هنا تقبل مواساتي للحادث الاليم...

[أكورداوي]

الأكورد انصدمت...:eek:


هذا هو الخبر الي جاني يوم الثلاثاء الماضي وللأسف ان الحادث صار يوم الاحد ...

والقصه وما فيها اني رحت للحسا...(( كل جمعه الى الاربعاء للدراسه)) .. وفي هالمره تركت سيارتي للوالد ... يستعين بها على قضاء حوائجه:D ... وبعد برهة من الزمن ... ريوس أبوي على دينا ... وباس خلفية الدينا بخلفية الاكورد... فانكسر الاسطب الايمن وانطعج الرفرف طعجه بسيطه وتأثر الصدام بجروح خفيفه جراء شظيفة شطفت به... المهم الزبده من الموضوع كله تسعيرة الوكاله للسياره لأن الخطأ على الوالد 100% ...

راح الوالد للوكاله وكل هالسالفه مخبيها عني وسعروا السياره وقالوا راح نغير الاسطب والصدام والرفرف .. قلنا ماشي قالوا لا بعد لا زم نغير القزاز الخلفي :( ما أدري ليش ... قلنا نمشيها لكم..

طيب الزبده كم تكلف قالوا....





آآآآه






آآآه







80000 ريال ما أدري على ايش... ومن هنا وهناك قالو 6970 ريال قبل خصم قطع الغيار..

طيب متى تخلص؟



المصيبه الثانيه أدهى وأمر...





يقولون بعد 18 يوم :eek:

وهوندا الام لويبون يصنعون سياره خلصوها ب 5 أيام...


واحنا معهم في محاولات الى الحين عشان يخلصون بدري...

هذي هي مأساتي.. وتقبل التبرعات على حساب الجمعيه الخيريه رقم ((((((***

تحياتي لكم أعزائي ...

[أبو المهند]

حزنت حقاً لما حدث معك وأعانك الله.

أما بالنسبة لقطع الغيار، إذا كانت الأكورد موديل 2006 فسبب الإرتفاع بالأسعار الليدات، سعرها 1000 تقريباً والصطب بـ 900 تقريباً، والرفرف نسيت، المهم المفروض أن تكون أقل.

بكل الأحوال كان لدينا خصم في الوكالة، لكننا أوقفنا عملية بيع القطع لأنها متعبة، سألني واحد مرة عن قطع للأكورد: صدام أمامي وخلفي، صطبات خلفية مع الليدات، شبك أمامي و كبود أمامي ورفارف و.....، كان إجمالي ب 10000 ريال بعد الخصم أو 11000، نسيت.

[أكورداوي]

أخي العزيز.. هوندا

بالنسبه لموديل السياره فهي 2005 بس أنا ماهمني تكلفة التسعيره لأني مأمن تأمين شامل لكن أقصد ليه الغلا هذا كله في التصليح...,؟


وبالنسبه للخصم الي لأعضاء المنتدى ما أدري هو موجود للحين أم أنكم وقفتوه نهائيا واذا موجود كيف أحصل عليه..؟

[أبو المهند]

الحمد لله بهذه الحالة جيد أنها غالية، طالما أن التأمين سيدفع!

لا تم إيقاف الخصم، ربما يعود بعد كم سنة.

[أكورداوي]

لا تم إيقاف الخصم، ربما يعود بعد كم سنة.


شنوووووووووووووووووووو :eek: بعد كم سنه...

بتزوج وأجيب عيال ان شاء الله وأشتري لهم هوندات عسى يلحقون على الخصم :D

[accord 06]

اول شي الحمد لله على السلامه

انصحك ما تغير الرفرف دامه ما تأثر كثير

لانهم لو فكوه ما راح يركبونه صح حتى لو كان جديد

و اتوقع بيغيرون القزازه عشانهم بيفكون الرفرف

غير الاسطب و الصدام .. و الرفرف تعديل مع رش بس

و بالتوفيق ان شاء الله

[accord 06]

نسيت اقولك شي ترا شغل الوكاله بالسمكره زفت و انتم بكرامه

و فوق كذا اسعارهم خياليه .. شف لك ورشه محترمه

شغل ازين و سعر ارخص

اعرف واحد معه سيفيك مصدومه بالباب .. سأل بالورش و اعطوه سعر حول 1500 ريال

لكنه صلحها بالوكاله بالدمام بـ 4000 ريال .. و للاسف صار شغلهم اقل من عادي

و ما فيه فرق عن شغل الورش و يمكن الورش ازين

[أكورداوي]

بس ياخوي أنا ماودي أسمكرها عشان مايطيح سعرها أبي كل شي جديد والله يستر ان شاء من المفاجأت...

[راعي الاكورد]

اول شي الحمد لله على سلامه الوالد

ثاني شي ليش هالسعر المرتفع 80000 ريال صح اني ماعرف كم تساوي بحريني

المبلغ من شكله يساوي مبلغ كبير بالبحريني

وثالثا ويش دا المده الطويله 18 ؟؟؟؟؟؟؟؟ قويه هادي يصنعون صاروخ هدلين

وانا في رايي اتبدل الشيئ الي اضرر فقط اي شي اتحس انه سليم لا تبدله

وانا في اعتقادي الورش مو ضمان الوكاله احسن

[أكورداوي]

الله يسلمك أخوي راعي الاكورد..الحادث كان تافه جدا لكن التكلفه عاليه...

المبلغ يساوي بالبحريني حدود 800 دينار ...

وما دام كل شي على الضمان فأنا مايهمني حتى لو غيروا الماكينه... بكيفهم ...

[اتــشـــــ]

الحمد لله على السلامه والحديد بداله حديد

[أكورداوي]

الله يسلمك أخوي اتش ويعطيك العافيه..


آخر الأخبار تأتيكم من مراسلكم بوكالة هوندا :

مع احترامي للوكاله (( الدمام )) أقول ان نظام السمكره والصيانه فيه تلاعب بشكل كبير واكتشفت الشي هذا من زمان لكن تأكدت أكثر بعد موقف صار للوالد معهم .. (( معلومه : الوالد هو الي ماسك موضوع الحادث من والى لأن السياره باسمه وثانيا انا أدرس برى الدمام وأخلي سيارتي بالدمام ))

اتصلت الوكاله على الوالد يوم الاربعاء الصباح وقالوا ان فني السمكره يقول السياره ماتحتاج تغيير قطع لأن الصدمه بسيطه وبنسمكرها وراح تكلفك أقل بكثير ... قال الوالد مو مشكله .. سأل عن الفرق بين السمكره وتغيير القطع من ناحية سعر لقى الفرق حدود 1500 ريال ... آمنا بالله الفرق حلو ... مع انه على التأمين .... لكن الضحكه الي صارت انهم زادو 1400 ريال على أجور اليد (( قيمة السمكره )) ...

ذكروني بدورة المياه في الطبيعه ...:D


يعني يبغون يضحكون على الناس بطريقتهم الغبيه..

طبعا جاهم الوالد ماشي 3000000 والضغط عنده40000 وقام يهددهم بالشرطه اذا ماقابل المدير .. طبعا خافوا وجابوا نائب مدير الصيانه وقال حقك علينا ... بس هو هندي يعني هقك الينا..

وقال خلاص نغير كل شي وفيه اشياء أضافها من عنده عشان يراضي الوالد الي ملكته في ذاك الوقت نشوة النصر والانتصار ويمكن لو قال لهم غيروا ماكينه غيروها من الخوف...

[أبو المهند]

:)

[دحوم]

يالله مبروك أخوي رجعت الأكورد وإنتبه لها مرة ثانية ولا تعطيها الوالد أبد فاهم .

[أكورداوي]

ان شاءالله طال عمرك..

[دحوم]

خل كل مفاتيح السيارة الثلاثة معك وانتبه تنساهاها في أي مكان لحد ياخذها وانت ماتدري أوكي

[مجنون هوندا]

يالله كل دقه بتعلييمه

[راعي الاكورد]

اهم شيئ انك اتحس رجعت مثل ما كانت

والحمد لله على سلامتها وطلوعها من المستشفى سالمه هههههههههه

واهم شيئ ان يكون شغلهم نظيف هاذا المهم

السعر من 8000 الى 6300 فرق كبير زين زين