قنبلة نيسان والحمراني..

**The Golden Accord** · 16-06-2010, 08:26 PM

بسم الله الرحمن الرحيم

اخباركم جميعا

اليوم كنت مع خويي في وكآلة الحمرآني المحترمة لانه يبي يشيك ع سيارته

الموهم لفت انتباهي الباترول الجديد ودخلت الصآلة ابي اشوفه

ناظرت ولقيت عرض اعتبره مجنون

رحت وسألت الموظف عن العرض وقالي لك خيارين في العرض ..

الخيار الأول: بمقدور المشتري دفع 50% من قيمة أي سيارة يرغب في شرائها ومن ثم إعادتها لنا بعد ثلاث سنوات دون أدنى التزام عليه .

وهذي صورة الخيار الاول

- الخيار الثاني: يستطيع المشتري دفع 25% من قيمة سيارات محددة وتقسيط 25% على ثلاث سنوات ومن ثم إعادتها لنا بعد انتهاء فترة التقسيط .
يعني تدفع ربع مبلغ السياره وتقسط الربع على 3 سنوات لمدة ثلاث سنوات وبعدها ياتدفع نص المبلغ الثاني او ترجع السيارة.

وهذي صورة العرض الثاني

ملآحظه .. شرط الترجيع تكون السيارة بحالة جيده

وايضا يجب ان لا تتعدى السيارة 90الف كيلو متر خلال الثلاث السنوات< كلام بعض المنتديات

انتظر تعليقاتكم
وبانتظار ابو الهش يصحى

**م ج رد حلم** · 16-06-2010, 08:32 PM

العرض هذا نصبه بس بطريقة جديده

تخيل السيارة قيمتها

140 تدفع 70 وبعد ثلاث سنوات ترجع لهم لو ماعجبتك خخخخخخخخخخخخ

والله سرقة عيني عينك

المشكلة شارط عليك ماتعدي90الف خلال ثلاث سنوات هههههههههه

نصبه احترافيه من الحمراني >>طبعا كل وكلائنا ماشين على هالنهج

الله لايوفقهم هالحراااميه

**The Golden Accord** · 16-06-2010, 08:36 PM

المشاركة الأصلية كتبت بواسطة م ج رد حلم

العرض هذا نصبه بس بطريقة جديده

تخيل السيارة قيمتها

140 تدفع 70 وبعد ثلاث سنوات ترجع لهم لو ماعجبتك خخخخخخخخخخخخ

والله سرقة عيني عينك

المشكلة شارط عليك ماتعدي90الف خلال ثلاث سنوات هههههههههه

نصبه احترافيه من الحمراني >>طبعا كل وكلائنا ماشين على هالنهج

الله لايوفقهم هالحراااميه

هلا فيك يالغلا

هي من ناحية نصبة فأكيد نصبة

ولكن قد تكون لتعزيز سيارات نيسان لانها صارت قليلة ولا تقارن بمبيعات الاكورد والكامري

فأتوقع انه يبي ينشر سيارات نيسان اكثر

**meshoo** · 16-06-2010, 08:41 PM

ماهي نصبه ولاشي هذي تسمى طريقه تسويقيه يعني ماجبر احد يشتري

العرض ممتاز ولكنه حرام لانه عقدين في عقد وطول فترة الـ 3 سنين السياره ماهي بأسمك بأسم الوكاله

واكيد ماحط شرط الممشى 90 الف والنظافه الا انه يبي يبيع السيارات المسترده

**The Golden Accord** · 16-06-2010, 09:11 PM

المشاركة الأصلية كتبت بواسطة meshoo

ماهي نصبه ولاشي هذي تسمى طريقه تسويقيه يعني ماجبر احد يشتري

العرض ممتاز ولكنه حرام لانه عقدين في عقد وطول فترة الـ 3 سنين السياره ماهي بأسمك بأسم الوكاله

واكيد ماحط شرط الممشى 90 الف والنظافه الا انه يبي يبيع السيارات المسترده

تسلم ع هالرد الحلو

وهو الاقرب للصحه

ولكن عرض ال 90000 حسب ماسمعت انه بعده ماتقدر تسترجع السياره
وتجبر انك تدفع النصف الثاني

**زووم6** · 23-06-2010, 01:28 PM

90 الف نمشيها بسنه :p والعرض صراحه مو مرتاح له احس فيه لف ودوارن
هههههههههه

**salamify** · 23-06-2010, 01:41 PM

العرض مشابه لعرض الجميح وأنا أشوفه مو حلو والوكالة الا ما يكون لها مكسب كبير من هالعملية..

**hero medo** · 27-09-2010, 05:12 PM

العرض الثاني جيد لاانك حتدف للاتيما الفل 4سيرندار الدفهة الاولا 20 الف والقسط حوال900 والدفعة الاخيرة 41 الف ثلاث سنين

**عاشق سيييييفيك** · 27-09-2010, 05:49 PM

والله اشوفها كذب ومالها داعي تخيل اخذ سياره ثلاث سنوات حط في بالك أنك مأجر سياره ثلاث سنوات ب 70 ألف وبعد كذا ترجع لهم.

**Silver Aurion** · 28-09-2010, 02:54 PM

افترضنا سعر المكس 130 الف

دفعنا نص القيمة 65 الف ريال عشان نستخدم سيارة 3 سنوات

و بعد كذا رجعناها و الان ماعندنا سيارة

اشتري فيها كورولا بـ 65 الف و تقعد معاك 10 سنوات :p

صراحه العرض ان دل .. فهو يدل على ضعف الاقبال على النيسان

ولاحظنا كيف ان الالتيما الجديدة ما صارت منتشرة و قليلة و الماكس مع انها من فترة لكن اقبالها ضعيف ايضا

**مرسال الهوندا** · 28-09-2010, 06:25 PM

ياشباب لا احد ينجرف ورى هالشي إلا المضطر فقط

والنصيحة قوية مني والسبب بسيط لأن الثلاث سنوات مدتها قصيرة وتمر بسرعة وترجع لهم السيارة بعد ذلك

وبعدين تكون من غير سيارة وتخيل طلعت السيارة في رمضان وترجعها في رمضان ام الحالة ام الحالة حيث ان الشخص يحتاج إلى السيارة في رمضان والمناسبات والاعياد

وشكرا على الموضوع عزيزي

**>>ăҒשּׂЙă<<** · 28-09-2010, 06:52 PM

شباب انا رحت لنيسان

وعرضهم الاول

- تدفع 50 % وبعد3 سنوات تدفع 50% <<< وفيه امكانية تقسيط ع سنه او سنتين الـ50% الاخيره

وعرضهم الثاني

- تدفع 25% و3سنوات تقصد 25 % وبعد 3 سنوات تدفع 50 % او تقسطها ع سنه او سنتين

وأنا أشوف انه ممتاز

لكن هل هو حرام ام لا ما أدري

تحيتي لكم ...

**hero medo** · 29-09-2010, 10:22 AM

والله انا رحت المعرض الماكس الفل خلصت في السعودية اما اقل نوع موجودة

**kakashi-san** · 29-09-2010, 10:50 AM

السلام عليكم ..

حياك الله اخي الكريم ..

واحد من ربعي اشترى من عندهم التيما 2010 ، بنظام دفع 25%

ما عطوه الا مفتاح واحد ، والسيارة باسم الوكالة ، والتصريح يدفع عليه 500 ريال كل 6 شهور ..

اي حادث بالسيارة ، المبلغ تاخذه الوكالة كله من التأمين ولازم يصلحها بالوكالة ،، يعني ما ياخذه كاش ..

هالعرض فيه مشاكل كثيرة ولكن حركة تسويقيه جيدةْ ،، لكن في الاخير انت بتدفع مبلغ وقدرهْ ،، يصل فوق الـ 130 ريال كاملاً ..