أبغى اشتري هوندا.. بس عندي سؤال

**أبوتركي** · 04-07-2006, 11:15 PM

السلام عليكم ورحمة الله وبركاته

كيفكم إن شاء الله بخير..

انا نويت اشتري من هوندا.. يمكن أكورد ويمكن سيفيك .. وانا أرجح السيفيك.. <= طيب وش تبي ؟؟

بكم ألقى الأكورد جير أوتو.. فتحة سقف ... ؟؟ أقساط ؟
هل تكون حوالي 70,000 أو أكثر بكثيرررر ؟؟

وبكم ألقى السيفيك فل أوبشن ؟ 1.8 لتر

أرجو اني ماأكون ثقلت عليكم

تحياتي
أبوتركي

**دحوم** · 05-07-2006, 02:25 AM

يشرفني اني اكون اول واحد يرد لكن اقول لك ان كانك بتشتري الاكورد فسعرها كاش 73000ريال هذا بعد العرض لكن قبل سعرها 76000ريال طبعا اوتو وفتحة سقف وراح يكون سعرها بالأقساط إذا ما دفعت لهم دفعة اولى ممكن يوصل 90000ريال لا تستغرب لكن اقول لك خذ سلفة من البنك احسن لك ومن ثم رح طق الأكورد عشان ما يخذون منك زيادة إلى شوي ينعني إذا خذيت 73000ريال من البنك بيزيدون عليك تقريبا 10000ريال عاد انت براحتك يا ابوتركي ودك بالاكورد او السيفيك الثنتين حلوين والثنتين تغيروا هذي السنة وبالنسبة لسعر السيفيك هو 66000ريال يعني مع الزيادة اللي من البنك راح تكون تقريباً 76000ريال وانت ابوها وسمها ومبروك مقدما ياابوتركي ومرحبا بك عضو جديد عندنا شرفتنا واي اسئلة انا بانتظارك رد وراه رد ابشر ولا يهمك احنا اخونك نعين ونعاون .

**الاخطبوط** · 05-07-2006, 03:19 AM

لاازيد على كلام اخوي دحوم الا بالدعاء بالتوفيق مع اي من الهوندتين الغاليتين

يعطيك خيرها ويكفيك شرها مقدما

**أبوتركي** · 05-07-2006, 08:24 AM

أشكركم إخواني على الردود.. وإنتظروا سيارتي قريبا ً..

مشكور أخوي دحوم+ الأخطبوب..

نورتوا الموضوع

**accord-se** · 05-07-2006, 09:54 AM

حياك ابو تركي و مبروك مقدماً سواء اكورد ولا سيفيك ماراح تندم على الإختيار

وبالتوفيق

**مجنون هوندا** · 05-07-2006, 11:57 AM

خذها الثنتين
ومبروك مقدما ويعطيك خيرها ويكفيك شررها

**سفك2.2** · 05-07-2006, 12:33 PM

اي شي في التزويد انا حاضر civic vtec2.2

**دحوم** · 05-07-2006, 03:30 PM

ياهلاوالله ابوتركي واحنا نعين ونعاون وياهلا والله .

**accord 06** · 06-07-2006, 09:36 AM

الاكورد فتحه بـ 71 الف ريال
و السيفيك فل بـ 66 الف
و الاقساط زد عليها من 10 آلاف الى 15 الف ريال

و مثل ما قال دحوم لو تآخذ قرض من البنك بتطلع القيمه الاجماليه اقل

**ذياب** · 07-07-2006, 02:40 AM

الافضل اكوووووووووووورد 2005

**دحوم** · 07-07-2006, 02:51 AM

والله اخوي ذياب انا افضل 2006 مع احترامي لرايك عشان نظرة الناس راح تختلف كونك اخذت اخر موديل او الموديل السابق ثانيا فيه بعض الفروق الواضحة عند مرور الشكلين ثالثا انا اعرف ناس ودهم 2006 لكن ما باليد حيلة اخريا كل واحد منا يفضل الموديل اللي عنده ويحس انه عنده كنق حتى لو موديل 90

**D.AHMED** · 27-08-2006, 02:56 AM

والله انا مشتري السفيك ب 54000 وما ندمت الحمد لله والفل كامل حسب قول الاخوان ب66000( طبعا نص فل) وانا سمت الاكود الفل ب71000 فما عندك الا الاستخاره ومقدما مبرووك والله يعطيك خيرها ويكفيك شرها

تحيات محبك,,,,,

**وليد** · 27-08-2006, 10:23 AM

الله يعطيك خيرها و يكفيك شرها...
و مبروك مقدما

**أبـوسعـود** · 03-09-2006, 04:32 AM

المشاركة الأصلية كتبت بواسطة accord 06

الاكورد فتحه بـ 71 الف ريال
و السيفيك فل بـ 66 الف
و الاقساط زد عليها من 10 آلاف الى 15 الف ريال

و مثل ما قال دحوم لو تآخذ قرض من البنك بتطلع القيمه الاجماليه اقل

ماقدر ازيد ع كلامك اخوي لكن نصيحة لاتطلعها اقساااط والله خسااير ...

.