اعلان عن الفحص المجاني

**accordyon** · 27-04-2010, 02:53 AM

يوم سويت الفحص المجاني العام الماضي بقت السيارة عندهم تقريباً نص ساعه او اقل
طبعاً طلع التقرير ووديته للمهندس عشان يعلمني وش فيه قالي تغير كفرات بس
مع العلم اني يوم ادخل السيارة عندهم كان صوت السفتي حق الفحمات الخلفيه وااااااااضح
ومع كذا نروح السنه ليش لا<<<عشانهم دزو مسج:d

**k.s.b.s** · 27-04-2010, 05:10 AM

مشكور اخوي على الخبريه الحلوه
وان شاء الله رايحين رايحين الله لايعوقه بشر

**civic 97s** · 27-04-2010, 06:56 AM

طيب اللي حالتهم زي حالتي ما ينفع اوديها تحس احراج ..

تفحص سياره موديل 97 ..

**memories** · 27-04-2010, 07:35 AM

^^^^^^^^^^^
ايش الإحراج اللي انت شايفه

سيارتك مو بتمشي وبتأدي الغرض اللي مصنوعه عشانه ولا لأ

ليش احنا دائما نظرتنا سلبيه

بالعكس انت اولى بالفحص من اصحاب الموديلات الحديثه

رووح ياحبيبي ولا تشيل هم ولا تعبر اي احد ينظر لسيارتك بنظره دونيه بالعكس ابتسم في وجهه

قال احراج قال

**civic 97s** · 27-04-2010, 03:04 PM

اسف والله ماسويت :o شي غلط بس الصراحه انت اعطيتني دفعه معنويه ..

**memories** · 27-04-2010, 03:13 PM

سووري انفعلت عليك

بس يقهرني تفكيرنا السلبي ونظرتنا للناس على حسب مظهرهم وامكانياتهم الماديه

اكره البهرجه الكذابه

موفق ان شاء الله وقلنا ايش يسير معاك في الفحص

**متصفح** · 28-04-2010, 12:08 AM

مشكور على الخبر

الي راح للفحص في السنوات الماضيه عارف كيف الوضع

الفحص مااشوفه شامل لكل السياره لكن في اشياء مهمة مثل عضلات السياره وكراسي المكينة والقير ..

على الاقل افضل من فحص الورش الي كل واحد يقول راي مختلف عن الي جنبه

**ن ع ر السعودية 0005** · 28-04-2010, 01:51 AM

تم الفحص أمس ولله الحمد

**C R Y S T A L** · 28-04-2010, 02:50 AM

يـاأخوان الي فحص خله يعلمنى وش صار عليه

مثلا ... ياخذ رقم .. وكم مدة الفحص وهل فيه زحمه ووش الي يكشفون عليها ...

ويعطيكم العافيه

**Hammoudi** · 29-04-2010, 03:04 PM

السلام عليكم ورحمة الله وبركاتة

أخباركم إنشاء الله طيبين

اليوم وصلتني رساله من شركة هوندا بخصوص الفحص الدوري المجاني وهذا الفحص يشمل سيارتي وهي موديلها 2003

أبي أسألكم لو وديت السيارة للفحص كم تاخذ وتخلص والفحص للمحركات ولا السيارة كاملة من كفرات وديكورات وإذا خلصت السيارة من الفحص كيف يقلون لي المشاكل اللي في سيارت وبعدين يسألوني إذا حاب تصلحها معاهم ولا خارج الوكالة ..... أدري أني طولت عليكم بس تحملوني

**TARKAN** · 29-04-2010, 04:39 PM

]يآ شبـــآب وش السســآلفه الفحــص المجآني بدآ ....؟

لاني اشوووفه يبدآ 1/5/2010

؟؟؟؟؟؟؟؟؟؟

**المباشر** · 29-04-2010, 05:09 PM

وصلتني رسالة منهم ونصها كالتالي

الرسالة الأولى

يسر صيانة هوندا ان تدعوك للفحص السنوي المجاني من 26 الى 29 أبريل
مراكز مكة ، المدينة ، بريدة ، حائل ، تبوك ، ابها ، الباحة ، ينبع ، والجبيل

ومن 1 الى 6 مايو بالرياض ، وجدة ، والدمام للمزيد أتصل بنا على 920000916

الرسالة الثانية

لاتنسى موعد الفحص السنوي المجاني من 1 الى 6 مايو بالرياض ، جدة والدمام

**accordyon** · 29-04-2010, 05:31 PM

المشاركة الأصلية كتبت بواسطة ولا كلمه

السلام عليكم ورحمة الله وبركاتة

أخباركم إنشاء الله طيبين

اليوم وصلتني رساله من شركة هوندا بخصوص الفحص الدوري المجاني وهذا الفحص يشمل سيارتي وهي موديلها 2003

أبي أسألكم لو وديت السيارة للفحص كم تاخذ وتخلص والفحص للمحركات ولا السيارة كاملة من كفرات وديكورات وإذا خلصت السيارة من الفحص كيف يقلون لي المشاكل اللي في سيارت وبعدين يسألوني إذا حاب تصلحها معاهم ولا خارج الوكالة ..... أدري أني طولت عليكم بس تحملوني

لو انك قريت ردي رقم 26 كان لقيت جواب اسألتك كلها بالنسبة للوقت وكيف يعلمونك وش فيها
اما بالنسبة لفحص السيارة بيكون فحص ميكانيكي بس على كلام واحد من الأعضاء مكلم الوكالة وسألهم

،،،،،،،،،،،،،،،،،،
نفس الرسايل الي جات للمباشر جاتني والثانية جاتني اليوم الصباح

**المباشر** · 29-04-2010, 05:58 PM

اتوقع الأهتمام بالسيارة راح يكون أكثر بعد انتهاء الفحص المجاني وبعد انتهاء الزحمه

اما الحين اي تشييك وخلاص بحكم انهم مضغوطين ومزحومين

مثلآ

انا عندي سيارتي عارف ان فيها مشكلتين

1- كراسي الماكينة

2- جلد تحتاج تبديل

يعني هالفحص وش راح يطلع لي غير هالمشكلتين

لكن الظاهر اني بروح لهم اشوف وش السالفة

**TARKAN** · 29-04-2010, 10:34 PM

طيــب يآ اخوووآن الي سيـــآرته مو مسجله في الوكــآله يعني شآريهــآ من معرض يقدر يدخلها الصـــيآنه ...؟

**ابراهيم2008** · 29-04-2010, 11:12 PM

**accordyon** · 30-04-2010, 01:32 AM

المشاركة الأصلية كتبت بواسطة TARKAN

طيــب يآ اخوووآن الي سيـــآرته مو مسجله في الوكــآله يعني شآريهــآ من معرض يقدر يدخلها الصـــيآنه ...؟

والمعرض من وين شاريها؟؟

اكيد من الوكالة اذا السيارة سعودية يعني مو وارد الخليج او امريكا
ودها وتوكل على الله

**المباشر** · 30-04-2010, 01:44 AM

اصلآ المقصد من الفحص المجاني انك تفحص ويعطونك الخرابات وبعدين تدخلها عندهم بحكم اغرائك بالخصم سواء كانت من معرض او من الوكالة مع انهم كلهم يتبعون ضمان واحد وهو الوكالة

وعاد الذكي اللي راح يصلح خارج الوكالة

**TARKAN** · 01-05-2010, 02:41 AM

يع ــطيكـم الف ع ــــآفيــه

طيب سؤال اخيــر << ادري نششـــبه خخخخ

وين موقع الوكــآله الي اعرفه على خريــص بس وين مدري :d

**بسكاتي اذلك** · 01-05-2010, 06:50 AM

اليوم ان شاء الله باطلع من المحاضره وسيدا للوكاله ..

انا الصيانه المجانيه اللي راحت .. رحت فحصت ..

الوكاله تفحص فقط على 35 نقطه بالسياره ..

مده الفحص ما ياخذ من ثلث الى نص ساعه بالكثير ..

اول ما توصل عند بوابه الوكاله فيه سكيورتي .. تقوله ابي الصيانه السنويه .. يخليك تدخل وفيه ناس تستقبلك وتخليك تاخذ لك موقف بالدور ..

بعدها تروح تعبي اوراق وكذا .. وتنتظر هم ينادون على اسمك ان السياره خلصت ..

بعدين يعطيك عن المشاكل اللي بالسياره وكذا .. ويعطيك موعد للصيانه .!!

الذكي اللي بيفحص من الوكاله ويطلعها ويروح له ورشه معروفه ويشوف هو صحيح كلامهم ولا لا :d

واذا كذا مالك الا تغيرها من برا الوكاله :d

الصيانه اللي راحت قالولي بس يبيلها تغيير زيت .. والموعد بعد اسبوع ونص اتوقع

ع العموم .. بالتوفيق لـ الكل .. وان شاء الله اليوم محضر عندهم :d

**memories** · 01-05-2010, 08:24 AM

فاتني الفحص اللي في ينبع

ان شاء الله الحق الفحص في جده يوم الخميس

**AD-CoRD** · 03-05-2010, 03:14 AM

غداً لي موعد مع الرقم الخيالي اللي بيحطونلي ياه ،، أوما حطمت الرقم القياسي في الفاتورة ،، وقولو ad ما قال

**da7o0omi** · 24-07-2010, 10:22 PM

شباب الله لايهينكم اي خبر على الفحص ياليت تعطوني خبر بدري اذا ماعليكم امر.
وتسلمون ويعطيك الف عافية.
محبكم/da7o0omi

**King** · 25-07-2010, 03:52 AM

^^

تقدر تروح الوكالة وتسجل رقمك عندهم عشان يوصل لك أي عرض او فحص للوكالة او أعلان آخر.

ولا تنسى وقت الفحص راح تشوفه بالصحف وبكل ماكن تقريبا ً.