استفسار عن انوار الضباب ..

[no_more]

يااااااشباااااااب ..


صباااااااااااااااحكم عسل ؟؟


زي مانتم عارفين .. ان الاكورد مايجي فيها انوار ضباب من الوكالة ..


عشان كذا ابي اركبهن .. لقيتهن بالوكاله بـ1200 ريال .. قلت والله لو انا مادري وشو ماشريتهن ..



عشان كذا ابيكم تدورون لي محل بالرياض ..حليل يركبهن ..مظبوط .. ويكون شغلة عدل ..واهم شي مايتحركن ..او يرجن ..مع المطبات ..


واذا فيه نوع طيب ونوع رديء ... وعلى فكرة ..ماابيهن دوائر .. ابيهن على حجم الديكور ..والشي الثاني ابيهن بدون فاصل .. يعني يشتغلن ويطفن مع السكن(الاسطبات) ..


الله لايهينكم .. ياشباب عطونا المفيد ..


ولكم جزيل الشكر مقدما ..


no_more ;

[922]

الافضل حقت الوكالة

للاسباب التالية

1 - ماتحتاج تسليك جديد

2 - تغير الكباسة ويكون فيها مفتاح للانوار الضباب وليس زر مثل التجاري

3 - الوكالة تكون اصلية يعني مايصفر الاصطب مع الزمن او يشمس

الزبدة تستاهل ولو غالية واترك عنك التجاري وحركات حقين الكامري "كشافات من الغرابي"


بالتوفيق

تحياتي
محمد

[no_more]

هلا وغلا 922

انا معك ان الوكالة افضل بس السعر صراحة غالي بالنسبة لاهميه القطعه ..

والشيء الثاني على حسب كلام الوكالة انها تجي دائرية وانا صراحة شكلها ماهو عاجبني ..

لان الديكور حقها تقريبا مستطيل ..


وعندي سؤال ثاني .. وارجو ان ماحد يجاوب الا متأكد .. وانا باسأل بعد عنه الوكالة ..


هل اذا ركبت زينون ..او انوار ضباب من برا الوكالة يلتغي الضمااااان ؟؟؟؟؟؟!!!!!


هذا واكون شاكر لك 922 .. على تعاون ورايك ..


(( ملحوظة .. سيارتي ترا ماطلعت من الوكالة الى هالحين 2007 لؤلؤي V6 )) :d

>>>>> اجل وش فيك لاجنا .. كل شوي سؤال ..:mad:




سلام ..

[الماستر حنوم]

اسمع بالنسبه للكشافات محل قوه الاحلام بشارع النموذجيه بين مخرج 13 و 14 على ما اعتقد بس تأكد
عدهم الكشافات وبسعر حلو والمحل غني عن التعريف تخصص هوندا
اما بالنسبه للزنون مايلغي الضمان
بس في حاله انك ركبته عند واحد غشيم بيخرب الوزنيه
انا من رائيي رح لقوه الاحلام وخذ كل اكسسواراتك من هناك
صح انهم اغلى من السوق بس افضل شي موجود

[الاخطبوط]

الكشافات كنت انتظرها بالوكالة قبل ماتجي وماعندي مشكله بالسعر
يوم انها وصلت لقيتها دائرية >>>>>> شكل مادخل راسي ابداااااااااا :p

ركبتها بعدين من عند العليان طريق خريص لها الان أكثر من خمس شهور تقريبا :cool:
الوزنية جدا ممتازه + الشكل جدا ممتاز واحسن من الدائرية + تبيها بفاصل او بدون مع السكن على راحت وما قطعوا او جرحوا ولا سلك :cool: >> انا سويتلها قسام بمكان خيالي اخترعته وبدون اي حفر بالديكور ;)

على فكره الكشافات الا الان وهي بنفس لمعتها من يوم شريتها ماصفرت وان شاء الله انها مابتصفر :cool:

الشي اللي كان مخوفني انهم بيستخدموا الدرل عشان توسيع شوي بالصدام من جوا :eek: >>> بس بعد ماتركبت حسيت اختلاف بالشكل شي ممتاز :cool:

قوة الأحلام زمان ممتازين
الحين الفني واحد مصري شكله مايدري وشهي السالفه وبيتعلم :mad:

واي استفسار حاضر

[الماستر حنوم]

والله الاخطبوط من زمان عن قوه الاحلام
بس العليان غالي مره

[الاخطبوط]

لا والله يالماستر قوة الاحلام تغير

الحين فيه مصري جديد مايدري وشهي اسعار القطع يقول استنى راعي المحل

بس ترا الكشافات يوم اخذتها كانت نفس السعر بالعليان وبقوة الاحلام

اخذتها بـ 450 ريال >>>> اتوقع الحين ارخص

[no_more]

يعافيكم ريي .. شباب ..

واذا احد عنده زود معلومات لايبخل علينا ..