تنصحون بالأكورد 2008 فل كامل 6 سلندر ؟

**SaLmaN** · 13-03-2008, 02:36 PM

السلام عليكم ورحمة الله وبركاته

كيف حالكم

أنا جربت الأكورد 2008 فل كامل 6 سلندر وعجبتني

وجربت بعد الفل كامل 4 سلندر

ولاحظت فرق كبير من ناحية الأداء وحتى الهدوء وكلها لصالح الـ V6

انا ما قد شريت أكورد قبل كذا

وفيه ناس قالوا أبعد عن الـ 6 سلندر لأنها معقدة ومادري ايش

قلت لهم كيف معقدة توها نازلة وماحد اشتكى منها ؟

قالوا لي لا الموديلات القديمة الـ 6 سلندر معقدة ومشاكل .. الخ

بس انا قريت منتديات عالمية كلهم يمدحون الـ 6 سلندر على موديل 2008

وحتى مجلات السيارات يمدحون المحرك الجديد وتقنية Vcm

اذا فيه احد في المنتدى شاري الـ 6 سلندر من فترة وجربها على الخطوط .. الخ .. يا ليت يقول رأيه فيها من ناحية العزم والثبات على السرعات العالية

انا جربتها شوي وما قدرت اعدي الـ 80 عشان الزحمة

ومحلات التأجير ما لقيت فيها 6 سلندر .. كلها 4 سلندر أقل نوع (السياحي)

أنا في بالي كم موتر من ضمنها لكزس Is300 بس مشكلتها أصغر وأضيق وماكينتها 228 حصان (ضعيفة) وسعرها أغلى بـ 40 ألف ريال !

الأكورد 2008 أوسع وأكبر وأقوى لكن ما فيها حساسات ولا شاشة ولا كاميرا خلفية ولا ... الخ

الألتيما 2008 فيها مميزات قوية لكن مستبعدها لأنها تجميع أمريكي .. واشوف مستوى السيارة ونظرة الناس لها أقل من الأكورد بكثير ..

أنا ما يهمني النافيقيشن كثير

لكن لابد من وجود الحساسات

ووكالة هوندا يقولون بتجي الحساسات كأكسسوارات اضافية

بس الظاهر لازم تخريم وحوسة

ومادري كيف بيشغلونها داخل السيارة ؟

آسف على الإطالة .. وبانتظار آرائكم

والسلام عليكم

**مزاجي** · 13-03-2008, 04:39 PM

لو فيك شدة رح الأمارات اكورد 6 فل قير عادي

ونفقيشن .............................

**B Useful** · 13-03-2008, 04:49 PM

حتى بالامارات مانزلت بنفقيشن !! ولا قير عادي !!!

**momo** · 13-03-2008, 05:15 PM

توكل على الله

انا معاي فل 4وراضي كل الرضاء والحمد لله

والحساسات جاهزه ومخرمه بس تشتريها وتركبها

انصحك وبقووووه بس بشرط لاتقرب اللون الابيض بااااايخ على 2008

خذ ملك الاوان الاسود ولا الفيراني روعه بس الدخليه رصاصي مشكله مايجي بيج

والذهبي مقبووول

الابيض والفضي اكس

الكحلي مايجي فل كامل للاسف والا اللون روعه

موفق اخوي

**مجرد رأي** · 13-03-2008, 07:19 PM

ننصح بها وبشدة

السته غيييير

موفق اخوي

**gogo** · 13-03-2008, 09:36 PM

بسمه تعالى :

لاتقرب اللون الابيض بااااايخ على 2008

الأكورد : لقد ظلمت بهذا القول و هائنذا أنظر إليك نظر تآ من عيني المتلألأة كالثلج بعين حزينة ملئها الثقة و التحدي لأغير من نظرتك لي فها هو لوني الساطع كالثلج مع تدرجات عيني لأنظر بخيال النظر و أسحر رؤى السراب بين ناظري ^___^

هائنذا أنظر لأشعة الغروب لينعكس لون الشفق حولي ليصنع لوحة خيالية تعكس ألوان الطيف بين أمواج البحر المتلألأة بنور القمر وقت الغروب ^__^

أقف شامخة فوق تلال الصخور و فوق أمواج البحر العاتية لأشق طريقي نحو المستقبل

أبعد كل هذا يكون لوني ضربآ من الماضي بل هو الحاضر المستقبل

**SaLmaN** · 13-03-2008, 09:48 PM

مشكورين على الردود

gogo : وش ذا الكلام الحلوو

الأبيض رهيب .. لكن انا عاجبني البيج المعدني (الذهبي)

**momo** · 14-03-2008, 01:53 AM

البيج كلام ثاني خذه على الفل كمال طالع توب التوب

**مزاجي** · 14-03-2008, 01:55 PM

بين 6 و4 فرق 4 ثواني واو

**o-k-r** · 14-03-2008, 02:02 PM

توكل على الله
وخذ لك فل6 كامل لؤلؤي

**SaLmaN** · 16-03-2008, 07:57 PM

مشكورين على الردود

بانتظار المزيد من الآراء خصوصا من اللي جربوا الـ 6 سلندر الجديدة

**كيف الهوندا** · 19-03-2008, 08:12 AM

6 سلندر ما عليها كلاااام

**دحوم** · 19-03-2008, 08:38 AM

ستة سلندر توكل على الله ولا تشاور وأسأل مجرب اجل كيف 2008 -3.5لتر وااااااااااو , وعليك بالأسود او البيج بالنسبة لي الابيض الخيار الثالث .

تحياتي لك ،،،،

**شايل الظبي** · 19-03-2008, 12:05 PM

بس ماعتقد انك بتلقى في الوكاله

بلاني رحت وماعطوني علم واضح
وكنا بنشتريها
لــــ
ولد عمي يبغى 6 سلندر
وغثني من كثر ماروح أنا وياه يوم شافها مطوله
شرى ألتيما جديده v6

ولاكن انا انصحك بالأربعه مادري ارتاحلها اكثر
الى انا كانك راعي مقاوم
مع ان الاربعه فيها حقها
واللون خذ واحد من ثلاثه
لؤلؤي أسود فيراني

**Accord08** · 24-03-2008, 02:36 PM

والله شوف المازدا لو نزلت 6 سلندر كلااااااااااااااااااااام ثاني

**ابو سعود** · 05-08-2008, 09:01 AM

شف يابو
اسئل مجرب ولا تسئل خبير
خذها وانت مغمض بس انتبه لاتصدم
واذا تبي ترا الاسود مب مره بس انا على ما يقولوم محنه اسود كل اكثر اغراضي اسود
بس تراني شايف الذهبي والللللله
قووووووووووووووووووووووووووووووووووووووووووووووووو ووووووووووه

قووووووووووووووووووووووووووووووووووووووووووووووووو ووووووووووه

قووووووووووووووووووووووووووووووووووووووووووووووووو ووووووووووه
اتعب وانا اقول
قووووووووووووووووووووووووووووووووووووووووووووووووو ووووووووووه

**مجنون اكورد 07** · 31-08-2008, 01:09 AM

والله الأربعه احسن يواء تبي تبيعها في شرايين كثر اما السته مافي بينها وبين الأربعه فرق كثير خذ اربعه وخل الفرق بجيبك ترى بتحتاجها بعدين

**king الأكورد** · 31-08-2008, 03:57 AM

اهلين

أختيار موفق وبالنسبة للـ 6 سلندر
فهي رائعة
وبالنسبة للألوان فهي ابيض ذهبي فيراني

أنا شاري 2008 4سلندر
وكنت ناوي 6سلندر لكن كل يوم رايح الجامعة
والبنزين ذابحني
لذلك أنصحك بـ6سلندر وتوكل على الله
ومبروك مقدمآ وما راح تندم

**meshoo** · 31-08-2008, 07:01 AM

^^^^^

بالعكس صرفيه ال 6 يمكن اقل لان فيها نظام التحكم بالسلندرات

وبالمناسبه الموضوع قديم له 6شهور تقريبا :d

**H خالد H** · 31-08-2008, 02:07 PM

اذا فيه احد في المنتدى شاري الـ 6 سلندر من فترة وجربها على الخطوط .. الخ .. يا ليت يقول رأيه فيها من ناحية العزم والثبات على السرعات العالية

العزم : قويه جداً
الثبات :ما شاء الله راسيه ........... سرعتي كانت 210

وبالتوفيق

**د. تعليمات** · 31-08-2008, 05:16 PM

انا اشوف تاخذ 4سلندر اصرف لك ولا انا غلطان ياشباب ؟؟؟؟

**THE_HUNTER** · 01-09-2008, 03:50 AM

السلام عليكم

أنا عند أكورد V6 2007

والحمد لله ماشيه مثل الفل أداء وراحه وكل شي ماشاء الله

وأنا جربت سيارت ولد خالي أكورد 2008 V6 ماشاء الله راسيه في الخط لأنه أثقل من سيارتي و أقوى

وراحه أكثر وتكييف خلفي وماشاء الله سياره جباره

**nader956** · 02-09-2008, 01:43 AM

المشاركة الأصلية كتبت بواسطة the_hunter

السلام عليكم

أنا عند أكورد V6 2007

والحمد لله ماشيه مثل الفل أداء وراحه وكل شي ماشاء الله

وأنا جربت سيارت ولد خالي أكورد 2008 V6 ماشاء الله راسيه في الخط لأنه أثقل من سيارتي و أقوى

وراحه أكثر وتكييف خلفي وماشاء الله سياره جباره

ياخي ياريت تسال لنا ولد خالك عن نظام ال Vcm لما يكون شغال ( المكينة تمشي على 3 سلندرات )

هل هذا الشي يكون ملحوظ اثناء التبديل او انه السيارة تمشي بسلاسة دون ما يلاحظ السايق ؟؟

**meshoo** · 02-09-2008, 01:55 AM

^^^^^^

جبت لك هالكلام من الكتلوج حق الاكورد 2008

مع نظام التحكم بثبات السرعات يحافظ ناقل الرحكه على السرعه الثالثة حتى عند تخفيف الضغط على دواسه البنزين تغير السيارة المنعطف بالسرعه الثاثة

بالملي جبت الكلام