مشاهدة النسخة كاملة : لمن يريد مقياس درجة الحرارة الخارجية
M.A.M
28-08-2006, 12:25 AM
السلام عليكم ورحمة الله وبركاته
هذي اول مشاركة لي في هذا المنتدى الجميل واتمنى تكون مفيدة لي ولجميع الاعضاء الكرام
اولا: لاصحاب الاكورد الفل الكامل 4سلندر يوجد حساس درجة الحرارة الخارجية خلف لوحة السيارة الامامية ولكنه للاسف ليس له اي فائدة ولاادري ماسبب وجوده هل هو لتعذيبنا نفسياً ام ماهو الهدف بالضبط من وجوده !!!
مع العلم ان الاكورد الفل كامل 4سلندر في امريكا يوجد فيها مقياس درجة الحرارة الخارجية ولذلك هو موجود عندنا ولكن لايعمل مع العلم انه مشبوك بسلك ولكن لاادري اين يذهب هذا السلك !! لذلك اتمنى لو احد عنده واسطة عند عبدالله هاشم او مشبك الفنيين :) ان يجيب العلم منهم مع اني حاولت اكثر من مرة مع الفنيين اللي في الوكالة وقالوا لي ممنوع نقول لك اي معلومة او نركب لك اي شي وخايفين مرة مدري وش سالفتهم .. على العموم لو احد منكم يعرف واحد فنان بالالكترونيات وبرمجة الكمبيوتر راح يقدر يفيدنا وانا رحت لواحد وقال لي تعال الصباح وانا مااقدر للاسف لان عندي دوام ولكن ابقول لكم الورشة واللي مهتم بهالموضوع يمرها ويشوف وش الوضع .. الورشة اسمها مركز صالح الجابري وموجود بالصناعية القديمة وهو متخصص في الالكترونيات وبرمجة الكمبيوتر للسيارات وهو شخص شكله خبير وكبير في العمر وماشاء الله ورشته مليانة سيارات .. اتمنى نلقى حل عنده لاني صراحة تعقدت من هالميزة اللي مو موجودة عندنا على ان السيارة فل كامل وتلقى ليموزين جنبك في الاشارة وعنده درجة الحرارة والله شي يقهر
ثانياً : اصحاب الاكورد السياحية باستطاعتهم تركيب مقياس درجة الحرارة الخارجية كاكسسوار خارجي وهو موجود في محل قوة الاحلام ولكن لاادري اذا احد ركبه او لا .. وسمعت انه بالفهرنهايت وليس بالمئوي مع ان احد الشباب الخبراء في الالكترونيات قال لي انه حتى ولو كان بالفهرنهايت فان كمبيوتر السيارة سيحوله الى مئوي تلقائياً وستعرض الدرجة بالمئوي على كلامه وانا لست متأكداً ولكن الشخص هذا شخص خبير
على العموم انا طولت عليكم بس هذا والله من القهر اللي فيني واتمنى يكون موضوعي هذا بداية للسعي في الحصول على هذه الميزة التي احس اتها المفروض تجي كميزة قياسية ولكن لاحياة لمن تنادي .. شخصياً انا مستعد ان ادفع على هذه الميزة اي مبلغ لانها تهمني جداً جداً جداً
ارجو ان لايتوقف هذا الموضوع الا بعد النجاح في تشغيل هذه الميزة سواءً بتركيبه كاكسسوار خارجي او بالتحقق من سبب وجود الحساس في الفل كامل 4سلندر وهل هو يحتاج برمجة ام ماذا بالضبط!!
اسف على الاطالة
تحياتي وتقديري للجميع
أكورداوي
28-08-2006, 02:02 AM
الله يعطيك العافيه ... وبصراحه خبر يبشر بخير مثل راعيه وأنا من أهل الدمام فبصراحه ماأقدر أفيدك من ناحية الورشه التي تتكلم عنها لكن الشباب ماراح يقصرون ..
بالنسبه لنا في الدمام ... أنا أعرف شخص فاهم وخبير ومتخرج من كلية الهندسه الكهربائيه فاراح أزوره وأستفسر عن الموضوع وان شاء الله أرد خبر للجميع ..:cool:
الاخطبوط
28-08-2006, 09:31 AM
حياك الله اولا بالمنتدى
بالنسبة لمقياس درجة الحرارة موجود عند محل قوة الاحلام بمبلغ فوق الالف ريال بشوي لكن...فهرنهايت
انا دورت بالانترنت الين دخت على المقياس بالدرجة المئوية لكن مالقيت واللي محيرني ان السته سلندر فيها
اذا كان على قولتك كمبيوتر السياره يحولها الى درجة مئوية فهذا كلام جديد ولا راح يجاوب عليه الا التجربه
شكلي بامر محل قوة الاحلام واساله اللي ركبوا عنده بالفهرنهايت تحولت اوتوماتيك الى درجه مئويه ولا لا
وهذا ملف أكروبات فيه طريقة التركيب كامل والتسليك من الصدام الى الطبلون
http://www.hondapartsdeals.com/HondaInstallGuides/Accord/accord_outside_temp_gauge.pdf#search=%22outside%20 temperature%20accord%22
لي عوده بعد زيارة قوة الاحلام
اكورد الجنوب
28-08-2006, 11:36 AM
أولا حياك الله أخوي معانا وياهلا فيك
وبالنسبة للوكالة انا كنت عندهم يوم 24/7/1427هـوسئلت عن الش هذا وقالولي لزم يتغير الطبلون كامل مع الظفيرة ويكلف حدود 11000ريال وقلت لهم فية محل بالرياض يركبة ب1400ريال الي هو محل قوة الاحلام وقال لي انة يجرح الظفيرة ويروح الضمان والقطعة الي يركبونها تبع V6الخليجي وهي ماتكمل سنة الاوتخرب وسبق وعلمت اخوي أكورداوي بالشي هذا
وتقبل مروري
Blue Love
28-08-2006, 01:13 PM
الفروق اللي حاطينها بين الاربعة والستة سلندر هي لاغراض تسويقية في المقام الاول ....
لان مو من المعقول بيخلون الاربعة زي الستة بالمواصفات :) والا كذا مابتمشي الستة ابد ..
بعدين سعر 1400 ريال على مقياس حرارة اشوفة غالي مرة , وبصراحة مااشوف له داعي المقياس كثير .. اسمع النشرة الجوية :)
M.A.M
28-08-2006, 06:34 PM
اخوي اكورد الجنوب مع احترامي للوكالة اللي سألتهم الا انهم نصابين مرة واللي يركبها محل قوة الاحلام مالها دخل بالV6 الخليجي ومافيه جرح للظفيرة ولا شي من هالكلام وانما هي تجي كاكسسوار اضافي ويجي معها كونترول يونيت وسينسور وهارنس والعدة كاملة بدون اي جرح للظفيرة وهالخرابيط واذا بغيت تتأكد شف الملف اللي حطه الاخطبوط وراح تعرف كيف طريقة تركيبه وياليت لو تطبعها وتوديها للوكالة النصابين
اما بالنسبة للفل كامل 4سلندر فالوضع يختلف لانه موجود حساس درجة الحرارة ويخرج منه سلك ولاادري الى اين يتجه وهل يحتاج برمجة ام ماذا يحتاج بالضبط ولو تشوفون الطبلون وتنزلون راسكم شوي راح تلاحظون كتابة OUTSIDE ولكنها لاتشتغل ولكنها موجودة الكتابة .. انا لو كانت سيارتي سياحي كان ركبت من قوة الاحلام لكن المشكلة انها فل 4سلندر لذلك مااقدر اركب لان الحساس موجود وماراح يقدرون يركبون حساس ثاني جنبه لان الاكسسوار يجي معه حساس .. لذلك انا ادور طريقة غير تركيبه كاكسسوار لانها ماتنفع لي واحس انها سهلة بس المشكلة الوكالة انواع النذالة حتى قلت لهم وين حق الكمبيوتر ورفضوا اني اقابله او اسأله اي اسئلة:(
وبالنسبة للاكسسوار فسعره اخر مرة سألت عنه في قوة الاحلام ب 700 ريال
اتمنى نلقى حل واي واحد عنده جديد او خبر مفيد بهالموضوع يفيدنا
تحياتي للجميع
accord 06
28-08-2006, 07:32 PM
الله يحييك اخوي M.a.m معنا
افضل حل اننا نتبع شرح تركيب الاكسسوار و نشوف و ش اللي ناقص عندنا بالضبط
بالنسبه للتركيب من الشرح فيه جزئين .. جزء بالكبوت و جزء داخل السياره
بالنسبه للكبوت فيه :
1 - تثبيت الحساس <<< عندنا مثبت و جاهز
2 - شبك سلكه بفيش تحت صندوق الفيوز
انا حاولت قبل شوي افك الصندوق بمفك عادي ( المتوفر عندي ) لكن للاسف عجزت
فاذا تقدر تفكه و تتأكد السلك مشبوك و لا لا ؟
اذا كان مشبوك تمام و بيكون شغلنا الباقي كله داخل السياره
الحين الموضوع معلق حتى نتأكد من السلك مشبوك و لا لا
M.A.M
28-08-2006, 08:28 PM
المشكلة اخوي accord 06 هل هو مشبوك ولا وهل وضعه نفس وضع الاكسسوار ونفس طريقة الشبك ولا يختلف لان على مااعتقد فيه اختلاف بين اللي يجي جاهز من المصنع وبين الاكسسوار مثل ماهو حاصل بال6سلندر وهذا اللي محيرني .. فيه حل حلو وهو اذا كان احد يعرف واحد معه 6سلندر يروح معه لورشة مختصة بالاكترونيات وبرمجة الكمبيوتر ويتتبعون الحساس في السيارتين ال6سلندر والفل 4سلندر ويشوفون وين مشبوكة وكيف .. اعتقد هذا حل كويس .. مشكورين على الردود واتمنى اي احد عنده اضافة او تعليق يفيدنا فيه
تحياتي وتقديري للجميع
مقياس درجة الحرارة راح تلاقيه في قوة الأحلام لكن بالفهرنهايت .
accord 06
29-08-2006, 06:07 PM
و الله هذي ما فكرت فيها
عموما انا مشغول هاليومين
لكن اول ما افضى ان شاء الله بحاول اتأكد منها
M.A.M
29-08-2006, 06:11 PM
الله يعطيكم العافية ياشباب
وانا مسافر ان شاء الله وراجع يوم الجمعة وان شاء الله ارجع والقاكم شغال عندكم مقياس درجة الحرارة :)
تحياتي وتقديري للجميع
ن ك د السـعــــوديه 3 5 7
30-08-2006, 03:31 AM
ياشباب باسال الوكاله وارد لكم خبر
انا مثلك يا ن ك د محتار .
الاخطبوط
30-08-2006, 09:31 AM
الوكالة سألتهم قبل شهر ماعندهم مقياس الحراره
الوكالة هذي ماعندها شيء ابد . اعوذ بالله منها .
M.A.M
02-09-2006, 03:34 AM
السلام عليكم ورحمة الله وبركاته
الله يسلمك يادحوم الحمدلله انا وصلت من السفر واشكر جميع اللي شاركوا في الموضوع واتمنى نتواصل الى ان نجد الحل باذن الله
وبالنسبة للوكالة اقول لكم انها ميؤوس منها نهائياً لان الشغلة هذي ممنوعة عندهم حتى الكلام فيها ممنوع عندهم الا في حالة وحدة : اذا كان عندك 6 سلندر لان واحد من الشباب كان معه 6 سلندر وانكسر الحساس وطلبوه الوكالة له لانه ماكان متوفر عندهم وركبوه له .. اما ال 4 سلندر فممنوع حتى النقاش في موضوع مقياس درجة الحرارة او غيره من الاشياء التي لم تأتي من المصنع في ال 4 سلندر
ماراح يفيدنا الا واحد عنده برمجة للهوندا او خبرة في برمجة الهوندا .. هذا بالنسبة للفل 4سلندر اما بالنسبة للسياحي فمالهم الا الاكسسوار واتوقع الدول اللي يتعاملون بالمئوي كثير فاتوقع لو احد يطلب الاكسسوار من عندهم ويستفسر من الموقع اللي راح يطلب منه اذا كان بالمئوي ولا بالفهرنهايت .. واقول سلموا لي على الباثفايندر :) فيه مقياسين مئوي وفهرنهايت وزيادة على هذا بوصلة .. الله يخلف على الهوندا ماادري ليش احس انهم معقدين الامور لان المقياس صار تجهيز قياسي في السياكل حتى :)
اتمنى اي احد عنده اضافة او شي جديد لاينسانا
تحياتي وتقديري للجميع
black.H.V6
02-09-2006, 04:39 AM
حيااااك أخوي MAM بين اخوانك محبي هوندا...........
وأنا رأيي شغلات بسيطه مثل هذي لااااتركبها عند الوكاله لأنو برا أحسن وأرخص.....
تحياتي لك....
black.H.V6
02-09-2006, 05:06 AM
دحوم و ن ك د
إذا بغيتو تعرفون درجة الحرارهhttp://smileys.smileycentral.com/cat/3/3_2_125.gif (http://www.smileycentral.com/?partner=ZSzeb001_ZC) على حسب مقياس Black.h.v6 كلموني http://smileys.smileycentral.com/cat/7/7_19_5.gif (http://www.smileycentral.com/?partner=ZSzeb001_ZC)وبأقولكم<<<<<<<<<<http://smileys.smileycentral.com/cat/36/36_1_15.gif (http://www.smileycentral.com/?partner=ZSzeb001_ZC)http://smileys.smileycentral.com/cat/36/36_1_15.gif (http://www.smileycentral.com/?partner=ZSzeb001_ZC)http://smileys.smileycentral.com/cat/36/36_1_15.gif (http://www.smileycentral.com/?partner=ZSzeb001_ZC)
http://www.smileycentral.com/sig.jsp?pc=ZSzeb095&pp=ZC (http://smiley.smileycentral.com/download/index.jhtml?partner=ZSzeb095_ZC&utm_id=7923)
ملك الـCiViC
03-09-2006, 08:27 AM
خخخخخخخخخخخخخخخخخ
طيب السيفيك 2006 الحساس موجود فيها او لا؟
M.A.M
03-09-2006, 11:13 PM
ياشباب اللي مهتم بالموضوع يروح لورشة صالح الجابري في الصناعية القديمة ويعلمه السالفة .. هذا بالنسبة للي موجود عندهم الحساس واللي هي الفل كامل 4 سلندر مخمل وجلد
وانا ان شاء الله ناوي اروح لها بس مافضيت الى الحين ولو احد منكم يقدر يروح ومعه واحد من اخوياه عنده 6 سلندر علشان يتتبعون الحساس وين مشبوك في ال 6 سلندر ووين مشبوك في ال 4 سلندر وبعدها ان شاء الله راح نعرف وش المطلوب هل هو برمجة او شبك او لازم طبلون مبرمجة فيه هالميزة .. ان شاء الله راح نعرف السالفة بعد مايروح احد لورشة فاهمين في البرمجة والكترونيات السيارات والكمبيوتر
تحياتي للجميع
ن ك د السـعــــوديه 3 5 7
05-09-2006, 01:29 AM
بلاكي خلني اشوفك الاسبوع ذا ابيك بسالفه ومن هناك بيتلطش
ههههههههههههههههههههههههههههه
يعني تبي تقهرنا
M.A.M
17-09-2006, 12:38 AM
الحساس اخواني موجود خلف لوحة السيارة الأمامية وهذا شكله
http://dky123.jeeran.com/Sensor.JPG
واللي عنده كاميرا وفنان تصوير ياليت لو صوّر الحساس وحط صورته هنا
انا راح اصوره بالجوال واحط صورته بس لو احد عنده كاميرا يكون افضل
تحياتي وتقديري للجميع
اتــشـــــ
17-09-2006, 01:00 AM
الحساس اخواني موجود خلف لوحة السيارة الأمامية وهذا شكله
http://dky123.jeeran.com/Sensor.JPG
واللي عنده كاميرا وفنان تصوير ياليت لو صوّر الحساس وحط صورته هنا
انا راح اصوره بالجوال واحط صورته بس لو احد عنده كاميرا يكون افضل
تحياتي وتقديري للجميعاخوي M.A.M الحساس اللي خلف الوحة الامامية حساس ايرباق وليس حساس درجة حرارة .
الاكورد لو فيها حساس درجة حراره حيكون راكب فوق الطبلون وبذات في النقطة السوداء في مقدمة الطبلون .
M.A.M
17-09-2006, 02:19 AM
كيف يعني فوق الطبلون ؟؟
اخوي اتش .. انت شفت ملف ال pdf الخاص بشرح طريقة تركيب مقياس درجة الحرارة الخارجي ؟؟
على العموم هذا الرابط راح يفيدك وراح تعرف ان الحساس اللي اتكلم عنه ماله علاقة بالايرباق لا من قريب او من بعيد :) وهو نفسه حساس درجة الحرارة .. لاحظ اني قلت حساس وليس شيء اخر
http://www.hondapartsdeals.com/HondaInstallGuides/Accord/accord_outside_temp_gauge.pdf#search=%22%22outside %20temperature%20gauge%22%22install%22%22honda%22% 22
M.A.M
17-09-2006, 09:14 PM
اخواني هذي صورة الحساس وموقعه واي احد معه اكورد 4 سلندر فل اوبشن او 6 سلندر راح يحصل الحساس عنده وهو نفسه حساس درجة الحرارة الخارجية والدليل انه مو حساس الايرباق انه مو موجود بالفئة السياحية مع وجود ايرباق فيها
السهم الاحمر يشير إلى الحساس الذي يقع خلف لوحة السيارة الامامية
http://www.up4arab.com/out.php/i12887_1.JPG
وهذي صورة مقربة له
http://www.up4arab.com/out.php/i12888_2.JPG
واعذروني على رداءة الصور لأنها تصوير جوال
تحياتي وتقديري للجميع
اتــشـــــ
17-09-2006, 10:26 PM
http://www.hondaarabia.com/club/attachment.php?attachmentid=311&stc=1&d=1158509869
(على فكرة الحساس هذا مصوره من سيارتي عشان تتاكد بس اني عارف مكانه بضبط)
نجي للزبدة :rolleyes:
شوف اخوي M.A.M قبل كل شي انا ماصنعت السيارة ولا كنت مع المهندسين يوم صمموها :eek: ولا قد فكيت هالحساس أو تتبعت اسلاكه يعني كل اللي حقولك اياه اجتهاد من عندي وممكن يكون صح وممكن يكون غلط :p
اللي اعرفة ومتاكد منه ان هالحساس خاص بلايرباق ووظيفته تحديد قوة الصدمة عشان الباشا ( اللي هو الكمبيوتر ) يقدر يحدد وعلى رواقه قوة الصدمة وهل الصدمه تحتاج ان الايرباق يطلع أو مايطلع :d
على كل حال اخوي M.A.M انا دخلت على الرابط في ردك الاخير ولقيت فعلن ان هالحساس لقياس درجة الحرارة الخارجية :) ( بس مو شرط لان المواصفات الخليجية قد تختلف عن المواصفات العالمية ;) )
بس السؤال الان ولجميع الاعضاء وبتحديد المهندس NEO FOX والمهندس ACCORD 06 هل الحساس هذا خاص فقط بدرجة الحرارة أو انه قد يكون حساسين في حساس واحد يعني انه للايرباق ولدرجة الحرارة في آن واحد :confused:
انا عن نفسي بحاول ارجع لكتاب شامل لكل صغيرة وكبيرة في الاكورد وانتوا حاولوا وان شاء الله نتوصل لنتيجة :rolleyes:
لانه مو معقوله ياشباب ان شركة هوندا بتحط حساس في سياراتها ومابتشغلة ;)
هذا اللي عندي والله اعلم :o
accord 06
17-09-2006, 10:49 PM
بعد اذنك اخوي M.A.M
اخوي اتش ما اتوقع انه حساسين بحساس واحد
لانه مب موجود بالاكورد السياحي :rolleyes:
طبعا ماني متأكد من كلامي
اتــشـــــ
17-09-2006, 11:00 PM
بعد اذنك اخوي M.A.M
اخوي اتش ما اتوقع انه حساسين بحساس واحد
لانه مب موجود بالاكورد السياحي :rolleyes:
طبعا ماني متأكد من كلامي
بعد اذنك اخوي M.A.M
اخوي ACCORD 06 اللي اعرفه ان الاكورد وبجميع انواعها يجي فيها ايرباق كمواصفات قياسية ;)
accord 06
17-09-2006, 11:05 PM
انا اقصد الحساس مب موجود بالسياحي ;)
اتــشـــــ
17-09-2006, 11:20 PM
انا اقصد الحساس مب موجود بالسياحي ;)
انا مثلك ماني متاكد من وجود الحساس في السياحي :confused:
بس على كلام اخوي M.A.M يقول انه موجود في السياحي والفل :o .
اتــشـــــ
17-09-2006, 11:55 PM
اخوي ACCORD 06 صراحه ماجاني صبر :mad:
دقيت سلف ورحت اشيك على موتر واحد في حرتنا معاه اكورد سياحي :eek:
واكتشفت ان مافيها هالحساس :d
طيب الحين السؤال الثاني هل الحساس هذا ممكن يكون حق ايرباق الراكب ؟ :confused:
المشكلة ان الموتر اللي رحت اشيك عليه مظلل القزاز وماقدرت اشوف كم ايرباق فيها هل هو واحد أو اثنين للسائق والراكب :confused:
الحمد لله ان راعي الموتر ماشافني وانا احوم حول موتره ولا كان فيها علووووووووم :d
الاخطبوط
18-09-2006, 01:01 AM
اكورد السياحي 2003 فيها ايرباق للراكب
يعني الموديلات اللي بعدها اكيد فيها
معاكم خطوه بخطوه >> نتمنى نوصل لحل
M.A.M
18-09-2006, 01:40 AM
ياشباب هذي مشكلة الكلام باللهجة العامية اغلبكم فهم اني اقصد ان الحساس موجود بالسياحي والفل وانا اقصد ان الايرباق موجود بالسياحي وبالفل ومع ذلك الحساس لايوجد الا بالفل اوبشن 4 سلندر وبال 6 سلندر يعني السياحي مافيها هالحساس وهذا يدل على صحة كلامي ان الحساس هذا مو للايرباق لان السياحي فيها ايرباق ومع ذلك مافيها هالحساس وموجود بالفل اوبشن 4 سلندر وبال 6 سلندر .. فهمتوا قصدي ولا ؟؟
واعرف واحد معه اكورد 6 سلندر صدم وانكسر عليه هالحساس وطلبه من الوكالة وجلسوا شهر ماوفروه له وطلبوه من اليابان واشتراه ب 100 ريال وكان هو حساس درجة الحرارة الخارجية
اتمنى تكون وصلت المعلومة اللي صار فيها لبس كثير عند بعضكم
تحياتي وتقديري للجميع
M.A.M
18-09-2006, 01:44 AM
انا مثلك ماني متاكد من وجود الحساس في السياحي :confused:
بس على كلام اخوي M.A.M يقول انه موجود في السياحي والفل :o .
اخوي اتش ابغاك تسوي اقتباس للرد اللي قلت فيه ان الحساس موجود بالسياحي والفل
انا ماادري اخوي من وين جبت هالكلام
اتــشـــــ
18-09-2006, 05:31 PM
اخوي اتش ابغاك تسوي اقتباس للرد اللي قلت فيه ان الحساس موجود بالسياحي والفل
انا ماادري اخوي من وين جبت هالكلاماخوي M.A.M انت ماقلت الحساس في السياحي :d
انا اللي قلت لاني فهمتك غلط :o
ارجوا المعذرة اخوي M.A.M ولاتزعل مني حبيبي :)
الاخطبوط
18-09-2006, 11:36 PM
خلاص خلي الايرباق على جنب مالنا شغل فيه
الان حساس درجة الحرارة ولقيناه موجود :cool:
السؤال يقول هل هو موصل بالاسلاك والى اين يصل التسليك ان وجدت؟؟:confused:
accord 06
19-09-2006, 12:28 AM
انا عن نفسي بحاول ارجع لكتاب شامل لكل صغيرة وكبيرة في الاكورد وانتوا حاولوا وان شاء الله نتوصل لنتيجة
اخوي اتش اذا ممكن ابيك تعطيني معلومات عن هالكتاب و من وين اقدر اشتريه ؟
M.A.M
19-09-2006, 01:52 AM
لا عادي اخوي اتش مافيه شي يستاهل الزعل
وبالنسبة للكتاب اللي يسأل عنه accord 06 انا ايضاً اتلهف على كتاب مثل هذا الكتاب وان كان مثل الكتاب او الكاتالوج الموجود لدى قسم الصيانة بالوكالة فهذا سيحل كل المشاكل وانا اتذكر انه يباع على الانترنت في بعض المواقع بس دورته ومالقيته لاني مااعرف الاسم الصحيح له علشان ابحث زين عنه
فياليت اخوي اتش او اي احد من الاخوان عنده مثل هالاشياء المفيدة ان ينشرها بين الاعضاء لتعم المعرفة بينهم ويتعاونون في حل المشكلة
وصراحة انا دخلت منتديات اجنبية كثير وعرفت سبب تطورهم .. تخيلوا حتى الملفات المرفقة في منتدياتهم ماتحتاج تسجيل .. ياليت نوصل لمستوى المنتديات الاجنبية وان شاء الله اننا بنقدر نوصل بوجود الاعضاء الفاعلين والمميزين
تحياتي وتقديري للجميع
أبو المهند
19-09-2006, 02:06 AM
8
8
8
بإذن الله نصل بوجود أعضاء مثلكم :)
الحمد لله في منتدياتنا يستطيع الزائر عمل كل شيء وكأنه عضو ماعدا إضافة المشاركات!
يحق له أيضاً إضافة مشاركات في قسم الاقتراحات.
اتــشـــــ
19-09-2006, 03:11 AM
اخوي اتش اذا ممكن ابيك تعطيني معلومات عن هالكتاب و من وين اقدر اشتريه ؟
اخوي ACCORD O6 واخوي العزيز M.A.M الكتاب اللي اتكلم عنه موجود عند محلات قطع غيار الهوندا ;)
طبعآ الكتاب هذا مااعتقد انه ينباع لان الوكاله تصرفه كل سنه لاصحاب المحلات مع نزول الموديلات الجديدة .
فيه واحد من الشباب عنده محل لقطع هوندا ويعتبر موزع معتمد لعبدالله هاشم ان شاء الله اقابله في هاليومين وبكلمة اذا يقدر يطلبلي واحد من الوكالة حتى لو كان بفلوس .
صراحة الكتلوج واضح وقوي وفيه مرسوم كل قطعه تم تركيبها في السياره وبلأسم والرقم .
accord 06
19-09-2006, 02:50 PM
اخوي اتش و الله حلو هالكتاب
لكن شف ما يحتاج يكلم الوكاله ان كان عنده واحد زايد و لا ما يحتاج
ما فيه داعي تحرج نفسك معه :)
اخوي M.A.M انا شايف الكتاب اللي تتكلم عنه من فتره و ودي اطلبه
لكن سعره غالي و اخاف انه ما يستاهل .
http://i6.ebayimg.com/04/i/08/53/50/f1_1.JPG
1500 صفحه :eek:
Honda Service Manual - 2006 4cylinder
Genuine Honda Accord (http://www.handa-accessories.com/odyssey.html)service manual. The same service manual that the technicians at Honda dealerships use. If you save 1 hour of shop labor by using the manual it will have paid for itself.
نفس الكتاب اللي يستخدمه مهندسي هوندا في الوكالات
و السعر 78 دولار = 292 ريال
و مع الشحن بيكلف تقريبا 400 ريال :rolleyes:
http://www.handa-accessories.com/accmaint06.html (http://www.handa-accessories.com/accmaint06.html)
M.A.M
19-09-2006, 07:04 PM
اخوي accord 06 انا مستعد اشتري هالكتاب بس ابشتري 2005 لكن من اللي يقدر يطلبه لي
لاني صراحة ماعمري طلبت من النت ولا عندي فيزا او ماستر كارد
صدقوني هذا الكتاب حتى لو كنت ماتدري وش الطبخة يعلمك كل شي وماادري اذا كان هو نفسه اللي يتكلم عنه اخوي اتش ولا غيره !!
accord 06
19-09-2006, 09:52 PM
اخوي M.a.m الكتاب موحد لكل موديلات الشكل الاخير 2003 - 2007
و لو تلاحظ مكتوبه الموديلات بالصوره
و يا ليت تشيك على الخاص
M.A.M
20-09-2006, 12:49 AM
لقيت سعر ارخص
لقيته ب 48 دولار = 180
تتوقع اخوي accord 06 بكم يكلف مع الشحن !!
http://cgi.ebay.com/ebaymotors/2003-2007-HONDA-ACCORD-SERVICE-SHOP-MANUAL-GENUINE_W0QQcmdZViewItemQQcategoryZ34223QQihZ002QQ itemZ120031261967QQrdZ1QQsspagenameZWDVWQQtcZphoto
وياليت اخوي اتش يقول لنا اذا كان الكتاب الموجود نفس اللي بالرابط .. مع اني مااعتقد انه نفسه لانه موجود عند قطع الغيار واعتقد هذا خاص بالقطع ولا يختص بتفاصيل التركيب مثل الكتاب اللي موجود بالرابط
تحياتي وتقديري للجميع
اتــشـــــ
20-09-2006, 04:16 AM
وياليت اخوي اتش يقول لنا اذا كان الكتاب الموجود نفس اللي بالرابط .. مع اني مااعتقد انه نفسه لانه موجود عند قطع الغيار واعتقد هذا خاص بالقطع ولا يختص بتفاصيل التركيب مثل الكتاب اللي موجود بالرابط
تحياتي وتقديري للجميعاخوي m.a.m الكتاب اللي قلتلك عليه يختلف اختلاف كلي عن هالكتاب لا ن الكتاب الاول مختص بالقطع والكتاب الثاني مختص بالصيانة والاعطال .
عمومآ الكتابين كلها جيدة بس اللي قالك عليه اخوي accord 06 اتوقع انه افضل بكثير من الكتاب الاول لانه مختص في اصلاح الاعطال الميكانيكية والكهربائية .
هذا والله اعلم
accord 06
20-09-2006, 11:49 PM
لقيت سعر ارخص
لقيته ب 48 دولار = 180
تتوقع اخوي accord 06 بكم يكلف مع الشحن !!
http://cgi.ebay.com/ebaymotors/2003-2007-HONDA-ACCORD-SERVICE-SHOP-MANUAL-GENUINE_W0QQcmdZViewItemQQcategoryZ34223QQihZ002QQ itemZ120031261967QQrdZ1QQsspagenameZWDVWQQtcZphoto (http://cgi.ebay.com/ebaymotors/2003-2007-HONDA-ACCORD-SERVICE-SHOP-MANUAL-GENUINE_W0QQcmdZViewItemQQcategoryZ34223QQihZ002QQ itemZ120031261967QQrdZ1QQsspagenameZWDVWQQtcZphoto )
وياليت اخوي اتش يقول لنا اذا كان الكتاب الموجود نفس اللي بالرابط .. مع اني مااعتقد انه نفسه لانه موجود عند قطع الغيار واعتقد هذا خاص بالقطع ولا يختص بتفاصيل التركيب مثل الكتاب اللي موجود بالرابط
تحياتي وتقديري للجميع
اخوي M.A.M هذا حراج
يزايدون على البضاعه لمده معينه و يباع لصاحب آخر سومه
هنا الكتاب بدا الحراج ( starting bid ) من 48 $ و انباع لآخر واحد بـ 76 $
يعني تقريبا ما فيه فرق
الاخطبوط
22-09-2006, 10:43 PM
المهم
في ملف الاكروبات اللي فيه طريقة التركيب
طبعا اول شي ذكر القطع المطلوبه
اغلبها وايرات او ليبل لكن فيه قطعه اللي هي وحدة التحكم Control Unit
هل لو قدرت اجيبها من التشليح او اي مكان اخر راح يشتغل المقياس وهل هو اللي يتحكم بالعرض يكون مئوي او فهرنهايت
او كمبيوتر السياره هو اللي يتحكم؟؟
M.A.M
24-09-2006, 06:21 PM
اخواني الشهر عليكم مبارك وكل عام وانتم بخير ان شاء الله
اعتقد اهم شي في الموضوع اننا نتتبع توصيل الحساس وين رايح وهذي اول خطوة نحو الحل ان شاء الله واي واحد يعرف كهربائي كويس يروح له ويقول له السالفة علشان يتتبع توصيل سلك الحساس وين رايح بالضبط
تحياتي وتقديري للجميع
M.A.M
03-10-2006, 04:37 AM
السلام عليكم
والله اشوف المنتدى هاجد هالايام :)
على العموم فيه تطور بموضوعنا .. رحت اليوم لورشة فيها فلبيني فاهم وقلت له السالفة وقال لي يبغى له برمجة واللي يسوي البرمجة الوكالة وممكن فيه ورش ثانية تسويها .. واسم المسؤول عن البرمجة في وكالة هوندا فرع الخالدية(غبيرة) ادي وهو فلبيني .. فياليت لو نحاول نشبك ادي ولا على الاقل نقول له يدلنا على احد عنده برمجة للهوندا
تحياتي وتقديري للجميع
saudi club
07-10-2006, 11:22 PM
اعزموة بوجبة كنتاكي يخر كل شي ابو فلب وقلة تراة هوت شيكن يخق:d
M.A.M
08-10-2006, 10:14 PM
هههههههههههههههههههههههههههههههههه
نعزمه ياشيخ في اي مكان يبيه ان بغى في الفلبين :)
بس خله يعلمنا وش السالفة لانه (Eddie ) هو المسؤول عن برمجة الكمبيوتر في وكالة عبدالله هاشم فرع الخالدية (غبيرة)
انا رحت لفلبيني فاهم وعلمته السالفة وقال شغلك كله عند Eddie يقصد خوينا راعي كنتاكي :) وقلت له Eddie صعبة تعرف احد غيره وقال فيه الجميح فيه فلبيني كتير ورحت للجميح وصرفوني :(
يعني بالمختصر المفيد الشغلة اعتقد والعلم عند الله انها في الطبلون يبغى له برمجة لانه الكتروني وعلى كلام الفلبيني اللي رحت له يقول Eddie يسويها بالراحة لذلك يبغى لنا نعزم Eddie في كنتاكي ولا ندور طريقة نشبكه فيها :)
او ندور بديل لـ Eddie يكون عارف بشغلة برمجة الطبلون الالكتروني
اتمنى نقدر نوصل لحل مثل ماوصل اخوي accord 06 وبتعاون كبير من NEO FOX من تركيب التحكم بالصوت عن طريق الدركسون وعقبال مقياس درجة الحرارة الخارجية
تحياتي وتقديري لمبدعين المنتدى accord 06 و NEO FOX
تحياتي وتقديري للجميع
أخوي M.A.M أنا ما أفهم في الإلكترونيات ....
لكني قرأت في أحد المواضيع في هذا المنتدى التالي :
والشي الثاني واللي ما اعرف كيف سويته
مره من المرارير قلت يا ولد ورى ما تشيك الفيوزات ابك واحد منهم محترق
المهم وعقب هذا التشييك طلع عندي في العداد صوب عداد الكيلو متر طلع عندي مقياس درجة الحراره لكنه ما يشتغل
و الكلام موجود في هذي الوصلة : http://www.hondaarabia.com/club/showthread.php?p=15134#post15134 (http://www.hondaarabia.com/club/showthread.php?p=15134#post15134)
أتمنى يكون فيه فائدة لكم .... و ياااااااا ربي يوفقكم ...
و أعتقد إن سيارة أخونا خطاف سياحي ... !!!
M.A.M
18-10-2006, 09:26 PM
تسلم لي والله يا Blk ومشكور وماقصرت
والله هذي صراحة حاجة جديدة جداً واتمنى من الاخ خطاف يشارك معنا في هذا الموضوع ونتعاون الى ان نصل الى حل .. اذا كانت السالفة بالفيوز فاتوقع ان الشغلة بسيطة مرة وخصوصاً في الفل 4 سلندر لان فيها حساس .. يعني اذا طلع في الطبلون مثل حالة اخونا خطاف اتوقع انه راح يشتغل لان الحساس موجود .. ان شاء الله يشارك معنا اخونا خطاف ونشوف وش السالفة :)
تحياتي وتقديري لك اخوي Blk وان شاء الله نفرح في مقياس الحرارة كلنا
تحياتي وتقديري للجميع
accord 06
18-10-2006, 09:51 PM
خطاف BLK :cool:
يا ليت اخوي خطاف تقول لنا وش سويت بالضبط ؟
اول شي هي الفيوز اللي بالكبوت و لا اللي داخل السياره؟
مجرد شيكت على الفيوز و رجعتها لنفس اماكنها ؟
او اضفت فيوز في مكان فاضي ؟
و اذا ممكن صوره لصندوق الفيوز عشان نشوف وش الاختلاف
و بالمناسبه اخوي M.A.M
امس حاولت ادور شي يفيد بالموضوع
تتبعت سلك الحساس لقيته يدخل للمقصوره
فكيت الغطا اللي تحت الدركسون عشان اشوف اذا فيه
control unit مثل الاكسسوار لكن للاسف ما لقيته
بس فيه شي لاحظته انه كل الافياش اللي مفروض تشبكها
اذا ركبت الاكسسوار لقيتها مشبكه
و ما فيه اي فيش فاضي :rolleyes:
ان شاء الله تكون الشغله سهله
تسلموا يالمبدعين كلكم :) .....
و أنا بدوري أرسلت رسالة خاصة لخطاف فيه عنوان الموضوع ... و أتمنى يمر علينا و يعلمنا وش سوى بالضبط ....
و إن شاء الله يكون القادم :cool:
يالله ياشباب حمستونا شدوا الهمة شوي تقريبا قربنا .
الاخطبوط
21-10-2006, 02:11 AM
والله متحمس معكم وياليت قريبا
ماني مصدق التحكم بالصوت والحين قربنا على مقياس الحراره والعيد قرب
شدوا الهمه يارجال :cool:
انا والله مستحي منكم لاني تأخرت عليكم في الرد تعرفون العيد قريب وانا مشتغل سواق عند الاهل وفي احسن الاحوال قهوجي :)
المهم بخصوص مقياس الحراره // اتمنى اني اعرف شو اللي سويته بالضبط لكن صارت معي صدفه
ولكن اللي عملته انا بالضبط جيت هاكي اليوم اشيك على الفيوزات اللي في الكبوت وافتح البونيت بلهجتنا والكبوت بلهجتكم
وفتحت غطا مجمع الفيوزات وطلعتهم واحد واحد اشيكهم ها اللي سويته بالتفصيل
لكن على ما اعتقد في زر دعست عليه ((مو متأكد الحين لو تعطوني ساعه عشان اتأكد
وراح اجيب لكم صورة مقياس الحراره طبعن كلكم عارفينه لكن للتأكيد
والشي الغريب هو ان سيارتي سياحيه مش فل كامل
شوفوا انا انشالله بحاول اعرف شو سويته وبعلمكم وانتوا علموني وين الوصله اللي خلف الرقم
وانشالله نخترع شي جديد ويسجل بأسم منتديات هوندا ارابيا
مع تحيات اخوكم خطاف
مع شديد الاعتذار على التأخير ويجيكم العلم بعد ساعه ان شاء الله
والعلم وشو
العلم نور
يلا شباااااااب
همتكم <<<< أخ لو إني أفهم في الشغلة :(
صحيح لو تكون السالفة فيوز !!!!!!
و الله الموفق ....
و شاكر لك يا خطاف تلبية الدعوة :) ...
السموحه حاولت اعرف شي جديد لكن ما قدرت
عمومن لو واحد منكم يروح يشيك الفيوزات اللي تحت الكبوت يمكن يستويله نفس اللي استوالي
421
وبخصوص الحساس اللي خلف اللوحه
هل تقصدون هذا اللي في الصوره ؟؟؟
422
وبس وقف تفكيري عند هذا الحد
واذا في جديد اول بأول بيوصلكم
مع تحياتي
خطاف
accord 06
21-10-2006, 07:54 AM
الله يعطيك العافيه اخوي خطاف
و معليش ابتعبك معي
اذا ممكن تصور لنا صندوق الفيوز حتى نقارنه باللي عندنا
accord 06
21-10-2006, 08:41 AM
الله يعطيك الف عافيه اخوي خطاف
و معليش تعبتك معي :o
الحين بروح اشوف سيارتي
اتــشـــــ
21-10-2006, 08:42 AM
ماشاء الله عليك اخوي خطاف :cool:
الكميرا على طول جاهزة :d
تعبكم راحه بس انشالله نوصل لنتيجه
واخوي اتش لازم تكون الكاميرا جاهزه دام الجوال معاي خخخ
abo aziz
21-10-2006, 02:08 PM
السلام عليكم يا شباب
اعتقد والله اعلم اني وجدت الحل بس ما بعد جربت
اذا كانت سيارتك فول ابشن
وبنائن على الملف اللي ارفقة اخونا M.a.m جزاه الله خير
والكتيب اللي يجي مع السيارة صفحة 331
وبما ان الحساس مركب جاهز
فانه يحتاج الى فيوز 3a تركبة في المكان رقم 33 اللي داخل السيارة
حيث ان الكتيب يقول انه غير مستخدم
انا ما عندي فيوز الحين وحنا في الظهر
والا كان جربت
اذا احد الاخوان يبي يجرب يعلمنا ولا يبخل
والسلام عليكم
وتراني اكوردي جديد مالي 3 ايام شاري سيارة
هااااااا شباب بشرنا وصلنا للحل ؟؟؟؟؟؟؟
بس ما شاء الله في تقدم ملحوظ :) .....
و الصورة يا خطاف عجيبة ..... لو إني " حواس " مثلك :cool:
M.A.M
21-10-2006, 09:37 PM
ماشاء الله ماشاء الله الردود تحمس والله وتشجع حتى اللي ماله دخل بالموضوع :)
والله اني مستحي منكم من زمان مارديت في الموضوع لكن والله بسبب السفر للديرة
والنت هناك اعوذ بالله رايحة فيها :(
على العموم انا اعجبني تفاعل الشباب وشجعتني صورة اخوي خطاف اللي حطها للطبلون حق سيارته وان شاء الله نستانس كلنا بالمقياس وبالنسبة للحساس اخوي خطاف فهو ليس المقصود لان الحساس اللي نقصده يكون موجود خلف لوحة السيارة الامامية وهو مثل الموجود بالملف المرفق في اول الموضوع
اخوي abo aziz الفيوز رقم 33 مخصص للاكسسوار الخارجي يعني في حالة ان الحساس غير موجود عندك وطلبت المقياس كاكسسوار خارجي يجي معه control unit وحساس وفيوز واسلاك وبعدين تركبها مثل ماهو موضح بالملف المرفق في اول الموضوع وتركب الفيوز رقم 33 وبعدين يشتغل عندك .. هذا توقعي والله اعلم
اخوي accord 06 شجعتني صراحة يوم قلت ان الافياش كلها مشبوكة رغم ان الcontrol unitمو موجودة ولكن ايضاَ مازلت متفائل لاني اتوقع انه لاحاجة للcontrol unitلان ال 6 سلندر في اعتقادي لايوجد فيها ولانحتاجه الا في حالة تركيب المقياس كاكسسوار خارجي مثل ماهو موجود بالملف المرفق في اول الموضوع .. اتمنى نلقى حل وان شاء الله السالفة سهلة كثير وبتعاونكم ان شاء الله راح نتوصل لحل وراح نفرح فيها وتصير الاكورد شبه كاملة :) والكامل وجه الله سبحانه
تحياتي وتقديري للجميع
accord 06
21-10-2006, 09:46 PM
فكيتها كلها و رجعتها لكن ما صار شي :(
يا ليت واحد ثاني يجرب و يرد لنا
اخوي خطاف بالنسبه للفيوز الحلو اللي بالصوره الثانيه عجزت افكه
ضغطت عليه و برضوه ما صار شي
اذا كنت فكيته يا ليت تقولي الطريقه
اخوي M.a.m ان شاء الله بنلقى الحل
فكيتها كلها و رجعتها لكن ما صار شي :(
يا ليت واحد ثاني يجرب و يرد لنا
اخوي خطاف بالنسبه للفيوز الحلو اللي بالصوره الثانيه عجزت افكه
ضغطت عليه و برضوه ما صار شي
اذا كنت فكيته يا ليت تقولي الطريقه
اخوي M.a.m ان شاء الله بنلقى الحل
مو مكتوب عن الفيوزات هذي شي في الكاتالوج ؟؟؟
abo aziz
22-10-2006, 12:30 AM
انا متأكد ان control unit موجودة وكل شي مركب
بس ناقص حركة صغيرة
لان الحساس موجود ومشبك اسلاكة ورايحة لداخل السيارة
يعني وين راح يشبك فيه!!!!!!!! اكيد في الكنترول يونت
والله انا بجرب وشبك الفيوز واشوف بنفسي
واذا ما ضبط نبي نروح لمنتدايات اجنبية يمكن عندهم الحل
وهمتكم يا شباب
انا كبرت في راسي السالفه
ولازم في حل لكن اهم شي لا يجيكم الياس
وبالنسبه للفيوز الحلو هههه يا اكورد 06 تراه يطلع على برا بس يباله قوه او كماشه وفي روايتن اخرى ((بكر)) بفتح الكاف:d
خطاف
accord 06
22-10-2006, 02:38 PM
ابشرك فكيته لكن ما فيه فايده
فيه احد جرب يا شباب ؟
الاخطبوط
23-10-2006, 02:13 AM
خطاف خطفت قلبي بالصور ومؤشر الحرارة طالع :cool:
خلاص ان شاء الله السالفه بسيطه وكل الخبراء موجودين يعطيكم العافيه
أبوعزيز داخل بقوة >>> تكفى دورولنا حل انت والدكتور accord 06 وطويل العمر MAM والمتحمس حتى الثمالة BLK
M.A.M
26-10-2006, 01:32 AM
اي والله انك صادق يالاخطبوط خطاف خطف قلوبنا بهالصورة
واللي يقهر الحين ان الشغلة سهلة لكن مع ذلك ماقدرنا عليها
لكن ان شاء الله بتعاون الاعضاء نقدر نحلها وتشتغل عندنا ان شاء الله
يالله ياشباب شدو الهمة وانا للاسف اني برا الرياض حالياً وسيارتي بالرياض :( ولا كان انواع التجارب على سيارتي :)
تحياتي وتقديري للجميع
M.A.M
28-10-2006, 09:44 PM
اخوي خطاف .. هل سويت شي غير التشييك على الفيوزات ؟؟
وهل كنت فاصل البطارية يوم تشيك الفيوزات ؟؟
وهل كنت مسوي شي بالسيارة او مركب شي جديد ؟؟
وهل كان المقياس يطلع معك من قبل او ماطلع الا بعد شي سويته ؟؟
بالله نبغى التفاصيل تكفى اخوي خطاف خصوصاً اني احس انك سويت شي مستحيل لذلك نبغى نعرف وش سويت بالضبط او حاول تتذكر معنا شي سويته وطلع لك المقياس
اتمنى تكون موجود وترد باسرع وقت اخوي خطاف
تحياتي وتقديري لك اخوي خطاف
وتحياتي وتقديري للاعضاء المتفاعلين BLK و accord 06 و abo aziz والاخطبوط واتش
ولايهونون باقي الشباب
ن ك د السـعــــوديه 3 5 7
29-10-2006, 04:25 AM
ياشباب والله انكم حمستوني زياده بس وش اسوي العين بصيره واليد قصيره
تعرفون السياره بالوكاله واللا والله اني ناوي على نيه قشرا
والله ناوي افكك ام السياره بس هي تطلع من المستشفى
انا حاس لو السياره عندي كان لقيت الحل بس آآآآآآآآآآآآآآآآآآآآآه يالقهر تكفون شدوا
حيلكم والله معاكم
beckhaam
29-10-2006, 08:26 AM
:cool: الله يسمع منك يانكييييييييد
HONDA OWNER
30-10-2006, 03:56 AM
الله يوفقكم إخوآني في حل هالمشكله ..
تحيآتي ...
M.A.M
31-10-2006, 03:41 PM
اخواني تأكدت ان الحساس مشبوك في ال climate control "نظام التحكم بالمناخ"
وذلك باستخدام طريقة لتفحص الدوائر الكهربائية الخاصة بحساسات الحرارة الخارجية والداخلية وجميع الحساسات المتصلة بنظام التحكم بالمناخ
ولقد جربت الطريقة مرتين .. مرة وحساس درجة الحرارة الخارجية مشبوك ومرة وهو مفصول
واختلفت النتائج
هذه هي الطريقة لاصحاب الاكورد الفل كامل سواءً 4 او 6 سلندر :
اولاً : ضع المفتاح على وضع التشغيل ON II
ثانياً : ضع درجة الحرارة للسائق على اقصى درجة برودة وذلك باداراتها عكس عقارب الساعة الى اقصى حد
ثالثاً : اضغط على OFF واستمر بالضغط عليها
رابعاً : مع استمرارك بالضغط على OFF اضغط اخر زر في اليمين وهو زر ازالة الصقيع من الزجاج الخلفي 5 مرات متتالية في اقل من 10 ثواني
وبعد ذلك سيعمل معك نظام الفحص التلقائي لنظام التحكم بالمناخ .. اذا انطفأ النظام من نفسه فذلك يعني انه لايوجد لديك مشكلة اما اذا اخذ النظام يومض بجزء من الرقم 88 في خانة درجة حرارة السائق او درجة حرارة الراكب فذلك دليل على وجود خلل في الدائرة الكهربائية لاحد الحساسات الخاصة بنظام التحكم بالمناخ
ولقد قمت بهذا الفحص وحساس الحرارة الخارجية مشبوك ولم يومض النظام عندي وهذا دليل على عدم وجود مشاكل .. ولكن عندما قمت بفصل حساس الحرارة الخارجية اخذ النظام يومض باحد بجزء من الرقم 88 في خانة درجة حرارة السائق وعندما راجعت الكود الخاص بهذا الرمز وجدته خاصاً بحساس الحرارة الخارجية وان الدائرة الكهربائية له لم تكتمل وبعد ذلك قمت بشبك الحساس واعدت الاختبار ولم يومض النظام .. وبهذا تأكدت ان حساس الحرارة الخارجية مشبوك في نظام التحكم بالمناخ وتستطيعون بانفسكم تجربة النظام مرة والحساس مشبوك ومرة وهو مفصول وانظروا الفرق بانفسكم وتأكدوا بانفسكم
* لاطفاء النظام ارجع مفتاح السيارة على الوضع OFF
ملاحظة : انا غير مسؤول عن هذه التجربة ولكم الحرية في التجربة او عدم التجربة
معنى الكلام السابق اخواني ان المسألة سهلة ولكن فيه خطوة ضايعة علينا وماندري كيف وبحول الله وقوته راح نعرفها بتعاونكم جميعاً معنا
تحياتي وتقديري للجميع
ن ك د السـعــــوديه 3 5 7
31-10-2006, 08:39 PM
ياشباب قربنا نلقى الحل
يالله شدوا الهمه الله يوفقكم
M.A.M
04-11-2006, 03:45 PM
الظاهر اخونا خطاف مايخش النت من فترة او انه مشغول (الغايب عذره معه) ان شاء الله اول مايخش النت يفيدنا لان الحل معه وهو اللي راح يكون معه مفتاح الحل
وينك ياخطاف طولت الغيبة
باقي الشباب هل جربتوا طريقة الفحص اللي انا سويتها ؟؟
ارجو من اللي سواها يوافينا بالنتائج ويشاركنا برأيه ونحاول نحل الموضوع
وعلى العموم انا جبت لكم الفيوزات ووظائفها كلها اللي من جهة السواق واللي تحت الكبوت
وهذا رابط الفيوزات اللي تحت الكبوت
http://www.driveaccord.net/forums/attachment.php?attachmentid=5537
وهذا رابط الفيوزات اللي من جهة السواق عند مقبض الكبوت
http://www.driveaccord.net/forums/attachment.php?attachmentid=1655
واتمنى تشدون الهمة علشان اذا ركبناه نروح نقهر الوكالة :)
تحياتي وتقديري للجميع
أحس الحماسة هدأت :(
اليوم بس أخلص المذاكرة الي عندي راح أحوس في السيارة شوي ...
ناوينها نية والكورد لؤلؤي
04-11-2006, 04:41 PM
ما شاء الله عليكم اذ1 نجحتم في تشغيل الحساااس وربي انكم عباااقرة
الله يخلينا هالعقوووول يااااارب
أما بالنسبة لي فما عندي ما عند جدتي :o
السلام عليكم
الموضوع مايحتاج الجهد الكبير
راح احاول ابسط طريقة عمل الحساس والكنترول يونت
اول شى وجود الحساس في الفل كامل 4 سلندر يكون موصل بالمكيف
لميزة ال Auto في التكيف
السياحي غير موجود لانه ببساطة مافيه auto
نستنتج من كذا ان الحساس موصل لداخل المقصورة
الناقص بالضبط الكنترول يونت والفيوز بس
ودرجة الحرارة بتكون مئوية لان الطبلون خليجي وماله وياخذ من الكنترول الاشارة
ويترجمها
مثل السرعة
حساس السرعة يعطي اشارة والطبلون يحولها لكيلو متر
بالنسبة للسياحي
موجود فيه شاشة عرض درجة الحرارة ومثل ما فعل الاخطبوط وصل الفيوز فقط
فطلع المؤشر
لكن بدون الكنترول يونت الطبلون ماوصلته اشارة من الكنترول يونت ويعطي _ _
بسبب عدم وجودها
لكن ماقلتوا لنا بكم سعر اكسسوار درجة الحرارة بدون تركيب
ومستعد اركبة بالتفصيل وبالصور
وان شاء الله اكون اول من يشغل النظام على 4 سلندر
تحياتي
محمد
M.A.M
04-11-2006, 06:59 PM
حياك اخوي محمد وشرفت الموضوع .. وينك من زمان ياخي :)
ياسلام عليك كل الكلام اللي قلته مضبوط و 100% وانا قريت في منتدى اجنبي ان الحساس له اكثر من وظيفة لذلك هو موجود عندنا وانا سويت اختبار للحساسات المشبوكة على نظام التحكم بالمناخ وطلع كل شي تمام وماعندي مشاكل الحمدلله ويوم فصلت الحساس طلع لي في النظام كود ويوم شفت الكود صار يرمز الى مشكلة في حساس درجة الحرارة الخارجية .. يعني فعلاً هو مشبوك على نظام التكييف مثل ماتفضلت .. لكن السؤال هل ال 6 سلندر نفس الشي ؟؟ يعني لو طلبنا مساعدة من احد الشباب اللي في المنتدى معهم اكورد V6 وسوينا مقارنة وشفنا وش الناقص عندنا في ال 4 سلندر وبالذات الفل لان الحساس موجود بس مانعرف وش السالفة اما السياحي ياحليله له طريقة وله اكسسوار وشرح .. اما الفل ماادري وش الحل لان فيه حساس يعني ماادري هل اطلب القطعة وفيه حساس ولا وش السالفة !!!
وبالنسبة لسعر القطعة فهو وصل ل 700 ريال بعد ماكان ب 1400 عند محل قوة الاحلام بس ماادري اذا كان مع التركيب او بدونه ولكنه الحين مو متوفر عندهم ويقول راعي المحل مانجيبه لان ماعليه طلب .. بس على مااظن تقدر تطلب من راعي المحل يطلبه لك او اذا بغيت اطلبه لك من النت انا مستعد وان شاء الله تكون اول من يشغل النظام على ال 4 سلندر واول من يشرح ويفك ازمة عالم واولهم انا :)
تحياتي وتقديري لك يامحمد
تحياتي وتقديري للجميع
السلام عليكم ...
بالنسبة لمقياس درجة الحرارة وجدته على النت ... في موقع إسمه أي شيء لهوندا <<< عجبني الإسم :d
http://www.anythinghondaonline.com/ProductImages/accord1/outtempt.jpg
هو بالفهرنهايت ... بس مادري إذا كان كلام أخونا 922 صحيح بالنسبة للتحويل إلى مئوي !!
و سعره حلووو ::: Your Price $96.52 <<< كل هذا عشاني ما شاء الله :d
و هذا وصلة الإكسسوارات الداخلية :: http://www.anythinghondaonline.com/index.asp?PageAction=VIEWCATS&Category=19 (http://www.anythinghondaonline.com/index.asp?PageAction=VIEWCATS&Category=19)
و لو تلاحظون يا شباب في نفس الموقع شي غريب ؟؟
http://www.anythinghondaonline.com/ProductImages/accord1/BirdseyeCasst.jpg
Honda 2005 Accord Sedan Cassette Player (http://www.anythinghondaonline.com/index.asp?PageAction=VIEWPROD&ProdID=216)
List Price $187.04 Your Price $142.24
و محلات الزينة تبيعه ب 900 ريال :eek:
و الوكالة ب 1500 :d
أقول فكرة تجارية مربحة صح :p
accord 06
05-11-2006, 12:08 AM
انا بحثت في الموضوع و قريت
كل اللي لقيته تقريبا معلومات سطحيه ما لها علاقه مباشره بالموضوع
يعني باختصار اغلب معلوماتي استنتاجات ممكن تكون صحيحه و ممكن تكون خاطئه
اول شي الحساس مثل ما قال الاخ محمد مشبوك للـ auto
سلك الحساس يدخل من الكبوت للمقصوره بعدين يمر بصندوق الفيوز
يطلع من صندوق الفيوز و يروح للـ climate control unit
( هنا الفرق بين المقياس الاكسسوار و المقياس الشد بلد )
و من الـ climate control unit يطلع السلك للطبلون
من الكلام اللي فوق ... الحساس ما يشتغل لواحد من هذي الاسباب او كلها :
1- ان السلك من صندوق الفيوز الى الـ climate control unit غير موجود .
2- ان الـ climate control unit تختلف عن الموجوده بالسته سلندر
بانها ما تدعم مقياس درجة الحراره .
3- ان السلك من الـ climate control unit الى الطبلون غير موجود .
و حاليا ما نقدر نتأكد من السبب بالضبط لانه التسليكات غير متوفره
ن ك د السـعــــوديه 3 5 7
05-11-2006, 04:54 AM
ياشباب
على قولة حبيبي accord 06
اذا ممكن يكون احد الاسباب الثلاثه فممكن يكون السبب الثاني اللي هو
ان ال climate control unit يختلف عن اللي موجوده بالسته سلندر
بس السؤال هنا خطاف كيف شغلها وهذا الشي يخليك تستبعد السبب الثاني اللي ذكرناه
بالتالي احتمال يكون فيه شي مفصول والله اعلم
M.A.M
05-11-2006, 02:43 PM
طيب ياشباب حنا ودنا نسوي مثل خطاف علشان نتصبر فيها لين نلقى حل .. يعني اذا كانت المسألة فيوز ويطلع عندك بالطبلون فهذا شي حلو فالمفروض نسوي مثل خطاف ونطلع العداد بنفس طريقته بعدين راح تعرف اذا كان متصل بال climate control unit وطالع للطبلون او لا
بس السؤال هل تسليك حساس الحرارة الخارجية في ال 4 سلندر الفل مثله في ال 6 سلندر ؟؟
اذا كان كذا فالوضع سهل .. ماراح يقصر احد من الاخوان اللي معهم 6 سلندر يجيب سيارته ويشوفها احد خبراء المنتدى ويقارن بينها ويشوف هل فيه فرق بالتسليك او فرق بال climate control unit .. الخ
اخواني انا لاحظت ملاحظة عند في الصورة اللي حطها خطاف .. لاحظت ان فيه فيوز مو موجود بس ماادري اذا كان هنا السر !!
اوجه شكر خاص للأخ الكريم accord 06 على مجهوده اللي بذله علشان هالموضوع وجهده الكبير حتى اني قرأت له مشاركات فاعلة عن الموضوع في منتدى اجنبي .. كل الشكر والاحترام والتقدير لك اخي الكريم
ولاانسى اخي الكريم BLK وحرصه على الموضوع ولولا الله ثم حرصه على الموضوع لما عرفنا بموضوع خطاف واللي صار معه
وايضاً اشكر الاخطبوط و ن ك د السـعــــوديه 3 5 7 وخطاف اللي حيرنا واختفى :( و abo aziz اللي كان متحمس مع الموضوع لكنه اختفى ايضاً :(
وايضاً احب اقول لكم ان الاخ محمد (922) بمشاركته في الموضوع سيساهم بشكل كبير في حل المشكلة وتفسير مايحصل بشكل علمي بحكم خبرته في هذه الامور ماشاء الله عليه
فتحية شكر وتقدير للأخ محمد
واتمنى منكم اخواني الكرام ان لانتوقف ولا نيأس حتى نحل هذه المشكلة
تحياتي وتقديري لجميع الاعضاء الكرام
الأسطوره
05-11-2006, 07:22 PM
السلام عليكم ورحمة الله وبركاته
أنا جايب لكم هاذا الرابط عن طريقة تركيب مقياس درجة الحراره
http://www.anythinghondaonline.com/ProductImages/pdfacc4dr05/acc4droutsidetempgauge.pdf
وبنسبه للحساس أكيد أنه حق المقياس زي ما بتشوفون بالرابط
والرابط أهداء لعيون نكد
ن ك د السـعــــوديه 3 5 7
05-11-2006, 09:32 PM
السلام عليكم ورحمة الله وبركاته
أنا جايب لكم هاذا الرابط عن طريقة تركيب مقياس درجة الحراره
http://www.anythinghondaonline.com/ProductImages/pdfacc4dr05/acc4droutsidetempgauge.pdf
وبنسبه للحساس أكيد أنه حق المقياس زي ما بتشوفون بالرابط
والرابط أهداء لعيون نكد
اهداء لعيوني !!!:eek: :eek:
تسلم لي والله يالغالي <<<< والله كثروا معجبينك يا ن ك د :p هههههههههههههاي
والله ماتقصر يالغالي احرجتني والله وحياك الله معنا عضو جديد وان شاء الله تستمر << باين من عدد مشاركاتك ;)
ومشكوووووووووووووووووووووووووووووووووووور جدااااااااااااااااا على الرابط :cool:
M.A.M
06-11-2006, 12:07 AM
السلام عليكم
توني قبل شوي جاي من قوة الأحلام .. كنت قريب منه وقلت خلني امره
ورحت له ولقيت المقياس موجود عنده وشفته وعنده حبتين اكيد هذا اللي شفته وماادري اذا كان عنده زيادة .. المهم سألت اللي يشتغلون في المحل بكم سعره وقالوا مانعرف والله اتصل بكرة ونقول لك بكم .. واللي قاهرني انهم صعايدة ومسوين فاهمين .. تخيلوا ان واحد منهم يقول شف القطعة (مقياس الحرارة) في باقي المحلات وراح نعطيك بسعر احسن منهم ويقول ان اللي عندهم أصلية بينما فيه تقليد :) والله شي يضحك واللي يضحك زيادة انه يقول انهم جايبينها من عبدالله هاشم ويقول انها اصلية من عبدالله هاشم مو زي اللي في المحلات .. تخيلوا ياجماعة ان اللي يركب سألته عن درجة الحرارة بالفهرنهيتي ولا المئوي وقال والله معرفش :) ماعرف وش المئوي ووش الفهرنهيتي تخيلوا !! على العموم بكرة ابدق عليهم اسألهم بكم سعرها .. طبعاً هذا الخبر يهم اصحاب السياحي اكثر بينما اصحاب الفل كامل فانا ماادري صراحة هل يقدر يركب الاكسسوار بسهولة كما في السياحي ؟؟ وهل راح نفك الحساس الموجود مع العلم انه مشبوك على ال climate control unit ؟؟ اسئلة كثيرة تتبادر إلى الذهن !!
وعلى العموم انا جبت لكم (اصحاب الفل كامل) تسليكات الحساس الاصلي والافياش التي يمر فيها سلك الحساس ومواقعها بالتفصيل وذلك بمساعدة منتدى اجنبي
وهذي هي الروابط وهي راح تدوخكم الا المحترفين بالالكترونيات والكهرباء
http://www.driveaccord.net/forums/attachment.php?attachmentid=6456
http://www.driveaccord.net/forums/attachment.php?attachmentid=6457
http://www.driveaccord.net/forums/attachment.php?attachmentid=6458
http://www.driveaccord.net/forums/attachment.php?attachmentid=6459
http://www.driveaccord.net/forums/attachment.php?attachmentid=6460
http://www.driveaccord.net/forums/attachment.php?attachmentid=6461
http://www.driveaccord.net/forums/attachment.php?attachmentid=6462
http://www.driveaccord.net/forums/attachment.php?attachmentid=6463
http://www.driveaccord.net/forums/attachment.php?attachmentid=6464
http://www.driveaccord.net/forums/attachment.php?attachmentid=6465
اتمنى تستفيدون من الروابط ونقدر نشوف وش السالفة
تحياتي وتقديري للجميع
السلام عليكم
control unit اللى موجود في 6 سلندر هي نفسها بالضبط قطعة الاكسسوار
ونفس الموجودة في امريكا والخليجي كلها خط انتاج واحد
الفرق بين الامريكي والسعودي في الطبلون والمقايسس عموماً ولايوجد فرق تصنيع
بالعربي قطعة وحدة
الفرق ان اصحاب السياحي غير موجود التوصيلات
اصحاب الفل كامل 4 سلندر موجود كامل التوصيلات
بس حاطين على الفيش اللى يوصل لل control unit غطاء
يسمى عادة Dummy connector
باختصار
اصحاب الفل كامل والسياحي يشترون الاكسسوار الموجود في امريكا او اللى في قوة الاحلام
بس الفل كامل يوصل ال control unit
والسياحي control unit مع الحساس الخارجي والوصلات
وتطلع درجة الحرارة بالمئوي اكيد اكيد اكيد
لكم تحياتي
محمد
accord 06
06-11-2006, 12:31 PM
اخوي محمد
حسب اللي فهمته ان السيارات اللي فيها مقياس شد بلد
يكون الـ control unit حق المقياس هو نفسه الـ climate control unit
اللي هي وحدة التحكم بالمكيف الالكتروني .. يعني زي ما تقول مدموجين مع بعض .
و اللي يأكد هذا الكلام ان الاكوردات اللي برا اذا كان فيها مكيف الكتروني لازم
يكون فيها مقياس درجة الحراره .. اما اللي مكيفها عادي لازم يركبون الاكسسوار .
اما الـفيش الداخلي المغطى بال Demo connector برضوه اللي فهمته انه مخصص لاي
اكسسوار سواء مقياس الحراره او كشافات الوكاله .. يعني اتوقع ان الحساس بالفل كامل مب
موصل فيه .
و لو تلاحظ ان تسليكات المقياس الشد بلد اللي حطها M.A.M
تختلف اختلاف كلي عن تسليكات الاكسسوار .
عموما اخوي محمد هذا اللي فهمته انا
و انت اخبر مني بالالكترونيات فـ يا ليت تصحح لي اذا عندي اي خطأ .
اخوي M.A.M التسليكات اللي حطيتها مفيده :cool:
ان شاء الله بحاول اسوي شي بنهاية الاسبوع
الاخطبوط
06-11-2006, 12:42 PM
الاكسسوار موجود بقوة الاحلام من زمان وسعره فوق الالف وكانت عندي نية لتركيبه لكن قاللي انه بالفهرنهايت >>>>> هذا كلام السوداني زكي قبل مايجي المصري اللي موجود الحين
المصري مايدري وشهي السالفه تقوله بكم يقول ماادري راعي المحل هو اللي يدري
تقوله طيب بالدرجة المئوية او بالفهرنهايت يقول ماادري
تقوله وش اسمك يقول ماادري :d
طيب الان من كلامكم نستنتج ان
جميع التوصيلات موجوده
الفيوز موجود
لكن الـ Control Unit غير موجود
والكلام انه مايختلف المئوي عن الفهرنهايت لان كمبيوتر السيارة يحولها والدليل انه رقم درجة الحرارة بالمكيف بالدرجة المئوية
يعني لو نجيب الاكسسوار اللي هو بالفهرنهايت وناخذ منه الـ Contol Unit فان الوضع راح يكون طبيعي والمؤشر بيكون بالدرجة المئوية
مجرد محاولة لترتيب افكاري هل هي صحيحه او صححوني؟؟؟
الاخطبوط
06-11-2006, 12:45 PM
ماشفت ردك accord 06
بس على كذه مانحتاج control unit لانه موجود اصلا مع climate control unit
وش الناقص؟؟
السلام عليكم
الصراحة احترت
كلامك accord 06 منطقي جداً
انا شفت الصور وقارنتها بالموجود في PDF حق تركيب الاكسسوار
ماوضحت ابدا
حتى الفيش الموصل c401
فيه 20 pin
واللى يوصل في الكنترول يونت في الاكسسوار 22
اليوم بفك الطبلون واجيب الخبر اليقين
تحياتي
محمد
black.H.V6
07-11-2006, 03:40 AM
ياشباب والله أحس خسائر زياده على درجة الحراره بس..... واللي يشوفكم يقول بلبنان فوق الجبل شتاء وتحت الجبل ربيع... حنا في السعوديه حار مغبر صيفا بارد مصقع شتاء...
:d <<شكلي بأتسطر يابو...
أممممممزح شباب واللي يبي يطلع على مقياس الحراره الأصلي حق الوكاله يواعدني وانا أعطيه فكره عن المقياس اللي عندي... وسلاااااامتكم....
M.A.M
07-11-2006, 11:53 AM
ياشباب انا رحت لمحل فحص كمبيوتر عند واحد ماشاء الله عليه شكله فاهم
وماقصر الرجال شبك الكمبيوتر وفحص السيارة كلها بالكمبيوتر وجلس يدور شي عن درجة الحرارة الخارجية وماحصل وفصلنا الحساس ولا طللع لنا شي مع العلم اننا فصلنا احد حساسات المكينة وطلع في الشاشة ان فيه حساس مفصول اما حساس الحرارة ماطلع في الشاشة ابد :( .. السؤال هل لو كان الفحص على اكورد 6 سلندر راح تختلف النتائج اذا فصلنا الحساس وراح يبين في الشاشة ؟؟
والغريب اني سويت الفحص التلقائي لنظام التحكم بالمناخ واختلفت النتائج والحساس مفصول عنه وهو مشبوك !!
الظاهر اخوي black.H.V6 اننا بنحتاجك :) وش رايك نروح للمحل نشوف هل اذا فصلت الحساس راح يبين شي بالشاشة او ماراح يبين مثل ماصار عندي .. او انت متى مافضيت مر لك محل فحص كمبيوتر كويس وخله يشبك الكمبيوتر وافصل الحساس شف وش يصير معك .. ومن ناحية انه خساير وماله داعي اتفق معك انه مو مهم بس انا ماخلاني اصمم الا انه موجود ومشبوك بس يبي له حركة تطلعه او تضبطه .. والمسألة الحين صار فيها تشويق بالنسبة لي وبعض الشباب .. ومسكت الحين معي اني مااقفل هذا الموضوع بإذن الله الا بعد مانشوف له حل :)
يعطيكم العافية ياشباب
السلام عليكم
مثل ماقلت في الرد السابق
اني بتأكد من التوصيلات بنفسى
فكيت الديكور وتتبعت الاسلاك موجود الصور لكن نسيت وصلة الكمبيوتر في الرياض :(
الكنترول يونت تاخذ الكهرباء من الفيوز واشارة الحساس من علبة الفيوز الداخلية
اللى بالطبع لها وصلة خارجي مخصصة للاكسسوارات
المكيف والطبلون "الكنترول يونت" يتشاركون الحساس
والطبلون ليس موصل بالمكيف
وهذا اللى يفسر عدم وجود علامة الخطأ اذا فصلت الحساس
لان ببساطة مو مشبوك في الكنترول يونت الى الطبلون
على فكرة سيارتي سياحي
تحياتي
محمد
M.A.M
07-11-2006, 03:49 PM
يعني تتوقع يامحمد اذا بغينا نسوي مثل ماسوى خطاف وطلع المقياس وهو مايشتغل .. وش تتوقع نسوي ؟؟ يعني تتوقع السر وين ؟؟ انا حالياً ابغاه يطلع مثل ماطلع عند خطاف وطبعاً راح يكون منظر بس بدون قراءة وبعد مايطلع نبدأ نسوي التجارب ونشوف وش الاشياء الناقصة علشان الحساس يرسل اشارة للطبلون وبعدين يقرأها الطبلون قراءة صحيحة
مشكور يامحمد وبانتظار صورك على احر من الجمر لو تبيني اجيب لك وصلة الكمبيوتر من الرياض :)
تسجيل متابعة <<<< أبي أقولكم إني أقرأ الردود كلها بالتفصيل :d
و أتمنى لكم التوفيق من قلبي يا مبدعين :cool:
accord 06
07-11-2006, 10:24 PM
اخوي محمد
اليوم فكيت الغطاء اللي تحت الدركسون و لقيت سلك الحساس
و اصل بالفيش c401
بس المشكله ما عرفت وين الـ climate control unit
عشان اشوف السلك واصل لها و لا لا
يا ليت تقول لي وين مكانها بالضبط ؟
و مدري اذا هي موجوده بالسياحي و لا لا ؟
السلام عليكم
هذي الصور
للتوضيح
فيش 401 فيش مكيف الفل كامل هو نفسه فيش مكيف السياحي نفس الفيش
http://www.hondaarabia.com/club/attachment.php?attachmentid=456&stc=1&d=1162932323
ولو تلاحظون الفيش اللى حددته بالاحمر هو وصلة الكنترول يونت "الاكسسوار"
كذلك هو نفسة موصل في الفل كامل "صور M.A.M
http://www.hondaarabia.com/club/attachment.php?attachmentid=454&stc=1&d=1162931688
كان ودي افحص الفيش بالاوم ميتر
عشان اتأكد انه موصل فعلياً بالطبلون
لكن ماكان موجود معي الجهاز وقتها
كذلك قبل شوي صورت علبة الفيوز صورة واضحة اللى يقصدها الخطاف
ياليت يوضح اي فيوز وصل
مع العلم ان كل الفيوز موصلة :confused:
http://www.hondaarabia.com/club/attachment.php?attachmentid=455&stc=1&d=1162931688
تحياتي
محمد
ن ك د السـعــــوديه 3 5 7
07-11-2006, 11:39 PM
تراني معاكم يا شباب
ابشركم بكره بتطلع المزيونه وبأبدأ التطبيق معاكم
والله لافكك والديها بس اهم شي نلقى الحل :cool:
M.A.M
07-11-2006, 11:43 PM
اخوي accord 06 في اعتقادي ان الـ climate control unit هي نفسها المكيف الالكتروني والأسلاك واصلة بالكونيكتور اللي فيها من ورا .. تأكد من الكونيكتور اللي ورا وهل واصل فيه السلك او لا .. واعتقد انه مشبوك لاني بعد ماسويت الفحص التلقائي وانا فاصل الحساس طلع لي كود ان الحساس مفصول او فيه مشكلة وبعد ماشبكته وسويت الفحص ماطلع الكود وهذا دليل انه مشبوك في الـ climate control unit هذا اذا كانت هي نفسها المكيف الالكتروني بالمقابس حقته .. اه بس لو اني اعرف افكك احس اني ابخرب الاكورد وابحوسها حوس من اول يوم من كثر التفكيك والتجارب :)
وبالنسبة للطبلون شف هذي الصورة
http://collegehillshonda.softwareglobal.net/cohills/jsp/catimgs/14sda01_b1210.gif
لاحظ الرقم 2 فيه عنده الظاهر مكان فيش هذا هو اللي خاص بالعدادات ومنها طبعاً ضالتنا المنشودة مؤشر الحرارة الخارجية انت شيك على الافياش وشف اذا الحساس مشبوك ولا
والله يوفقك بالمهمة .. وانا متفائل بس تدري متى ابنقهر ؟؟ اذا حصلنا كل شي مشبوك مضبوط ولكن العداد مايطلع :)
^^^^^^^ بختصر عليك
الطبلون مافيه الا فيش واحد وكل الاسلاك مجتمعة
ومافيه امل تجيب كل سلك وين واصل الا انك تنثر الضفيرة كلها :eek:
M.A.M
07-11-2006, 11:57 PM
فيه طريقة اننا نجيب الـ diagram للتسليك الواصل للطبلون ونشوف وش لون السلك الخاص بالحساس واللي المفترض يكون جاي في حالة الفل كامل من الـ climate control unit وان شاء الله اننا بنلقى الحل وننتظر تجاربكم اخوي محمد واخوي accord 06
وننتظر ايضاَ ن ك د السـعــــوديه 3 5 7 وعلى البركة اخيراً طلعت المزيونة :)
تحياتي وتقديري للجميع
HONDA_Accord
08-11-2006, 05:43 AM
تاكدو الحساس حساس حرارة الراديتر ولا حساس الحرارة الخارجية وبعدين في علبتين تبع الفيوزات غير الي بالكبوت في وحدة عند الباب اليمين ووحدة عند الباب اليسار اول ماتفك الباب تلقاها وواحد منكم يحاول يفتح باب السواق ويشوف العلبة حقت الفيوز الي هناك ويتاكد منها كلها
انا عندي اكورد 2001 وفتحت العلب ولقيت فيوزات ناقصة شبكتها كلها وركبت فيوزات بالاماكن الناقصة طلعلي حساس درجة الحرارة ولمبة الصيانة واشياء واجد ماكنت اتوقع انها موجودة بالاكورد ياليت تشوفون العلب الي عند الابواب وتشيكون عليها يمكن يشتغل علطول
على فكرة بعض الفيوزات تركبها ماتشتغل لان حجمها صغير يعني هات اكبر حجم للفيوزات وركبه
accord 06
08-11-2006, 07:26 AM
بس المشكله ما عرفت وين الـ climate control unit
عشان اشوف السلك واصل لها و لا لا
يا ليت تقول لي وين مكانها بالضبط ؟
مدري ليش انا كانت ماسكه معي ان الكنترول يونيت موجوده عند صندوق الفيوز :p
كنت اتوقعها زي الكنترول يونيت حقت مثبت السرعه
خلاص انتظر التسليكات حقت الافياش اخوي M.A.M
لو جبتها اليوم .. بكرا ان شاء الله ارد لكم هو يركب ولا لا
M.A.M
08-11-2006, 05:01 PM
شوفوا الصورة هذي
http://www.driveaccord.net/forums/attachment.php?attachmentid=6216&stc=1
وشوفوا الصورة هذي
http://www.hondaarabia.com/club/attachment.php?attachmentid=399&d=1161131306
وش السالفة ؟؟
الصورة الأولى A مكتوب عليه gauge assembly
وطبعاً ال B هو الكونيكتور
وش المقصود بالـ gauge assembly ??
accord 06
08-11-2006, 08:02 PM
http://www.hondaarabia.com/club/attachment.php?attachmentid=463&stc=1&d=1163019473
سلك الحساس واصل للـ climate control unit :cool:
بالنسبه للصوره الاولى اخوي M.A.M لا تهمك
الظاهر انها لموديل قديم .. شف فيها زرين للعداد
M.A.M
09-11-2006, 05:09 PM
الله يبشرك بالخير اخوي accord 06
وهل صار صح علي ان الـ climate control unit هو نفسه المكيف الالكتروني بمقابسه من ورا ؟؟ .. حلوة مقابسه احس انها يالله طلعت :)
ويالله ياشباب هانت ان شاء الله وماقصر اخونا accord 06 اللي صراحة بذل جهد كبير وان شاء الله يحصل على براءة الاختراع الثانية بالمنتدى :)
انا متفائل ان شاء الله انه موصل بالطبلون لكن باقي علينا اسهل خطوة واللي سواها خطاف واتوقع انها الخطوة اللي بتهبل فينا :) بس ان شاء الله راح نحلها راح نحلها بإذن الله
ومشكور خبيرنا 922 ماقصر باستشاراته وخبراته خصوصاً انه عطانا معلومة مهمة جداً لأصحاب السياحي وهي : ان مؤشر الحرارة الخارجية (الاكسسوار) بمجرد توصيله راح تكون القراءة مئوية وليست بالفهرنهايت .. يعني اطلب الاكسسوار من اي مكان وركبه واستمتع بدرجة الحرارة بالمئوي
ومشكورين باقي الشباب .. ان شاء الله بهذا الحماس اتوقع بعد فترة قصيرة ان شاء الله راح يكونون اصحاب الاكورد كلهم عندهم المؤشر حق الحرارة الخارجية
تحياتي وتقديري للجميع
السلام عليكم
ياشباب وين الخطاف يوضح الفيوز اللى اظهر درجة الحرارة
http://www.hondaarabia.com/club/attachment.php?attachmentid=455&stc=1&d=1162931688
يمكن يحتاج الفل كامل 4 سلندر فيوز بس وتطلع درجة الحرارة ;)
ترى مااحد جرب يوصل الفيوز بس
تحياتي
محمد
ناوينها نية والكورد لؤلؤي
09-11-2006, 05:16 PM
اخوواااني الاعزاااء تأكدوووا ان هناك من هم معكم ويدعون لكم ويتمنوووون لكم التوفيق وهم معكم قلبا وقالبا ونتمنى لكم التوووووووووفيق
M.A.M
09-11-2006, 06:50 PM
المشكلة خطاف من زمان عن المنتدى وانا ارسلت له رسالتين على الخاص وحدة قبل فترة ووحدة قبل يومين ولكن ماجاوب :(
وبالنسبة للفيوز خطاف يقول انه ماعرف وش سوا ولا اي فيوز هو اللي طلع ويقول ان كل اللي سواه انه جلس يشيك على الفيوزات اللي تحت الكبوت واحد واحد ورجعها مكانها وفجأة لقى قراءة درجة الحرارة طالعة عنده !!
ياليت لو يتواجد خطاف ويبين لنا وش سوا بالضبط وبالتفصيل وياليت يراجع المشاركة هذي
http://www.hondaarabia.com/club/showpost.php?p=16457&postcount=77
ويقول لنا بالتفصيل ماذا فعل .. لان ذلك سيوفر الكثير من الوقت والجهد .. وراح نعرف اذا كان موصل الى الطبلون ولا لا بدون مانشيك على ال gauges connector وتوصيلاته
الاخطبوط
09-11-2006, 07:36 PM
يعطيكم الف عافيه على المجهود
والله شكله كل شي موصل بس لو تطلع حركة خطاف نلقى المؤشر شغال بالاكورد الفل
ومعاكم خطوة بخطوة
M.A.M
09-11-2006, 09:04 PM
من ناحية الفيوزات المتعلقة بالموضوع فهي : 7 , 21 , 30 الموجودة في صندوق الفيوزات الموجود داخل المقصورة .. اما من ناحية الفيوزات الموجودة في صندوق الفيوزات تحت الكبوت فالمهم هو الفيوز رقم 15
اتمنى تكون مفيدة هذي المعلومات
accord 06
10-11-2006, 01:01 AM
بالضبط اخوي M.A.M هي نفسها افياش المكيف
و يا شباب فيه خبر غير سار
ما فيه اسلاك تطلع من الكنترول يونيت و تروح للعدادات مباشره :(
معلومه اخيره ممكن تساعد
فيه نظام تخزين ( backup ) بالسياره لدرجة الحراراه
يخزن القياس الاخير لدرجة الحراره قبل اطفاء السياره
و اذا شغلت السياره خلال مده اقل من ساعتين يعرض لك القياس المخزن
لانه لو قاس الحراره مباشره بيكون القياس خطأ بسبب حرارة الرديتر
و اذا مشيت يقيسها مره ثانيه و يعرض لك القياس الجديد
اما اذا كان وقوف السياره لاكثر من ساعتين فقياس الحراره بيكون
على طول اول ما تشغل السياره
اتصال نظام التخزين هذا يكون عن طريق سلك طالع من الكنترول يونيت
( B14,LT BLU )
رايح لصندوق الفيوز الداخلي ( فيوز رقم 7 ) بعدين لدائرة نظام التخزين
فممكن يكون السلك طالع من نظام التخزين هذا للعدادت مباشره :rolleyes:
عموما انا طلبت دائرة نظام التخزين و تسليك صندوق الفيوز
و ان شاء الله يكون عن طريقها الحل
M.A.M
10-11-2006, 05:15 AM
اخوي accord 06 لاحظ الكونيكتور B في الكونيكترات الموجودة خلف المكيف وطبعاً يهمنا فيه الفتحة 14 (B14) ولاحظ الكونيكتور N ولونه ابيض الموجود عند صندوق الفيوزات اللي في المقصورة وطبعاً يهمنا فيه الفتحة رقم 22 (N22) طبعاً سلك ال LT BLU راح يكون طالع من الـ climate control unit من ال B14 الى N22 وان شاء الله يكون موصل ولو اني متخوف اذا كان موصل انه يحيرنا اكثر .. لكن ان شاء الله نلقى الحل واحس اننا خلاص قربنا جداً ان شاء الله
وهذي الملفات والشرح علشان يتحمسون باقي الشباب زيادة :)
هذي الكونيكترات الموجودة خلف المكيف ويهمنا فيها الكونيكتور B وتهمنا فيه الفتحة رقم 14
http://www.driveaccord.net/forums/attachment.php?attachmentid=6495
وهذي الكونكترات الموجودة عند صندوق الفيوزات اللي في المقصورة ويهمنا فيه الكونيكتور N وتهمنا فيه الفتحة رقم 22
http://www.driveaccord.net/forums/attachment.php?attachmentid=6500
وهذي دائرة الـ B-CAN Communication Line واللي توضح من وين رايح السلك (LT BLU) والى وين واصل واللي طلبها accord 06 من المنتدى الاجنبي الله يعطيه الف عافية على جهوده
http://www.driveaccord.net/forums/attachment.php?attachmentid=6499
واتمنى ان شاء الله انكم تستفيدون من هذي الملفات والشرح وبانتظار accord 06 لاني مااعرف افكك شي بالسيارة :) ولو اني اعرف كان اتوقع يخرب موتري من اول يوم من كثر التعبث :)
اسف على كثر الكلام :)
تحياتي وتقديري للجميع
انا سيارتي سياحي والا كان تابعت معكم
بالتوفيق ياشباب :)
M.A.M
11-11-2006, 03:55 PM
ماقصرت يامحمد ويكفي انك عطيت اهل السياحي معلومة ماكنا نعرفها وهي : ان في حالة تركيب مقياس الحرارة الخارجية (الاكسسوار) ستكون القراءة بالمئوي حتى ولو كان الاكسسوار بالفهرنهايت لأن كمبيوتر السيارة سيحول الاشارة الواصلة له من الحساس الى قراءة بالمئوي في دول الخليج وكندا وبالفهرنهايت عند امريكا وبعض الدول
beckhaam
11-11-2006, 05:03 PM
يعطيييكم العافيييه ياشباب على المجهووووود وان شاء الله تتوصلوووون للحل ...
accord 06
12-11-2006, 09:26 PM
http://www.hondaarabia.com/club/attachment.php?attachmentid=467&stc=1&d=1163355600
تحمستوا صح ؟
ان شاء الله سياراتنا تصير كذا قريب :(
هذي الصوره ماخذها من موقع ثاني:p
معلومه جديده السلك واصل للعدادات
و الله رفع ضغطي هالمقياس ما ادري وش اللي ناقصه:mad:
http://www.hondaarabia.com/club/attachment.php?attachmentid=468&stc=1&d=1163355600
http://www.driveaccord.net/forums/attachment.php?attachmentid=6523 (http://www.driveaccord.net/forums/attachment.php?attachmentid=6523)
M.A.M
12-11-2006, 10:28 PM
هههههههههههههههههههه
الله يرجك يا accord 06 تصدق انه عورني بطني يوم شفت الصورة .. قلت سواها accord 06 وطلع المقياس :) لكن ماعليه ان شاء الله الموضوع سهل .. وفعلاً انا قايل من قبل اننا يمكن نحصل كل شي موصل وراح تزيد حيرتنا .. لكن ان شاء الله نجيب الحل
طيب وش رايكم وش السالفة الحين ؟؟
باخي انا منقهر وشلون طلع عند خطاف .. والمشكلة خطاف فص ملح وذاب :(
طيب اخوي accord 06 هل تأكدت من الفتحتين رقم 5 و 6 لان الفتحة رقم 5 خاصة بالفيوز 21 والفتحة رقم 6 خاصة بالفيوز رقم 7 وهي القيوزات اللي تهمنا على مااعتقد .. والله شي يقهر صراحة ان كل شي يكون موصل بس بدون فايدة :(
ان شاء الله بتعاوننا مع بعض راح نحل هالمشكلة الغريبة ونستمتع بالمقياس على كل الاكوردات الفل .. وبالنسبة للسياحي اقول لهم وش تنتظرون اطلبوا المقياس الاكسسوار لان الاخ محمد (922) عطانا معلومة مهمة ان القراءة تكون بالمئوي حتى ولو كنت طالب المقياس من امريكا التي تتعامل بالفهرنهايت لان كمبيوتر السيارة يحول القراءة الى المئوي على حسب المواصفات السعودية والخليجية .. واللي ماصدق كلام اخونا محمد ينتظر اسبوع وراح يجيكم الخبر الأكيد من صاحب محل قوة الاحلام لاني نشبت له وقلت له عن معلومة اخونا محمد وقال ان شاء الله خلال هالاسبوع ابجيب اكورد واحد من اخوياي واجربه عليها واشوف اذا كان يطلع بالمئوي راح اطلب منه كميات كبيرة علشان يطلع الشحن علي رخيص وابيعه بسعر ارخص .. مع العلم ان سعره 1500 ويقول انه ماعمره صار ب 700 ابد ويقول اللي قال لك الكلام هذا غلطان وقلت له اني سمعته من واحد شغال في محلك وقال لي علمني من هو وراح اركبه لك ب 700 واخصمها من راتب اللي قال لك هالكلام وطبعاً انا قلت انه بالتلفون ومااعرفه
خلاصة الموضوع : اصحاب الاكورد الفل كامل 4 سلندر : ان شاء الله نتوصل لحل لاننا محرومين من تركيب الاكسسوار لان المسألة غريبة شوي لان عندنا حساس وتوصيلاته غير عن المقياس الاكسسوار بشكل جذري لانه موصل مع اسلاك السيارة لذلك مانقجر نركب الاكسسوار ولا كان ركبناه من زمان وماعورنا راسنا بهالكلام والمعلومات
اصحاب الاكورد السياحي : اخونا محمد (922) عطانا المعلومة وانتم احرار انكم تصدقونها او ماتصدقونها .. انا من ناحيتي اثق بالاخ محمد ماشاء الله عليه وان شاء الله يكون كلامه صحيح
واللي ماصدق كلها اسبوع ويجيه الخبر من صاحب محل قوة الأحلام .. لانه راح يكلمني بعد مايجربها بسيارة من احد اخوياه ويرد لي
اسف على الاطالة
تحياتي وتقديري للجميع
accord 06
12-11-2006, 10:55 PM
http://www.hondaarabia.com/club/attachment.php?attachmentid=469&stc=1&d=1163360652
برضوه 5 و 6 موصله
و بالنسبه لمقياس قوة الاحلام :p
قمة النصب .... انا سألت بنفسي قبل فتره ايام الكهربائي اليمني :cool:
و قالي بـ 700 ريال مع التركيب
و قبل اسبوع المصري اللي بالمحل حدد لي سعر من راسه لانه ما يعرف سعره اصلا
الحساس بدون تركيب بـ 1600 ريال و مع التركيب 2100 ريال :p
و هو لو تطلبه من برا ما راح يكلف اكثر من 500 ريال
و اللي يبي يطلبه من برا يطلبه بنفسه اذا يقدر
او يطلبه عن طريق موقع اشتر (http://www.hondaarabia.com/club/attachment.php?attachmentid=469&stc=1&d=1163360652)
و خلوا قوة الاحلام يصور مع مقاييسه
M.A.M
12-11-2006, 11:55 PM
المشاركة تكررت بالغلط
المشاركة بالاسفل
M.A.M
12-11-2006, 11:57 PM
هو فعلاً مبالغات في الاسعار .. لكن خله يجرب في سيارة خويه :) ويرد لنا خبر وش صار معه وبعدين ان شاء الله اللي يبغاه يطلبه من برا احسن له ويركبه عند كهربائي كويس وراح يكون معه كاتالوج يبين طريقة التركيب بالتفصيل
طيب ياخي وش السالفة بالمقياس الحين دام كل شي موصل ؟؟
وهل تسليك 2005 يختلف عن تسليك 2006 ؟ لانه اذا كان نفسه ماطلبته .. وشكلي ماراح اطلبه لانه اكيد موصل عندي ومايحتاج افكك واشوف .. ولا وش رايك يا accord 06 ?
ظنك السالفة فيها برمجة ؟؟ الله يستر
انا توقعي 1000000% اننا لو قدرنا نسوي مثل خطاف راح تكون القراءة موجودة وبشكل صحيح .. لكن الله يهديه خطاف حيرنا واختفى
الاخطبوط
13-11-2006, 03:06 AM
مريت من هنا وانخرشت يوم شفت الصوره اللي حاطها accord 06 >>>> احسب المؤشر اشتغل :)
الظاهر السالفة تعقدت
وش رايكم نرجع لخطة الفلبيني ووجبة كنتاكي :d >>>> مقتبسه من صفحه 2 :d
معكم حسيا ومعنويا :cool: بالتوفيــــــــــق
beckhaam
13-11-2006, 07:42 AM
رائي من رأي الاخطبوووط ندف الفلبيني ويخر العلووووم ولا وش راييكم ياشباب ..
ن ك د السـعــــوديه 3 5 7
13-11-2006, 10:55 AM
سلملم ياحلوين ومعليش على التأخير:o
يعني افهم من كلامكم اللي راح ان كل شي موصل :eek:
على كذا والله اعلم مثل ماقال M.A.M يمكن يحتاج برمجه :confused:
تدرون ابسأل واحد من الشباب شغال بالوكاله وبأحاول اخليه يسأل الفلبيني وارد لكم خبر ;)
M.A.M
13-11-2006, 12:59 PM
اي والله تكفى يا ن ك د السـعــــوديه 3 5 7 والله بتفك ازمة وبتعطينا العلم الصحيح
واتمنى ان خويك يشتغل في فرع الخالدية (غبيرة)
لان الفلبيني حق الكمبيوتر والبرمجة (ادي) Eddie موجود فيها وصدقني راح يعطينا العلم وخصوصاً انه فلبيني وانا اقدر الفلبينيين صراحة واثق فيهم .. واذا ماقدرنا ناخذ علم مالنا الا خطة كنتاكي :)
لو فيه عضو يعرف خطاف يكلمه لانه راح يساعدنا كثير اتوقع .. تمنياتي يشتغل عندنا كلنا من سياحي وفل كامل
تحياتي
accord 06
13-11-2006, 01:59 PM
ننتظرك يا نكد :cool:
ن ك د السـعــــوديه 3 5 7
13-11-2006, 02:52 PM
ماتزال محاولات الاتصال مستمره
عسانا نلقى الرجال اول شي
ن ك د السـعــــوديه 3 5 7
14-11-2006, 12:19 AM
ابشركم ياشباب صدت خوينا واليوم ان شاء الله يسأله
وباذن الله الظهر والجواب بيكون هنا
وان شاء الله نلقى الحل الأكيد
دعواتكم لنا بالتوفيق
M.A.M
14-11-2006, 01:42 PM
الله يبشرك بالخير يانكودي <===== بدا يتمصلح :)
وحنا بالانتظار والله يوفقكم ان شاء الله وتعطونا العلم لاننا صراحة كل مالنا وتزيد حيرتنا
تحياتي وتقديري لك اخوي ن ك د .. استحي اكتبها مع بعض :)
تحياتي وتقديري للجميع
ن ك د السـعــــوديه 3 5 7
14-11-2006, 03:32 PM
ياشباب وش اقول لكم:(
المهم سألنا الفني وقال.................. :confused:
والمهندس المصري يقول......................:confused:
ادري متحمسين صح ؟؟؟:cool:
لا والله شفتوا العرب كيف <<<<< مااقول الا لاحول ولاقوة الا بالله:mad:
المهم
فني الالكترونيات يقول ايه نعم فيها وموجوده وكل شي موصل وتمام بس طلعوها انتوا :cool: :d
والمصري يقول لا بس سته سلندر :mad:
على العموم كيف الطريقه ماقال لنا لكن انا بكره باروح الوكاله الصباح وبأقردنهم وان شاء الله خير:d
المهم دعواتكم معانا<<< والله اللي يشوفني يقول بأحرر القدس:p
بكره ان شاء الله وكلنا مشغلين مقياس درجة الحراره :cool:
قولوا آمين :rolleyes:
M.A.M
14-11-2006, 08:41 PM
امين يارب العالمين
والله فرحتني بهالخبر يانكودي ودام فني الالكترونيات قال ان كل شي موصل وتمام .. فمعناها السالفة شي بسيط جداً .. واتوقع انه فيوز مثل ماصار عند خطاف او برمجة بسيطة عند الوكالة
وبانتظارك يانكودي <=== ومازال التمصلح قائم :) بكرة ان شاء الله نبغى نشوف صورة سيارتك والمقياس شغال فيها :cool:
ولاتنسى خطة كنتاكي :d
تحياتي
accord 06
14-11-2006, 10:04 PM
http://www.eqla3.com/vb/images/icons/004.gifنكد http://www.eqla3.com/vb/images/icons/004.gif
ننتظرك
<< توها تطلع القلوب :d
ن ك د السـعــــوديه 3 5 7
15-11-2006, 01:44 AM
http://www.eqla3.com/vb/images/icons/004.gifنكد http://www.eqla3.com/vb/images/icons/004.gif
ننتظرك
<< توها تطلع القلوب :d
ليه توها تطلع :eek: :(
انا اذكرها من زمان موجوده ;) :o
أبو المهند
15-11-2006, 01:46 AM
http://www.eqla3.com/vb/images/icons/004.gif حلو هذا القلب، سأضعه بإذن الله بين لائحة الإبتسامات :p
ن ك د السـعــــوديه 3 5 7
15-11-2006, 01:46 AM
امين يارب العالمين
والله فرحتني بهالخبر يانكودي ودام فني الالكترونيات قال ان كل شي موصل وتمام .. فمعناها السالفة شي بسيط جداً .. واتوقع انه فيوز مثل ماصار عند خطاف او برمجة بسيطة عند الوكالة
وبانتظارك يانكودي <=== ومازال التمصلح قائم :) بكرة ان شاء الله نبغى نشوف صورة سيارتك والمقياس شغال فيها :cool:
ولاتنسى خطة كنتاكي :d
تحياتي
ياقلبي مابيننا تمصلح انت أمر واحنا ننفذ :cool:
وان شاء الله نشغلها ونستانس
بس خوفي لاتطيح وجيهنا بكره :( ويقولون ماتشتغل الله يستر اهم شي :)
أبو المهند
15-11-2006, 01:47 AM
ملاحظة على الهامش: سوزوكي ليانا بها مقياس لدرجة الحرارة الخارجية :p
ن ك د السـعــــوديه 3 5 7
15-11-2006, 01:49 AM
http://www.eqla3.com/vb/images/icons/004.gif حلو هذا القلب، سأضعه بإذن الله بين لائحة الإبتسامات :p
Honda
الله يعينك والله :)
ترى يبيلنا ابتسامات كثييييييييييييييير :o
انا اهم شي عندي الابتسامات عشان آخذ جوي صح :rolleyes:
M.A.M
15-11-2006, 11:55 AM
ان شاء الله تشتغل عند الجميع .. وانا لو معي سياحي كان مشغلها من اول ماطلعتها
لكن المشكلة ان معي فل والفل سالفتها سالفة لان فيها حساس واخاف احط الحساس اللي يجي مع الاكسسوار واشيل اللي فيها ويأثر على المكيف لان الحساس اللي عندي موصل بالمكيف لذلك انا جالس ادور الحل لحقين الفل لان السياحي ماعندهم اية مشكلة وتشبيكه منفصل مو مثل الفل اللي داخل في تسليكات المصنع والدعوة محيوسة
تسلم لي والله يا ن ك د على اهتمامك وان شاء الله يفرح فيها الجميع .. وان شاء الله انها تشتغل دام فني الالكترونيات يقول انها موصلة وكل شي تمام .. على فكرة : هل الفني حق الالكترونيات هو نفسه ادي (eddie) ؟؟
وبانتظارك يا ن ك د وكان ودنا نحط قلب وينبض بعد :d بس صراحة مالقيته بالوجوه التعبيرية
تحياتي وتقديري للجميع
ن ك د السـعــــوديه 3 5 7
15-11-2006, 02:55 PM
سلملم ياحلوييييييييييين
معليش على التأخير ادري انكم تنتظرون على احر من الجمر
المهم
رحت الوكاله اليوم وقابلت خوينا وكلم الرجال عن موضوعنا
طبعا مثل ماتوقعنا كل شي موصل ومافيه اي مشكله
لكن ..............
للأسف مابنقدر نشغلها
اقول لكم ليش :
الحساس حق اشعة الشمس اللي موجود فوق الطبلون في الوسط موصل مع حساس درجة الحراره الخارجيه ومع الطبلون ايضا وكلهم موصلين مع Climate control unit مع المكيف
لكن المشكله موجوده في النظام اللي بالمكيف اللي هو نفسه climate control unit
النظام اللي يشغل الحساس موجود في المكيف لكنه مايشتغل :eek: قلت له ليش؟
قال كذا من الوكاله طالبينه مايشتغل :confused:
سألته طيب وش الحل ؟؟؟
قال تركب مكيف سته سلندر فل كامل :eek:
طبعا فيه واحد من الشباب قال الحل هذا لأنه قد مر علي في وحده من الردود وهو اننا نركب مكيف فل كامل 6 سلندر وغير هذا الحل مافيه :(
ملاحظه:الحركه اللي سواها M.A.M بالمكيف والسويتش سواها الكهربائي وطلعت الارقام تأشر نفس كلام M.A.M المهم حاولنا من هنا ومن هنا مافيه الا هذا الحل
قلت لهطيب اذا ركبنا مكيف سته سلندر اكيد بيشتغل قال ايه :)
ومعليش على الرد المحطم :( بصراحه ماكنت ناوي اقول لكم عشان ماتتحطمون لكن Sorry guys :(
وفيه شي بأقوله ياشباب عن خطاف
بتقولون خطاف اشتغل معاه بأقولكم شي ملاحظه من زماااااان
ياشباب ترى خطاف والله اعلم اماراتي وسيارته مواصفاتها خليجيه غير عن اللي عندنا يعني اكيد المواصفات مختلفه 100% ;)
وهذا هوالسبب اللي خلاها تشتغل عنده:cool:
مشكور ن ك د
الصراحة مااعاد اقدر اقول شئ
بالنسبة للي سواه اخ خطاف
كلامك صحيح اكيد تفرق لاني جربت كل شى ممكن عشان يطلع وماقدرت "السياحي"
M.A.M
15-11-2006, 05:11 PM
والله شي يقهر .. شكلي ابصيح :(
والله بيني وبينك الكلام في الصميم ويعور القلب .. لكن ماقصرت والله يا ن ك د وان شاء الله يكون الفلبيني مضيع ولا مايبغانا نركب .. لاني اذكر ان فنيين الوكالة معارضين معارضة تامة يقولون لو كلمة عن الموضوع وحتى قالوا لي انه ممنوع منعاً باتاً يطلعون معلومة عن اي شي الكتروني بالسيارة .. اتمنى يكون فيه حل مثل ماصار بازرار التحكم بالصوت لان الوكالة كانوا يقولون مستحيل يشتغل الا بتغيير ظفيرة السيارة ومدري ايش .. وفي الاخير سواها accord 06 واشتغلت عنده واروع مايكون .. على العموم الشي الوحيد اللي بيخلينا نجزم من كلام الفني (ولو اني اعتقد انه 90% صح عليه وال 10% الباقية لاحتمال خوفه من تسريب اي معلومات) هو : نتأكد من رقم قطع الغيار للمكيف حق ال 6 سلندر ومن المكيف حق ال 4 سلندر الفل واذا كانت تحمل نفس الرقم فالفلبيني كان خايف يسرب معلومات ويصير ممكن انه يشتغل عندنا واما اذا كانت تحمل رقم مختلف عن مكيف ال 6 سلندر فالفلبيني صادق وهو الاقرب للصواب ولو ان ماودنا يصير الاقرب :(
ومشكور ثاني مرة يا ن ك د وبيض الله وجهك وماقصرت
وبالنسبة لخطاف فوالله اني الى الحين منلحس .. لكن الله يبعد هاللحسة :)
تحياتي وتقديري للجميع
accord 06
15-11-2006, 06:14 PM
الله يعطيك الف عافيه يا نكد
ما ازيد على كلام M.A.M شي
و رأيي ان الفلبيني غالبا ما يدري وش الله ناقص بالضبط
او انه مثل ما قال M.A.M خايف انه يطلع المعلومات
اما ان السبب اختلاف الـ climate control unit فما اتوقع
لانه مستحيل يصممون climate control unit خاصه ما فيها مقياس الحراراه
لعيون عبد الله هاشم عشان الالف او الالفين اكورد فل كامل اللي يبيعها كل سنه
و اذكر قريت في مقابله مع احد موظفين عبدالله هاشم انهم طلبوا من المصنع
تغيير مكان الاستبنه في الاوديسي و رفض المصنع بحجة انهم ما راح يخصصون
خط انتاج لعبدالله هاشم لحاله
5- بالنسبة للمواصفات الخاصة فلا نستطيع ذلك بسبب الانتاج المحدود للشرق الاوسط ولا يستطيعون عمل خط انتاج خاص لنا فقط وقد اقترحنا عليهم من قبل تعديل مكان العجل الاحتياطي للاوديسي لاكن قوبلنا بالرفض لنفس السبب ومحدودة العدد المصدر الينا والدول الاوربية والامريكية تستورد سيارات اكثر
تغيير مكان الاستبنه رفضوه كيف يوافقون على صنع climate control unit
خاص لسيارات عبدالله هاشم :p
و هذي المقابله كامله للي يبي يقراها
http://www.hondaarabia.com/club/showthread.php?t=442&highlight=%E3%DE%C7%C8%E1%E5 (http://www.hondaarabia.com/club/showthread.php?t=442&highlight=%E3%DE%C7%C8%E1%E5)
M.A.M
15-11-2006, 06:56 PM
والله ماتصدق يا ن ك د يوم قلت الخبر كأن واحد صافقني بكف قوته 10000 واط :)
تصدق انك بثيت فيني الامل من جديد يا accord 06
بس تدري وش المشكلة ؟؟
المشكلة ان ال climate control unit في ال EX تختلف عنها في ال EX-L هذا بالنسبة لطرازات امريكا لذلك اخشى ان يكون كلام الفلبيني صحيح :confused:
ومانقدر نتأكد الا من قطع الغيار .. نشوف رقم المكيف حق الفل 4 سلندر ورقم مكيف ال 6 سلندر واذا كانت تحمل نفس الرقم فابشروا بالخير وكذا يكون فيه امل ان شاء الله اما اذا كانت (لاسمح الله) تحمل ارقاماً مختلفة فهنا تكون المشكلة ويكون مالك الا تركيب مكيف ال 6 سلندر :mad:
ان شاء الله يكونون يحملون نفس الرقم علشان نكمل باقي التعب ومايروح تعبنا هدر .. واذا كان الرقم يختلف فهنا يبدأ صيد السمك وتبليط البحر وتقشير البصل ويكون مالنا حل الا تركيب الاكسسوار اللي نواجه صعوبة في تركيبه وذلك لخوفنا من وجود مشاكل حين استبدال الحساس الموجود بالاكسسوار لان التسليكات مختلفة ولاحتمالية وجود مشاكل والدليل ظهور رمز للخطأ في حالة فصل الحساس وذلك في شاشة فحص النظام
اتمنى نلقى حل لكلا الحالتين .. وماشاء الله على اللي معهم سياحي ويالله ياشباب اللي معه سياحي يطلب الاكسسوار ويتوكل على الله .. وانا مستعد اذا كان اي واحد يبغاني اطلبه له ولو ان مالي محاولات في الطلب عن طريق النت ولكن ابحاول اساعد اي احد يبغاني اطلبه له وخلونا نفرح باول واحد يركبه على 4 سلندر
اسف على الاطالة
تحياتي وتقديري للجميع
accord 06
15-11-2006, 07:25 PM
اخوي M.A.M المكيف في الـ EX عادي
و الفرق بين الـ LX و الـ EX هو ان الـ EX تجي بمسجل 6 سيديات مع المكيف العادي
مثل الصوره
http://i11.ebayimg.com/02/i/06/7e/41/2d_1.JPG
اما الـ LX تجي بسي دي واحد نفس السياحي عندنا بالضبط
و اذا ودك تركب المقياس تركب المقياس الاكسسوار
اعتقد تقدر تركبه بدون مشاكل لان تسليكاته مختلفه عن حساس المكيف
بس بدون ما تشيل حساس المكيف
يعني بيكون عندك حساسين مثبته
M.A.M
15-11-2006, 07:35 PM
اخوي accord 06 انا اقصد النوع EX اللي يكون فيه DUAL ZONE واللي هو التحكم بدرجة حرارة الراكب والسواق بشكل مستقل وهذي على مااعتقد موجودة في امريكا بالطراز EX ولكن ال climate control unit تختلف عن تلك الموجودة في الطراز EX-L مع انهم كلهم فيهم DUAL ZONE ولكن ماادري وين الاختلاف .. اتمنى يكون كلامي غلط ان شاء الله وتكون ال EX ماتجي الا بنظام واحد مثل اللي وضعته في الصورة
تحياتي وتقديري لك اخوي accord 06 واتمنى ان لايضيع جهدك وتعبك وان تتوج هذا التعب والمجهود بحل هذه المشكلة
وبالنسبة لتركيب حساسين بنفس المكان .. ستكون اخر الحلول
M.A.M
15-11-2006, 08:00 PM
توني خاش على موقع هوندا وقارنت بين الطرازات الموجودة كلها
والنتيجة :
الحمدلله ياسلام عليك يا accord 06 طلع كلامك مضبوط 100 %
والحمدلله ان كلامي طلع غلط وصارت ال EX مافيها DUAL ZONE وهذا معناه ان ال climate control unit اللي عندنا هي نفسها الموجودة على ال 6 سلندر .. وبكرة ابتأكد من قطع الغيار وان شاء الله يطلع كل شي تمام ونستمر في المسيرة :) .. طلعت بطولة :)
اللي خلاني اوسوس ان فيه EX يجي فيها DUAL ZONE هو عضو في منتدى امريكي كان يسأل عن ال DUAL ZONE IN EX والظاهر انه كان يقصد EX-L :)
والامل ان شاء الله عاد من جديد
تحياتي وتقديري للجميع
Acc 2006
15-11-2006, 08:14 PM
للأسف ان مافي حل غير تركيب مكيف الـ 6 سلندر ..
ولكن برضو تستاهلو كلمة شكر على مجهوداتكم ويعطيكم الف عافية ..
M.A.M
16-11-2006, 02:22 AM
اهلاً بك في موضوعنا اخوي Acc 2006
بس وش اللي خلاك تكون متأكد انه لازم نركب مكيف 6 سلندر ؟؟ انا احس ان عندك معلومة اخوي او شكلك سامع شي عن مشكلتنا هذي vbmenu_register("postmenu_18868", true);
ن ك د السـعــــوديه 3 5 7
16-11-2006, 06:28 AM
ياشباب الفني اللي سألته موالفلبيني :o
انا ماقلت لكم الفلبيني!! فيه واحد غيره هو اللي علمني وبعدين تدرون ليه اثق في كلامه ;)
لانه علم واحد من الشباب حركه قويه في السياره اقوى من سالفة مقياس درجة الحراره لا ويدربه على الحركه بشكل سريع :eek: ويعلمه على كللللللللللللللللللل شي:cool:
عشان كذا يوم سأله عن المقياس اخذه معاه الى اكورد فل كامل ووراه كل شي بخصوص مقياس الحراره وقال له هذي لايمكن انها تشتغل الا بمكيف 6 سلندر يعني لو كان لها حل كان قال له عنه ;)
وبعدين اتمنى يكون كلامه غلط مثلكم لاني ماابغى تعبنا يروح على الفاضي <<< وش عنده اللي سوا شي كبير :p :d
المهم اذا عن رقم المكيف حق 4 سلندر وال 6 انا باجيبه لكم اليووووووووووووووم الظهر ان شاء الله وهو موجود :cool:
اذا ودك تركب المقياس تركب المقياس الاكسسوار
اعتقد تقدر تركبه بدون مشاكل لان تسليكاته مختلفه عن حساس المكيف
بس بدون ما تشيل حساس المكيف
يعني بيكون عندك حساسين مثبته
:cool: انا اشوف ان هذا الكلام عين العقل
واختصار لكثير من المشاكل والتفكيك خصوصأ سيارتكم جديدة
وبالنهاية تطلع درجة الحرارة في الطبلون ويشتغل المكيف تمام
اخوي ن ك د السـعــــوديه 3 5 7 (http://www.hondaarabia.com/club/member.php?u=505)
اذا ماعليك كلافه
ممكن تسأل لي عن قطعة اللى تجي في السقف " مكان النظارة"
بالنسبة للسيارات اللى فيها فتحة بالسقف
بكم سعرها
لان سيارتي بدون فتحة واتمنى النور البرتقالى الصغير اللى اشغلونها فيه اللى معهم الفتحة :d
ولك وافر الشكر والتقدير
تحياتي للجميع
محمد
ن ك د السـعــــوديه 3 5 7
16-11-2006, 01:40 PM
سلملم
ياشباب رحت اليوم للوكاله وتلخبطت ودخت من كلامهم :(
وقابلت رئيس قسم قطع الغيار وطلع لي الكتاب وتناقشنا انا وياه :rolleyes:
المشكله مره يقول ايه ومره يقول لا ومره يقول ماحد بيوضح لنا الشي مثل الكهربائي وسألت عن الكهربائي طلع مايداوم الا الساعه 2 الظهر :mad: وآخر شي نسيت اسألهم عن رقم المكيف Sorry guys:o
بس مدري احس اننا قربنا من الحل واحس ان مكيف ال6 نفس ال4
وكلام Accord 06 عين الصواب بصراحه قريت رده واقتنعت بكلامه 100%:cool:
المهم بأحاول امرهم اليوم العصر والله يعين;)
بالنسبه لأخوي 922 معليش والله توني اشوف ردك وسؤالك بس بأحاول امرهم اليوم واسألهم :)
M.A.M
16-11-2006, 02:20 PM
تدرون ياشباب وش اللي خلاني اترك تركيب الاكسسوار اخر الحلول !!
لان مافيه احد فنان يركبه وياليت لو استفدنا من الشباب المبدعين بالمنتدى امثال محمد (922) و accord 06 وبدل ماتروح فلوسنا على ناس ماتستاهل ويجربون فينا تروح للي يستاهلونها .. طبعاً هذا اقتراح وفي وقت فراغ الاخوين المبدعين :)
وبالنسبة للمكيف حنا تقريباً 99% متأكدين انه نفس مكيف ال 6 سلندر وال 1 % الباقي لين نشوف رقم قطع الغيار .. واللي تبين لي ان اي اكورد فيها تحكم بالمناخ للسائق والراكب معناها ان فيها درجة الحرارة الخارجية كتجهيز من المصنع .. طبعاً هذا خارج السعودية
تحياتي وتقديري للجميع
accord 06
16-11-2006, 05:11 PM
معليش يا شباب ما راح اقدر اتابع معكم الموضوع بالفتره الجايه
لان اختباراتي تبدا السبت
ان شاء الله ارجع و القاكم حالين الموضوع :cool:
M.A.M
16-11-2006, 06:55 PM
الله يوفقك اخوي accord 06 ولو اننا بنفقد واحد من اكبر الداعمين للموضوع ولكن اهم شي مصلحتك وبالتوفيق ان شاء الله .. واتمنى ترجع ونكون حلينا الموضوع او على الاقل عرفنا وش السر .. وبالنسبة لخطاف فانا اتوقع لو قدرنا نسوي مثل ماسوا فراح يكون المؤشر طالع وبقراءة صحيحة .. صدقوني
بس مشكلتنا اننا ماندري وش سوا خطاف لانه منقطع من شهر 10 عن المنتدى
لكن اتمنى ن ك د يساعدنا لانه هو واسطتنا بالوكالة .. وياليت اخوي ن ك د تسأل الفلبيني اللي قلت لك عليه واللي اسمه ( إدي )
انا من ناحيتي مع احترامي للاخ خطاف الا انه غلطان بشي ومااتوقع ان بمجرد تشييك على الفيوز وارجاعها محلها يطلع المؤشر والدليل اكثر من عضو سوا الحركة ولا صار اي شي .. اتوقع هو سوا شي ثاني وطلعت عنده الحركة بس هو مايتذكر ايش سوا بالضبط
لكن من ناحيتي انا اتوقع ان السالفة فيها تفعيل من كمبيوتر السيارة يعني او فيه شي مفصول وهو اللي مخليها ماتطلع القراءة .. اتمنى نلقى حل
الاخطبوط
17-11-2006, 04:56 PM
والله تحطيم يا ن ك د :(
بس ماجبت رقم المكيف >>>>>> شكلهم بيطلعوا كلهم واحد والسالفه تصريفه من الوكاله
ملاحظه: تذكرون وش قالت الوكالة عن التحكم بالصوت من الدركسون ووش سوى الدكتور accord 06 وكيف الحين شغاله ولا أحلى :cool:
طيب عندي سؤال
فوق الطبلون عند الزجاج الأمامي بالنص فيه حساس حق الشمس زي ماقريت بالكتالوج
هل هو يشتغل بالأكورد 4 سلندر فل كامل >> ماهي فائدته >> وماهي علاقته بالموضوع لأنه موصل بـ climate control unit
يعطيكم العافيه
accord 06 الله يوفقك بالاختبارات :)
M.A.M تكفى طلع لنا الحل خلها تصير مفاجأه لـaccord 06 :)
ن ك د وينك مارحت الوكالة المره الثانيه >>>> شكلك انت اللي بتجيب الحل :cool:
922 لاتحرمنا من خبراتك :cool:
M.A.M
19-11-2006, 01:38 AM
والله يالاخطبوط ما باليد حيلة .. والله انت عارف انا ودي والله وابحاول باللي اقدر عليه والله يسهل ان شاء الله وحنا ننتظر ن ك د يرد لنا عن رقم القطعة او يجيب لنا معلومة خطيرة لاني تأكدت ان المكيفين نفسها بالضبط ومثل ماقال accord 06 مستحيل يطلبون مكيف مختلف لنا ويخصصون خط انتاج .. لكن السالفة فيها شي ناقص والله العالم انه في احد هالافياش لاني مااتوقع انه برمجة لانه مايحتاج برمجة وحتى السياحي يطلع فيه والدليل انها طلعت عند خطاف .. يعني السالفة فيوز ناقص او فيش مفصول واتوقع السر ورا الطبلون او بالافياش اللي عند صندوق الفيوزات حق السواق لان فيه افياش كثيرة واتوقع السر منها
بانتظارك اخوي ن ك د نبغى معلومة خطيرة تكفى حاول بخويك ان شاء الله يدبرها .. واذا تقدر تخليه يسأل الفلبيني (ادي) عنها علشان نجمع المعلومة من اكثر من شخص بالوكالة
فيه شي شدني بهذي المشاركة
http://www.hondaarabia.com/club/showpost.php?p=18925&postcount=158
وشي الحركة اللي اخطر من سالفة المقياس .. لان سالفة المقياس عندنا سالفة تعجيزية واذا كانت هذي اخطر فهي بتطلع قنبلة :) اذا مافيها احراج ياليت لو تحط لنا وشي هالحركة ووش فايدتها .. لان انت عارف الواحد يستمتع بموتره كل مااكتشف شي جديد
تحياتي وتقديري للجميع
السلام عليكم
انا متابع الموضوع والعين بصيرة واليد قصيرة
سيارتي سياحي ومااقدر اسوي شى
اما سالفة خط انتاج خاص او تعديل لنا بس
ترى تجي لاتستبعد اعطيك مثال
فيه فرق بين مسجل الخليجي والامريكي
الامريكي 102.1 والسعودي 102.0 اذاعة MBC
يعني يقدر الوكيل يعدل ويطلب اشياء بسيطة
بس تقول مثلاً للمصنع ابي الستبنة علاق <<< تخيل :eek:
معصى نعدل تعديل جذري
طيب عندي سؤال
فوق الطبلون عند الزجاج الأمامي بالنص فيه حساس حق الشمس زي ماقريت بالكتالوج
هل هو يشتغل بالأكورد 4 سلندر فل كامل >> ماهي فائدته >> وماهي علاقته بالموضوع لأنه موصل بـ climate control unit
هذا ياطويل العمر عشان اذا شغلت المكيف يختار الحرارة المناسبة
ن ك د
بنتظارك
ولاتنسى درج النظارة حق الفل كامل اللى فيه لمبة برتقالية تولع على القير >> ابلشتنا :p
تحياتي للجميع
محمد
M.A.M
19-11-2006, 01:00 PM
اخوي محمد سيارتي تحت تصرفك باي وقت .. وانا متبرع فيها وبالتجارب عليها لعيون شباب المنتدى .. انا لو اني اعرف افكك كان حاولت بس المشكلة مااعرف افكك ولا عمري فككت شي .. لذلك انا متبرع بالسيارة وباقي عليكم تجيبون المهندس :) او انكم تدورون احد يعلمني وشلون افكك السيارة وصدقوني راح اجيب الحل اذا عرفت :) <====واثق :)
محمد والله توقيعك يعور البطن .. جتني قشعريرة يوم شفته :)
بانتظارك اخوي ن ك د
تحياتي وتقديري للجميع
ن ك د السـعــــوديه 3 5 7
20-11-2006, 02:04 PM
هاي قايز
والله ياشباب لحسوا مخي الوكاله مره يقولون نفس الرقم ومره لا
بس تدرون انا اليومين ذي مشغوووووووووووووووووول جدا >> Honda ابي عند صفتي زي accord 06 مشغول جدا
هههههههههه
لا والله بأحاول اجيب لكم الخبر الاكيد اليوم ان شاء الله
واعذروني على التأخير تعرفون رجعت الدوام والحين مداوم
M.A.M
20-11-2006, 08:18 PM
الله يعطيك العافية يا ن ك د
وحنا بانتظارك واعذرنا على ازعاجك ... بس انت عارف الواحد اذا صار في حالة انتظار يمر بظروف صعبة :)
M.A.M
26-11-2006, 01:31 AM
ياشباب والعلم عند الله انها نفس الclimate control unit لل 4 وال 6
وتقدرون تتأكدون بأنفسكم من هالمواقع حتى تقدر تدخل ال VIN اللي هو رقم الشاصي ويطلع لك القطع حقت سيارتك بس الغريب انه يطلع لك اذا دخلت رقم الشاصي ان المكيف عادي وليس اوتو مع مسجل 6 سيديات مثل الصورة اللي حطها accord 06 مع العلم ان المكيف هو اوتو مثل اللي يجي بال 6 سلندر واللي يجي بال EX-L وهذي هي المواقع :
http://www.collegehillshondaparts.com
http://www.bernardiparts.com/SearchOptions.aspx
http://www.hondaautomotiveparts.com/auto/jsp/mws/PartsSearch.jsp
تدرون وش اكثر شي يعجبني في الهوندا الاكورد ؟؟
ان الدعم الفني لها على الانترنت والمعلومات عنها كثيرة جداً اكثر من اي سيارة ثانية :cool:
بانتظار تأكيدك يا ن ك د والله يعينك على اشغالك ومعذور والله .. وبانتظار اراء بقية الشباب لكي لاينام الموضوع وتقل الحماسة .. انا قلت ابقعد 5 ايام مااخش المنتدى وابرجع ان شاء الله والقى تطورات جديدة .. وفعلاً لقيت تطورات ان الموضوع رجع للصفحة الثانية :)
ياشباب تعرفون محل تأجير سيارات يأجر اكورد V6 ؟؟ اللي يعرف بالله يدلني عليه واكون لكم من الشاكرين
تحياتي وتقديري للجميع
^^^^^^
الأعضاء الي كانوا يشاركوا انشغلوا شوي حتى ن ك د اختفى ،،،
أما عن محل يأجر V6 ما أعتقد تحصل :d
beckhaam
26-11-2006, 03:21 PM
شف شركة ذيب يمكن تحصل ...
M.A.M
26-11-2006, 09:06 PM
السلام عليكم
توني ياشباب مريت الوكالة وسألتهم عن المكيفين (فل 4 وال 6) وطلعت كلها تحمل نفس الرقم :)
وياليت اي احد يعرف محل تأجير يأجر اكورد 6 سلندر يدلني عليه
الله يعطيكم العافية
ن ك د السـعــــوديه 3 5 7
26-11-2006, 10:52 PM
سلااااااااااااااااااام عليكم
معليييييييييييييييييييييش على التأخير ياشباب واعذروني والله دوام وقلق واشغال وخلوها على ربكم
طيب نرجع لمحور حديثنا
M.A.M غريبه
على كلام الوكاله ان المكيف نفسه يختلف 4 عن 6 سلندر لان الكمبرسور حق 6 براسين
لكن اذا تقصد الكنترول حق المكيف الي مع المسجل فهذا ممكن يكون نفسه اللي في 4 نفس اللي في 6 سلندر
ومن ناحية اكورد 6 سلندر وين تبي في الرياض والا وين ؟؟
ورد لي خبر
ومعليش مره ثانيه على التأخييييييييييييييييييييييييييييير
M.A.M
26-11-2006, 11:51 PM
انا اقصد الـ CENTER MODULE هو نفسه بال 4 سلندر(الفل) وبال 6 سلندر
وباقي عليك يا ن ك د .. متى مافضيت .. تقول لخويك السالفة وانها نفس الشي وتحاول تجيب منه اي معلومة تفيدنا وبالنسبة للاكورد 6 سلندر ابغى محل يأجرها في الرياض
ومشكور وماقصرت يا ن ك د وعادي يارجال التأخير ومعذور والله .. مو مشكلة التأخير اهم شي يظل التواصل الى ان نجد الحل :)
واشكركم يا BLK ويا beckhaam على تفاعلكم ومشاركتكم وبانتظار الاخ accord 06 لخبرته الكبيرة وايضاً اتمنى من الاخوين الكبيرين محمد (922) و NEOFOX ان يساعدونا باللي يقدرون عليه
وهذا اللنك ياشباب تحصلون فيه القطعة المقصودة واللي هي :
وحدة التحكم بالمناخ (climate control unit) واللي تبين انها نفس الشي بال 4 الفل وبال 6
http://www.bernardiparts.com/SearchResults.aspx?SearchType=Model&Image=14SDA0_009_0005.GIF
وهذا رقم القطعة عند عبدالله هاشم لمن اراد التأكد
39050-SDA-Y21ZA ماجت معي مرتبة :( لكن هذا الرقم بالترتيب من الاعلى الى الاسفل
39050
-
SDA
-
Y21ZA
اسف على الاطالة
تحياتي وتقديري للجميع
ن ك د السـعــــوديه 3 5 7
27-11-2006, 12:05 AM
يسلمووووووووووووووووووو
والله يعطيك العافيه حبيب قلبي
وانت تامرني امر ياقلبي
beckhaam
27-11-2006, 12:09 AM
انا بالخدمه اذا تبووون شيء تامروون امر ...
megdamAccord
27-11-2006, 12:19 AM
هلا والله بالشباب
أنا معي 4 سلندر فل أوبشن
واشتركت في هذا المنتدى بعد ما قريت هذا الموضوع
قلت هذولا خبيرين خلني استفيد منهم على العموم ياشباب
ما لاحظتوا شي في الملفات اللي حطها الشباب
اللي تشرح طريقة تركيب مقياس درجة الحرارة؟!!!!!!
أنا لاحظت إنه مكتوب مع القطع فيوز
الفيوز هذا تركبه تحت الدركسون في صندوق الفيوز
تحطه في رقم 33
أنا عاد قلت خلني أشيك يا ولد وش ضارك.
شيكت على الفيوز ووش المفاجأة ياشباب؟
إن الفيوز رقم 33 غير موجود في الخدمة مؤقتاً << متأثر بالاتصالات
قلت حليتها .
وانطلقت لا قرب محل يبيع فيوز وشريت واحد نفس المقاس.
بس
.
.
للأسف ما أشتغل.
بس العبره يا شباب إن فيه قطع ناقصه ومنها هالفيوز اللي ركبته
ياحسافت الريال اللي دفعته.
عاد عليكم الباقي ترى فيه أمل.
الاخطبوط
27-11-2006, 10:34 AM
بس بعلمكم اني موجود ومتابع
ياليت لو السالفه فيوز >>>> وين خطاف اختفى واختفت معه حركته
Mam وش تبي تشوف بالاكورد 6 سلندر؟؟
M.A.M
احيي فيك هذا الكفاح :cool:
الحل بإذن الله بتركيب الاكسسوار وحساس ثاني مع الاول
وان شاء الله يشتغل تمام واختصار لكل هالمشاورير
M.A.M
27-11-2006, 03:41 PM
ماعليك يالاخطبوط انت خلني القى محل يأجر اكورد 6 سلندر وان شاء الله اشوف الفرق بينها وبين ال 4 سلندر (الفل)
ومن ناحية الكفاح يامحمد :) فهو شغال على طول ان شاء الله وبالنسبة لتركيب الاكسسوار فهو فعلاً بيختصر كل هالمشاوير .. لكن السالفة احس صار فيها تحدي ومسكت غلط :) وبالذات يوم شفته طلع عند خطاف وهو ماسوى شي :) لذلك ابحاول اطلعه بدون تركيب الاكسسوار .. لان يمكن تكون شغلته بسيطة وحنا ماندري .. وتصدقون ياشباب اني استفدت من الموضوع كثير ومن البحث في المنتديات الاجنبية وعرفت معلومات كثيرة وهذا اللي يخليني ماودي اتراجع واركب الاكسسوار .. لاني ودي اكتشف السر :) عموماً ان شاء الله تكون السالفة سهلة ويجيب لنا ن ك د الحل من خويه اللي في الوكالة او يقول لنا السر في اي جزء بالضبط
واذا لاسمح الله ماقدرنا نشغله راح اطلب الاكسسوار ان شاء الله واركبه .. واحتمال اطلبه قريب واخليه عندي لين اخلص تجارب :)
ومشكور يا beckhaam وماتقصر والله
وحياك الله يا megdamAccord
تحياتي وتقديري لكل من شارك بالموضوع
الاخطبوط
28-11-2006, 11:05 AM
عندي سؤال بشأن المقياس الاكسسوار
عندما تجده بالمواقع تلقى ملاحظه
انه لايمكن تركيبه على الموديلات اللي تجي جلد وكالة
وانه لايمكن تركيبه مع انوار الضباب او الكشافات
السؤال هو ليش لايمكن >>> تشملنا عدم الامكانيه ام لا
accord 06
28-11-2006, 12:49 PM
عندي سؤال بشأن المقياس الاكسسوار
عندما تجده بالمواقع تلقى ملاحظه
انه لايمكن تركيبه على الموديلات اللي تجي جلد وكالة
وانه لايمكن تركيبه مع انوار الضباب او الكشافات
السؤال هو ليش لايمكن >>> تشملنا عدم الامكانيه ام لا
زين اللي ذكرتنا
يعني مب اكيد لو ركبنا الاكسسوار بيشتغل
الجلد >> لان اي اكورد بجلد برا تجي بمقياس شد بلد
الكشافات >> لانها تستخدم نفس التسليكات
<< هذا الكلام لكشافات الوكاله بس اما الكشافات التجاريه
ما فيها مشكله
و حنا ضايعين ما ندري تشملنا عدم الامكانيه ولا لا :mad:
لانه كل شي عندنا موجود و موصل بس ما يشتغل
M.A.M
28-11-2006, 11:10 PM
ياشباب انا تهورت وطلبت الـ Electrical Troubleshooting Manual اللي يسمى ايضاً ETM وهذي اول مرة اطلب من النت في حياتي والله يستر :) وان شاء الله اذا وصل الكتاب هذا راح يساعدنا كثير باذن الله وراح نلقى فيه اشياء مفيدة وتفاصيل دقيقة لاي شي الكتروني بالسيارة وراح يساعد على حل اي مشكلة وراح يساعدنا في موضوعنا الرئيسي اللي هو مقياس الحرارة الخارجية .. ان شاء الله يوصل بسرعة ومايطول والموقع اللي طلبت منه يقول راح ياخذ 10 - 15 يوم .. واذا وصل الكتاب ان شاء الله تتسهل امورنا بس برضو مايعني اننا نوقف محاولات بالمعلومات اللي عندنا .. ولي عودة ان شاء الله اوضح بعض الاشياء اللي ماشيكناها بتوصيل الحساس وان شاء الله نكتشف السر
اسف على الاطالة
تحياتي وتقديري للجميع
ن ك د السـعــــوديه 3 5 7
28-11-2006, 11:14 PM
ياشباب آخر ماتوصلنا اليه انه على كلام الفني المختص وقعد معاي وتفاهمنا انا واياه
حتى انه قعد متجمد فتره يفكر وآآآآآآآآآآآآخر شي قال : لازم تركب طبلون 6 سلندر
وقلت له انه موجود كلمة OUTSIDE في الطبلون قال ايه بس ماتفيد بشي :(
يعني الحين ماندري هو من الطبلون واللا من المكيف الوضع كل ماله يتعقد
922 من ناحية اللمبه اللي فوق عند الفتحه قيمتها 270 ريال وهذا
رقمها G83250-SDC-A01ZB
وآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آسف جدااااااااااااااااا على التأخير :o
اكورد لؤلؤي
29-11-2006, 12:22 AM
ماشالله
والله في تقدم
وانا بصرحه متابع الموضوع من اول رد الن اخر رد
بس ماكنت ارد :)
واحس انكم بديتو توصلون للحل ان شالله
وبالنسبه لموضوع الطبلون مااتوقع يختلف طبلون الـ 6 سلندر عن الـ 4 سلندر
لكن اذا كان يختلف كم سعره
اذا كان ارخص من الاكسسوار اركبه اصرف لي
ولا..؟
والله يعطيكم العافيه
وان شالله بتشتغل عندنا كلنا بدون اكسسوار :)
والله يعين...
accord 06
29-11-2006, 08:00 AM
ياشباب انا تهورت وطلبت الـ Electrical Troubleshooting Manual اللي يسمى ايضاً ETM وهذي اول مرة اطلب من النت في حياتي والله يستر :) وان شاء الله اذا وصل الكتاب هذا راح يساعدنا كثير باذن الله وراح نلقى فيه اشياء مفيدة وتفاصيل دقيقة لاي شي الكتروني بالسيارة وراح يساعد على حل اي مشكلة وراح يساعدنا في موضوعنا الرئيسي اللي هو مقياس الحرارة الخارجية .. ان شاء الله يوصل بسرعة ومايطول والموقع اللي طلبت منه يقول راح ياخذ 10 - 15 يوم .. واذا وصل الكتاب ان شاء الله تتسهل امورنا بس برضو مايعني اننا نوقف محاولات بالمعلومات اللي عندنا .. ولي عودة ان شاء الله اوضح بعض الاشياء اللي ماشيكناها بتوصيل الحساس وان شاء الله نكتشف السر
اسف على الاطالة
تحياتي وتقديري للجميع
ان شاء الله يكون الحل على يدك :cool:
امس فصلت الفيوز رقم 7 من داخل السياره
اللي هو فيوز الـ B-CAN
بعدين جربت طريقة فحص مشاكل المكيف و لا طلع شي
بعدين فصلت فيوز الدائره اللي بالكبوت و سويت الفحص و برضوه ما طلع شي
تدري ايدي يداوم الخميس ولا لا؟
بروح اشوف اذا قدرت آخذ منه شي
accord 06
29-11-2006, 08:05 AM
ياشباب آخر ماتوصلنا اليه انه على كلام الفني المختص وقعد معاي وتفاهمنا انا واياه
حتى انه قعد متجمد فتره يفكر وآآآآآآآآآآآآخر شي قال : لازم تركب طبلون 6 سلندر
وقلت له انه موجود كلمة OUTSIDE في الطبلون قال ايه بس ماتفيد بشي :(
يعني الحين ماندري هو من الطبلون واللا من المكيف الوضع كل ماله يتعقد
922 من ناحية اللمبه اللي فوق عند الفتحه قيمتها 270 ريال وهذا
رقمها G83250-SDC-A01ZB
وآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آسف جدااااااااااااااااا على التأخير :o
الله يعطيك الف عافيه اخوي نكد على اهتمامك :cool:
و برضوه ما اظن ان كلامه صحيح ان الطبلون يختلف
الطبلون هو نفسه من السياحي الى السته سلندر
بس الاختلاف هو بالاسلاك الواصله للطبلون
الاخطبوط
03-12-2006, 02:40 PM
الظاهر اني فقدت الامل :( >>>> نفس الحالة يوم فقدنا الامل يوم التحكم بالصوت عن طريق الدركسون
بس يومتها فز الذيب accord 06 وحلها :cool:
من هو الذئب القادم :confused:
ملاحظه: لافقدت الامل ولايحزنون لكن بارفع الموضوع
ن ك د السـعــــوديه 3 5 7
03-12-2006, 03:37 PM
والله ياشباب ماعاد ادري وش اسوي واللا وش السالفه :(
المهم اني بافكك السياره اليومين ذي من المكيف الى الطبلون الى الحساسات وباشوف وش السالفه والله يعيننا
على العموم انا حاس اننا بنلقى الحل خلال اقل من شهر ;)
اهم شي دعواتكم لنا :cool:
M.A.M
09-12-2006, 10:47 PM
السلام عليكم
حيا الله الشباب
اخواني اعذروني على الغيبة اللي اعتبرها في نظري طويلة نسبياً :) لكن والله انا كانت الانفلونزا سادحتني اسبوع بالسرير وكنت اتابع الموضوع ولكن ماكان فيني حيل ارد :)
المهم : اخواني الكرام تسليك الحساس موصل ومضبوط بالـ climate control unit لكن الخلل او الشيء الناقص يكمن في النظام الذي يرسل الاشارة الى الطبلون ليتم ترجمتها الى قراءة وهو الجزء الذي نتوقع انا واخي accord 06 انه هو الـ B-CAN لذلك سأضع في اقرب وقت كل الاسلاك والاجزاء الخاصة بالـ B-CAN .. واذا وصل طلبي ان شاء الله راح يسهل الموضوع علينا ان شاء الله واتمنى يكون الحل في الـ ETM واكسب اجر الشباب :)
اخوي accord 06 انت تقول فصلت فيوز الدائرة اللي بالكبوت ولا طلع شي !! انت تقصد اي فيوز ورقم كم اخوي ؟؟
تحياتي وتقديري للجميع
accord 06
09-12-2006, 11:15 PM
الحمد لله على السلامه اخوي M.a.m
الفيوز رقم 15 بالكبوت
الاخطبوط
11-12-2006, 10:11 AM
الحمد لله على السلامه M.A.M
تدفوا ياشباب هذا وقت الانفلونزا واتركوا عنكم البر والمهايطه :d
بالتوفيق يااخوان
imail
11-12-2006, 09:46 PM
انا متابع معاكم الموضوع من اول لآخر رد
المهم
وانا قاعد اقرا الردود جات ببالي فكرة
اغلب السيارات ( ان لم يكن كلها ) تحتوي على كيبل يقوم بوصل عداد السيارة الى الكمبيوتر
بصراحة استخدمت هذا الكيبل لاعادة برمجة سيارة اخوي ( كانت لومينا ss ) وقد قمت بتحميل ملف البرمجة من النت وكان الهدف منو جعل السيارة تعشق بعد ما يوصل الآر بي ام الى 6 بدل من 5
المهم اقترح ان نقوم بالبحث عن الكيبل في الاكورد
وعلى فكرة ياشباب احب الفت نظركم انو لو برمجنا العداد على ال6سلندر ماراح يجينا مقياس درجة الحرارة بس لكن راح يجي مقياس جودة زيت المكينة (oil life) و الفترة المتبقية على الصيانة الجية والكثير من المميزات الاخرى الموجودة بالست سلندر
سيارتي بالورشة وماقدر ابحث عن السلك بنفسي
السلك باللومينا كان بين الطارة ودواسة البنزين ( تحت الطارة بشوي )
ميدو مشاكل
15-12-2006, 07:16 PM
لو اني افهم في كهرب السيارات كان ساعدتكم
لكن ان شاء الله اخر الصبر الفرج ....
M.A.M
16-12-2006, 11:38 PM
اخوي accord 06 واخوي الاخطبوط الله يسلمكم من كل شر
اخوي imail حياك الله وان شاء الله تكون خير معين لنا وتساعدنا للتوصل الى حل
اخوي ميدو مشاكل حياك الله واذا كنت انت سبق وكتبت موضوع عن مقياس درجة الحرارة الخارجية في احد المنتديات فاهلاً بك فانت الذي اشعلت شرارة هالموضوع لاني ماكنت اعرف بوجود الحساس في الفل كامل 4 سلندر الا بعد ماقرأت موضوعك واشكرك على هالمعلومة الطيبة اللي اشعلت فينا الحماس وخلتنا مانيأس من وجود هذه الميزة في سياراتنا .. وعلى فكرة ترى الموضوع اللي انا اتكلم عنه قديم وكان