الموضوع: استفسار عن اللوحات الطويلة و طريقة استخراج لوحة واحدة ؟

تسدد 100 بالصرافة
وتعطي العسكري صورة من الفحص الدوري وصورة من الاستمارة وصورة من التأمين وبعد اسبوعين تستلمها

أنا طلبتها قبل اسبوعين وركبتها أمس :d

طيب بالرياض اروح لاي مرور عآآآدي ولا محددين:d

^^^
رح لأي مرور عادي
أنا رحت الي عند الفحص الدوري لأن ما عنده زحمه

وعليكم السلام


تروح للمرور وتدخل لقسم اللوحات وتتأخذ ورقه تعبي فيها البيانات وتسدد الرسوم عند أقرب صرافه 100 ريال وتخلي الإيصال معك

وبعدها راح يعلمك ايش تسوي وراح تختمها لين يوجعك راسك لاتنسى ترفق معها صورة من الإستماره والرخصه على مااعتقد نسيت والله

بس ماتقدر تطلع لوحه وحده لازم لوحتين وبعدين إذا جيت تستلمهم بعد 15 يوم اذا عطاك الله عمر :d

يأخذون اللوحات القديمه ويعطيك اللوحات الجديده

اهم شي الفحص والتأمين لانهم يركزون عليه;)

اوووووومن مرور الفحص الدوري .. مشوااار :d

مرور النسيم عندهم حركات كذا ولا بس حقين الفحص الدوري ..

طيب واللي عليه مخالفات ..؟؟

يقدر يطلع او لازم يسدد بالاول ..؟

طيب و اللي سيارته جديدة و يبي يطلع لوحه طويله و ماعنده فحص دوري

اللي سيارته جديدة ما مضى على استمارتها سنة ما يحتاج فحص دوري

وبالنسبة للسعر تراه 50 ريال للوحة الواحدة واللوحتين بـ 100

ولا زم تسدد مخالفاتك أول

طيب الله يعطيكم العافية

خلاص انا طلبتها يوم الاربعاء و منتظر الي 14 يوم و بعدين استلم اللوحة الجديدة بإذن الله

على فكره يا شباب الرسوم زادت صارت 100 ريال للوحة و 200 للوحتين << بدون تخفيض هههه

سلام

كلام محجوب هو الصحيح ولايهونون الأعضاء ..

إضافه أخرى إدارة التموين اللي فالبديعة أو عليشة (بينهم :d) تعطيهم اوراقك الصبح ترجع الظهر تستلم اللوحة .. (في نفس اليوم) ..
ان شاء الله بروح لهم يوم الإربعاء واعطيكم التفاصيل ..

لازم تسديد المخالفاات ؟؟

اللي متأكد يفيدنا تكفوون

تحديث ( 16/6/2010 ) ..

اليوم رحت لإدارة التموين وقالوا اننا نقلنا اللوحات الى مرور الناصرية .. :( ..
ويقول مستحيل تطلع في نفس اليوم هذا كان أول .. <<< فعقب كلامه هونت , بصراحة مشواااار
خلاص ماراح أركب طويلة الى أن يجي واحد نشمي ويطلعها عني :d ..

انا طلعتها بدون فحص بدون اي شي بس طلبو مني 100 ريال .

لازم تسديد المخالفاات ؟؟

اللي متأكد يفيدنا تكفوون

__________________