الموضوع: محتار بين (أكورد) 4 سلندر و 6 سلندر

وعليكم السلام ورحمة الله وبركاته

والله اخوي عنده اكورد 2001 4 سرندل فاكها على يده من الوكاله وشف كم قعدت معه
من سنه والا الان مثل الحلاوه ولا عمرها اشتكت اللهم بنزين وزيت و القطع الاستهلاكيه مثل الفحمات والخ ..
مع العلم انه يمشي باليوم من 50 ال 100 كيلو .. وان شاء الله بعد الحج باطلع لي اكورد 2008 4 سرندل فل.. وذا شريت الملكه نزل لنا الصور اوكي .. تحياتي لك اخوي وبالتوفيق ,,

1) هل أن عمر الأربعة سلندر أقصر من الستة سلندر ؟

بصـراحه انا ما جربت السته بس يمدحونه

2) بعد عشر سنوات مثلا .. كيف سيكون حال المحركين لو قارننا بينهما ؟ على فرض أنهما تحت نفس الظروف طبعًا.

يمكن تلاقي السته احسن
< زي ما قال لك ما جرب سته

3) بالنسبة لاستخدامي الذي ذكرته في الأعلى .. هل الأربعة سلندر كفاية؟ .. راح تعمر معي مدة العشر سنوات بدون مشاكل؟ .. إذا كنت من النوع الراكد في السواقة؟

ايه كفـآيه < معه كوريلا وكارف ابوها تفحيط :d من قبل 5 سنوات < يعني اكيد بتدوم ان شاء الله اذا كنت من النوع الهـآدئ بالسواقه

4) بالنسبة لمستخدمي الأربعة سلندر .. كيف تجدون المحرك بعد عدة سنوات؟

بصرااحه انا من ناحيتي اشوفه نفسه لكن فيه بعض الاشياء تخرب وتتعدل < ما قدر يضرب مثـآل

5) بالنسبة لمستخدمي الستة سلندر .. هل جربتم الأربعة سلندر؟ هل تلاحظون فرقًا كبيرًا بينها وبين الستة؟

< يفيدونك

واعذرني علىا القصوور والله فيني نووم < ما قدر يكتب

1) هل أن عمر الأربعة سلندر أقصر من الستة سلندر ؟

هذا الكلام مو صحيح ابداً السياره تعيش معك على حسب استخدامك ومحافظتك عليها

2) بعد عشر سنوات مثلا .. كيف سيكون حال المحركين لو قارننا بينهما ؟ على فرض أنهما تحت نفس الظروف طبعًا.

نفس الشي ماراح اقولك الـ 4 بيصير اقوى من الـ 6 فرق العزم بس

3) بالنسبة لاستخدامي الذي ذكرته في الأعلى .. هل الأربعة سلندر كفاية؟ .. راح تعمر معي مدة العشر سنوات بدون مشاكل؟ .. إذا كنت من النوع الراكد في السواقة؟

ياشيخ تعمر معك 15 سنه ان شالله بس اهم شي كل 4000 غير زيت وسيفون وزيت القير كل 40 الف وشيكها اول بأول وماعليك تمي معك احلى حلاااوه
4


) بالنسبة لمستخدمي الأربعة سلندر .. كيف تجدون المحرك بعد عدة سنوات؟
انا كثير اعرفهم معهم مواتر موديلات 96 الى 2000 (( يكون مطلعها ومستخدمها شخيصياً محد استعملها غيره)) ماشيه معهم احلى حلاوه اكيد بتغير بعض الاشياء الاستهلاكيه

5) بالنسبة لمستخدمي الستة سلندر .. هل جربتم الأربعة سلندر؟ هل تلاحظون فرقًا كبيرًا بينها وبين الستة؟

اخوي انا قبل شهرين كان معاي مكسيما المكسيما استخدمتها ثلاث سنوات وبعتها هي موديل 2004 والحين معاي اكورد صدقني وثق تماماً ان الفرق بالعزم بس بس القوه والتحمل نفسها على سبيل المثال ... انا المكسيما مشيتها 70 الف خلال سبع شهور كنت تقريباً اسبوعيا انزل الرياض ... تصور انا ما امشي الا بالقايله عز الشمس وبالصيف والعداد ماينزل عن 200 والحراره ما ارتفعت الا شوي بس شي بسيط وبرضوا الكورد ... وبعدين لو كان الـ 6 سلندر اقوى من الـ 4 كان اخذت لومينا بقيمة الاكورد بس الاكورد اقوى << على سبيل المثال


يمكن تقولون بعد ليش مغلب حالك .. خذ لك ستة وارتاح .. أقول ببساطة إن فيه فرق في السعر زي ما انتو عارفين .. والعارف لا يعرف ...

نصيحه خذ 4 سلندر وريح بالك وش لك بصرفيه البنزين وقلق ,, الا اذا كنت تبي تسابق فيها

بالاول والاخير الشي هذا راجعلك آسف على الاطاله وتقبل مروري

أربعه سلندر وبس

اربعه

سلامي على الجميع ..

ما شاء الله عليكم .. إجابات واضحة .. وافية وشافية وفي العمق ..

كلامكم درر وينم عن خبرة .. بصراحة خدمتوووني كثييييييييييييييير في تكوين صورة واضحة جدًا عن حال المحركات ..

أشكركم من كل قلبي .. وأنا راح أنتظر الستة تنزل (في يناير أو فبراير حسب كلام الوكالة) .. وإذا صار فرق السعر بيوصل العشرة آلاف أو أكثر .. راح آخذ لي الأربعة إن شاء الله .. أما إذا كانت الستة بمية آلف مثلاً .. فالستة أولى .. وادعوا لي بالتوفيق ...

إن شاء الله إذا شريتها راح أزودكم ببعض الصور ..

أشكركم مرة أخرى على كرمكم .. وتحياتي الحارة للجميع

خذلك اربعه سلندر وريح بالك.،، اقتصادية بالبنزين، وسعرها ارخص من سعر السته

وغير كذا ماتجيك لفحة السرعه كل شوي ههههههههههههههههههههه

انا اعرف واحد معه اكورد 2005 سبشل اربعة سلندر ..

كارفها كرف الويل والزيت من برا الوكالة ..

و ماشية معه زي الفل ..

والحين كمل معه العداد 210.000 كم ..


فنصيحة خذ لك اربعة و ريح بالك ..

أنصحك اذا كنت تفضل ال 6 سلندر وتخاف من استهلاك البنزين بأن تنتظر وصولها بالوكالة نهاية ديسمبر ميلادي حيث يوجد بها الكثير من المفاجآت السارة مثل :-
1- تكييف خلفي
2- أنوار زينون
3- نظام Vcm للتحكم في السلندرات يعني لما تكون ماشي بطئ يشتغل المحرك 3 سلندر أو 4 سلندر حسب السرعة ولما تسرع يشتغل المحرك 6 سلنر ومعناه توفير كبير جدا في البنزين
5- نظام بخاخات مياه لتنظيف كشافات الأنوار الأمامية
6- تقنية تقليل ضجيج الطريق
ومزايا أخرى عديدة ..........

خذلك V6 عشان تنبسط أكثر من الأربعه

لأن بصراحه سعر الأربعه واجد عليها سعرها بــ 92000 و بالنهايه أربعه سلندر ,,,,,,,,,, والله حرام

على الأقل إذا دفعت 110000 ريال المبلغ يستاهل على إلـــ V6