لو سمحتوا لان الموضوع وصل حده؟؟؟؟؟؟

[م ر ى السعوديه 969]

السلام عليكم ورحمة الله وبركاته

اول شي احب اشكر القائمين على المنتدي الاكثر من رائع ويعطيكم العافية .....

انا عندي هوندا اكورد 2005 ماشي الحين 44 الف كم ومحافظ على الصيانه الدوريه وحتى الزيت ما أغيره الا في الوكاله بالعربي السيارة (مدلععععععععععععععععععة) وبزيادة....ز

المشكله هي ان السيارة معي الحين سنه وستة شهور اليكم وش غيرت في السياره
(على الضمان طبعاً)

-المساعدات الخليفه مغيرها مرتين.
- بلف المكيف.
- غيرت الفريون(حق المكيف)
-كرسيين للمكينه امامي وخلفي .
-غيرت الهوبات (طلع فيها صوت قالوا لازم نغير الهوبات)
-عند اشارة واقف (مؤدب) السيارة نزلت كل زيت المكينه (وانا واقف.)
-بكرات السير .
والكثير الكثير

شورو على ياجماعه تكفون لاني بصراحه خلاص ماعاد اتحمل :mad:

المعروف عن الهوندا انها متغير فيها ولا شي الا بعد 5 سنوات من غير الزيت والفحمات


heeeeeeeeeeeelp me pleasa>>>>>>>

[أبو المهند]

في الحقيقة الأمر زاد عن حده فعلاً، سأترك المجال لأهل الخبرة في الإجابة.
لكن لي إستفسارين:
- من أي منطقة أنت؟
- هل حاولت إيصال مشكلتك إلى إدارة وكالة هوندا بأي شكل؟

[متوهق]

مرحبا اخوي الغالي م ري السعودية 969

والله انك قطعت قلبي لكن ما تبيلها كلام ( عين جت على السيارة ) رايي الخاص هذا .


لكن الحل مافيه غير الوكالة لك واعتقد ان الضمان ما انتهى عليها ( ترا ماني متأكد بس ممكن الشباب يفيدونك بالنقطة هذي )


ونصيحتي لك انك تبيعها من تطلع من الوكالة على طول ،،،،،،،،،،،

[accord 06]

الله يعينك

واضح انك سيارتك صاكتها عين محترمه

و الحل الوحيد انك تبيع السياره :(

[اتــشـــــ]

اعتقد اخوي م ر ي 969 انك شاطفلك واحد من اهل الشماسيه :confused:

[BLK]

أخوي سيارتك مصدومة ؟؟

[Acc]

يمكن معطينك عين على سيارتك

اخوي انا سيارتي ماشيه للحين 147 الف ماشاء الله ولا صادفتني اي مشكله من المشاكل هذي

مع العلم ان سيارتي تعرضت ل 3حوادث

[دحوم]

والله اخوي شيء يطفش الله يعيينك

[مجنون اكورد]

والله انا اتوقع عيين ..دخلها الوكاله وصلحها وعلى المعاارض ...


مع ارق تحيه

[م ر ى السعوديه 969]

السلام عليكم ورحمة الله وبركاته
الف الف الف الف شكر على ردودكم اللى توسع الخاطر
ردود
اخوي هوندا انا في الرياض&& ودخلت على مدير خدمه العملاء في الوكاله بس ماعندك احد وشكور اخوي Hondaعلى المرور الرائع....
اكورد و متوهق واتش و Acc ومجنون اكورد والله كثير قالولي هالكلام اللهم لااعتراض ومشكورين على المرور

اخوي Blk لا الحمد لله ماصار عليه حوادث ولله الحمد وشكور على المرور>>>
بعدين ياجماعه تقولون لى ابيع السيارة والله يتقطع قلبي لانه وش بتجيب السيارة بعد كل هالمشاكل والمشكله الاكبر وش تبي تشترى يالواحد ...

ازيدكم من الشعر بيت على قولتهم المكيف الحين مااااااااااااااااااااااايبرد زي الناس لازم على 3 اقل شي وفيه صوت ورى زي القواطي كذا

الشكوى لله ياجماعه والله حاجه تطفش

[أبو المهند]

نسأل الله أن يعوضك خيراً منها.
لازلت أرى بضرورة تعويض الشركة لك، يفترض بهم تعويضك على الضمان بأقل الحالات، خاصةً مع كثرة المشاكل.
الله يعطيك خيرها ويكفيك شرها

[BLK]

كلم الوكالة و اشرح لهم حالتك ... بس غريبة كل هالمشاكل !!! ... انت ماخذها وكالة ولا مااخذها مستعملة ؟؟ .... و الأشياء الي غيرتها ... غيرتها على حسابك ولا على الضمان ؟؟ ...

[أكورداوي]

الله يصبرك ياخوي على مصيبتك..

غريبه والله..
حتى لوكانت مو أكورد غريبه.. :confused:


والله العالم انها عين..

وخذ من عندي نصيحة مجرب..

رح للوكاله وادخل على المدير بكبره وعلمه السالفه وخله يشوف لك حل .. المهم أكسر خاطره وأعطه دفتر الضمان خله يعرف انك مهتم وأول مايصلحونها لك وتطلع من الوكاله أعرض سيارتك للبيع (( مجرد عرض )) بالجرائد (( المبوبه .. الوسيله ... الوسيط ..)) وحط على القزاز لوحه (( للبيع )) ونزلها المعارض وسوم فقط ولاتبيع وان شاء الله تزول العين..

طبعا هذي الطريقه مجربه كثير وانا واحد منهم كان عندي فورد .. صلحت (( ماكينه _ قير _ دركسو ن _ مساعدات _ جنبينات _ بخاخات _ طرمبه _ مكيف _ راديتر _ ))
وأشياء ثانيه ما أذكرها كلها بسبب عين صابتها ونصحوني بالطريقه هذي وسويتها والله العظيم ان السياره مشت معي 4 أشهور سليمه الى ان بعتها مع العلم كانت تخرب علي كل اسبوع ..

وعسى ان تكرهوا شيئا هو خيرا لكم واصبر واحتسب والله يعوضك بخير منها..

[أكورداوي]

طبعا لازم تطول شوي وانت عارضها للبيع..

[مجنون هوندا]

والله زي ماقالوا الشباب عين ماصلت على النبي
والله يعنيك روح اقرا عليها اما عن التعويض انسى
اصلن انا ماراح اخليك تدخل المكتب اخليهم يصرفونك
مسوي ماسك الوكاله
مجنون هوندا

[م ر ى السعوديه 969]

السلام عليكم ورحمة الله وبركاته وبعد
والله ياجماعه سويت كل شي حتى انى عرضتها للبيع بس ..لاخبر

ويوم تقولون لى ادخل على مدير الشركة
دخلت على مدير خدمة العملاء وماقصر والله سوين اجتماع مغلق مع مدير خدمة العملاء ومدير الصيانه لكن ماطلعت معاهم بشي الصراحه
فقلتلهم ارسلو لي تقرير للشركة الام واكتبوا فيه كل شي صلحتوه ارسلو تقرير يقولون نبي نمدد الضمان 10,000كم

[م ر ى السعوديه 969]

السلام عليكم ورحمة الله وبركاته وبعد
والله ياجماعه سويت كل شي حتى انى عرضتها للبيع بس ..لاخبر

ويوم تقولون لى ادخل على مدير الشركة
دخلت على مدير خدمة العملاء وماقصر والله سوين اجتماع مغلق مع مدير خدمة العملاء ومدير الصيانه لكن ماطلعت معاهم بشي الصراحه
فقلتلهم ارسلو لي تقرير للشركة الام واكتبوا فيه كل شي صلحتوه ارسلو تقرير يقولون نبي نمدد الضمان 10,000كم وجالسين ننتظر الرد

والف الف شكر على تعاطفكم ياجماعه

[اكورد الجنوب]

الله يعينك أخوي
بس انا ما أشيرك إلابما سبقوني به أخواني
انك تصلحها من جديدوتعرضها للبيع ان جتك قيمه
زينه بيع وان مأجتك قيمه نزلها المزاد واذا استقرت على قيمه معينه طلعها وإنشا الله تزول العين.
وارجو أن تتقبل مروري

[باتريوت هوندا]

هلابك اخوي

عزيزي المشاكل الى صايره عندك عيوب مصنعيه ميه بالميه سيارات قديمه ماتصير فيها نفس هذي المشاكل وخصوصاً هوندا

لكن انت قلت انك مدلع السياره من ناحية الصيانه والزيت

طيب استخدامك للسياره كيف ؟

لأن فيه ناس كثير مايغير حتى الصاموله الى في الوكاله لكن زي مايقولون يحرق الموتر حرق بعد مايطلع من الوكاله

انتضر ردك والله يعوضك بـ ازين منها يا رب


اخوك
عزوز ورشه

[ن ك د السـعــــوديه 3 5 7]

هذي ياخوي م ر ى 9 6 9 مثل ماقالوا لك الشباب الظاهر انها
عين ماصبت على النبي :(

واسال مجرب انا سيارتي كان فيها عين :eek: بس الحمد لله راحت :cool:

والطريقه باعلمكم بها بس انا متاكد مابتصدقوني لاني صراحة يوم

سمعت الطريقة ماصدقت :eek: بس قالوا لي ناس جرب ومابتخسر شي

وفعلا والله جربتها وطلع كلامهم صح :cool:

الطريقه: روح المعارض وحرج على سيارتك كانك بتبيعها وشف كم

بتجيب لك بعدين طلعها وانشاء الله يصير كل شي او كي

اسال مجرررررررررررررب :cool: انا مسويها :rolleyes:

[الاخطبوط]

تأكد انت اول ماشريت السيارة احد قالك بيعني اياها وانت قلتله لا

[MeMoOoO]

السلام عليكم

اول شي ياشباب صحيح ان العين حق

لكن اعتقد ان في اسباب

الله لا يبلاني بواحد عينه حاره تحرق موتري الجديد
<<<<<<<<<<<خــــــــــــاف

انا اتفق مع اخوي باتريوت هوندا

لكن اذا استخدامك جيد للسياره

روح للمعرض وسويلهم فضيحه واطلع للمدير وقله تر انا لساني طويل وفمي كبير والله لافضحكم
وما اخلي جريده او موقع في الانترنت في المملكه إلا واكتب فيه قصتي

وحاول تتصل بهوندا الشرق الاوسط (إذا في)

[MeMoOoO]

انا الحين من جد خفت اشتري اكورد
لان لو السياره الجديده (اكورد) صار فيها اي مشكله
احس ان ابوي بيبيعني انا والسياره
لان هذي 3 سياره تخرب على يدي

:(

[م ر ى السعوديه 969]

السلام عليكم ورحمة الله وبركاته اما بعد ,,,,,
يعجز اللسان عن الشكر لكن لعل وعسى ان الف مليون شكر لكل من تعاطف معي وكتب لى رد لذا الف الف مليون شكرا ,,,
والسلام خير ختام....

[غياض]

السلام عليكم... أنت أول ما شريت السياره شغلت فيها سورة البقره كامله ولا لا ثانيا قريت المعوذات ولا لا ... المعوذات والأشياء هذي ترى مهمه مب بس في السياره في كل شي حتى البيت الجديد أو في الزواج واعذرني إذا طولت عليك

[GoldenLion]

السلام عليكم ورحمة الله وبركاته

أخي العزيز
ما ذكرته يعد أمر غريب وعجيب للغاية!
فحتى من يستخدم سيارته بعنف وهي جديدة لا تحصل لها مثل هذه المشاكل
الحقيقة عندما قرأت مشاركتك لم يخطر ببالي موضوع العين أبداً، ولكن العين حق.
لكن هل أنت متأكد أنك تستخدم السيارة بطريقة حسنة ؟؟

أسأل الله أن يفك كربك وأن يعوضك خيراً منها اذا كان ما أصابك هو عين.
وأتمنى إنك ما تكون أسأت استخدام السيارة، كونها معروفة بجودتها.

وبالتوفيق إن شاء الله.

[ACCORD2m]

اكيد عين وما صلت على النبي
اجل اكورد وكل هالمشاكل
والله الاكورد حلاوه ومافيها ولا مشكله ابدااا
بس غريبه ,, الله يساعدك اخوي وتقبل مروري
سلااااااااام