, 12:46 AM

هوندا اسم على مسمى..
توكل على الله وخذ السيفيك..

**يامطنش** · 25-02-2007, 03:12 AM

والله لو تستخدم الكرولا يوم واحد لتكره عمرك مافيه تناسق بين دركسون والمرتبه تحس انك تسوق دنه اليوم ونا استخدم كرولا 2005 والله كرهت نفسي ولا شي يشفعلها الشي الوحيد حساسة والمكيف نايم ديكورات نايمه سياره عاديه جداً على ايش طايرين فيها مدري 160 تحس انك بتقلع من الصوت عدا السرعه الهايلكس احلى منه ظغط هواء ما فيه اذا تبي ظغط هو زياده ومكينه كبيره فرق 11 الف ريال بدون فتحه ولا شي شي يقهر السفك وسوبارو امبريزا صراحه هي الاقوى في فاتها

**دكتور هوندا** · 25-02-2007, 03:27 AM

لا تفكر و لا تحتار ..السيفيك هيه الاختيار

امعن النظر و فكر بهدوء .

بعدين السيفيك فيه منها كوبيه

يعنى هوندا متمكنه في الصناعه

ما اعتقد كورلا متوفر منها كوبيه !!!!!!!!!!

**سيفيك جدة** · 18-05-2008, 07:52 PM

اخوي بعد هذه الردود كلها حاس انك اقتنعت
السيفيك احسن من الكورولا من كل النواحي
وبعدين مين اللي يقول السيفيك ماتجيب سعر عند البيع
انا قبل ثلاث ايام سألت عن سيفيك 2006 تعرف بكم؟
مستعملة طبعا
والله 43000 وماهي الفل بعد
اتمنى انك اقتنعت

**xHeartcoreboyx** · 18-05-2008, 08:20 PM

ههههههههههههههههه كرولا ؟!؟!

ما راح اقولك السيفيك رهيبة و السيفيك فظيعة و السيفيك عزمها مثل الكورفيت z06 ...

مين يسوق الكرولا ؟
>> المراسلين،الهنادوة،الحريم اللي ما عندهم خبرة بالسواقة و ما بيهمهم شي...

هل هذا شكل سيارة ؟؟!!

أمووووووت بس أعرف من ضاربها بوكس على راسها و مطلع عيونها لبرة .............

و طبعا اكيد الداخلية الرخيصة، البشعة ..... اكيد هذي بصمة في الكورولا لا تختفي مهما غايروا بالشكل الخارجي ..

احكم و قارن بنفسك ...

و هذي سيارة أحد الأعضاء .. جاية فريش من الوكالة،ما شاء الله شوف التصميم ..

داخلية سيارتي >>