تركيب ازرار التحكم بالصوت من الدركسون ( شرح مصور )

[accord 06]

السلام عليكم و رحمة الله و بركاته

هذا الموضوع اللي وعدتكم بتفاصيل تركيب ازرار التحكم بالمسجل من الدركسون

القطع المطلوبة


1- ازرار التحكم :
تجي ازرار مثبت السرعه و ازرار الصوت مدمجه بفيش واحد
تطلبها من الوكاله برقم القطعه
35880-SDB-A01ZA
السعر : 380 ريال .
http://www.geocities.com/accoooord/faud/1.JPG



2- فيش مسجل اكورد مع اسلاكه :
تحتاج الفيش عشان تأخذ منه اسلاك مع دبابيسها ( pins )
تستخدمها لشبك الاسلاك الممدوده بفيش مسجل سيارتك
الفيش موجود بمنتصف الطبلون بمكان المسجل و هو الوحيد بهذا المكان اللي لونه ازرق سماوي
و عشان تتأكد زياده عدد فتحاته 20 فتحه .
السعر : متفاوت لكن انا اخذته من التشليح بـ 50 ريال .
http://www.geocities.com/accoooord/faud/2.jpg



3- اسلاك عاديه :
تستخدمها لتطويل الاسلاك اللي بتمدها .
و تحتاج سلكين فقط طول الواحد على الاقل 40 سم .
تقدر تاخذها من التشليح او من اي محل تصليح الكترونيات .



التركيب


التركيب جزئين :
تركيب الازرار .
و تمديد الاسلاك .

1- تركيب الازرار :
ما انصح اي واحد انه يركبها بنفسه لانها تحتاج لفك الايرباق و هذي يحتاج لها خبير .
بالنسبه للاعضاء بالرياض انا بحثت و سألت و لقيت انه الافضل هو تركيبها
عند محلات التخشيب في الغرابي زي المتميز و الابداع ....
اول شي لان سعر التركيب عندهم مناسب و الشي الثاني ان عندهم خبره بهالشي
من كثر ما يفكون الدركسونات للتخشيب .
انا ركبتها عند المتميز و بسعر 50 ريال بس .
اما الورش ارخص سعر حصلته للتركيب 200 ريال و فوق كذا انهم ما قد فكوا ايرباق اكورد . :confused:


2 - تمديد الاسلاك :
اول شي انت تحتاج سلكين من الدركسون للمسجل .
كل سلك يحتوي على :
أ - سلك مع دبوسه مستخرج من فيش ازرار مثبت السرعه القديمه .
و هذا السلك ينشبك بفيش الدركسون الخلفي ( تحت غطاء عمود الدركسون )
http://www.geocities.com/accoooord/faud/4.JPG

ب- سلك التطويل اللي تكلمنا عنه قبل شوي .
هذا السلك يربط بين السلكين أ و ج .. و طوله على الاقل 40 سم .

ج- سلك مع دبوسه مستخرج من فيش المسجل المأخوذ من التشليح .
و هذا السلك ينشبك في بفيش المسجل .
ملاحظه :
فيش المسجل يحتوي على نوعين من الدبابيس :
1- دبابيس كبيره :في الفتحات اللي على الاطراف و عددها 8 .
في الفتحات 1 و 2 و 9 و 10 و 11 و 12 و 19 و 20 .
2- دبابيس صغيره :في الفتحات الوسطى و عددها 12 .
في الفتحات 3 الى 8 و 13 الى 18 .
http://www.geocities.com/accoooord/faud/3.JPG
(الاحمر = دبوس كبير ، الازرق = دبوس صغير )

انت تحتاج سلكين منه .. واحد بدبوس صغير ( لشبكه بالفتحه 3 ).
و الثاني بدبوس كبير ( لشبكه بالفتحه 11 ).
http://www.geocities.com/accoooord/faud/5.JPG


تجهيز الاسلاك :
اول شي خذ سلك مع دبوسه من اسلاك مثبت السرعه القديم
اشبكه بسلك من اسلاك التطويل
و اشبك الطرف الثاني لسلك التطويل بسلك من فيش المسجل دبوسه صغير .
لحم اماكن التقاء الاسلاك و اذا ما عندك لحام ما يحتاج .
السلك الثاني نفس الشي لكن الاختلاف بالاخير ان الدبوس يكون كبير .
اخيرا كل سلك لازم يكون طوله 50 - 60 سم على الاقل.

تركيب الاسلاك :
انت بتمد الاسلاك من فيش الدركسون الخلفي الى فيش المسجل .
من الفتحه 11 بفيش الدركسون الى الفتحه 11 بفيش المسجل ( دبوس كبير )
من الفتحه 12 بفيش الدركسون الى الفتحه 3 بفيش المسجل ( دبوس صغير )

فيش الدركسون فيش المسجل
11 --------------> 11 ( دبوس كبير )
12 --------------> 3 ( دبوس صغير )

هذا فيش الدركسون
http://www.geocities.com/accoooord/faud/6.JPG

و هذا فيش المسجل
http://www.geocities.com/accoooord/faud/7.jpg


قبل ما تبدا بالتركيب يا ليت تجيب ورقه و قلم و تسجل اطراف كل
سلك عشان ما تتلخبط وقت التركيب و تجيب العيد

مثال :
السلك الاول طرف فيش المسجل فيه دبوس كبير و الطرف الثاني لون السلك اصفر .
و السلك الثاني طرف فيش المسجل فيه دبوس صغير و الطرف الثاني لون السلك احمر .
بعدين بعد ما تسجل شكل الاسلاك سجل الفتحات اللي بتركب الاسلاك فيها :

السلك الاول طرف فيش المسجل فيه دبوس كبير و الطرف الثاني لون السلك اصفر .
11 11

و السلك الثاني طرف فيش المسجل فيه دبوس صغير و الطرف الثاني لون السلك احمر .
3 12

و اللي ما فهم طريقة تحديد الفتحات هذا الشرح :
السلك الاول طرفه فيه دبوس كبير >>>> لازم يركب في الفتحه 11 في فيش المسجل
و طرفه الثاني >>>> يركب في الفتحه 11 في فيش الدركسون الخلفي .
السلك الثاني طرفه فيه دبوس صغير >>>> لازم يركب في الفتحه 3 في فيش المسجل
و طرفه الثاني >>>> يركب في الفتحه 12 في فيش الدرسون الخلفي .
http://www.geocities.com/accoooord/faud/8.JPG


التركيب :
1- افصل السلك السالب للبطاريه .
2- فك الغطاء العلوي لعمود الدركسون بالضغط على اطرافه و سحبه لاعلى .
3- فك المسجل . راجع شرح الاخ NEO FOX لفك المسجل (http://www.hondaarabia.com/club/showthread.php?t=774) و افصل الافياش اللي بالخلف.
ثم افصل فيش الدركسون الخلفي بالضغط عليه من اعلى و سحبه .
لاحظ انه فيه على الفيش اغطية امان لتثبيت الاسلاك مع الجهتين .
فك الغطاء في الجهه اللي بتركب فيها الاسلاك فقط .
ركب الدبابيس في اماكنها .. و تأكد من الاماكن و الوان الاسلاك من الورقه اللي سجلتها .
http://www.geocities.com/accoooord/faud/9.jpg
http://www.geocities.com/accoooord/faud/10.JPG

الحين باقي الاطراف الثانيه عند فيش المسجل
فك غطاء الامان من الجهتين ( لان الفتحه 3 و الفتحه 11 كل وحده بجهه ) .
ركب الدبوس الكبير في الفتحه 11 .
و الدبوس الصغير في الفتحه 3 .

و الحمد لله انتهيت من الشغل

الحين اشبك افياش المسجل و المكيف و ركب سلك البطاريه
ثم شغل السياره و تأكد من ان الازرار شغاله
ثم ركب كل شي بمكانه و الف مبروك عليك تركيب الازرار .

اذا ما اشتغلت الازرار فعندك خطأ بالتركيب ارجع و تأكد من كل شي .

و اخيرا هذا جهد شخصي و انا لست مسؤول عن اي ضرر لسيارتك بسبب الخطأ في التركيب .

و عذرا على الاطاله و التفاصيل الزايده .

جميع الحقوق محفوظه و يمنع نقل الموضوع

[M.A.M]

يعطيك العافية اخوي accord 06 وماشاء الله عليك
ان شاء الله يستفيدون منها الشباب
وارجوك اذا تقدر تساعدني في موضوع مقياس درجة الحرارة الخارجية لاتنساني تكفى ولايهونون باقي الشباب
انا عندي اقتراح اخوي انك اذا كان عندك وقت تركبها لاعضاء المنتدى وتاخذ اتعابك وتستفيد لانك صراحة ماقصرت بذلت جهد كثير وخاطرت لذلك تستاهل تعب شغلك وهذا من حقك
تحياتي وتقديري لك اخوي accord 06
تحياتي وتقديري للجميع

[دحوم]

يعطيك الف عافية accord 06 على الجهد المبذول وإن شاء الله يستفيدون الشباب .

[حياتي كلها اكورد]

يعطيك العافيه

[أبو المهند]

ماشاء الله تبارك الله
الله يعطيك العافية

بعد إذنك سنفتح قسم للمقالات والمواضيع المتميزة، أسمح لي بنقلها إلى هناك بإسمك.

[اتــشـــــ]

ACCORD 06
NEO FOX


يعطيكم آلللللللللف عافية :cool:
والحمد لله ان تعبكم ماراح على الفاضي :)


ما انصح اي واحد انه يركبها بنفسه لانها تحتاج لفك الايرباق و هذي يحتاج لها خبير .
كلام سليم وصح لسانك :cool:
اللي مايعرف للايرباق ياشباب لايتعبث فية ;)

عشان مايجيب العيد قبل حلة :d


اخوي HONDA ياليت تثبت الموضوع بلحام ياباني :eek: :d

[HONDA 888]

ACCORD 06

الله يعطيك العافيه صدق انك فخر لهذا المنتدى


على فكره انت ركبته في سيارتك اذا كانت الاجابه بنعم فضل اضغط الرقم واحد خخخخخ امزح

لا صدق اذا ركبته عطني خبر ابي اركبه في موتري

تحياتي واشواقي

[beckhaam]

يسلم يد من كتب الموضووووع

[Blue Love]

على فكرة فك الايرباق سهل ..

فقط افصل البطارية وانتظر 5 دقائق (اجراء أمني) حتى تتفرغ كل الشحنات بعدين تقدر تفصل وتفك علبة الايرباق ...

ولك التحية على الشرح الموجز :)

[JUVENTUS]

:rolleyes::o:rolleyes: أنت إنسان مخترع خرافي مشكور قليل في حقك:rolleyes::o:rolleyes:
أنا أقترح تكون هناك جائزة من المنتدى للمخترع،مبرووووك الآن نقدر نحول سياراتنا 6 سلندر غصب عن هاشم و بسهوووووولة......
معليش أخوي دحوم بس يمكن تكون خيرة بيعت سيارتك....

[NEO FOX]

السلام عليكم

انحنائة احترام و تقدير لك و لأبداعاتك يا accord 06 ، كنت عارف ان ما يجيبها الا راعيها :) ، جزاك الله الف خير على مجهوداتك وعلى موضوعك ... و بالتوفيق أخي و الى الامام

أعتذر لتأخري بالرد الا ان عدم توفر النت سبب ذلك ...

اعجبني بالموضوع التفصيل و المستوى العالي بالشرح و المزين بالصور على طول الموضوع ...

أخوك

Neo Fox

[دحوم]

:rolleyes::o:rolleyes: أنت إنسان مخترع خرافي مشكور قليل في حقك:rolleyes::o:rolleyes:
أنا أقترح تكون هناك جائزة من المنتدى للمخترع،مبرووووك الآن نقدر نحول سياراتنا 6 سلندر غصب عن هاشم و بسهوووووولة......
معليش أخوي دحوم بس يمكن تكون خيرة بيعت سيارتك....


بالنسبة لي اخوي JUVENTUS اقول الحمد لله على كل حال ولايكون في بالك اوبال الجميع اني بعتها عشان التحكم بالمسجل عن طريق الدركسون او باختصار اني ابي 6 سلندر:) لا لكن السيارة في الطريق وادعوا لي بالتوفيق اهم شيء ان الشباب يستفيدون وماتوقعت النتائج تكون كذا ماشاء الله عندنا عباقرة . :d

والله يوفق الجميع وإن شاء الله تركبونها وتنبسطون بها بالعافية عليكم وانا مبسوط مادامكم مبسوطين . ;)

[lord033]

ماشاء الله عليك وعلى افكارك الذهبية يا بطــــــل ,,

إكتشاف راااائع يحتاج الى محل متخصص لتنفيذه على أرض الواقع لكي يستفيد منه الجميع بلا إستثناء ,,

تحياتي لكـ وبالتوفيق !

[accord 06]

M.A.M
دحوم
حياتي كلها اكورد
Honda
اتش
HONDA 888
beckhaam
Blue Love
JUVENTUS
NEO FOX
lord033

الله يعطيكم الف عافيه على الردود

الله يستر بعد هالتشجيع شكلي بتحمس و بنزل موضوع
كيف تقلب مكينة سيارتك 6 سلندر :d

[accord 06]

M.A.M

لا و الله ما نسيت موضوع مقياس الحراره .. بس الموضوع فيه مشكله بسيطه
انه النقص هذا موجود عندنا في دول الخليج بس
عشان كذا ما تلقى احد مهتم فيه بالمنتديات الاجنبيه
بينما التحكم بالصوت فيه بعض الانواع عندهم ما فيها الازرار
فلقيت ناس مهتمه بالموضوع و حاطين توزيع الاسلاك بفيش الدركسون و المسجل
و هذا الشي ساعد كثير
انا بحثت و سألت لكن للاسف ما لقيت شي يفيد
عموما اللي نحتاجه هو شرح مفصل لجميع اجزاء المقياس
عشان نحدد الجزء الناقص بالضبط .. غير كذا ما اتوقع بتنحل المشكله


دحوم

لبى قلبك و الله http://www.eqla3.com/vb/images/icons/004.gif


Honda

خذ راحتك اخوي Honda
الموضوع موضوعك


اتش

لو عندي لحام ياباني كانت ثبت كل مواضيعك :cool:



HONDA 888

حنا وش قاعدين نقول من الصبح ؟ :d
ايه شغال زي العسل ما شاء الله
حتى ازين من الشد بلد بالسته سلندر << ايه هين :p



Blue Love

حتى اعادة تركيبه يبي لها وزن
و لا ما راح يركب صح حتى لو ثبت بمكانه :)


NEO FOX

انا و الله اللي انحني احتراما لردك :cool:
و انا مهما سويت بضل احد تلامذتك اخوي انور

[M.A.M]

مشكور اخوي accord 06 على اهتمامك بموضوع مقياس الحرارة ويكفيني اهتمامك بالموضوع ويعطيك الف عافية وان شاء الله نلقى حل للمقياس :)

[ابوفهد.]

يعطيك الف عافية accord 06 على الجهد

[الاخطبوط]

والله اعلق واصفق >>>> يوسف سيف على غفله :)

والله يعطيك الف الف الف عافيه

مجهود جبار من عضو قدير واثبت انه الوكالة ماعندهم سالفه >>> صدق انك مهجد عرابجة امريكا :d

والحمد لله انه اكرمنا بامثالك بالمنتدى :cool: :cool: المشكلة التعبير خلص عندي ولا اقدر اوفيك :o


الشرح واضح وحلو لكن المشكله انه الواحد ممكن يجيب العيد اثناء التركيب ومحتاجين احد يركبها >>>>> يعني وش المقصود ;)

اقتراح (ليه ماتفتحلك سوق لتركيب القطعه ثلاث ارباع الاعضاء بيجونك غير اللي من برا) :cool:

سؤال (عند المتميز ركبوا الازرار فقط , طيب الاسلاك ركبتها بنفسك والدركسون مفكوك ولا كيف) :confused:

[accord 06]

M.A.M

ان شاء الله بنلقى الحل



ابوفهد.

الله يعافيك اخوي ابو فهد



الاخطبوط

الله يعافيك حبيبي الاخطبوط

و لا يهومنك ذا الوكاله << مشكله اللي صدق نفسه :p

بالنسبه للتركيب ما قررت الى الحين وش بسوي ... لكن ان شاء الله ما راح نتركم
انا و الاخ NEO FOX

بالنسبه للمتميز انا ركبت عندهم الازرار بس اما الاسلاك انا اللي ركبتها

المتميز يفكون الايرباق و يركبون الازرار بعدين يركبون الايرباق بس

و تمديد الاسلاك يكون من فيش الدركسون الخلفي اللي يجي تحت
غطاء عمود الدركسون

http://www.geocities.com/accoooord/audiocon/20060917.jpg

اسحب الدركسون لاخر حد ممكن بعدين اضغط على اطراف الغطاء
و اسحبه لفوق و بينفك معك

[alhazmi]

تركب على السياحي

[accord 06]

8
8

لا و الله للاسف اخوي ما تركب الا على الفل :(

[HONDA 888]

8

8


لا و الله للاسف اخوي ما تركب الا على الفل :(




وش السبب الي يمنعها ما تركب على السياحي:mad:


الي قير تماتيك وفتحه ما تركب عليه:rolleyes: ؟

[accord 06]

8
8

السبب انها ما تركب الا على مسجل 6 سيديات :(

[أكورداوي]

عيني عليك بارده ...

من ابداع الى ابداع ...

ماشاء الله تبارك الله ..

من حقك تصير مشغول جدا .. لأنك انسان تقضي وقتك بين الأسلاك والأفياش:d .. تبحث هنا وهناك .. تبي تجيب اي خبر يفرحنا وكل يوم طالع لنا بحركه جديده .. الله يطول عمرك ان شاء الله يالغالي ..

[accord 06]

8
8

اخوي أكورداوي

و الله دايم تحرجني ردودك :o

ما القى رد يوفيها

يعطيك الف عافيه على المرور و الرد

[H @ Z ! M]

ماشاء الله تبارك الله

والله إنك ملك ياشيخ :cool:

اسعدتنا الله يسعد أيامك صراحة شرح جدا مميز وجهد قليل الشكر فيه

لكن ما أقول الا الله يجزاك بالخير ويعطيك العافية

وشرحك ما بقى شيء لكني خايف من فكة الإيرباق و غير كذا ما ادري القى أكوردات في التشاليح الي عندنا هنا ولا لأ

والا اقولك ايش رأيك اخوي accord 06 اعيّد عندكم في الرياض ومرة وحدة تركب لي هيا :rolleyes:

[accord 06]

هلا فيك اخوي حازم

بالنسبه لفك الايرباق و تركيب الازرار رح لمحلات التخسب و لا تخاف
ما شاء الله عليهم خبره من كثر ما يخشبون دركسونات
و الاكورد ماليه التشاليح :( .. الله لا يكثرها عندهم

لكن فيه خبر غير سار لك ان الازرار غير متوفره حاليا عند الوكاله
كان فيه حبه وحده و اخذها احد اعضاء المنتدى :d

[BLK]

آآآآآآآآآآآه عيني عليك باردة ياالغالي :D

والله إنك عبقري ... و الشباب ما قصروا فيك في المدح <<<< مع إنك تستاهل أكثر :cool:

و النعم فيك عزيزي أكورد ...

بس شكلي باجيك الرياض نركبها سوى في أكوردي <<< مسوي يمون :d


باقي مقياس درجة الحرارة الخارجية و تصير السيارة بمعنى الكلمة ممتازة !!!


و موفق عزيزي ...

[accord 06]

هلا فيك اخوي BLK

انا بالخدمه

و اذا انت ما تمون اجل من يمون :cool:

و ان شاء الله نلقى حل لمقياس الحراره

[الاخطبوط]

يعطيك الف الف عافيه accord 06 على التواصل

الحمد لله القطعه ركبتها امس عند المميز وتمام التمام الله يسعدك ياشيخ :d ماشي على توجيهاتك

الانوار حقت الازرار شغاله تمام ومثبت السرعه اوكي بس باقي الحين تشبيك الاسلاك للتحكم بالصوت على يدك ان شاء الله :d

وفك الايرباق طلع مافيه اسهل منه ولا فكوا لا ااسلاك البطاريه ولاهم يحزنون وانا كل شوي اقول للهندي انتبه لايطلع الايرباق يضحك بوجهي ويقول هذي شغلتي اصلا :d >>> وكان قبل شوي فاك دركسون لكزس وانا جايه بالاكورد :d

والله شكرا قليله بحقك accord 06

[accord 06]

الف مبروك اخوي الاخطبوط :cool:

زين الهندي ضحك بوجهك انا بغى ياكلني لاني قعدت اتفلسف عليه :d

يالله ان شاء الله قريبا تركب الاسلاك و تستمتع بالازرار ;)

[accord 06]

اضافه بسيطه للاخوان اللي معهم سياحي

قلنا الازرار ما تشتغل الا على مسجل 6 سيديات

و هذي لها حل لكنه مكلف شوي

انت تحتاج مسجل 6 سيديات و مكيف يدوي .... زي كذا

http://i11.ebayimg.com/02/i/06/7e/41/2d_1.JPG

في امريكا الفئات اللي تجي كذا هي LX-V6 و EX-I4

و تقدر تشريه مستعمل من موقع http://www.ebay.com (http://www.ebay.com/)

طبعا لازم تتأكد انه مفكوك من اكورد سيدان << حق الكوبيه ما يشتغل

بعد ما تطلبه و تركبه تقدر تركب الازرار بدون مشاكل

[ن ك د السـعــــوديه 3 5 7]

accord 06

يعطيك العافيه حبيبي والله ماقصرت

بصراحه اثبت انك مهندس ماشاء الله عليك

واعذرني على الرد المتأخر والله اني مشغوووووووووووول وماادخل المنتدى الا قليل وتوني اشوف موضوعك والله انك مهندس وماشاء الله عليك عيني عليك بارده والله يحفظك من الشر حبيبي

طيب متى اجيك تركبها لي <<<<<<<< قام يتملحس ;) :p

[accord 06]

accord 06

يعطيك العافيه حبيبي والله ماقصرت

بصراحه اثبت انك مهندس ماشاء الله عليك

واعذرني على الرد المتأخر والله اني مشغوووووووووووول وماادخل المنتدى الا قليل وتوني اشوف موضوعك والله انك مهندس وماشاء الله عليك عيني عليك بارده والله يحفظك من الشر حبيبي

طيب متى اجيك تركبها لي <<<<<<<< قام يتملحس ;) :p

الله يعافيك اخوي نكد

الصراحه انا كنت منتظر ردك لانك كنت متابع للموضوع القديم

و التركيب علي بس خلها تطلع بالسلامه ان شاء الله http://www.eqla3.com/vb/images/icons/004.gif

[ن ك د السـعــــوديه 3 5 7]

والله ماأدري وش اقول احرجتني والله بطيبك حبيبي http://www.eqla3.com/vb/images/icons/004.gifب س للمره الثانيه اقول لك انا اسف على التأخير

بس من دخلت السياره الوكاله بعد الحادث وانا طفشااااااان مالي خلق ارد على مواضيع ولاغيره بس موضوعك توني انتبه له وخلها على ربك اهم شي تطلع قبل العيد ونفلها ان شاء الله
http://www.eqla3.com/vb/images/icons/004.gif
http://www.eqla3.com/vb/images/icons/004.gif
http://www.eqla3.com/vb/images/icons/004.gif
http://www.eqla3.com/vb/images/icons/004.gif
http://www.eqla3.com/vb/images/icons/004.gif
http://www.eqla3.com/vb/images/icons/004.gif

[الاخطبوط]

ابشركم تم تركيب الأزرار والأسلاك والان شغاله تمام تمام ولا أحلى من السته سلندر :cool:

الشكر كل الشكر للعضو الدكتور accord 06 ;)

الصراحه تعب معاي وعطل اشغاله وقام بفك المسجل وتمديد الأسلاك ومن ثم اعادة كل شي كما كان ولا رضى ياخذ ريال واحد >>>>> والنعم فيك والله accord 06 مهجد عرابجة امريكا :cool:

صح ان فيه راعي محل يماني ازعجنا وخروا عن محلي لكن الحمد لله عدت على خير :d

والله ماادري كيف اوفيك حقك اخوي accord 06 أحرجتني والله :o

ودعواتي لك في هذه العشر الأواخر بالتوفيق

[accord 06]

نكد

معذور و الله
الله يبعد عن الجميع شر الحوادث
و ان شاء الله تخلص سيارتك قبل العيد :cool:



الاخطبوط

تكسر الازرار بالعافيه ان شاء الله
بس اعجبتني ( عطل اشغاله ) حسيت اني انسان مهم :d
الحمد لله مأجزين ما ورانا لا دراسه و لا شي :p
و دعواتك تكفي

[ن ك د السـعــــوديه 3 5 7]

للأسف السياره مابتخلص قبل العيد :(

[beckhaam]

مبروووووووك الاخطبوووط وعقبالي ان شاء الله ...:cool:

[accord 06]

للأسف السياره مابتخلص قبل العيد :(

وسع صدرك

لا تهمك المده اهم شي يكون الشغل نظيف :cool:

[H 4 EVER]

اخوي Accord 06

الله يعطيك العافية على الموضوع
للمعلومية

و تقدر تشريه مستعمل من موقع http://www.ebay.com (http://www.ebay.com/)

للاسف ما يوصلون الا لامريكا وكندا فقط .

لاني كنت ناوي اشتري من عندهم مسجل بشاشة نافيجيشن ولقيتة ب 300 دولار لكن لامريكا وكندا فقط .

تحياتي

[دحوم]

ماشاء الله الشباب فالينها بتركيب ازرار التحكم إلا انا :(

اهم شيء الشباب مبسوطين بموضوعك يا accord 06 ماشاء الله عليك وإن شاء الله ننتظر منك تركيب مقياس درجة الحرارة وبكذا تصبح الاكورد فل كامل ماعدا المكينة الفارقة عن 6 سلندر وعلى فكرة فيه موضوع ايضا لتركيب الشكمان الخلفي للأكورد 6 سلندر يعني خلاص الفرق فقط المكينة .:d

تحياتي لك اخوي ACCORD 06 وماقصرت وجهد بصراحة تشكر عليه الله يعطيك الف عافية .:rolleyes: :rolleyes:

[accord 06]

H 4 EVER

هذي حلها سهل
فيه شركه اسمها ارامكس يحجزون لك صندوق بريد بامريكا
مدى الحياه بـ 130 ريال بس
و اذا شريت اي شي تحط عنوان البريد بامريكا
و ارامكس يشحنونه من بريدك بامريكا الى السعوديه
اول نص كيلو بـ 15 $ و كل نص كيلو اضافي بـ 5 $
و هذا رقمهم اذا تبي تحجز صندوق بريد
012759000


دحوم

يعطيك الف عافيه على متابعتك للموضوع
و لا تبطي علينا بموضوع سيارتك الجديده :cool:

[اتــشـــــ]

اخوي Accord 06

الله يعطيك العافية على الموضوع
للمعلومية



للاسف ما يوصلون الا لامريكا وكندا فقط .

لاني كنت ناوي اشتري من عندهم مسجل بشاشة نافيجيشن ولقيتة ب 300 دولار لكن لامريكا وكندا فقط .


تحياتي


اخوي H 4 EVER



من اليوم ورايح لاتشيل هم امريكا ولا كندا .... :eek:
شكلك بتقول الصوم اثر عليك يااتـــــشــــــ :d

























شوف حبيبي فيه شركة بريد مستعجل اسمها ارامكس ARAMEX ( لها فروع حتى في السعودية ) تقدر تسوي اشتراك عندهم مدى الحياة بــ 130 ريال تقريبآ . ( الـ 130ريال قيمة العنوان البريدي الجديد اللي بيعطونك اياه في امريكا )
اذا اشتركت عندهم بيعطونك رقم صندوق بريد في امريكا خاص فيك .... يصير بعد كذا تقدر تشتري من موقع Ebay وتعطيهم رقم صندوق الارامكس حقك في امريكا ( يعني كنك ساكن في امريكا ) ومن امريكا وبشكل آلي بتقوم الارمكس بتحويل البريد لعنوانك المسجل لديهم في السعودية ;)
يعني انت في السعودية ..... وبريدك في امريكا ومن امريكا يتحول بريدك للسعودية :d
ان شاء الله كلامي واضح ومفهوم :confused:
اذا مو مفهوم علمني عشان اشرح لك بطريقة ثانية :)
لاتستحي ارجوك ;)

[ن ك د السـعــــوديه 3 5 7]

والله حلوه اتش

طيب وين موقعهم في الرياض ؟؟؟

[accord 06]

نكد شف رقمهم بردي اللي فوق

[اتــشـــــ]

[quote=accord 06;14866]نكد شف رقمهم بردي اللي فوق
[/quote اخوي accord 06
انا دخلت الموضوع قبل لاترد وكتبت ردي وجهزته :) ..... بس للاسف اني تأخرت في ارسال الرد :d >>>> كنت مشغول بموقع ثاني :o >>> مشغول اكثر من ساعة :mad: :d :p

على كل حال يعطيك آللللللف عافية :cool:

اما الاشتراك في ارامكس كان قبل كم سنة بــ 300 ريال :mad:

بس الحمد لله انهم نقصوا السعر اكثر من النص :)

[اتــشـــــ]

والله حلوه اتش


طيب وين موقعهم في الرياض ؟؟؟
اخوي نكد

فيه لهم فرع في السليمانية .... في نفس الشارع اللي فية ادارة شركة سناس ( DHL ) وكذلك المستشفى العسكري .

وفيه لهم فرع ثاني عند البريد المركزي شارع المطار القديم .... نفس الطريق يطلعك على قيادة وزارة الدفاع والطيران .
واعتقد والله العالم ان فيه فرع ثالث قريب من المطار البري ( مركز النقل الجماعي على الدائري الجنوبي ) .

على كل حال انت اتصل عليهم ...وشوف وين اقرب فرع لبيتكم :)

[accord 06]

لا عادي اخوي اتش خذ راحتك

كنت متوقع هالشي :)



و يا شباب الرقم الاول كان خطأ

و تم تعديله

[ن ك د السـعــــوديه 3 5 7]

على كل حال يعطيكم العافيه ماقصرتوا

[H 4 EVER]

اتش

Acoord 06


الله يعطيكم العافية على المعلومة والله ساعدتوني

تحياتي لكم

[Blue Love]

اضافه بسيطه للاخوان اللي معهم سياحي


قلنا الازرار ما تشتغل الا على مسجل 6 سيديات

و هذي لها حل لكنه مكلف شوي

انت تحتاج مسجل 6 سيديات و مكيف يدوي .... زي كذا

http://i11.ebayimg.com/02/i/06/7e/41/2d_1.JPG

في امريكا الفئات اللي تجي كذا هي LX-V6 و EX-I4

و تقدر تشريه مستعمل من موقع http://www.ebay.com (http://www.ebay.com/)

طبعا لازم تتأكد انه مفكوك من اكورد سيدان << حق الكوبيه ما يشتغل

بعد ما تطلبه و تركبه تقدر تركب الازرار بدون مشاكل


للمعلومية مسجل ال 6 اسطوانات هو من شركة Panasonic

اما مسجل السياحي ابو سيدي واحد فهو من شركة Alpine

[NEO FOX]

السلام عليكم

جيت اليوم انحني احتراما كمان !! لكن لقيت الشباب متمردغين من التشقق قلت خلاص يكفي أخونا ما جاه :d

عندي يا accord 06 كم سؤال ...


اول شي انت تحتاج سلكين من الدركسون للمسجل .
كل سلك يحتوي على :
أ - سلك مع دبوسه مستخرج من فيش ازرار مثبت السرعه القديمه .
و هذا السلك ينشبك بفيش الدركسون الخلفي ( تحت غطاء عمود الدركسون )
ب- سلك التطويل اللي تكلمنا عنه قبل شوي .
هذا السلك يربط بين السلكين أ و ج .. و طوله على الاقل 40 سم
ج- سلك مع دبوسه مستخرج من فيش المسجل المأخوذ من التشليح .
و هذا السلك ينشبك في بفيش المسجل .
ملاحظه :
فيش المسجل يحتوي على نوعين من الدبابيس :
1- دبابيس كبيره :في الفتحات اللي على الاطراف و عددها 8 .
في الفتحات 1 و 2 و 9 و 10 و 11 و 12 و 19 و 20 .
2- دبابيس صغيره :في الفتحات الوسطى و عددها 12 .
في الفتحات 3 الى 8 و 13 الى 18


وعندي كم سؤال حول التوصيلة الي سويتها و الفيش الي اشتريته فبالله صبرك معانا :rolleyes: ..

1-انت اشتريت الفيش من التشليح ابو خمسين ريال ... من أكورد 6 ولا اربع ولا ما تفرق ؟
2- ان أخذت من الفيش ابو خمسين ريال من قفا المسجل ... انا الي عندي ان ما خاب ظني ابيض لكن الي شريته ازرق فما أدري اذا ممكن توضحلي حبتين؟
3- انت اخذت من الفيش ابو خمسين ريال سلكين بكلبساتها واحد بكلبسات كبيرة و الثانية صغيرة ... و ركبتها في الكبير في 11 و الصغير في 3 ؟
4- طيب السلكين هذي انت قلت نركبها او نلحمها على سلك تمديد طوله تقريبا 40 سم، السؤال هو حنلحم من الطرف الثاني لهم سلكين كمان عشان تركب في فيش الدركسون الخلفي ... من وين نجيبهم ؟ لاني ما فهمتك لما قلت :

اول شي خذ سلك مع دبوسه من اسلاك مثبت السرعه القديم
اشبكه بسلك من اسلاك التطويل


بس حبيت استوضح النقاط الي فاتت قبل ما ابدأ بالموضوع :)

تحياتي لك وكل عام وانت بخير

[accord 06]

هلا في اخوي NEO FOX

1-انت اشتريت الفيش من التشليح ابو خمسين ريال ... من أكورد 6 ولا اربع ولا ما تفرق ؟
لا ما تفرق

2- ان أخذت من الفيش ابو خمسين ريال من قفا المسجل ... انا الي عندي ان ما خاب ظني ابيض لكن الي شريته ازرق فما أدري اذا ممكن توضحلي حبتين؟

لا اخوي انور الفيش لونه ازرق
يمكنك تلخبطت مع فيش ثاني
http://www.beaufordbuddy.com/images/ipod_car_install/ipod_install_23.jpg

3- انت اخذت من الفيش ابو خمسين ريال سلكين بكلبساتها واحد بكلبسات كبيرة و الثانية صغيرة ... و ركبتها في الكبير في 11 و الصغير في 3 ؟
بالضبط ... و لو جربت تعكس اماكن التركيب ما راح تركب
لان احجامها تختلف
عشان كذا تركيب الاسلاك بفيش المسجل ما فيه لخبطه
المشكله في فيش الدركسون لان الكلبسات بنفس الحجم
و عشان ما تخلبط سجل الوان الاسلاك مع الفتحات اللي بتركبها فيها قبل ما تبدا التركيب


4- طيب السلكين هذي انت قلت نركبها او نلحمها على سلك تمديد طوله تقريبا 40 سم، السؤال هو حنلحم من الطرف الثاني لهم سلكين كمان عشان تركب في فيش الدركسون الخلفي ... من وين نجيبهم ؟ لاني ما فهمتك لما قلت :


من الازرار القديمه لمثبت السرعه
لان الازرار الجديده تجي كامله صوت و مثبت سرعه

اتمنى اني افدتك اخوي NEO FOX
و انا بالخدمه اذا عندك اي استفسار ثاني بالمنتدى او بالجوال
و معليش على الرد المختصر لاني كاتبه و انا مستعجل

[ن ك د السـعــــوديه 3 5 7]

السلام عليكم

جيت اليوم انحني احتراما كمان !! لكن لقيت الشباب متمردغين من التشقق قلت خلاص يكفي أخونا ما جاه :d

عندي يا accord 06 كم سؤال ...



وعندي كم سؤال حول التوصيلة الي سويتها و الفيش الي اشتريته فبالله صبرك معانا :rolleyes: ..

1-انت اشتريت الفيش من التشليح ابو خمسين ريال ... من أكورد 6 ولا اربع ولا ما تفرق ؟
2- ان أخذت من الفيش ابو خمسين ريال من قفا المسجل ... انا الي عندي ان ما خاب ظني ابيض لكن الي شريته ازرق فما أدري اذا ممكن توضحلي حبتين؟
3- انت اخذت من الفيش ابو خمسين ريال سلكين بكلبساتها واحد بكلبسات كبيرة و الثانية صغيرة ... و ركبتها في الكبير في 11 و الصغير في 3 ؟
4- طيب السلكين هذي انت قلت نركبها او نلحمها على سلك تمديد طوله تقريبا 40 سم، السؤال هو حنلحم من الطرف الثاني لهم سلكين كمان عشان تركب في فيش الدركسون الخلفي ... من وين نجيبهم ؟ لاني ما فهمتك لما قلت :


بس حبيت استوضح النقاط الي فاتت قبل ما ابدأ بالموضوع :)

تحياتي لك وكل عام وانت بخير

هلا Neo Fox تبي الصراحه توقيعك فله

هههههههههههههههههههههههههههههههههههههههه
هههههههههههههههههههههههههههههههههههههههه
الله يرجك ناوي النشره :d

[عاشق هوندا اكورد]

ياشباب ابي اركب على سياحي بالعلم اني اشوف المسجل مثل اللي فوق بس ماهو 6 سيديات ؟؟؟؟؟؟

[accord 06]

اخوي عاشق هوندا اكورد

الازرار للاسف ما تشتغل الا على مسجل 6 سيديات

و اذا ودك تركبها مالك الا تطلب مسجل 6 سيديات مع مكيف يدوي زي الصوره


http://i11.ebayimg.com/02/i/06/7e/41/2d_1.JPG

[عاشق هوندا اكورد]

اخوي مابي ازعجك وانا اسف لاني مكثر بربرة

هل اقدر اركب شنطة سيديات بالعلم انه الاسلاك جاهزة بالشنطه وتصير 6 سيديات

[accord 06]

ما اتوقع :(

لان الاسلاك اصلا تنشبك بالمسجل الداخلي

و خذ راحتك بالاسئله

[عاشق هوندا اكورد]

والله انا حزين يا خوي




طيب مافي اي حل .....
ولو سمحت بس بغيت اتاكد؟؟؟؟؟؟


هل انت متاكد بخصوص المسجل لاني والله مستعد اني اشتري مسجل الفل

[accord 06]

ان شاء الله اني متأكد

لكن كم موديل سيارتك و كم ماشيه ؟
لان اذا كانت سيارتك جديده بعها و خذ فل مستعمل نظيف لان اسعارها طايحه
بدل ما تعدل على سيارتك و تصرف عليها مبالغ كبيره و اخر شي ما راح توصل
لمواصفات الفل

عموما اذا طلبت واحد سليم و نظيف ان شاء الله انها بتشتغل

[عاشق هوندا اكورد]

اخوي مشكوووور على الرد


سيارتي موديل 2006 وماشيه 10 الاف ....

والبيعه صعبه .....<<<<<<<< مو بس صعبه مستحيلة ....:d :d


على العموم بنستخدمها وبعد فترة اذا اتيح لنا 2008 او 2009 نبدل انشالله<<<<
يصير خير:p

[HONDA OWNER]

مآشالله عليك أخوي .. أنا لا زلت عند كلامي

مآشالله كهربائي بألف كهربآئي .. يعطيك العافية ع الشرح الدقيق

تحيآتي لكـ...

[tiger]

انا سيارتي فل ابشن 4 سلندر 2005 ابي اركب ازرار التحكم بالمسجل من الدركسون لو تعرف واحد في الشرقيه يعني الدمام القطيف صفوى يركب لنا كان 100% لاني مااحب الحوسه واكون لك ممتن ......

[kid4]

والله انك رهيب


:cool: :cool: :cool:


طيب انا معي اكورد 2006

ok

فل كامل 4 - سلندر

فالرياض


كيف اركب التحكم بالصوت

واذا موجود انا شراي

احتري رد سريع

مع التحيه لكم وعلى المجهود الرئع

[NEO FOX]

شباب اطبعو الشرح و خذوع لأقرب كهربائي يشوف الموضوع لكم

[accord 06]

لي عوده اليوم ان شاء الله

[accord 06]

يا اخوان انا موجود بالرياض

اللي يبغى يركبها يشتري الازرار اول شي من الوكاله و الاسلاك من التشليح

بعدين يراسلني على الخاص و نتواعد انا وياه عند محل تخشيب عشان نركب الازرار

و الاسلاك مره وحده

[تايه]

يعطيك العافيه اخوي
accord 06 (http://www.hondaarabia.com/club/member.php?u=56)

لكن انا معي اكورد سبيشل .. يعني فتحه قير تماتيك .. سيدي واحد .. هل تركب عليها ولالا !!؟؟

واذا ما تركب تكفى تشوف لنا حل :D

ويعطيك ربي الف الف عافيه vbmenu_register("postmenu_19834", true);

[accord 06]

هلا فيك اخوي تايه

للاسف ما تركب على السياحي :(

لانها ما تشتغل الا على مسجل 6 سيديات

الحل الوحيد انك تطلب مسجل 6 سيديات بمكيف يدوي

http://i11.ebayimg.com/02/i/06/7e/41/2d_1.JPG

تحصله مستعمل في موقع http://www.ebay.com (http://www.ebay.com)

[محمد بن عبد العزيز]

يعطيك العافيه
وعساك عالقوه مشكووووووووووور الف شكر

بصراحة ماقصرت

وسلملم

[تايه]

يعطيك العافيه حبيبي على الرد ........

لكن ما تحس انها صعبه اطلبه من موقع ؟؟ يعني مشوار :d

مافيه محل يبيعه ؟ او التشليح ظنك بحصل عندهم ..؟

لاني المشكله ديرتي صغيره ولازم اروح الرياض ادور بالتشليح ..

وكيف سعره بالوكاله طيب ......؟

ويعطيك ربي الف الف عافيه واعذرني على التطويله

[abo r3ad]

يعطيك الف عافية accord 06 على الجهد

[ن ك د السـعــــوديه 3 5 7]

يعطيك العافيه حبيبي على الرد ........

لكن ما تحس انها صعبه اطلبه من موقع ؟؟ يعني مشوار :d

مافيه محل يبيعه ؟ او التشليح ظنك بحصل عندهم ..؟

لاني المشكله ديرتي صغيره ولازم اروح الرياض ادور بالتشليح ..

وكيف سعره بالوكاله طيب ......؟

ويعطيك ربي الف الف عافيه واعذرني على التطويله


هلا حبيبي تايه

وان شاء الله انك منت تايه وانت معانا :)

فيه محل في الغرابي يبيع مسجل 6 سيديات ويركبه لك روح عنده وان شاء الله بيركبه لك

اسم المحل مركز دبي شفت شارع الغرابي قبل المحطه اللي على اليمين فيه إشاره لف معها يمين بتحصل المحل على اليمين على طووووووووووووووول.

واذا مادليت ارسل لي رساله على الخاص ونتفاهم انا وياك . تمام ;)

[accord 06]

هلا حبيبي تايه

وان شاء الله انك منت تايه وانت معانا :)

فيه محل في الغرابي يبيع مسجل 6 سيديات ويركبه لك روح عنده وان شاء الله بيركبه لك

اسم المحل مركز دبي شفت شارع الغرابي قبل المحطه اللي على اليمين فيه إشاره لف معها يمين بتحصل المحل على اليمين على طووووووووووووووول.

واذا مادليت ارسل لي رساله على الخاص ونتفاهم انا وياك . تمام ;)

نكد المشكله مب بالمسجل

المشكله بالوجه حق المسجل اللي فيه الشاشه و الازرار و ازرار المكيف

هو يحتاج وجه فيه شاشة و ازرار مسجل 6 سيديات مع ازرار مكيف عادي

مثل الصوره
http://i11.ebayimg.com/02/i/06/7e/41/2d_1.JPG

و هذا مب متوفر عندنا لا بالوكاله و لا بالتشليح

اما الوجه حق الفل اللي عندنا ما يركب على السبشل

[accord 06]

تايه

شف هذا واحد بيبيع مسجل نفس اللي تحتاجه

http://i24.ebayimg.com/04/i/000/83/2c/4756_1.JPG

حاطه حراج و البدايه من 45$ باقي يومين و الى الحين محد زاد

هنا (http://cgi.ebay.com/ebaymotors/03-HONDA-ACCORD-RADIO-WITH-CD_W0QQitemZ300068332519QQihZ020QQcategoryZ38641QQ rdZ1QQcmdZViewItem)

------------

و هذا واحد ثاني مع فيش المسجل

حراج و السعر واصل 200 $ و باقي 6 ساعات

<< ما يمديك عليه بس عشان تشوف كيف متوفر بالموقع

http://media.mainstreetcommerce.com/3.9/media/get_image.aspx?domain=lkqonline.com&item_guid=1ba93460-8b2d-4a7f-a429-d95cda36adc0&size=1

هنا (http://cgi.ebay.com/ebaymotors/2003-2006-Honda-Accord-6-Disk-CD-Radio-w-7BCO-on-face_W0QQitemZ190068726784QQihZ009QQcategoryZ38641 QQrdZ1QQcmdZViewItem)

[ن ك د السـعــــوديه 3 5 7]

حبيبي accord 06

انا فاهم قصدك زين ياقلبي وانا عارف وش تقصد :rolleyes:

المسجل بالوجه وبأزرار المكيف كللللللللللللللللللللللها مع بعض يعني ديكور كامل موجود عن المحل هذا

وإلحق عليه ياتايه لايروح عليك ترا الظاهر ماعنده الا واحد او اثنين بس :mad:

[accord 06]

من جدك :eek:

يعني مسجل 6 سيديات مع مكيف عادي مب الكتروني ؟

اذا كان كذا الحق عليه يا تايه

[ن ك د السـعــــوديه 3 5 7]

عنده اكثر من نوع من وين جايبهم ماأدري:confused: على كلامه يجيبهم من برا

شفت عنده نوع مكيف عادي ومكيف اوتوماتيك

[accord 06]

نكد :cool:

هالمحل بيفيد اعضاء واجد

[ن ك د السـعــــوديه 3 5 7]

اكيد بيفيد بس المشكله بيلحق خوينا واللا يكون قد خلصت :confused:

[تايه]

هلا والله شباب ،،،،

نكد .... العن ام نظامك يا رجل :d

من جد يعطيك الف عاااااااافيه ..... وخلاص اقطع السالفه لحد يدريبه يروح علينا المسجل << نذل

اخوي اكورد ..... عموما انت ماقصرت يا الغالي وبيض الله وجهك ،،

ولا تحرمنا من هالمواضيع الي تونسنا .. :d << بالله شوف التعبير

[ن ك د السـعــــوديه 3 5 7]

وين يابو السالفه لها شهرين يعني ماأدري بتحصل واللا لا :(

وينك قبل شهرين :mad:

على العموم ان شاء الله تحصل:d

[عاشق هوندا اكورد]

:d اذا حصلت عطنا خبر ... وبخلي ن ك د يجيب لي واحد من الرياض ... هذا اذا ماكان يضايقه

[DuGarrY]

طيب الي يبي يركب الازرار بس شكل هل فيها مشاكل اذا كان الجواب ايه هل اركبها بسهوله؟
وكيف؟

[الاخطبوط]

DuGarry وش عندك بالوكالة يوم الربوع >>>> شايف موترك :rolleyes:

تركيب الأزرار لازم ينفك الدركسون كامل

بس تدري

مااخذت ولا خمس دقايق عند محل المميز للتخشيب

ويوم ركبها اشتغلت لمباتها علطول يعني من ناحية الشكل اوكي :cool:

[DuGarrY]

يسلمووووووو الاخطبوط هههههههه اما سالفة الوكاله سالفة

دخلتها صيانه يوم الربوع وشفت ستينق وخويه مدري منهو وسلمت عليه
ويوم الخميس شفت اتش فور ايفر راعي الاكورد الزيتيه وانت تقول شفت موتري ههههههههه
والله حاله :p

[ن ك د السـعــــوديه 3 5 7]

:d اذا حصلت عطنا خبر ... وبخلي ن ك د يجيب لي واحد من الرياض ... هذا اذا ماكان يضايقه


تأمر امر ياعيوني :o

كم عندي عاشق :o

[ن ك د السـعــــوديه 3 5 7]

يسلمووووووو الاخطبوط هههههههه اما سالفة الوكاله سالفة

دخلتها صيانه يوم الربوع وشفت ستينق وخويه مدري منهو وسلمت عليه
ويوم الخميس شفت اتش فور ايفر راعي الاكورد الزيتيه وانت تقول شفت موتري ههههههههه
والله حاله :p


طيب ماحد شافني وانا في الشرقيه :d :p <<< ياشين السماجه :d

[ن ك د السـعــــوديه 3 5 7]

الله يعطيك الف عافيه يا accord 06 والله يطول بعمرك يالغالي

بصراحه انت ملك الإبداع :cool:

ويالله مين قدك كل ضغطه بدعوه ;)

[هوندا كونكورد]

شكرا على جهودك المرموقة

وثاني شي .. ما دام انها ما تركب الا على ست سيديات عيل راحت عليك يا صاحبي فالتو تو


مشكلة بصراحة

يعني اللي عنده اكورد فيها مسجل بو سيدي واحد أحس انه الأكورد اللي عنده اتكون مقعدة! ما تقدر اتغير فيها شي


شكرا مرة ثانية

[accord 06]

الله يعطيكم العافيه جميعا على الردود

اخوي DuGarrY

ما عندك اي مشكله بالتركيب

[DuGarrY]

شكرا اكورد 06 :):)

[عاشق هوندا اكورد]

تأمر امر ياعيوني :o

كم عندي عاشق :o


يسلموووو نكودي ....:d

[نيمو]

السلام عليكم عضو جديد شباب (تصفيق حار please)


معاي أكورد سبشل ... وما عندي مانع اركب جهاز الست سيديهات لكن المشكلة في الفيش الموجود خلف الدركسون فتحت وما حصلته

[wald 3rb]

السلام عليكم بصراحه انا عضو جديد عندكم شوقتوني انشالله الساعه 5 الفجر انا عند عبدالله هاشم هع هع هع حماااس:rolleyes: والله كل الشكر لاخوي accord06

اول ما اخذت السياره قلت حق الوكاله يركبونه قالو ب10 الاف الزبده يبوون يصرفووووني:o

بس والله انك كفووو قده ونص

جااااااااااااااااري التركيب:cool: :cool: :cool: :cool:

[accord 06]

نيمو

معليش تراي ما انتبهت لردك :o

شف هي كلها سلكين تطلع من الازرار للمسجل

و افياش الدركسون ذي كلها توصيلات

يعني تقدر تستغني عنها و تمد الاسلاك مباشره من الازرار للمسجل وصله وحده

ان شاء الله اذا خلصت اختبارات اعطيك تفاصيل اكثر




wald 3rb

يا هلا فيك اخوي معنا بالمنتدى

الوكاله يقولون لك 10 آلاف عشانهم بيغيرون الضفيره كامله لضفيرة 6 سلندر

و حنا حلينا الموضوع بتمديد الاسلاك الناقصه بدون اي تعديل على اسلاك الضفيره

[wald 3rb]

اخووووووووي اكورد 006 انا طلبت القطعه من يومين والحمدلله وصلت وانا حدي مستانس

لا وحطها جمبي بعد :d بس باقي الالطلب رقم 2

2- فيش مسجل اكورد مع اسلاكه :


هذا ضروري لاني مافهمت هل اركبه بالسياره ولا بس اخذ اسلاكه

اذا ممكن بس شوية توضيح :o

[accord 06]

لا ما تركبه تحتاج منه سلكين بس تركبها في فيش مسجل سيارتك

طبعا تاخذه من التشليح كامل مع اسلاكه يقصونه لك من الضفيره

http://www.geocities.com/accoooord/faud/2.jpg

الفيش موجود بمنتصف الطبلون بمكان المسجل و هو الوحيد بهذا المكان
اللي لونه ازرق سماوي

بالنسبه للسعر يختلف لكن انا اخذته بـ 50 ريال

[wald 3rb]

طيب ياشباب في مشكله بالاكورد السياحي ماتجي بمثبت كيف يركب سويش التحكم بالصوت
مع العلم بانهم موصلين مع بعض

ولكم خالص تحياتي wald 3rb

[M.A.M]

اخوي wald 3rb معليش ابقول كلام بس لاتزعل مني .. انت مشكلتك ماتقرأ الموضوع كله :o
ازرار التحكم ماتركب الا على الفل كامل فقط او عندك حل ثاني انك تركب مسجل فل كامل مع تحكم يدوي في المكيف مثل اللي حط صورته اخوي accord 06 في الرد 76 (http://www.hondaarabia.com/club/showpost.php?p=25515&postcount=76) وعادي تكون ازرار المثبت مالها وظيفة ولكن تكون منظر بس

تحياتي

[wald 3rb]

اخوي wald 3rb معليش ابقول كلام بس لاتزعل مني .. انت مشكلتك ماتقرأ الموضوع كله :o
ازرار التحكم ماتركب الا على الفل كامل فقط او عندك حل ثاني انك تركب مسجل فل كامل مع تحكم يدوي في المكيف مثل اللي حط صورته اخوي accord 06 في الرد 76 (http://www.hondaarabia.com/club/showpost.php?p=25515&postcount=76) وعادي تكون ازرار المثبت مالها وظيفة ولكن تكون منظر بس

تحياتي

:d :d :d :d :d صاااااادني لا والله اخوووي M.A.M
قريته بس مادققت فيه على على العمووم مافيها زعل ولا شي اخوو عزيز وغالي

يسلمووو خيووو

[نيمو]

اخوي wald 3rb معليش ابقول كلام بس لاتزعل مني .. انت مشكلتك ماتقرأ الموضوع كله :o
ازرار التحكم ماتركب الا على الفل كامل فقط او عندك حل ثاني انك تركب مسجل فل كامل مع تحكم يدوي في المكيف مثل اللي حط صورته اخوي accord 06 في الرد 76 (http://www.hondaarabia.com/club/showpost.php?p=25515&postcount=76) وعادي تكون ازرار المثبت مالها وظيفة ولكن تكون منظر بس

تحياتي
حتى لوركبت المسجل اللي في الرد 76 مايركب الزر لأن فيش الدركسون غير موجود أصلا في السياحي

[accord 06]

8
8

رديت عليك قبل


نيمو

معليش تراي ما انتبهت لردك

شف هي كلها سلكين تطلع من الازرار للمسجل

و افياش الدركسون ذي كلها توصيلات

يعني تقدر تستغني عنها و تمد الاسلاك مباشره من الازرار للمسجل وصله وحده

ان شاء الله اذا خلصت اختبارات اعطيك تفاصيل اكثر

[wald 3rb]

ايهي اهووو اهاااا اووووووووووووووووويهاا :cool: مستاااانس

باركولي ركبتهااا واشتغلت باقي شكمااان ومكينه >>> مسخهااا

والله سوالي ايهاا واحد بالشرقيه تحديدا بالخضريه بالدمام وشغله ميه ميه

عطيته الازرار وشرحتله شيسوي وضبطلي كل شي وهو الي جاب لي الاسلاك والدبابيس

خذ مني 300 ريااال بس شغله نظيف والله

هذا رقمه للي يبي يركب عنده 0504828707 اسمه علي

[sweet poison]

السلام عليكم ورحمة الله وبركاتة

كيف الحال ياشباب ؟

انا معي اكورد 2003 فل كامل 4 سلندر بس عندي مشكلة :mad:

وياليت تشوفولي حل تكفى ياشباب ...

رحت اليوم وشريت القطع المطلوبة ورحت وفكيت الايرباق وجات المفاجئة

اول شي انه الفيش مايركب خلف الايرباق لان الفيش جاي بس للمثبت وللايرباق

وثاني شي الفيش الي خلف الطارة موجود بس مو نفس الي بالصور وحجمه صغير

ومافيه ولا فتحه فارغة رحت الوكالة وقابلت المهندس وقلي ما اقدر افيدك بس ما

قصر راح وجاب الاب توب تبع الشركة وشفلي القطع وقلي في الاكورد 2003 يجي

الريل مختلف عن الv6 اما الاكورد 2005 وانت طالع يجي نفس الv6 ما قصر

المهندس شرحلي كل شي

وانا شرحتله طريقة التركيب وقلي مستحيل تركب عندك :mad: وانا شايف انه

الاخوان قايلين انه مو لازم تتوصل عن طريق الفاصل ممكن تتوصل على طول من الازرار الى المسجل بس

كيييييييف لانه مع لف الدركسون حتتقطع الاسلاك تكفون ياشباب افيدوني...:(

[accord 06]

هذي صوره للـ 2003

http://www.geocities.com/accoooord/ad5.jpg

ما فيه اختلاف

اخوي sweet poison

تشوف الفيش الابيض بالوسط .. هذا لازم تفكه و تفك ازرار مثبت السرعه

بعدين تركب الازرار الجديده ( مثبت سرعه + صوت ) و تركب فيشها بمكان الفيش القديم


اذا انت بالرياض رح للمتميز بالغرابي و يركبونها لك ان شاء الله

[accord 06]

بالنسبه لتمديد الاسلاك مباشره للمسجل بشرحها الحين بالكتابه
و اذا صار عندي وقت نزلت رسمه توضيحيه ان شاء الله


ازرار الصوت يطلع منها اربع اسلاك

سلكين للتحكم بالمسجل و سلكين لاضاءة الازرار

السلكين اللي تهمنا هي اللي رايحه للمسجل

واحد لونه بني توصله مباشره بالفتحه 11 بفيش المسجل ( دبوس كبير )

و الثاني لونه اخضر \ احمر يوصل مباشره للفتحه 3 بفيش المسجل ( دبوس صغير )



راجع ان شاء الله بتفاصيل اكثر

[sweet poison]

ايه بالله تكفى علمنا بس كيف تتمد الاسلاك عشان لما تلف الدركسون وانت

ماشي ما تتقطع

الاسلاك هاذا شي والشي الثاني القطعة الي انا شاريها بها سلكين بي

مو اربعه ما علينا م بغيت النور

[MAX177]

الله يعطيك الف عافيه على لموضوع والله فكيت ازمه

انا كانت كل عقدتي هالتحكم

وانت جبت الحل الله يطولنا بعمرك ونشوف ابداع ورا ابداع


00بس عندي سؤال وانشاء الله مااكون ازعجتك00

00وين اقدر اركبها لاني الصراحه مطفووق وعادي اعدم الموتر فالذالك لو تكرمت
وين اقدر اركبها يعني بأختصار اجيبلهم القطع وهم يركبون كل شي وحبذا لو تكتب سعر التركيب00



مشكووووووووووووووووووووووووووووووووووور

[عضو]

أخي الكريم ..
أنا عندي هوندا أكورد سياحي ..
وودي أركب لها هالشغلات ..
لكن سؤالي المحير ..
هل بالإمكان تركيب مثبت سرعة ؟!!
لأني شايف الصور .. لكن أنت تتكلم عن أزرار الصوت ..
وتقول مكان أسلاك المثبت القديمة ..
فما فمت قصدك ..

أفيدوني يا إخوة ..

[accord 06]

sweet poison

شف لك اي كهربائي شغله مضبوط و فهمه الطريقه
و هو يتصرف .. عنده اكثر من حل يطول الاسلاك بزياده
بحيث انها ما تتأثر مع لف الدركسون او اي طريقه ثانيه



MAX177

اذا انت بالرياض اشتر كل القطع بعدين عطني خبر على الخاص
و اذا انت بالشرقيه شف الرقم اللي حطه الاخ wald 3rb .


عضو

قلنا بالموضوع ان التركيب لفل كامل فقط
عشان كذا قلت لازم تشيل ازرار مثبت السرعه
بالنسبه لتركيب مثبت السرعه انا ما عندي علم
لكن سألت اشهر ورشه لتركيب مثبتات السرعه اللي هي ورشة الفايز
و قالوا لي انهم ما عرفوا يركبونه على الاكورد :(

[sweet poison]

اخوي accord 06 (http://www.hondaarabia.com/club/member.php?u=56) vbmenu_register("postmenu_32080", true); رحت لاكثر من مهندس ومهندسين متمكنين وما عرفو يمدو الاسلاك

يعني مستحيييييل يركب وعلى فكرة فكيت الطارة ومستحيل يتمد سلك منها حتى لو كان شعررره


واشكرك على تعبك معاي واسف لازعاجك

اخوك
sweet poison

[نيمو]

بالنسبه لتركيب مثبت السرعه انا ما عندي علم
لكن سألت اشهر ورشه لتركيب مثبتات السرعه اللي هي ورشة الفايز
و قالوا لي انهم ما عرفوا يركبونه على الاكورد :(

ماقال لك ليش ما يركب ؟

[عاشق الأكورد2006]

مشكوووور اخوي وما اتقصر انا كان في بالي الشي هذا كنت ابي اسال سبحان الله بس ما اقدر القى هذي الاسلازرار برا الوكلة وباقل سعر

[Acord2006]

السلام عليكم
ويعطيك الف عافية يا accord 06 علي الموضوع الجميل بس في استفسار بسيط لو سمحت
بخصوص ازرار الصوت ، رحت الوكالة واخذت ازرار الصوت حق 6 سلندر لحالة وشريت السلك حق المثبت والصوت بس ما دريت عن القطعة الا انت كاتبها هل هذه القطع تركب ولا وهذي الصورhttp://www.arab7.com/up/file/1173960368993.jpghttp://www.arab7.com/up/file/1173960234499.jpg
http://www.arab7.com/up/file/1173959888422.jpg

[aldwseri]

يعطيك العافية اخوي accord 06
بس ياليتها تركب على الموديلات من 90 الى 2002

[كوكو كورد]

هلا فيك اخوي Acord2006 (http://www.hondaarabia.com/club/member.php?u=2483)

بجاوب عليك لأني توني كنت عند المتميز وفك الدركسون والايرباق اللي اؤؤكد انك تقدر تفكها بنفسك بكل بساطة وبدون اي خوف ...

السلك هذا
http://www.arab7.com/up/file/1173960234499.jpg

حالتي مثلك ..

شارية من زمان من قبل ما اعرف المنتدى ..وحتى قطعة الصوت بعد شاريها من ذاك الوقت ...

السلك فية ثلاث وصلات ... وحدة للبوري ... وحدة لمثبت السرعة .. ولحدة للتحكم الصوتي ..

المشكلة ..

ان السلك ماراح يركب على قطعة مثبت السرعة الحالي اللي عندك حق الوكالة الاصلي ..

الحل :

روح الوكالة وشوف ... يا انك تاخذ مثبت سرعة حق 6 سلندر وتتأكد ان السلك الجديد اللي معك حاليا يركب علية ..

او اذا جربت وطلع مايركب ..

تسوي زي ماقال اخونا عزيزنا كاتب الموضوع ACCORD 06... وهو انك تشتري مثبت جديد وتحكم وصوتي جديد يجي معهم السلك ... بقيمة 380 ريال ..



بكرة الخميس بروح الوكالة ويارب اني القى مثبت سرعة 6 سلندر ...

[و ى ل السعوديه 8 5 5]

يسلمووووووووووووو اخوي:) accord 06

[Acord2006]

الله يعطيك العافية علي اهتمامك والرد علي الاستفسار يا كوكوكورد
بس انا اشوف السلك فيه اختلاف في الاسلاك عن الشروح

[accord 06]

Acord2006 و كوكو كورد

اعذروي على التأخير بالرد



هذي الازرار تقدرون تستخدمونها لكن فيه مشكله ان انوار ازرار الصوت ما راح تشتغل

هذي الطريقه اذا واحد منكم حاب يسويها

الفكره انك تطلع السلكين حقت ازرار الصوت من هذا الفيش

http://www.hondaarabia.com/club/attachment.php?attachmentid=887&stc=1&d=1174592719


و تركبها على فيش ازرار مثبت السرعه الشد بلد بنفس الفتحات بالضبط

و بيكون عندك كل الازرار بفيش واحد

يركب بدون مشاكل

[كوكو كورد]

الله يعطيك العافية علي اهتمامك والرد علي الاستفسار يا كوكوكورد
بس انا اشوف السلك فيه اختلاف في الاسلاك عن الشروح

هلا فيك اخوي .. اعيد من اول عشان اشوف وين الخطا! :)

بخصوص ازرار الصوت ، رحت الوكالة واخذت ازرار الصوت حق 6 سلندر لحالة

خطوة كويسة انا دورت ولا لقيتة ... طيب هل الطرف الثاني راح يركب على مثبت سرعة الـ 4 سلندر ؟؟ ما اظن لأن الفيش يختلف .

يعطيك العافية اخوي accord 06 على الفكرة . انا خلاص طلبت المثبت مع التحكم الصوتي ومع سلكة من الوكالة لأنة مخلص ...

صعبة اتحكم فيها بدون نور ... شكلها بيصير بايخ نوعاً ما ...

[nader VTI-E]

مشكور حبيبي على الموضوع الأكثر من رائع

بس بصراحة شكلي أنا الوحيد اللي ماسوى شي

يعني انا مو ميكانيكي بس أبغاك تقول محل في جدة ممتاز

ومش فاهم حكاية الأفياش والاشياء اللي غير القطعة

وآسف على الإطالــــة

[كوكو كورد]

:cool: الحمد لله ... تم تركيب القطعة ... :cool:

المتميز ... فك الايرباق وركب الضفيرة الجديدة مع ازرتها ...

والباقي ... ماحك جلدك مثل ظفرك .... سويتها بنفسي .. مع مساعدة بسيطة من احد زملائي .:o

واي استفسارات .. انا في الخدمة ... ;)

ولا انسى الشكر لكاتب الموضوع ACCORD 06 لولا الله ثم موضوع اخونا ... لكنا الحين حاطين التحكم الصوتي منظر فقط .;)

[ابوفهد.]

طيب شباب اذكرولي محل يعرف يركبها لاني ما دوي احوس بالموتر
وشكـراً

[Acord2006]

السلام عليكم يا شباب باركولي اليوم ركبت الازرار وما يحتاج يعطيك العافية اخوي Accord06 علي هذا الموضوع الرائع وحبيت اوضح للشباب كم كلفني الشغول
1- ازرار التحكم ب450 ريال من الوكالة وبعد الخصم 405 ريال
2- فيش المسجل من التشليح ب 40 ريال
3- تركيب ازرار التحكم عند الابداع في الغرابي ب 40 ريال
4- فك المسجل وغطي الدركسون عند الابداع في الغرابي ب 40 ريال
وتركيب السلك عليه (يعني انا ركبتة) وهو انهبل كيف سويتها

وهذه صورة للسلك
http://www.l22l.com/l22l-up-1/20e8b78edb.jpg

وهذه صورة ثانية
http://www.l22l.com/l22l-up-1/29d5ecdc3f.jpg

[كوكو كورد]

اهنيك بقوووة اخوي Acord2006 على فكرة الغلاف البلاستيكي .. :cool:

امس ركبت كل شي واشتغل كل شي تمام ولا جت في بالي فكرتك ... .. خلاص مايمديني اسوي شي .. فات الاوان ..:mad:


*ما ادري هل فية اي ضرر من وجود الأسلاك بدون الغلاف البلاستيكي كما في الصورة ؟؟ :confused:
هل سيتأثر بالحرارة العادية للسيارة ؟؟؟ :confused:

[accord 06]

شغلك نظيف يا Acord2006 (http://www.hondaarabia.com/club/member.php?u=2483) :cool:

ما شاء الله الموضوع له سبع شهور محد طبقه

و بيوم واحد يطبقه عضوين



كوكو كورد انا مغلف الاسلاك بشطرطون

<< مثل باقي اسلاك الظفيره

ما اتوقع ان فيه ضرر لو خليته كذا

لكن لو تبي تقدر تفك سلك التطويل و تلفه بشطرطون

بعدين تركيبه ثانيه و تلف باقي الاسلاك

او انك تفك جهه وحد من السلك و تدخل غلاف بلاستيكي مثل اللي ركبه الاخ Acord2006 (http://www.hondaarabia.com/club/member.php?u=2483)

بعدين تركبها مره ثانيه vbmenu_register("postmenu_37950", true);

[BIG BOSS]

بس اخوي الله يخليك

تركيب ازرار التكم يشيل الضماااااااان من الوكالة ولا لا

[كوكو كورد]

لا اخوي مايشيل الضمان .. لانة مالة اي تاثير سلبي ..

سيارتي بعد اسابيع بتكمل 60 الف ولا استفدت من ضمناهم غير القروشة .

[accord 06]

انا دخلت سيارتي للوكاله بعد تركيب الازرار يمكن اربع مرات

و صلحوا لي كل الخرابات على الضمان
<< كراسي مكينه + قفل باب + .....

يعني ما مشكله ان شاء الله

[BIG BOSS]

مشكوووورين ويعطيكم ألف عافية

بس أخوي ما تعرف مكان يركب الأزرار بالرياض ؟؟؟؟ وكم السعر ؟؟؟

[كوكو كورد]

انا ركبتها عند باب البيت .... التوصيل والاسلاك ...

بس ازرة التحكم الصوتي ماعندي اي خبرة في تركبيها عشان شغلتها المعقدة اللي تاخذ عند الخبير10 دقايق فقط...

روح الغرابي عند محل المتميز ... بــ 50 ريال زي ماهو مكتوب في الموضوع ..

[[ أبو سلمان ]]

يالله تحييهم ..


مريت الوكاله قبل كم يوم
قالوا الإزرار بـ 500 ريال ..

لكن قال انها تركب زينه بس ..
يعني ماتشتغل .. .!!
وش السواة ، هو صدز كلامهم ولا خرطي ..!!؟

[كوكو كورد]

اخوي ابو سليمان ... قريت الموضوع كامل ؟
فية الاجابة الشافية الوافية .

[الكاسرzx1]

اووخص

<< دا انا كنت ناايم على وداني مش معقولة ( قلب مصري )

يعطيكم العافيه وربي معلومات في قمة الاهميه

تحياتي لكم يا الغاااليين

[s3d 542]

ماقصرتوا شباب

قريت تو كل الموضوع فهمت وبالاخير انلحسن
فياريت اذا احد من الرياض اتفاهم معاه ع السن او ي شي
اخوي كوكو كورد او اكورد 06
واكون شاكر لكم

[كوكو كورد]

وش اللي مافهمتة اخوي سعد ؟؟؟

[[ أبو سلمان ]]

××



أفاعليك ..
قريته ابوه ، وقريت التواقيع بعد >> تحس تسذوب ..!!


يعني افهم من كلامك ان الوكاله ماعندهم سالفه واتوكل على الله واركب ..؟!!
طيب بـ 380 ريال .. وين ألقاه ؟!!
طبعا الوكاله عندهم بـ 500 ريال








http://s7loob.sitesled.com/Untitled-1.gif






تحيّتي ومعَزّتي لكم
محبكم : أبو سلمان


http://s7loob.sitesled.com/Untitled-3.gif

[عمور]

الله يعطيكم الف عافيه

[كوكو كورد]

اخوي ابو سليمان الاسعار في الوكالة زي الاسهم متذبذبة ...!!!!

خذيتها بــ 427 بعد التخفيض ...

اما قولتك ان الوكالة قالت تركب زينة .. هذا اللي خلاني اشك انك قريت الموضوع لأن الموضوع عن تركيب القطعة وعملها تمام 100% ...

الوكالة ماهي فاضية تشغل نفسها ... فتصرفك تقول زينة ...

توكل على الله وامش بالخطوات تمام تركب معك تمام .

[[ أبو سلمان ]]

××








هههههه

ايش قال قال وكاله ..
يقلع ابليس الي يروح للوكاله >> علطول كره الوكاله ..!! :d
الله لايخلينا منك يا كوكو كورد











تحيّتي ومعَزّتي لكم
محبكم : أبو سلمان

[الدرع الذهبي]

ما شاء الله على هالعبقري والله فتيت

[الدرع الذهبي]

كنت أفكر بالطريقة سابقا لكن الحمد لله جت فوقتها

[المملوح]

طيب انا ابي اركبها واخاف العب في الدركسون تعرفون احد يركبها زين في الرياض ؟

[كوكو كورد]

اخوي المملوح ,, اغلب الاعضاء تعاملو مع محل المتميز في الغرابي ,,,

[زعموكا]

مجهود محسود عليه
اتمنى لك التوفيق اخوي

[mohammad.55]

الله يعطيكم العافيه،،،

[المملوح]

طيب يالغالي انا سياحي سبشل ما ينفع معي مثبت السرعة ؟


طيب والصوت ما ينفع ؟

[وزران]

يعطيك العافيه وربي ماقصرت شرح وافي وكافي

يخليك لنا يارب

[أكورداوي 999]

أخواني عندي سؤال بسيط ومدري إيش يبغا

أول شي عندي اكورد نص فل
يعني مسجل بسيدي واحد
المهم
لو ركبت مسجل تاني ينفع أشبك عليه أزارير التحكم حقته ؟؟

[تويتي]

شباب سعر الازرار في الوكاله 345 ريال انا سالهم قبل يومين ودخلت الاستقبال قلت له ابي اركبها قالي ما نركبها لك ما نقدر سيارتك مو سته سلندر قال يبي لك 20 الف حتى نغير الطارة يوم قلت له الشباب ركبوها وانتهوا تفاجاء وما صدقني قلت له اجيب لك الشرح وتركبها لي قالي مستحيل احد يركبها قلت جاك العلم الشباب ركبوها وانتهوا
ياليت يا شباب توصفون لنا محل الابداع اللي تعاملتوا معه

[s3d 542]

مرحبآ شبآب ..

آنى طلبت من الوكآله القطعه ..
اذا جت وين اروح أول شي ..
المتيز يركبها بس التوصيل والاسلاك انتم تتعاملون مع اي محل لانها وهقه صراحه مالها داعي أفلم بالسيارة :d

[كوكو كورد]

التوصيل تسوية عند باب بيتكم ,,, شغلة سهلة بسيطة ,,,

[s3d 542]

اتمنى كذا .
ماقصرت خيوو ..

بس شلون افك المسجل ؟؟

[أبوكرم]

السلام عليكم...

أول شيء ودي أشكر أخوي accord06 على جهده ومتابعته للموضوع
بس في شغله مني فاهمها دحين إنتو تقولو أن أزرار المثبت و أزرار الصوت تجي مع بعض متصلة بسلك واحد!!!!!!!!!!
يعني لمن أجي أركبها لازم أفك مثبت السرعة اللي راكب من أول(القديم)

ولمن أركب الأزارير تشتغل اللمبة حقتها ولا لأ؟؟؟؟؟؟؟؟؟؟؟؟

[accord 06]

يا شباب كل استفساراتكم اجاباتها موجوده بالموضوع


s3d 542

أكورد 03-06: تفكيك مسجل المصنع (http://www.hondaarabia.com/club/thread774.html)



أبوكرم

نعم

[ن ن م 415]

مع اني مالي في هالسواليف لكن موضوعك عسل

[الــمــســافــر]

مشكووووووووووور اخوي ع الموضوع المتميز

[الكادي445]

يعطيك ألف ألف ألف عافيه اخويaccord 06 وماقصرت على المجهود الطيب:cool::cool::rolleyes:

[mohammad.55]

الحين تنفع على اربع سلندر ولا لا ،،، النوع سبيشل تنفع القطعه عليها ولا ماتصلح

والهرجه كلها بس 50 ريال اشوف بفك الدركسون والارباق والطبلون يعني فيها شغل ارجو الافاده وشكرا

[accord 06]

^^^

تركب على الاربعه سلندر فل بس

[nmh]

يااخواني هل تعرفون احد يقدر يركب ازرار التحكم بالصوت وشغله نظيف في الرياض علمونا الله يعطيكم العافية وكل عام وانتم بخيـــــــــــــــــــــــــــــــــــــــــــــــ ـــــــــــــــــــــــــــــــــــــــر

[the sound]

يااخواني هل تعرفون احد يقدر يركب ازرار التحكم بالصوت وشغله نظيف في الرياض علمونا الله يعطيكم العافية وكل عام وانتم بخيـــــــــــــــــــــــــــــــــــــــــــــــ ـــــــــــــــــــــــــــــــــــــــر




اخوي شوف الردود القديمه


والشباب متعاملين مع محل التميز حق تحشيب السيارات

الي بالغاربي

[اكورديتي]

كرهت سيارتي بسبب ابداعكم :(

يعطيكم العافيه اتمنى اركب المثبت والصوت وطبعا السي دي 6 اولا

[ابو مبارك]

شغل 100% يعطيك العافيه

[فقير الحظ]

والله انك مبدع بمعنى الكلمه ... تعجز الكلمات عن شكرك والله ... مجهود جبااااااااار تشكر عليه

بس عندي كم سؤال يالخالي بما انك خبير بهالشغلات

س1/ ماعندك خلفيه كم اسعار مسجل الفل بالتشليح ؟؟ واذا ركبتها هل من الممكن ان تصير الاضائه خفيفه اخف من الفل (( يعني يبين اني مركبه))

س2/ انا عندي سبشل اذا شريت الازرار والمسجل يشتغل عندي مثبت السرعه ؟؟

س3/ سمعت ان فيه قطعه بالوكاله يركبونها على المسجل يصير يشغل ام بي ثري ؟؟

س4/ اذا ركت المسجل والازرار مايروح ضمان الكهرب ؟ يعني شرايك لو اشتري المسجل من التشليح واركبه مع الازرار بالوكاله علشان مايروح ضمان الكهرب ؟؟

طولت عليك بالاسأله

ومشكور مره ثانيه

[كوكو كورد]

س1/ ماعندك خلفيه كم اسعار مسجل الفل بالتشليح ؟؟ واذا ركبتها هل من الممكن ان تصير الاضائه خفيفه اخف من الفل (( يعني يبين اني مركبه))

سعرة 1500 حق الفل 6 سيديات موديل 2006 ....... بس ماراح يركب على على الاسبشل ... لأن المكيف الكتروني ,,, يبيلك تشتري من النت ... مسجل من امريكا ... يشيل 6 سيديات ومكيف عادي ,,,, (( زي الموضوع المشهور بالمنتدى واحد من الاعضاء شراة قبل اسبوعين تقريباً))


س2/ انا عندي سبشل اذا شريت الازرار والمسجل يشتغل عندي مثبت السرعه ؟؟

مثبت السرعة مايركب على الاسبشل ... والتحكم الصوتي ما يركب على الاسبشل ...
الا اذا ( الجواب الاول )


س3/ سمعت ان فيه قطعه بالوكاله يركبونها على المسجل يصير يشغل ام بي ثري ؟؟

مافية ,, اوكالة ما تخدم بشي ما يجي شد بلد .

س4/ اذا ركت المسجل والازرار مايروح ضمان الكهرب ؟ يعني شرايك لو اشتري المسجل من التشليح واركبه مع الازرار بالوكاله علشان مايروح ضمان الكهرب ؟؟

المسجل ماراح يركب مثل ما قلت .. والوكالة ماتركب شي ما جي من الاصل شد بلد .. انسى موضوع ان تحكم الصوت يركبونة الوكالة ,, وضمان الكهرب ما يروح الا اذا وديتها عندهم وقلت لهم خرب عندي كذا وكذا واحترق كذا وكذا عشاني ركبت المسجل .

[البرنس الجدواي]

الللللللللللللللللللللله يوفقك يشيخ والله انك بطل وبصراحة فنااان مبدع كسرت الشركة بابداعك

بس حبيبي انا فجدة وابغي اركب الزر حق الصوت وطبعا سيارتي فل

لكن ابغي واحد ركبها قبل كدا يعني مهندس جرب الطريقة عشين لايجي يلعب فام السيارة تعرفهم دي الايام يقلك اعرف واعرف واعرف بس عشين يكسب ويروح يخبطلك في السيارة؟؟؟ولا شكلها نهايتها اطلع الرياض

ياريت تفيدني واكون شاكر لك

[ي ط ك 855]

الله يجزاك خيررررررررررر

بس ابي اعلمكم
رحت للوكاله
ولقيت الأزرار حقت الصوت بس

اخذهاا ولالا 240 ريال

و فيه فرق في التركيب ولالا

[الدينجرز]

مشكور اخوي على الجهد والافاده

[كوكو كورد]

الله يجزاك خيررررررررررر

بس ابي اعلمكم
رحت للوكاله
ولقيت الأزرار حقت الصوت بس

اخذهاا ولالا 240 ريال

و فيه فرق في التركيب ولالا


لا اخوي ما تنفع ابد ... اذا بتاخذها بتركبها زينة وتلعب على نفسك ...

لازم تاخذ الوصلة الكاملة التالية :

قل للموظف بالحرف الواحد :

((ابي مثبت السرعة والتحكم الصوتي قطعة وحدة بالسلك اللي بينهم حق الستة سلندر ))

اذا شريت القطعة لحالها اللي تقول ...
كيف تخترع السلك اللي يوصلة بمثبت السرعة ومن ثم بالضفيرة الرئيسية ؟؟

[الدينجرز]

يعطيك العافيه اخوي
بس بقيت استفسر مثبت السرعه راح يشتقل ولا

[ي ط ك 855]

لا اخوي ما تنفع ابد ... اذا بتاخذها بتركبها زينة وتلعب على نفسك ...

لازم تاخذ الوصلة الكاملة التالية :

قل للموظف بالحرف الواحد :

((ابي مثبت السرعة والتحكم الصوتي قطعة وحدة بالسلك اللي بينهم حق الستة سلندر ))

اذا شريت القطعة لحالها اللي تقول ...

كيف تخترع السلك اللي يوصلة بمثبت السرعة ومن ثم بالضفيرة الرئيسية ؟؟



طيب اخوي
شفت احد الردود
ل اكوورد 06

يقول ان الأزرار تطلع منها اربع اسلااك
اثنين منهم توديهم لفيش المسجل

والظاهر الأثنين الباقين حق الأنوار

هاااااه
اللحين محتار بينك وبينه
وش السوااااااااااة

[كوكو كورد]

اخوي : الدينجرز ,.,

ايوة مثبت السرعة راح يشتغل .. لانك فقط غيرتة ماسويت فية شي جديد ويرجع مثل ما كان .

اخوي: ي ك ط 855

اشتر اللي قلت لك .. وكل شي بيصير مضبوط .. انت معك 2007 ..

وسالفة سلك النور والكلام الثاني للي عندهم 2004 و 2003 لأن مثبت السرعة حقهم والتحكم الصوتي مافية نور مثل 2006-2007 ... اقرا الموضوع مضبوط وافهمة مضبوط .. تلاقي الشغلة كلها في 3 خطوات ..

1-تشتري القطع من الوكالة.
2-تركبها في المتميز .
3- تدبر سلك التوصيل الطويل من الدركوسون للمسجل وتوصلة .

[ي ط ك 855]

.
http://www.geocities.com/accoooord/faud/8.JPG






يا إخوان الأسلااك اللي رايحه للمسجل
هل هي مشبوكه في بعض ولالا

[كوكو كورد]

اللي في الصورة عندك سلكين :

مفصولة عن بعض .. كل واحد لحالة ..

المسجل :-------------------- ------------------------- الدركسون:

السلك الاول : دبوس كبير في الفتحة رقم 11 <===========> فتحة 11 في فيش الدركسون

السلك الثاني: دبوس صغير في الفتحة 3 <============> فتحة 12 في فيش الدركسون


* الدبابيس التي توضع في فيش الدركسون تؤخذ من مثبت السرعة القديم .

[ي ط ك 855]

مشكووووووووووووووووووووووووووووووووووووووووووووووو وووووووور
وما قصرت معي والله
يعطيك العافية

[صعب المنال]

اولا تسلم على الابداع
ثانيا انا سيارتي اكوررد 2007 اربعة سلندر مخمل +فتحة+جنوط+كشافات+جناح+كاست
بس ينقصني ازرار التحكم بالصوت اقدر اركبها بسيارتي او لا

ويعطيك الف الف عافية على المجهود المتميز
ولك كل الود

[كوكو كورد]

اولا تسلم على الابداع
ثانيا انا سيارتي اكوررد 2007 اربعة سلندر مخمل +فتحة+جنوط+كشافات+جناح+كاست
بس ينقصني ازرار التحكم بالصوت اقدر اركبها بسيارتي او لا

ويعطيك الف الف عافية على المجهود المتميز
ولك كل الود


:) بالعربي المختصر والمفيد ياصديقي :)

اذا كانت فل كامل فيها مثبت سرعة ومشغل سيديات يسع 6 سيديات ...

ارجع واقرا الموضوع ومن البداية ... ;)

فية كل الاجوبة اللي في بالك الصغيرة والكبيرة ,,,

[الهادف]

وصل الموضوع الى صفحات كثيرة وهي عبارة عن اسئلة واجوبة متكررة

قام بالأجابة عى الأسئلة accord 06 و كوكو كورد مشكورين كثيراً لهذا الجهد .. :)