قنبلة المنتدى : تعال قول لنا تجربتك مع الإكسسوارات !!!! (( حصري ))

[BLK]

السلام عليكم و رحمة الله و بركاته

وش رايكم في العنوان مسوي حفلة :d

أنا كتبت رد في موضوع الأخ أبو ردينة عن فكرتي الجديدة ..... و الي أتمنى إنها تنال إستحسانكم .......

الموضوع و ما فيه .... دام إحنا في قسم الإكسسوارات ... يعني أكيد كل واحد فينا سواء كان راعي أكورد أو سيفيك أو حتى أوديسي أو CRV ( ولا يزعل CR-V )..... و أي موديل ..

و كل واحد فينا مسوي حركة و لو بسيييييييييييطة في سيارته ....

الزبدة ... ليش ما نحاول نستفيد من تجارب بعضنا البعض في هذا الموضوع .... بدل ما نرد في مواضيع الإستفسارات ... يكون كل شيء واضح و جاهز هنا ...


و نحاول ندعم موضوعنا بالصور + السعر + مكان الشراء + طريقة التركيب ....

و بالنسبة للإستفسار و هذا هو المهم .... حتى لا يصير الموضوع مثل الموضوع المثبت بالأعلى ... إستفسارات بلا إجابة ....

أتمنى تصير الإستفسار تخص الردود فقط ....

يعني مثلاً الموضوع كان يشتمل على جناح و جنوط ... يجي أحد يسأل عن الزوائد على سبيل المثال !!! و هذا راح يخرب الموضوع صح يا شباب ؟؟؟


بالنسبة لتحميل الصور بإمكانك تحملها في المرفقات أو في ألبوم الصور .... و تقدر تشوف ألبوم الصور لما تنزل لآخر الصفحة في الزاوية اليسار .....


في الختام الموضوع ما راح يتقدم و يتطور إلا بتعاوننا جميعاً ... في النهاية نستفيد أفكار + خبرات من بعضنا البعض ...

بس تكفون شجعوني ولا تحطموني :d

[BLK]

أنا راح أبدأ حتى تتوضح الصورة .....

السيارة : أكورد
الموديل :2005

نوع الإكسسوار : جناح رياضي ( صغير )

شريته من شارع تويوتا بالدمام من محل إسمه فيصل المحمدي قبل تقريباً 8 شهور ... بسعر 180 ريال ... و بعدها أخذته و رشيته باللون الأسود نفس اللون يعني ... و ركبته تلصيق ... بلزق إسمه 3m المعروف .... و لزق من الجهتين أعتقد .....

المهم الشغلة كلفتني : 180 ( الجناح ) + 100 (الرش) + 50 ( التركيب ) = 330 ريال ....

و النتيجة :::::

http://www.hondaarabia.com/data/gallery/100/BLK%28267%29.JPG



هذي زبدة الموضوع أحبائي .... و أتمنى الكل يشاركنا و لو بالقليل ..... و بالخصوص أبو ردينة :d


تحياتي لكم :)

[أكورد2005]

:cool: انا الثاني
السياره: اكورد
الموديل:2005
الاكسسوارت:
1- زنون(( اخاف اصور وما تطلع اوكي:( )) .لونه يسمونه ثلجي يعطيك بنفسجي
2- ديكور كامل للسياره (( تخشيب وكاله + دركسووون + قير +التكايه الى ورا+ مفتاح تشغيل الفتحه))

تحياتي :cool: ومشكوور على الموضوع:cool:

[H 4 EVER]

يسلمو على الموضوع

طيب انا الثالث
السيارة : اكورد
الموديل :2003

الاكسسوارات :
1 جناح خلفي 330 ريال
2 نسافات 130 ريال
3 كشافات امامية 350 ريال
4 شبك مرهم 280 ريال
5 زيق كبوت 119 ريال
6 شمعات امامية بدون عاكس 400 ريال
7 مسجل اضافي مع علبة سيديات ومضخم وسمعات 1600 ريال
8 تخشيب
9 زنون

وقريبا طالبها من امريكا ( يايات رياضية ) 550 ريال

http://www.9q9q.org/index.php?image=dEaXyvB93 (http://www.9q9q.org/index.php?image=dEaXyvB93)


وتحياتي

[almoog]

الصراحه موضوع حلو وشدني للتسجيل
انا سيارتي : اكورد 2006

التعديلات : جنوط وكاله مع الكفرات 2300
كشافات من العليان 354

ابغا اسأل عن :
1- التخشيب وين المحلات المضمونه في الرياض وبكم اسعاره تقريبا ابي اخشب (ديكور الباب من جوا بس )
2- تلبيس جلد يقولون الاسمعيلي ممتاز ابي اعرف كم سعره وايش افضل لون علما ان لون السياره اسود انا معجبني الجلد الابيض بس محتار ناس تقول الابيض حلو وناس تقول خله نفس لون الوكاله وابي رايكم .

[حياتي كلها اكورد]

باقي انا انا

اكورد 2005 اسود سبيشل جنوط فتحه

اليوم عيد ميلاده بالسنه الاولى عندي

المميزات:


*جناح سبوت بـ150ريال
*تخشيبه داخليه بـ 200ريال
*شبك نيكل بـ 20ريال
*مضخم مع سماعات كينود بـ 650
*جلد داخلي (تلبيسه) بـ 300ريال
*تغبيره بيضاء اللون على السقف مع تغيمه سودا مع شعار برشلونه (والله من جد طالع شكلها يجنن)
*لوحات طويله
*انوار زينون على اللوحات (لونها ازرق)
*عقد تذكاري من امي على المرايه الداخليه شكله مجنون (يهبببببببببببببببببببببل)
وبس................................

[أكورداوي]

H 4 EVER ماشاء الله تبارك الله على سيارتك ...ذوقك رفييييييييع;)


وأحلى شي الأزياق من وين شاريها ؟

[BLK]

أهلين إخواني ....

أول شيء أحب أشكركم على تفاعلكم مع الموضوع ..... و أشكر أخوي أكورداوي على تثبيت الموضوع ...

و لكن للآن ما اتضحت الفكرة الي أريد أوصلها لكم ......

بالنسبة لردودكم تدخل تحت إطار الموضوع الموجود في قسم سيارات الأعضاء ....

و لكن الي أقصده إنه يكون كلللل إكسسوار لحاله .... و نناقش فيه ...

يعني مثلاً عضو يقول لنا ركبت شمعات رياضية على السيفيك ... و يعطينا صورة لسيارته مع الشمعة + كم كلفته الشغلة + هل يحس إنها تستاهل سعرها و تستاهل الواحد يسويها ؟؟؟

أتمنى وضحت الفكرة .......


و مثال عندكم ردي الخاص بالجناح ......

و أتمنى منكم يا شباب تحاولوا تطوروا الموضوع أكثر و تركزوا على كلامي حتى لا يقلب الموضوع و يصير مثل المواضيع السابقة ..........

[BLK]

هذا رد توضيحي آخر أعزائي ...

نوع السيارة : أكورد

موديلها : 2005

الإكسسوار : عبارة ( توصيلة ) نيكل للشكمان ...

هذا الإكسسوار مو لسيارة معينة ... و لكن مثل ما تعرفون إن الأكورد 03 - 05 ... العادم يجي على تحت و ما يبين ...

إذا كنت تبي سيارتك تكون رياضية أكثر ....

http://www.hondaarabia.com/data/gallery/100/81.jpg



مثل ما تلاحظون إنه مثبت ببلوط و ليس تلحيم أو تخريم ..... و هذي ميزته ....

سعر الشراء : 25 ريال ....... و تقدر تحصله في أي مكان :) ....




أتمنى يا شباب وضحت الفكرة .... و أتمنى تكوون مشاركاتكم كلها بنفس النمط ....

شاكر لكم مروركم :)

[accord-se]

أهنيك BLK على هذا الموضوع التحفه

وسيارتي اكورد 2002

طبعاًَ الزينون تكلمنا عنه فيما سبق

نجي للغوازي . او الكشافات او Fog Light .. الصوره بالتوقيع توضح بعد التركيب

مكان الشراء : الشراع بشارع تويوتا
السعر : 170
سعر التركيب : 100
النتيجه : ميا ميا وصار شكل الموتر متوحش :)

ملاحظة : للمزين من الصور راجع تجمع الشرقيه الثاني (http://www.hondaarabia.com/club/showthread.php?t=1144)

[H 4 EVER]

أكورداوي
يا حلو هذا من ذوقك والله

الشبك الخاص بالصدام اخذته من الغرابي ب 180 ريال بالضبط وركبتة في الصناعية عن محل فييبر غلاس
وزيق الكبوت من العليان ب 119 ريال وانا ركبنة

تحياتي

[أكورداوي]

يعطيك 10000000000000 عافيه يالغالي على الخدمه الحلوه مثلك ..:cool:

[black.H.V6]

أكورداوي
يا حلو هذا من ذوقك والله

الشبك الخاص بالصدام اخذته من الغرابي ب 180 ريال بالضبط وركبتة في الصناعية عن محل فييبر غلاس
وزيق الكبوت من العليان ب 119 ريال وانا ركبنة

تحياتي





صادوه.................. Next:p

ن ك د معلييييييييييييش بس قلت أريحك شويه:d

[حياتي كلها اكورد]

موضوعك حلو اخوي

[H 4 EVER]

black.H.V6

اقول يا استاذ الاملاء

ان كان بيتك من قزاز لا ترمي الناس بالطوب :p

انتبة;)

[الهادف]

متأخرين كالعادة .. :d بس يالله ننشط الموضوع شوي
السيارة : أكورد
الموديل :2004

نوع الإكسسوار : جنوط هوندا مقاس 16 + كفرات تويو

شريتهم من شارع تويوتا بالدمام من محل إسمه سلمان لخالدي قبل تقريباً سنة شهور .. طبعاً محفور عليهم Made In Japan والله العالم :d

التكلفة : 300 ريال للجنط الواحد و 330 للكفر الواحد .. لاحظوا ان الكفر اغلى من الجنط :d طبعاً تكلفة الجنوط 1200 ريال والكفرات 1320 وحسبهم 1300 .. يعني يطلع المجموع 2500 ريال .. طبعاً عطيته الطيس والكفرات الا كانوا عندي وحسبهم كلهم بـ 400 ريال .. يعني دفعت 2100 ..

[م م و السعوديه 5 5 7]

الصور تمام والموضوع احلى شكرا اخوي
اكرداوي:cool:

[الهادف]

يالله نضيف اكسسوار ثانية

السيارة : أكورد
الموديل : 2004
نوع الأكسسوار : أنوار زينون

شريتهم من محل اسمه البريكي في شارع التويوتا يصير جنب العمودي للمفاتيح
طبعاً المورد لها النوع من الانوار اهو مجموعة السلام ..
سعر الشراء : 900 مع التركيب .. تلقونهم في مجموعة السلام بـ 850

شوفوا الموضوع لتفاصيل زيادة
http://www.hondaarabia.com/club/showthread.php?t=1821

[عاشق هوندا اكورد]

سيارتي اكووورد 2006
المواصفات ...

تلبيسه من الداخل جلد محفور عليه هوندا اكورد ( تهببببببل ) 350
انوار زنون واطي نوع هيلا لونها ازرق او بنفسجي والله مافي معلووم 650
كشافات تجاريه ((( الله ينتقم من محل الشراع ) قص الصدام وراح عليي 350
جنوط مقاس 15 800 ريال
حساسات خلفيه 200 ريال

بسس
انشالله بكره الصووور

[MRV 2005]

ماشاء الله كلكم اكوردات لكن انا موتري ( mrv )

- الموديل : 2005
- رنكات ( م ار في )
- خشب تيك
- ( DVD ) مع شاشتين في الامام والخلف
- كشافات زنون

ويعطيكم العافية

[felimbanfo]

السيارة: هوندا أكورد
الموديل: 2004
اللون: أسود
المواصفات الأصلية: فتحة + قير أوتوماتك
التعديلات:

كبوت رياضي بفتحة = 1000 ريال + 300 ريال صبغ وتركيب
رفارف جانبية أمامية بفتحة خياشيم = 400 ريال + 200 ريال صبغ وتركيب
لحية أمامية = 400 ريال + 200 ريال صبغ وتركيب
جناح خلفي = 120 ريال + 100 ريال صبغ و تركيب
تخشيبة معدني وأسود = 180 ريال ( مافضيت أركبهم كلهم)
جنوط تجارية موديل 2006 مقاس 16= 1000 ريال
شمعات رياضية قاعدة سوداء مع كشافات إنفينيتي = 400 ريالالصور: لايوجدي لدي جوال بكاميرا أم حتى كاميرا ديجيتال (فلوسي راحت في التعديل)
مكان التواجد: الجبيل الصناعية
البريد الإلكتروني: felimbanfo@kemya.sabic.com

[ابوفهد.]

انا من ناحيتي ما احب الفق في سيارتي احبها شد بلاد الا شئ واحد الى هو الزنون فقط

[بحريني كشخة]

مرحباااا شباب عجبني موضوعكم وحبيت اشارك معاكم وهذي اول مشاركاتي في المنتدى
عندي اكوورد 2005
كحلي اللون
طبعا كل واحد تكلم عن تجربته في سياره
انه غيرت في سياره اشياء وايد بس من ضمن هذي لاشياء الشمعات غيرتهم وركبت عدسات كربون طبعاا الكل يدري انهم حلوين بس المشكله فيهم انه الانارة العاليه فيهم او الفل ديم رايح على فووق وايد مدري ليش حطينه فووق على قولت صاحبي محطوط حق الطيوور والعصافير المهم المشكله ثانيه فيهم انه نوعية البلاستك تبعهم بسرعه يروح لونهم مدري شلون وكيف التصرف معه او بسرعه يصير لهم خدوش
احب اشوف تعليقاتكم على الموضوع
تحياااتي لكم

[الدرع الذهبي]

براااااااااافو يسلموووو

[بندر501]

السيارة : اكورد 2004

اللون : ذهبي

النوع : سياحي اوتو

الاضافات :

1- تخشيب داخلي 150 ريال .

2- زينون 900 ريال .

3- لوحات مستطيلة .

4- شاشة 700 ريال ومشغل دي في دي 200 ريال .

5_ كاركت بلوتوث نوع باروت فرنسي 650 ريال .

وشكرا لصاحب الموضوع :)

[اكورد accord]

ورونا صور عاد لا تصيرون بخيلين

[الساهر66]

السلام عليكم ورحمه الله

السياره اكورد 2006 سبشل

1\ تخشيبه كامل السياره من الداخل .2500
2\ زينون هيلا واطي شمعات لكزس.900
3\ زينزن فيلبس سمعات نيلي عالي .750
4\ كشافات ضباب 340

[الطبل]

اخيرا --شباب سامحوني على انقطاعي عنكم لفترة طوييله:o
بسم الله:d:d
اكورد 2006 4سلندر فل كامل
اللون لؤلوي:cool:

1- جناح من الوكاله ب 1100 ريال
2-كشافات من الوكاله ب 1240
3-مبدل اسطوانات مع مشغل MP3 كينود ب 740
كنت مركب جنوط 18من غرابي نيكل بس بعتها لانها ليست مثل جنوط الوكاله
على خط السفر تس في صوت والسيارة ثقيله:p
4-زينون فليبس من العليان (ابيض ثلجي)
ب 2325 ريال للواحد- 2 (عالي ووااطي)
تظليل من Zibart ب 1800:(

[ساهر الليل]

أما أنا
أكورد 2005 فل أبشن
1-كبوت مقسوم
2-الأبواب الأمامية على فوق
3-أبواب خلفية عكسية
4-شنطة على اليسار
5-شكمان عبارتين
6-زينون كشافات و أنوار
7-تخشيب
8-تنزيل كامل
9-تلفزيون قدام و خلفي
10-أنوار شرائح
11-جنوط
12-كفر نحيف
13-4أوفرات
14-أفرين في الشنطة
كلفتني 167,000 ريال لها سنة كاملة

[عـبـادي عـاشـق هـنـادي]

سلاااااااااام

نوع السياره: اكورد
الموديل:2007
المواصفات: فل كامل
الاضافات:
1- لوحات ملكيه.
2- كشافات تجاريه ( كل شوي اغير الشمعات ):):dhttp://www.uparab.com/files/ZRBvvSNI7xFtquAE.jpg

[mohammad.55]

السلام عليكم ،،،


الاخ بندر 501 كيف الحال ،، انا عندي نفس لون سيارتك 2004 بس عندي سؤال لك ؟؟


المريات الي عندك راشهم نفس لون السياره ولا اسود ... ؟؟؟

[mohammad.55]

سلام،،،


بلنسبه لوصلت النيكل بلشكمان يكون نازله لتحت ولا تكون عاديه؟؟؟

[BLK]

^^^^

عادية :)

هو يثبتها لك

[اكورد البرنـــــس]

هوندا اكورد 2007 اسود

بدون فتحه


عازل بـ 1200 ريال ضمان عشر سنوات




جنوط البلد مقاس 16


كفرات هنكونك مقاس 205 60 16 بـ 900



كاركت للجوال مع قاعدةلكزس تجي جنب القير بنفس لون الطبلون بــــ 750




ودي دلوني على محل بجده يضبط الفرميكا ويضبط التنجيد زي الوكاله جلد




وسلامتكم وتراني جديد بالنادي ابغى ترحيب

[ACCORD 747]

والله انا ما سويت شي بسيااارتي إلا فقط شريت لهاااااا ستااااير من الكوووويت لونهااا أسووود لكـن ماهي مثل اللي عندنا بالسعوودية اللي شريتهاا من الكويت أحلى .. تدرون ليش:confused:؟

لأنهــا تشبـه تقريبـا ستااير اللكزس والفياقراااا بالتصميم ... تركبها في أي وقت وتشيلهااا في أي وقت .. لكـن بصرااحة ما عندي صورة حاليا أنزلهااااا لكـن بحااول الأياااام الجاااية أنزلهاااا عشااان الكل يشوووفهااا ..
تحيــاتـــــي للجميــع ...

[بندر501]

السلام عليكم ،،،


الاخ بندر 501 كيف الحال ،، انا عندي نفس لون سيارتك 2004 بس عندي سؤال لك ؟؟


المريات الي عندك راشهم نفس لون السياره ولا اسود ... ؟؟؟



مارشيت المرايات بس تجي نص ذهبي ونص اسود .