رد مع اقتباساخوي لو أنا مكانك ما رااح أفكر بغير اللاند كروزر
انت ميزانيتك ممتازة يعني على كلامك ممكن توصل فلوسك إلى 240 ألف ريال
و تجيب لك لاند كروزر (8 سلندر gxr)
السلام عليكم ورحمة الله وبركاته
كيفكم يامحبي هوندا، وكيف سياراتكم؟
أنا جيتكم هنا وبطرح لكم اللي في بالي، أنا عزمت على هوندا بايلوت 2012 وودي أشتري موديل 2013 لو كان فيه إختلاف (إللي يدري عن هالشي لايبخل علي)، طبعاً سويت مقارنة بينها وبين سيارات من فئتها وأكبر وأصغر حسيتها هي الأفضل من ناحية السعر والميزاتز
وإليكم مقارناتي
1- مرسيدس ml 350 قوطي صغير بالكاد يكفي 3 ركاب وسعره يبدا من 250 ألف ريال، باقي الميزات حلوة، وانتوا تعرفوا المرسيدس كيف قطع غياره
2- فولكس واجن طوارق نفس الحكاية قوطي صغير لخمسة أشخاص بالغين فقط، ميزاتها ممتازة الستاندرد سعره يبدا من 183 ألف ريال، أغريته بالكاش وقال لي بيعطيني إياها بـ 160 ألف ريال، لكن تظل صغيرة والسيارة قطع غيارها نار >> ألماني، وما أوثق في الألماني في التطعيس بالبر بسبب الحساسات الزايدة
3- أودي q7 سيارة قاهرة من أجمل السيارات اللي شفتها بحياتي، جبارة لكنها للأسف غير عمليه بما فيه الكفاية في طرقنا المحترمة، والبايع قال لي عن شغلة وخلاني أكرهها، يقول لي إذا انت راعي كد للسيارة لاتاخذ فل كامل لأنها ماتصلح للرمل والبر، الله أكبر أيش الفرق ياعمي كلهم نفس المحركات (وهذا اللي خلاني أبتعد عنها) وسعرها بصراحة معقول على الفخامة اللي فيها 235 ألف ريال فقط
4- تاهو فل كامل ياناس سعره 210 آلاف سلامات يالجميح يانصاب
5- تويوتا برادو >> مسخرة السيارات، 150 ألف ريال على الفاضي مافيها إلا ميزة تشغيل السيارة بالزر ومثبت سرعة وتحكم للصوت بالطارة والسيت الثالث لو فتحته ماعندك مجال تحط نملة في السيارة من ورا.
6- ميتسوبيشي باجيرو >> ماعندهم إلا الخراط 155 ألف ريال، ومع التخفيض 150 ألف ريال، ياعمي أرحمنا مع التخفيض حقك، السيت الثالث للسيارة لطفلين فقط ومايمديك تحط بالسيارة شنطة صغيرة
7- فورد إكسبلورر فل أوبشن 198 ألف ليش ياحرامي انت بعد، وش فيها من زود، تراها فورد إن طاحت توهقت فيها وكل يوم مشكلة وراها مشكلة، وإلا صيانتهم السيئة >> الله أكبر.
8- فورد اكبديشن سيارة واسعه ومو جبارة في البر وسعر الفل كامل 174 ألف ريال وشكل الطبلون والطارة كأنك في سوبربان موديل 87 >> لووووووول
9- كيا موهافي >> مسخرة وربي 130 ألف ريال سيارة كورية أكبر عيب فيها الوكيل، وعيوبها تبدا من أول يوم شراء للسيارة وإذا كنت محظوظ بتجي لك المشاكل قبل 10 آلاف كيلو، ولازم تغير الجنوط لمقاس 20، بالراحة سعرهم 10 آلاف ريال مع الكفرات، وكل سنة ادفع 4 آالاف ريال بس في الكفرات.
10- هونداي سنتافيه 140 ألف ريال وانتوا تعرفوا الهونداي مو عملي بالمرة، إلا في السرعة بس.
بصراحة أنا ماكان ودي آخذ هوندا لكنها أثبتت جدارتها بسعرها ومواصفاتها، وناوي أشتري فل كامل بدون دي في دي ونافقيشن وراح أركبهم برا احسن لي، لأن الفرق بينهم حوالي 18 ألف ريال، يا حرامي خف علينا 18 ألف ريال عشان دي في دي ونافقيشن و7 سماعات زيادة.
حبايبي أنا طولت عليكم، وأبي منكم المشورة الأخوية، واللي يعرف أحد بالوكالة يسأله هل 2013 راح يتغير شكله أو لا؟ وهل السيارة فيها أي عيب يذكر، مابي أكمل واشتري السيارة وفي النهاية فيها عيوب لاتغتفر، طبعاً مافي نقاش على الوكيل التعبان اللي معنا وبدول الخليج لهوندا وأسعار القطع اللي ماتغتفر عند الحرامي اللي معنا وحماية التجار ساكتين له.
أسباب إختياري لسيارات الجيب:
1- عائلتي 5 أشخاص
2- مصور فوتوغرافي يمقن أعزم وأروح البر بأي يوم >> بس مو لتطعيس جامد
3- طبعاً ماراح أستخدمها دائماً لأن الأكود اللي معاي ماراح أبيعها.
اخوي لو أنا مكانك ما رااح أفكر بغير اللاند كروزر
انت ميزانيتك ممتازة يعني على كلامك ممكن توصل فلوسك إلى 240 ألف ريال
و تجيب لك لاند كروزر (8 سلندر gxr)
تشكر عزيزي الكاسر
نسيت انا ما اضفت اللاندكروز في المقارنة
فلوسي ماتوصل للرقم اللي حطيته
لو عندي هالمبلغ اشتري لي ارض احسن لي
ولو بتهور ادفع هالمبلغ والله مستحيل احطه في حديدة على 4 كفرات، مع احترامي لملاك اللاندكروزر، اللي مايمزها الا رغبة البشر فيها اقصد الخليجيين.
بحثت عن سيارات مستعملة توصل سعرها لـ 200 الف، سلامات ادفع هابلغ على سيارة مستعملة.
الله يعطيك العافية عزيزي الكاسر
ميزانيتي 150 الف ريال او اقل
اوك خذ لك لاند كروزر خليجي gx فل سعره حدود 170 ألف ريال و مواصفاته نفس مواصفات gxr السعودي
و حاول تزيد المبلغ لأن ما راح تخسر شيء لو اللاند ما ارتحت له و بغيت تبيعه أما البيلوت بيطيح ربع سعرها و نادر أحد يرغبها
لو أنا مكانك ما راح أفكر أحط هالمبلغ على البيلوت الصراحة ما تستاهل أبدا و في نظري الإكسبلور أجمل منه
الله يعطيك العافية على النصيحة
تويوتا لا أفكر فيها أبداً
حتى لو كان سعرها 100 ألف
تاريخهم أسود معاي
ومستحيل ألتفت لهم بأي يوم
وأنا مو من النوع اللي يغير السيارة في وقت قصير عشان أفكر في بيعها
الله يعافيكـ
أجل أنصحك بـ(اليوكن - التاهو - اللاند كروزر - الإكسبيدشن) فقط
هاذي المواتر عملية جدا و تصلح للعائلة و تصلح للبر و سعر في حالة البيع ممتاز
و لو انا مكانك بعد اللاند طبعا :d راح أخذ اليوكن
أتمنى لك التوفيق في الإختيار ..
الله يعطيك العافية عزيزي
وش سيارتك يالغالي
وش السيارات الدفع الرباعي اللي استعملتها
المشاركة الأصلية كتبت بواسطة Hussain.photo
سيارتي كيا كادينزا 2012 شريتها قبل 5 شهور تقريبا و الصراحة تحسفت اني ما أخذت لي جيب (لاند أو اف جي) مع اني اكره تويوتا :d
الوالد عنده لاند كروزر 2011 شاريها قبل 10 شهور و الحمد لله مرتاح معها و كلام الناس يقولون انها قاسية و غير مريحة غير صحيح بالعكس مريحة لكن الأمريكي أريح أكيد
و اخوي عنده لاند كروزر 2003 و محللها بر و الحمد لله ماشية معه زي الحلاوة
و صديق لي معه يوكن 2010 (بدون دبل) مسكت معه خط مرتين أو ثلاث الصراحة موتر جبار غير متعب في الخطوط و رااسي و ماكينته قوية الله لا يضره
و عندنا اكسبيدشن 2001 (دبل) للسواق و الحمد لله من شريناه قبل 7 سنوات اذكر مره دخلناه الورشة و غيرنا مقصات و جلد و فحمات و حطينا فيه حدود 3000 ريال و يعتبر مبلغ ممتاز خصوصا انها تعرضت لحادث في الوجه قبل ثلاث سنوات و الحمد لله ماشية معنا زي الحلاوة
طعتك وسمعت كلامك
ورحت اليوم لحرامي تويوتا
سألت عن جي اكس ار 6 سليندر المواصفات اللي فيه فتحة بالسقف ودي في دي شكلهم هم مركبينه سعرها 207 آلاف ريال، تصور مافيه أي ميزة تميزه عن غيره الا اسمه اللي دول الخليج طايحين فيه ووش يقولون يميزه سعره بعد الإستعمال، الله لايحوجني لبيعه في يوم من الأيام.
والفل حق الجي اكس ار 8 سليندر نفس المواصفات بـ 225 الف ريال.
وإن جيت للحق أنا أبي أرتاح وأنا أسوق السيارة وبسعر معقول، لذلك اخترت بايلوت وربي يكفينا وإياكم شر السيارات وفرصه اتعرفت عليك يالكاسر
اخ حسين اشتر اللي انت مقتنع فيه وصدقني راح تندم لو اخذت سياره غير اللي تفكر فيها انا اشوف البايلوت حلوه وممتازه وسعرها معقول مو ذاك الغلا لو تكلمنا عن القطع
اللاند كروزر المقص ب4000ريال ويعلم الله موديل 2010 والجلد ماتتغيرللمقصات لازم كامل ولا الجيب اللكزس فحماته 1500ريال:d<<كلام المهندس وين احنا فيه استخرالله وان شاءالله من نصيبك ..
أنا معك ان ابو جميل اكبر نصااب في أسعار و مواصفات السيارات عشان كذا قلت لك خذ لك خليجي أرخص و أفضل لك بالمواصفات
و أضمن لك ان ابو جميل (الحساسات - الشاشات - الخطوط - الزينون) كلهم تركيب الله لا يوفقه
و بما انك مقتنع بالبايلوت توكل على الله و خذها و ما عليك من كلام الناس
و حط في بالك ان أغلب قطعها ما راح تحصلها إلا بالوكالة و أسعار قطعها ما عندي علم فيها لكن أكيد غالية
اليوم كنت عند التوكيلات العالمية عنده اليوكن 2013 سعره 145 ألف ريال درجة ثانية شوفها يمكن تعجبك و لا تستعجل
أهم شيء الإستخارة و ان شاء الله ما راح تاخذ إلا اللي الله كاتبه لك بالتوفيق ..
دامك مقتنع اخوي توكل على الله وخذ البايلوت الهوندا جودتها لايعلى عليها
صح قطع غيارها غاليه ولكل يتسائل ليه انا اقول هذي ضريبة العامل الياباني
ولما اصبحت في امريكا مازاد السمن الا عسل والله يوفقك
اخوي نصحتي لك خذ الاكسبدشين لان الصراحة الوالد وأخوي كل واحد أخذ أكسيد شين طويل على عرض ب 121 الف ريال نص فل ويا زينه في الخط ما تحس بشي
مسا الخيرات اخوي لو انا كان اختار اكسبدشن فل كامل جلد واختيار يكون. لك انت وشكرا
ضوابط المشاركة
مواقع النشر (المفضلة)