وزن الاذرعه

[شرفترف]

السلام عليكم ورحمة الله وبركاته

انا يا اخواني مشترك جديد ويشهد الله اني استفدت كثير من ردود وخبرات المشاركين في هذا المنتدى اللي اكثر من رائع.

انا ركبت كفرات جديده ماركة تويو لسيارتي الاكورد موديل 2002 وبعدين قالي الفني لازم انسوي وزن الاذرعه اللي قدام واللي في الخلف. قلته طيب اللي قدام مو مشكله بس في وزن اذرعه للخلف؟ الفني تراه من اخواننا اليمينين (ترى ما اقصد شي) وقلته اكيد يحتاج ورى وقدام قال اكيد. المهم سوى وزن الاذرعه ولا حظت ان السياره خفت حنت الكفرات بس ما زالت تحذف شيء بسيط الى اليمين. شرايكم اوديها الوكاله والا الحذفه البسيطه شيء عادي وهل صحيح في وزن للكفرات اللي في الخلف؟

جزاكم الله الف خير.

[اتــشـــــ]

وهل صحيح في وزن للكفرات اللي في الخلف؟




اكييييييييييييد صحيح :)

[الهادف]

بالنسبة للحذفة فهي موجودة في كل السيارات اليابانية .. اما يمين او يسار .. فشوف حظك انت وين تطلع الحذفة ..

[922]

لا مافيه وزن خلف

لانها في الخلف ثابتة مالها تعديل او وزن

[اتــشـــــ]

اخوي محمد الكفرات الخلفيه تترصص زي الاماميه بالضبط .

[922]

^^^^^^ الكفرات صحيح
لكن الاذرعة والمقصات الخلفية مالها ميزان الا في بعض السيارات الاكورد مالها تعديل وزن
في الخلف

[ahmdandmohd]

السلام عليكم
اناأدخلت السيارة سيفك اوتوماتيك 2004 الى الوكالة لعمل صيانة 40000 وعملوا الصيانة مع تغيير كرسى ماكينة امامى وقماشات امامى ولكننى لا حظت ان صوت السيارة اعلى من قبل دخولها الصيانة بالله افيدونى وشكرا

[B Unique]

السلام عليكم
اناأدخلت السيارة سيفك اوتوماتيك 2004 الى الوكالة لعمل صيانة 40000 وعملوا الصيانة مع تغيير كرسى ماكينة امامى وقماشات امامى ولكننى لا حظت ان صوت السيارة اعلى من قبل دخولها الصيانة بالله افيدونى وشكرا

وعليكم السلام

أخوي ahmdandmohd لو تحط سؤالك في موضوع خاص بك إن شاء الله بتحصل رد عليه
لأن سؤالك مختلف عن موضوع النقاش هنا ويمكن محد ينتبه له

وشكراً

[الأنس]

ماقصروا الأخوان

محبتي

[accord 06]

فيه حذفه طبيعيه و فيه حذفه من مشكله

اذا تبي تتأكد ان الحذفه طبيعيه و لا لا

اول شي تأكد ان هوا الكفرات موزون

بعدين اطلع على خط مستوي و امش بسرعه 90 كيلو

اترك الدركسون .. اذا حذفت السياره خلال اقل من 6 ثواني

فلازم تفحص السياره

اما اذا كانت الحذفه بعد اكثر من 6 ثواني فالسياره طبيعيه

[beckhaam]

كلام سليم

[شرفترف]

السلام عليكم

مشكورين يا شباب على ردودكم. شكلها فيها مشكله لان الكفرات جديده ومرصصه والسياره تحذف اقل من 6 ثواني وجربتها اكثر من مره . شكل الفني الله يهديه جاب العيد. على العموم يمدحون فني فلبينيي في الخضرية بالدمام واسم ميزانه وااله اعلم المنصور. بشوفه واعطيكم خبر. والله يعطيكم العافيه ويجنبكم كل سوء ومكروه.