هوندا والايرباق

[اتــشـــــ]

قبل كل شي احب اقول الشر برى وبعيد وحفضني الله وياكم من شوفت الايرباق .
حبايبي الاعضاء ودي اسئلكم عن ايرباق الهوندا هل هو ضروري ومهم في حالة الحوادث لاقدر الله او وجودة مثل عدمه. وهل اعادة اصلاحه في الوكالة الذرية لطاقة النووية (قصدي وكالة هوندا) مكلف . يقال ان الايرباق في الهوندا ذكي جدآ ومايطلع الى وقت الشدايد القوية :mad: وعلى حسب نوع ومكان الصدمه يعني اذا كان الحادث من جهة السائق يطلع فقط ايرباق السائق واذا كان من جهة الراكب يطلع فقط ايرباق الراكب اما اذا كان الحادث قوي جدآ جدآ يقوم الكومبيوتر باطلاق كل الايرباقات في السيارة لحماية جميع الركاب يعني مو زي السيارات الثانية اقل واتفه صدمة يطلع الايرباق واوقات الايرباقات كلها تطلع بسبب واحد راجع عليك ريوس .ياليت نسمع ارائكم وتجاربكم في هذا الموضوع وبتفصيل.والله يحفظ الجميع من كل شر.

[اكورد 2006]

السلام عليكم ياخوي اتش انا شفت حادث قدامي لواحد من الشباب وموتره مافيه ارباق وانا كنت امشي وراه وماشفت قدامي الا غبار وعلى بال ماوقفت واشوف خويي توه فاتح الباب وينسدح يبغى يتنفس وياخذ نسم مو قادر وقعد شوي على بال ما قدر يتنفس ومع انه يمشي 80 بس الصدمه بغت تنتف صدره وتكسر ظلوعه بسبت الدركسون وكثير ناس اعرفهم من قوة الصدمه يمسكون الدركسون وتكسر ايديهم وعلى طاري الريوس فيه ناس ركبت رصيف طلعلهم الايرباق:d


تحياتي اكورد 2006

[اتــشـــــ]

اخوي اكورد2006 حفظك ربي والجميع من كل مكروة .حقيقة نبهتنا لنقاط جدآ مهمة وأول نقطة ترك مسافة قدر المستطاع بين السائق وعجلة القيادة (الدركسون أو الطارة) (يعني الواحد لايلزق الكرسي مرة في الدركسون :D ) لحماية الصدر والوجة واليدين اثناء وقوع الحادث لاقدر الله مع العلم ان من مميزات السلامة في الهوندا ان عامود عجلات القيادة في الهوندا ينكسر اتوماتيكين اثناء الحوادث الامامية القوية لكي لاتندفع عجلة القيادة اثناء الحادث على السائق المحصور خلفها .مع ذالك لازم الواحد يكون حريص لان ظروف وقوة وموقع الحوادث قد تختلف من شخص لشخص كذالك بنية جسم السائق تختلف من شخص لشخص.
ثانيآ وهو الاهم ربط حزام الأمان اقلها على الخطوط السريعة واثناء السفر.(ادري انة غثيث بس معليش تحملوة عشاني)
ثالثآ تذكروا تذكروا تذكروا ان بعض الحوادث القاتلة وقعت في اقوء واغلى سيارات العالم كما حصل للأميرة ديانا ومن معها عام97 مع العلم ان السيارة كانت مصفحة :confused:

[accord 06]

برايي اكثر الايرباقات حساسيه للصدمات هي ايرباقات الفورد و الهوندا

بالنسبه للفورد صار قدامي حادث لفكتوريا عند تقاطع حارتين
يعنيي يمشي بسرعة 20 كيلو بالكثير .. الايرباقات طلعت .. الصدام تحرك شوي
من مكانه و انكسر الشبك و الشمعه .. تصليح الصدمه بالكثير يكلف الف ريال
و الايرباقات ما يقل عن 5 آلاف ريال


و الهوندا برضوه حساس مره .. تخيل لو ينكسر عليك الجنط تطلع الايرباقات :eek:

هذي سالفه صايره لخويي معه اكورد 2003 .. مركب جنوط تجاريه
المهم كان ماشي و دخلت حديده بالكفر الامامي الايسر و كسرت الجنط
<< تجاري ما يشره عليه
طاحت السياره و البدي سليم 100 % ما عدا الصدام تأثر شوي
و تكلفت اصلاح الايرباقات 8000 ريال :(

و آسف على الاطاله

[مجنون هوندا]

والله انا اشوف ان الايرباك خمه
سياره تطلع من اول دقه وسياره
ماتطلع لوانه صقع في شاحنه
يعني الشركه تصنع الف سياره
موكلها نفس بعض كل سياره
بخمه....................................

[راعي الاكورد]

انا في اعتقادي الايرباق مهم مهم في السياره

يعني على الاقل يحمي السائق بنسبه 70% على الاقل

صحيح الاعمار بيد الله لكن لزم ناخذ بالاسباب

والايرباق ضروري في السياراه

بس في إيرباق اقل دقه خفيفه يطلع يعني اذا يكون مبرمج على نوع الحادث ايكون احسن

لان تدخيل الايرباق ايكلف والله العالم

[lord033]

طااااااااااااااااااايب السؤال الذي يطرح نفسه ... :cool:


فيه بعض السيارات ما يطلع الايرباق ...


الا اذا كان حزااااام الامان مربوط ,, :p


هل الاكورد تمشي على النظام هذا ؟؟ :confused:


وسؤال اخر .. الاكورد 4 سلندر فل اوبشن ,, كم فيها من ايرباق ؟؟ :confused:

ودمتم :D

[اتــشـــــ]

اخوي lordo33 بنسبة للسؤال الثاني الاكورد الفل اوبشن اربعة سلندر يجي فيها اثنين ايرباق والاكورد الستة سلندر يجي فيها اربعة ايرباق .
والسؤال الاول والله ماادري بس نشوف باقي الشباب وش يقولون .

[أكورداوي]

فيه بعض السيارات ما يطلع الايرباق ...


الا اذا كان حزااااام الامان مربوط ,, :p


هل الاكورد تمشي على النظام هذا ؟؟ :confused:


وسؤال اخر .. الاكورد 4 سلندر فل اوبشن ,, كم فيها من ايرباق ؟؟ :confused:




سؤال جيد..


عزيزي.. نظام هوندا في الايرباقات تظام ذكي جدا..

فالايرباقات تخرج سواءا رابط الحزام أو مو رابطه .. لكن

اللمسه الهونداويه على نظام الايرباقات لمسه ساحره,,كيف..؟


عند حدوث حادث لاسمح الله تبدأ أجهزة الاستشعار الموجوده في الامام بأستشعار قوة الصدمه ..

فاذا كانت الصدمه قويه فانها ترسل اشارات الى ثلاث جهات في السياراه..

الجهه الاولى .. حزام الامان .. وهنا فائدة حزام الامان.. حيث يقوم حزام بالشد على الجسم أكثر من الطبيعي لضمان تثبيته بالكرسي ..

الجهه الثانيه .. أكياس الهواء .. التي بدورها تخرج من أماكنها بشكل سريع جدا وقوي ويكفيك بقس واحد منها ينسيك اسمك عشان كذا لازم تكون رابط الحزام ..

الجهه الثالثه .. لمبة الايرباقات الي موجوده في العداد لتضيئ معلنة عن الزامية دفع 9000 ريال لشركة هوندا ..:D

السالفه هذي كلها تدرون كم تاخذ وقت ؟




هنا اللمسه الهونداويه الي قلت عنها ..



تخيلوا من الاستشعار الى الارسال الى شد الحزام و أمر خروج الاكياس واضاءة اللمبه ..



كلها تآخذ 10 أجزاء من الثانيه فقط :eek: اي نعم لا تطلع عيونك ولا شي هذي هوندا ..

والمرجع للتأكد هو الكاتلوج ..



وطبعا السؤال الثاني .. كم ايرباق ؟

مافيها الا اثنين وفيها الخير والبركه ..



تحياتي,,:cool:

[اتــشـــــ]

اكورداوي انت الي فيك الخير والبركة تسلم على هيك معلومات .
بس عندي سؤال واحد هل سيارتك طلع فيها الايرباق يوم رجع الوالد الله يحفظة على الدينا ؟

[أكورداوي]

الله يسلمك حبيبي..

الصدمه الي صارت لسيارتي كانت تافهه جدا وما طلع منها الايرباق لأن الحساس موجود قدام والصدمه بالصدام الخلفي.