الموضوع: اشتري اكوورد او هذه السياره ؟؟

مشكوور اخووي meshoo على مرورك وردك السريع

لآآهنت

صرآآحه ابداااااااااااع

وتتفوق على الاكورد بشكل كبيييييييييييييييييييييييييير

وسعرها نفس سعر الاكورد .. بل أقل..

لكنها كوريه ..

بس عن نفسسي

راح اشتريها

وحتى لو خربتبعد 3 سنوات

عااادي مقاابل هالمواصفات بهالسعر ..:d


وشكرا

اخوي عيبهااااااااااا الوحيد انها كوريه


اما الاكورد يابانية لك ولزمن وحقت كرررررررررررررررف


والخيار لك
اذا بتكرف الموتر خذ لك ياباني

وإذا سنةاوسنتين وبتبدل الموتر خذ الكوري

الصراحة لو اني بمكانك غير اخذها وانا مغمض ......\\

ولو اني عارف ان فيه سيارة راح تنزل بالمواصفات هذي كان ما اشتريت الاكورد والله

طيب اشترها وبادلني :d

وانت اهم شيء الاستخاره

طيب اخوي انا سمعت ان اسمها كادينزا <<< مني متذكر هذا اسنها ولا لا

سلملم , , ,

و الله السياره فخمه كثير و مواصفاتها تتفوق على الاكورد و الاوريون بعد

لكن انت متأكد ان هذي المواصفات كلها موجوده في النسخة الخليجية ؟!

اذا كلها موجوده أنصحك تاخذها و بقوه
و اذا على الخرابات اللي بتطلع بعد سنه و لا سنتين او ثلاث زي ما يقولوا الشباب عندك الضمان موجود الى 5 سنين

ما شاء الله السياره حلوة لكن اللي يعيبها علامة ( KIA ) :p

لكن انصحك تجربها قبل لا تشتريها
يعني اطلع بها على خط سريع و اختبر رساوتها و عزمها و عزل الهوا و جودة الديكور اذا يطلع منه اصوات و و و ... بس ما انصحك تجرب الايرباق !! :d


بالتوفيق ,.

ماشاء الله تبارك الله

والله فعلا وااااااااااااااااااااااااااااااااااااااااااااااااا اااااااااااااااااو

حتى الفنشينق الداخلي جيد جدا جدا

سيبك من اللي يقول لك مشكلتها انها كوري ومشكلت اسمها كيا مع احترامي للجميع

أتمنى يذكرولي ميزه وحده في الهوندا مو موجوده في الكيا هذي

بس ميزه وحده مو اكثر

لاتقولي الاسم ولا انها ياباني وما اعرف ايش

حتى لو السياره فيها عيوب من ناحية جودة الخامات المستخدمه داخليا وحتى لو الأزارير اتفكفكت وحتى لو النور علق

يكفيك في هذا كله ضمانها الغير محدود الكيلو مترات

يعني السياره هذي لو جات شركه كبيره اشترت شركة كيا وغيرت الإسم بس راح تبيعها بـ 200 الف والناس بتشتريها وبيتجننوا عليها

زي ماحصل مع الدايو

كان الناس يتذمروا منها عشانها دايو وكوريه خخخ

اشترتها جنرال موتورز وغيرت المسميات واتهبلوا الناس عليها (أوبترا أفيو أبيكا) خخخ

عالم مايهمها غير الفشخره الكذابه والمسميات

وزي ماقال مشاري الكوري في صعود حاد للأعلى

والباقي في تراجع منفرج خخخ

في الأخير اقلك اتوكل على الله وصل الاستخاره والله يكتبلك اللي فيه الخير

*ملاحظه : ايش رايك تشتري الفل وتبادل معايا الكوبيه خخخخ أمزح طبعا:d

مواصفاات والله دييم ,,,دزها يا شنب وبقوه ..اساسا الكوري الان بدا يتمكن من السوق واصبرولوا كم سنه وراح يسير الافضل (بس حبه حبه:d) بس برضو الاكورد صحيح انها تخلو من المواصفات لكنها جوده في الصناعه..

تبقــــــــــــــــى الملكة اليابانية ملكه واللي هي الاكورد ويبقى الكووووري كووووري

سيارة جدا رائعة وجبارة وبمواصفات ما راح تجيبها الأكورد حتى بعد 10 سنين اذا مو أكثر والسيارات الكورية أثبتت جدارتها بكل إستحقاق.. والبعض يقول عيبها كوري أو السيارات الكورية حق سنة وبعدها أنواع الخرابات وللأسف البعض يقول هالكلام وهو ما جرب هالنوع من السيارات ولكن يعتمد على وكالة يقولون (يذكروني بالشيبان اللي يقولون القير الأوتو ما يصلح ويخرب بسرعه وهو في حياته ما ساق سيارة بقير أوتو ) وأنا أنصحك تاخذها وما راح تندم بإذن الله..

تصدق كانها اودي a8

سعرها توصل 123 الف للفل تقريبا ..
الله يوفقك ..
وإن شاء الله تكون هالكيا مثل أختها الهونداي بقوة التحمل ..
وإذا كانت عكس خلك عىل الاكورد أو الاوريون ازين لك ..
وبالبركة عليك مقدما..
سلامو..~

اشوف المكسيما اجمل

وافضل

والله انها صح

مواصفات الاكورد فل ما توصلها
ماشاء الله

لكن الكوري يبقي كوري والالماني يبقي الماني والياباني يبقى ياباني
كل شي يبقى على نفس ما هو

لو انا بدالك ببعد عن الكوري

اليوم كنت بالوكاله

وسعر الفل بانوراما 125 الف

اما الفل بدون فتحه بـ 112 الف

الفل بفتحه 115 الف


فوق 100 في كوري لا وكيااا كمااان والله مره مره كثيييييييييييير


ياصاحب الموضوع

الكيا الي انت حاطها موصفاتها لايعلى عليها واقوى من الاكورد اصلا تعتبر فئة اعلى من فئة الاكورد


بس المشكلة بعد سنتين ثلاثه حتى لو الضماان مفتوح اتحدى السياارة تكوون حالتها جيده على الاقل

الهوندا لو تشوووف موديلات 2005 ماتتوقع انه هالسيارة عدى عليها 6سنواااات
>>اتكلم عن استخدام نااس عاقلين مو شغل هجوله وتفحيط وتدعيس ومقاومات بكل وقت


عموما لو كنت مكااانك مستحيل ادفع فوق 100في كياااا

صح الكوري تطور بس ماوصل للياباني ولن يصل له

عمرك سمعت السيارات اليابانيه تفوقت على الالمااني مستحيل

نفس الكلام ينطبق على الكوري والياباني

ولاتغرك الموصفات التكميلية اهم شي تاخذ سيارة تستاااهل ومابتعرف قيمة السيارة الا بعد كم سنة



روح شوف لك الافالون ولا المكسيما

احسن

وانت برااحتك

اخواني مششكوورين على مروركم وردكم وجزاكم الله كل خيرر

انا اعرف واحد عنده كيا اوبتيماا 2006 وهو حق سفرياات وخطوط وما شيه سيارته للحين فوق الـ 300 الف

وسألته عن جودة السياراه حلفلي ما غير فيها ششي غير القطع الاستهلاكيه

ومره خربت عليه مروحة الرديتر وغيرهاا كامله بـ 200 ريال

والسياره للحين متمااسكه كأنهاا جديده الله يهينه فيهاا


بالنسبه للسياره هذه ايوه اسمهاا كادينزاا

ولد الدييره الجبر نزل السياره بمواصفاتها الكاامله

وصدقت علاامة كياا خربت شكل السيااره هههههههههههههه

بالنسبه للي يقول كأنهاا اودي ايووه يا خووي اللي صمم هذه السياره هو نفسه مصمم سيارات اودي سابقاا
والاان انتقل لكياا

كياا وهوندااي شركه وحده ومصنع واحد وقطع هونداي تركب على كياا وقطع كياا تركب على هوندااي الفرق فقط بالشكل الخارجي

meshoo صدقت اخووي هذي اسعاار السياره

بس قالي الموظف ان اسعاره تعدلت وكلها يوم او يومين وتتحدد الاسعاار 65 - 88 - 108 الاف ريال

وفالاخير مشكوورين على ردودكم ما قصرتو وجزااكم الله خييرر

من وجهة نظري اتوكل على الله وخذ الkia

نصيحتي خذها موصفات راقية وقمة الفخامة والانسيابية صحيح انها كورية لاكن الكوري يعيش اكثر من الأكورد وكلامي صحيح

الأكورد بعد 3سنوات او اكثر وبعض الأحيان اقل من 3 سنوات تطلع خرابات منها اصوات غريبة تظهر داخل المركبة مادري ليه هاذي المشكلة الوحيدة اللي بالأكورد مالها حل من الوكالة ثاني شي الأكورد ماتصلح حق طلعات خطوط وسرعه لانها سيارة فخمة وبديها خفيف مره ثالث شي القماشات البريك دايمن تلاقي خلل فيها وانا اعرف واحد توه ماخذ 2009 ويشتكي من القماشات ..نصيحتي خذ كيا تراها بنت لذين هههههه

بيني وبينك الموتر كشخة ومواصفاته قوية مره

الله يوفقك ان شاء الله

المشاركة الأصلية كتبت بواسطة هـsiـاجر

نصيحتي خذها موصفات راقية وقمة الفخامة والانسيابية صحيح انها كورية لاكن الكوري يعيش اكثر من الأكورد وكلامي صحيح

الأكورد بعد 3سنوات او اكثر وبعض الأحيان اقل من 3 سنوات تطلع خرابات منها اصوات غريبة تظهر داخل المركبة مادري ليه هاذي المشكلة الوحيدة اللي بالأكورد مالها حل من الوكالة ثاني شي الأكورد ماتصلح حق طلعات خطوط وسرعه لانها سيارة فخمة وبديها خفيف مره ثالث شي القماشات البريك دايمن تلاقي خلل فيها وانا اعرف واحد توه ماخذ 2009 ويشتكي من القماشات ..نصيحتي خذ كيا تراها بنت لذين هههههه

لا لا لا غلطان يابعدي

العمر الافتراضي للاكورد هو 5 سنوات على الاقل

لاتهضم حقوق الملكة

ما يبغالها كلام اخوي مالك إلا تاخذ الكيا كادينزا
أصلا مافي مقارنه ابد

يالبيه بس :o
والله توي أدري إن في سيارة كيا بالمواصفات
ولو إني بمكانك
آخذها وبدون تردد

السلام عليكم
انا اقول انو السياره حلوه بس انتبه اسال عن القطع لاتستعجل وانتبه كيف الصيانه والله يكتب مافيه الخير للك
القــــــــــــــــــــــطع اهم شي