الموضوع: موتري هوندا اكورد v.s v6 افلون

ههههه

الحينه مشى معاي وانا منزل لك مقطعين عسبت لاحد يتعلث لي
اسمحلي

ههه

مب مشكله اشكرك على ردك

وتحياتي لك

الله يسلمك يالهادف انا شايف دوسات قدامي اكورد جديد وقديم V6 يطلع على اوريون وافالون

اذا قومة صفر الأكورد اخف من الأفالون بشوي اما دحدرة لازم مسافة طويلة وبعدها يطلع العزم الحقيقي

ومشكور خيوا على المقطع

(الهادف + عاشق) تراكم وربي غلطانين ... اذا ما تعرفون عزم الأكورد خاصة 06-07 فالرجاء أنكم ما تحكمو بهالطريقة .... لو يجي دحوم للموضوع وتشوفون كلامة بس.....

وترا في مقطع بعد في اليوتيوب لأكورد طالعة على أفالون نفس الكلام

وأنت يا عاشق تستهين بقير الهوندا؟؟!!!!! ..... أما انك تسمع صوت مكينة الاكورد وما تسمع مكينة الافالون فهذا شي طبيعي 100% لأن التصوير من الاكورد+صوت الهوا+الافالون معروفة من أهدأ المكاين حتى لما تدوس بها وأنا مجرب .... ولول بتحسبها على سعة المكينة أنا اجيب لك سيفيك سعتها 1.6 تطلع على هالسيارتين اللي فوق بالراحة وبدون تيربو


وبعدين يا شباب حتى لما تجي للسالفة بالأرقام
الأكورد: وزنها 1500 وشوي ... قوة المكينة (الصافي) 250 حصان
الافالون: وزنها فوق الـ1600...قوة المكينة (الصافي) 281 حصان
يعني فرق بسيط هنا وشوي هنا وشوية نشاط في الأكورد والمعادلة كويسة

وأنت يا الهادف تقول ما تطلع مع الافالون حتى لو قوية .... واللي يقول لك أني أعرف واحد 2004 طلع مع بي ام الفئة السابعة 8 سلندر وهو قدامه لل220 ... وأنت تقول لي ما نطلع مع أفالون

آخر شي ليش راعي الافالون بيمشي بهداوة؟؟؟؟؟؟؟ القومة مرتبة وفيها تصوير من أوريون(يعني جاي مع الافالون) ويمشي بهداوة؟؟؟؟!!!!حتى لو بتقول مشى بهداوة أول مرة يمكن تمشي ...بس مرتين ورا بعض !!!!!!!! كلامكم غير منطقي!!! وانتوا اللي اسمحوا لي



نسيتوني ما ارد على صاحب الموضوع..... Al Kayed مبرووووووووووووك عليك القومة وأداء حلو مرة الله يسلمها لك من عيون الحساد ... وأحلى شي أن القومات مو من الصفر علشان لا تكون عذر للأفالون أناه ثقيلة ... ما شاء الله وللأمام

شباب هدوو الموضوع


واذا تبون نجرب من الصفر ماعندي مانع


وموتري عليه كت فلتر بس


والافلون استوك


يعني صوت موتري بيكون اقوى واعلى


وان شاء الله قريب مع gs 430

وتحياتي للجميع

^^^^^^^^^^^^^^^^^^^^^^^^
اجل ليش قلت لك ان الافالون هادئة؟؟؟;) يا اخي انا يوم جربتها وكنت داخلها والله اني بالكاد اسمع صوتها ... وبعدين الصوت اللي تسمعه في القومة الثانية هو صوت الاوريون مو الاكورد ولا الافالون

طيب خلينا من البي إم والألماني كله ... راح أعطيك أمثلة لطيفة من الحياة اليومية توضح كلامي لأنك أنت برضه ما فهمتني وما ركزت الا على البي ام لأن معاك وحده.... الزبدة:o

خذ على سبيل المثال الألتيما أو الأوريون .... 6 سلندر وسعاتهن 3.5 ممكن تقول لي ليش يطلعوا في كثير من الأحيان على لومينات اس اس وللا هذي مو سيارة حق قومات؟؟;) ... اذا بتقول لي ان وزن الالتيما ما يجي 1400 كيلو راح اوافقك لكن الاوريون وزنها 1530 كيلو يعني اقل من الاس اس بأقل من مئة كيلو .. والفرق بينهم ان اللومينا 8 سلندر وسعتها 5.7 او 6.0وقوتها بين 330 و360 حصان


اذا زعلت علي لأني اقارن لك الـ6 بالـ8 فخذ هذا المثال اللطيييييييييييف جدا .... احنا مجربين ...أكوردتين 3.0 مع لومينا 6 سلندر 3.6 لتر لاحظ اكثر من الافالون ولاحظ انه سيارة قومات ورياضية وحق سرعة.....النتيجة:وحدة من الاكوردات طلعت على اللومينا من البداية للنهاية وبمسافة حلوة والاكورد الثانية (لأن سواقها دلخ وسيارته ماشية 3 مدري 4 الاف بس:p) طلع على اللومينا لكن بعد ال600 متر (لكن قام عليها) ........ هذا خير مثال علشان لا تقارن بالسعة وتخليها أساس في اللي يطوف:o

ومضة: ترا وزن البي ام الفئة السابعة 2150;) كيلو وانا ما جبتها الا لأن القومة للـ220 والبي ام معروف انه حق خطوط:p

سلااااااااااااامي للجميع..:d

مشكورووووووووووووووووووور

هههه تمتعني من هذه المواضيع .. أنا ماأدري كم صار له الموضوع مطروح .. لكن أبرد عليه ماهي مشكلة .. ياشبااب أنا أبختصرها لكم .. أنا أنسان معي V6 2007 ومجربها وأمخمخ على شيء أسمه قومات ياعالم ترا الموتر قوي إن عرفت تستخدمه فعلاً .. بإختصاار الأكورد أخف من الأفالون .. هذه نقطه لصالح الأكورد .. قوة الماكينه لصالح الأفالون بفرق 20 حصان .. لكن لما نعطي المسألة حسابات بالرأس .. نستنتج إن الأكورد لها الأفضلية بالفزه والقومة !

الأفالون إن كان الموتر عليه فلتر رياضي أو ممرن تمرين صـح .. الأكورد مهما كان السواقه راح تطلع على الأفالون بالقومه .. 120- 135 كليو .. بعدين يجييييك الأفالون ماسحك مسح ياراعي الأكورد ( على شوي شوي يــــرروووح ) ..! طبعاً أنا أتكلم عن الموترين كلها ستوك ..

أما إن كان الأفالون ماهي ممرنه تمرين صـح ..! راااح تقوم الأكورد كـ أي شكل للقومه .. ( تبيها من الصفر .. من النص من العشرين من إلى الأربعين .. ) لا محااله الأكورد طاالع وهاارب المارد ولا يمدي للأفالون نفس يجيبها إلآ عند فصلة الأكورد 215 كيلو ^_^

بإختصاااارر .. ياعياال أنا تقااومت مع أربع أفاالوناات .. كلها ليمتد .. كلها طلعت عليهاااا .. ماعداا وحده كان عليها فلترر ريااضي .. أبطي أروح عليه ههه طبعاًُ كنت فااز عنه إلى 130 .. بعدهاا شطفني .. هههه^_^

وبالنسبة لصااحب الموضوع أنا أهنيك على هالمقااطع للي أثبت لأعضااء كلامي لهم على إني أقوم على الأفاالون الكل ماصدق .. وكل يقوم نبي فعل نبي ونبي .. جاكم اللي تبون ههههه ^_^

وبرضوا .. أنا أبيك تعلمني .. وش نوع الفلتر اللي أنت مركبه .؟ :o لأني أبي ثأر < للحين حاقد على الأفالون اللي عليه فلتر رياضي هههههه


تحيآتي لكم / هـ.ج.ـرإنُ ^_^

هلا هجران دحوم هنا موجود ، قلباً وقالباً وفي حلبة التنافس دائماً وابداً ، والافالون انا بنفسي قاومتها من الصفر ومن دحدرة 40 قمت عليها وعطيتها فارق ، لكن وخر عنها إذا كانت منشطة او راعيها مركب فلتر رياضي اقدر اقول للي معاه ستة سلندر لاتجيب سيارتك إلا وهي منشطة صح يعني بالعربي ماسك طريق مكة إلى الرياض وانت مثبت 220كم/ساعة ، يلعن ام العزم كيف راح يكون ، وانا جربت كثير ومسكت خطوط آخر مرة خط الشرقية دخلت اليوم الثاني المقاومات الأوريون اللي كنت اتهرب من مقاومتها صفيت جنبها للباب الخلفي تخيلوااااااااااااا ، كيف يفرق العزم واسألوا مجرب .

ماراح افتي الا باللي اشوفه بعيني

في احد الايام الخوالي :d وقبل ما اكون من ملاك الاكورد

كنت مع واحد من اخوياي عنده اكورد V6 وفي شارع العباد اخر الليل دسنا مع افالون

وبصراحه استمتعنا بعد العواميد اللي جتنا من الافالون وحنا نقول ماشاءالله تبارك الله

الحل الصعب : انت شفت المقطعين بنفسك وبكلامك كذا كأنك تقول لحظة ياصاحب الافالون بليز ادعس والعب بالقير المهم تقوم على الاكورد لعيوني ، يااخي ليش ماترضخ للأمر الواقع الرجال ماقصر حط لك مقطعين اثنين , وممكن الاكورد اللي مع صاحبك موديل 2005 وتحت على فكرة 2006 و2007 اقوى هذي ناحية الناحية الثانية اشياء كثيرة لازم تعتمدها اثناء القومة البنزين التراكشن كنترول فتحة السقف عدد الركاب الاغراض في الشنطة ادنى شيء ينزل عزم الموتر ، فأكورد عن اكورد تختلف وأسال مجرب ، يعني اذا كان مقطعين فيديو ولا صدقت وشيء اللي راح يرضيك طال عمرك ، انا اعرف وش اللي يرضيك تبغى الرجال يصور والاكورد تدعس على هونها والافالون تطير عنها آآآآآآآآآآآآه هنا مربط الفرس هنا كل الرضاء ، بل اتم الرضاء .

تحياتي ،،،،

تسلمون اخواني على هاي الردود الحلوه

تم حذف جميع الردود الخارجة عن هدفه! والمخالفة لسياسة النادي أرجو أن يعتبر أصحاب هذه الردود هذا التصرف بحكم التنبيه لهم..

ببساطة للدرشة مكانها الخاص! وللمحادثة ماسنجر خاص لها! وللمراسلات ما أكثر الإيميلات! وللتسلية والترفيه قسم مخصص في المنتدى!، أما المواضيع الجدية والتي تحوي هدفاً فليست مكاناً لكل ذلك!

انا معي اكورد 2007 v6

وواحد من اخوياي معه افالون 2008

وكل الموترين منشطه وومرنه صح وكل شد بلد

تقاومت انا وياه من الصفر

اقسم بالله ياشباب اني بالقومه معطيه فرق مو طبيعي

وماجابني الا على 170 بالضبط 170

ومو شطف يعني راح يمشي جنبي ويتقدم خفيييف كل عشان الفاصل الي في الاكورد

هذا الرد كتبته في موضوع ثاني بالغلط ×_× وتو أنتبي

*************************
من جد الأفلون ما كان يطارح


أنا شفت مقطع تسارع الأفلون من 0 ألى 200 بـ 20 ثانية ×_×



من هنا
.
***************

مطلوب في المنطقة الشرقية أي أحد معه أكورد ستوك نبي نجرب معه بأفالون ولا أوريون ستوك

يا نااااااااااااس قالكم الاكورد عليها فلتر وبعض الشغلات .... والافالون وكااااااااله .. ماعليها شي ...

تسلمون على هاي الردود الحلوه


اذا عندكم حد في الامارات عنده تيوتا او اوريون انا مستعد اجرب معاهم من 40 لما 180


لانه موتري للحين ماركبت له شي بس عليه فلتر لاغير


مابي ازيد في الكلام

وسموحه