تفضل محتاج ردك ياخبير الزينون ورنا خبرتك

[دحوم]

السلام عليكم ياشباب لو أركب زينون وش تنصحوني بالعالي والواطي سواء أو الواطي فقط وأي الأنواع أحسن أنا في نظري اللي يجي مثل الثلجي الألماني:cool: اللي في اللكزس واللي في البي إم:cool: وانتوا نظركم وش يدلكم عليه:) .

ثانياً : يا شباب أنا رحت للغرابي وشفت لي زينون اسمه فيلبس:eek: لكنه غالي مرة سعر الواطي أو العالي لوحده 2200ريال :eek: مع التركيب لكن ما شاء الله شغلهم كل الشباب يمدحونه:d عندهم أخصائين للتركيب والتزيين;) لكن أشوف السعر غالي مرة:mad: يعني سعر الثنين سواء 4400ريال:eek: والله كثيرة مرة , ياشباب هل سعرهم معقول للزينون :( وهل في أحد جربه أو أحد راح لمحل ولقاه أرخص من كذا ياليت بردود عشان استفيد ويستفيد غيري وشكرا ُ .

[الاخطبوط]

الصراحه انه غالي جدا

واذا انها ماسكه معك تركبه ولا تقدر تنام الليل اوكي على الواطي بس

ماني خبير بالزينون بس سمعت انه الكلفن كل مازاد زادت الزرقه تبع النور
طيب بعضهم يقول الكلفن ماله علاقه الشمعه هي اللي تحدد اللون (الكلفن وش فائدته طيب)
ابي احدد يعطيني العلم الصحيح

[Accord 4 EvEr]

دحوووووووووم

نصيحه أهرررب وابتعد ..

من جدك انت 2200 !!!!

وربي نااااااااااااااااااااااار ... تعال الشرقيه بـ 1600 اعطيك طقم محولات الماني اصلي وعلى الضمان ... مع شمعتين فيلبس ... والتركيب .. وفوقها حبة راس ...

[دحوم]

الأخطبوط : مشكور على ردك وصح أنا معك أهو غالي من جد بس اقدر انام الليل يعني ما اهتميت فيه .

accord 4 ever : مشكور وهذا اللي راح يصير إن شاء الله والله غالي واقنعك كلامك بس من جدك 1600ريال عالي وواطي مع الضمان وألماني بصراحة شيء خيالي .

[BLK]

أخوي دحوووم صرااااااحة غالي ... تخيل تدفع 4000 على زينون ...... والله الهالوجين أبرك :) ...

أخوي لو تدور عدل في الرياض رااااااح تشوووووف العجب ... و خصوصاً عند الغرابي ( مثل شارع تويوتا في الشرقية ) ...

أهم شي يكون الزينون بدون ترهيم و مافي خوووووف ... حتى لو كوري :) ...

[دحوم]

كلامك أخويblk صحيح بس انا لقيت الحل مالي إلا قوة الأحلام بــ1000ريال وبدون ترهيم وضمان .

[BLK]

أخوي دحوم إذا كان ألماني و عليه ضمان مافي أي خووووووووف ..... :) ... و لا تنسى الصور ... و ألف ريال هو السعر المعقول للزينون ...

[دحوم]

ما يحتاج كلامك أخوي BLK صحيح والألماني اللي نوره كأنه يتحرك والسيارة تمشي يسمونه ثلجي مثل اللكزس والبي أم وغيره من السيارات بس بصراحة هذا أطلق زينون وإن شاء الله راح اركبه في القريب العاجل بس أخوي BLK هل تعتقد محل العليان بالزينون اللي عندهم اللي سعره 2000ريال للواطي هل هم حراميه ويستغلون الجديد على الزينون أوالزينون نفسه غالي اللي هو فيلبس والله ما ادري عن هذي المحلات الدعوة تلاعب ونصب في نصب وشكل المسألة 1000 للكفيل و1000في الجيب ومشكور مرة ثانية أخوي BLK .

[دحوم]

س/ اركب واطي ولا الإثنين مع بعض ؟ حتى الآن ما أحد جاوب عليه بالتفصيل الممل . ياليت

[الاخطبوط]

يادحوم انا اقول ركبه على الواطي بس

يعني حتى اللكزس الواطي زينون والعالي عادي

بعدين شكل الاكورد والزينون شغال على كيفك

بس انا لاحظت الزينون اللي بقوة الاحلام العلبة انه الماني بس نفس المحول تحس انه كان عليها لزقه ومقشوعه
انا شاك بالموضوع >>>>> اخص ياكونان :)

يمكن اكون غلطان

الصراحه انا كنت بركب زينون الين ركبت الكشافات شلته من راسي بس يمكن ارجعله
صرت مااشغل النور امشي بالكشافات مع السهاريات

[دحوم]

س / أخوي الاخطبوط كيف اعرف ان هذا الزينون الماني 100% وغير مغشوش وملعوب علي فيه ؟

لا يكون ركبت كشافات اللي سعرها 400ريال تراها عندك في الوكالة كشافات ماشاء الله عليها

مشكور على التفاعل .

[BLK]

صراحة مادري ليش غالي كذا ... بس مثل ما يقولون الغالي سعره فيييييه ... يعني يمكن يقعد معاك 10 سنوات <<<<< يمكن والله مادري :d ... و ممكن تكون الدعوة نصب بعد ... الله العالم ...

والله أنا أفكر أركب زينون عالي ... بس بيني و بينك أحسها مالها دااعي ...

بالنسبة للمحولات الألمانية أخوي عادة تكون من الحديد و الكورية لا ... أقول عاادةً ... أقصد الغلاف طبعاً ...

[اكورد 2006]

دحوم السوق كله مافيه زينون اللماني كله تجاري وشغل نصب نفس حركات الملابس التجاريه اللي يجبونها من الصين والهند ويحطون عليها ماركه ويصكون سعرها فوق وهي ما تسوا 10 ريال اذا كانك تبي زنون عليه الكلام انا انصحك بزنون الفياقرا خذه من التشليح الضاهر قيمته بحدود اللفين مع التركيب اعرف واحد مركبه على اكورد لؤلؤي طالع مميز بس عيبه انه ترهيم و وتقطيع اسلاك
اما ان كانك تبي زنون بدون تقطيع اسلاك وتجريح انصحك بالكوري او الصيني

[اكورد 2006]

ايه نسيت اقولك العالي نصيحه لا تحط كوري او صيني حتى راعين المحلات مايمدحونه لنه يخرب مع التكبيس خله على شد الوكاله مثلي ونوره مشالله حق الاكورد العالي مايقصر مع الزنون يعطي نور قوي مره

[دحوم]

اخوي Blk مشكور على الرد وان شاء الله راح اركب الماني واطي من قوة الاحلام واتاكد حديد على الغلاف .

مشكور اخوي اكورد 2006 على هذي المعلومات والله انك صادق الدعوة نصب في نصب اللي ما يجيك من اليابان جاهز في السيارة ولا لاتحط وبالنسبة لزينون الفياقرا ما اتوقع راح احطه تقطيع اسلاك وترهيم ما احبه والعالي ما راح احطه الماني واطي فقط وشكرا على الردود .

[الاخطبوط]

بالتوفيق مع الزينون دحوم

بس لاتجهرنا فيه :)

[دحوم]

الله يسلمك اخوي الاخطبوط لا خلاص كيف اجهرك وانا هونت من العالي .

[التراري طاره غير عادي]

انا من راي اخوي لا تستعجل على الزنون ترى فيه محلات با الغربي نصابه ورافعين سعر الزنون

علشان الناس الحين طاحت في الزنون حتى الشايب يركبون زنون هههههههههههه

حتى اللي معهم دداسن طاحو با الزنون المشكله با الزنون هل تظمن له قطع غيار اذا خرب

او اذا احترقت الشمعه مافيه احسن من زنون الوكاله بس الهوندا الان تتطور شوي شوي حتى

السفيك اللي كانت بايخه ضبطو فيها يعني اهتمت شوي بس لو تهتم با القوه خصوص السفيك

هههههههههههه طولت عليكم وطلعت عن موضوعنا بس الزبده لا تستعجل با الزنون على مهلك اسال ودور وتلقى بسعر زين

واذا بتركب زنون من رأي وانت طبعن حر بسيارتك خلها مثل نظام اللكزس الواطي زنون والعالي عادي بس غير الشمعه

حقت العالي تلقاء شمعه المانيه نورها قوي ومايل لونها للا ابيض بس لا تعمي خلق الله با النور

<<<<<<<ترى يسونها حقين الرياض يمسك الخط الاصفر ويعمي العالم با الزنون اللي توه مركبه وفرحان فيه يكبس

هههههههههههههههههههههههههههههههههههههههههههههههههه ههههههههههههههههههههههههههههههههههههههههههههه

[دحوم]

اول شيء ياهلاوالله وسهلا بك عضو جديد عندنا , ثانياً : مشكلة عبدالله هاشم بصراحة مشكلة كبيرة يعني ظالم الزباين الزينون متوفر في جميع الوكالات ماعدا وكالته , ثالثاً : بصراحة انا قريت كثير عن زينون فيلبس وبصراحة ممكن إذا شفت الميزانية زائدة احطه وممكن ما احطه لأن سعره سعر الواطي والعالي بالنسبة لزينون الهيلا . وشكرا .