المساعد الشخصي الرقمي

مشاهدة النسخة كاملة : نــــــــــــداء إلى جميع الاعضاء

عاشق الأكورد06
09-12-2006, 02:27 AM
السلام عليكم ورحمة الله وبركاته.............
في البداية أنا فخور جدا بإخواني الأعضاء لما يقومون به في المنتدى من جهود طيبة وتواصل بينهم واتمنى المزيد انشالله .............
بس حبيت استفسر عن شي؟
اذا في حد مشارك بالمنتدى من الإمارات, ليش ما نسوي تجمع للأكوردات مثل ما يسوون اخوانا السعوديين , ام ان المنتدى في قلة من الشباب اللي في الامارات , ارجوا من اخواني النظر للموضوع بجدية واعطائي الجواب اذا سمحتم لنزيد من التواصل بينا وبين الاخرين .........
وشاكر لكم حسن تعاونكم..................
أخوكم عاشق الأكورد06
عاشق الأكورد06
09-12-2006, 02:36 AM
ارجوا من اخواني السعودين المشاركة وتشجيع اخواني في الامارات على هذه الفكرة ولا شو رايكم!!!!!!!!!!!!!!!!!!!!
CR-V
10-12-2006, 03:04 PM
الفكرة لطيفة، لكن لم لا تجعل عنوان الموضوع معبراً عن الأمر؟

كثير من الأعضاء هنا يتناسون أهمية عنوان الموضوع، فتجد موضوعاً عنوانه "أرجو الدخول" أو "نداء إلى الجميع" فربما لا يدخله البعض بينما إذا كان العنوان "كيف أركب زينون" أو "تجمع لأهل الإمارات"... إلخ لكان المهتمون بذلك الأمر تحديداً سيدخلون ;)
عاشق الأكورد06
10-12-2006, 07:10 PM
والله انك جبتها ,وانا اقول ليش ما حد معبرني ومو مهتم بالموضوع .....
ولا يهمك اغيره واخذ بنصيحتك ... مشكور اخوي على المرور....
عاشق الاكورد06
أكورداوي
10-12-2006, 07:29 PM
والله انا أذكر ان في مجموعه طيبه من الأعضاء في الامارات لكن بصراحه ما اشوف أي رد منهم .. ياليت لو يتفاعلون ونشوف تجمع اماراتي رائع ولو يكون عند برج العرب يكون احلى :cool:

وحبه حبه الى ان يصير تجمع دولي هونداوي ان شاء الله ..
عاشق الأكورد06
11-12-2006, 01:20 AM
والله انا ودي يصير ها التجمع بس مين يسمع .....
بسيطة انشالله انتو حاولو انكم توصلو الفكرة واحنا بنقوم بالتنفيذ ..........
تحياتي لكل الاخوان المتفاعلين معي...
حياتي كلها اكورد
11-12-2006, 05:48 PM
عاشق الاكورد انا دايم اسمع امي تقول

اللي من ايدو الله يزيدو

وانت سوا اللي عليك وانشالله الشباب مايقصرون


وصحيح اللي سمعته انه عندكم بالامارات تقلب السياره سبورت
جنوط نيكل /بيبان على فوق/داخلي جلد سبورت مع الطاره تنجيد/انوار زينون.... الخ

بــــــــــــــــــ3500 ريال فقط
عاشق الأكورد06
12-12-2006, 02:35 AM
مشكور اخوي على الامثال الحلوة ....
وكلامك صحيح وفي بعد ارخص من 3500 ريال
HONDA OWNER
12-12-2006, 04:59 AM
والله أخوي أنا أشوف إن الموضوع بيآخذ وقت

لإنه قليل الشباب من الإمارات عندنا في المنتدى

وأنا أقول أول خطوه تسويها تعمل إستيكر للسياره فيها رآبط المنتدى

وأي واحد تعرفوه عنده أكورد تكلمه يعمل نفس الحركه

وأعتقد كلها كم شهر وتشوف الشباب الإماراتيين ماليين المنتدى:)

تحياتي لك..
م م و السعوديه 5 5 7
12-12-2006, 07:23 AM
لا تعليق باعتبار اني جديد في النادي ولا اعرف احد
بس فكره حلووه ويا ليت يكون فيه تفاعل من اخواني الاماراتين
عاشق الأكورد06
13-12-2006, 02:11 AM
مشكوريين وما قصرتم, والله اخوي هوندا ذكرتني وفكرتك معقولة وانشالله عن قريب بطبقها..
وانشالله تكون النتائج طيبة....
تحياتي لكل من ساهم بالمساعدة...
HMH
15-02-2007, 11:29 AM
حلوة فكرة الاستكرات و انا من الامارات يا ريت يكون في تجمعات عندنا في الامارات
deer_uae
15-02-2007, 12:57 PM
أبشر بسعدك وانا أخوك بس إنت حدد لي المكان والزمان وما يصير فالك اللا طيب
الأنس
15-02-2007, 04:01 PM
فكره حلووووووه جداً :)

موفقين ياهل الامارات الغالين :)

محبتي
أكورد 2.4
15-02-2007, 04:27 PM
:) هلا بالشبـاب وأسمحولي أنا بس الحيـن قرأت المـوضوع :)
آمروا وتدللوا وحددوا المكان وإن شـاء الله بنعمل تجمـع ولو بسيـط كبدايـه للتعرف على بعـض وتصوير السيارات وأعتبروني من الموجودين إن شـاء الله :)
عاشق الأكورد06
15-02-2007, 11:27 PM
خلاص انشالله بنتفق
بس اول شي اللي بالامارات يذكر اسم المدينة
يامطنش
16-02-2007, 03:29 AM
مشالله الى الان اربعه من الامارت وياليت نشوف اكثر ونشالله اخوي عاشق يزيدون وحط موضوع ثاني بسم تجمع الامارات شي يشد الزوار والاعضاء من الامارات وفالكم طيب
أكورد 2.4
21-02-2007, 12:18 AM
العيـــــــن .. دار الزيـن
ن ك د السـعــــوديه 3 5 7
21-02-2007, 01:10 AM
:cool: الله يوفقكم إن شاء الله

دعواتي لكم بالتوفيق

محبكم

ن ك د
هاااي 9 7 7
21-02-2007, 02:19 AM
الله يكتب مافيه الخير لكم

وفكره رائعه ولا تنسون الصور :cool: اذا اجتمعتو
أكورد 2.4
24-02-2007, 03:57 AM
وين الردود يا شباب الإمارات ..!؟
عاشق الأكورد06
24-02-2007, 03:04 PM
انا من عجمان دار الأمان
أقول لو المسافة بعدت حب هوندا يقربنا
أكورد 2.4
25-02-2007, 01:18 AM
أنـا أشهـــــــــد ..