سؤال: كيف احافظ علي مراتب الجلد؟

[Dr.accord]

شباب انا عندي اكورد مراتب جلد

ودي اعرف وش احسن الطرق علشان ما يتوسخ

يعطيكم العافيه:)

[اكورد البحرين]

اذا كان لون المراتب بيج مثلي الله يعينك افضل طريقة للمحافظة على نظافتها هي التكييس لانك لو تنظفها كل 5 دقايق ماراح تبقى نظيفة :d

[الاخطبوط]

الجلد البيج عذاب بالتنظيف وخوفك تستخدم ملمعات الجلد وبكره تبدأ التشققات تطلع

بس الوقاية خير من العلاج >>> غلفها بأكياس :)

[Dr.accord]

طيب ياخوان وان احسن مكان تكييس؟

[BLK]

أي محل تلميع يكيس لك :)

هههه انا مراتبي بيج مكيس بس الخلفية ..

بس ترى التكييس يخليك تحس إن السيارة جديدة

[اكورد البحرين]

صحيح التكييس يعطي طابع بان السيارة يديدة وبين فترة وفترة امسح الغبرة عن الاكياس او امسحهم ب قطعة قماش رطبة لان منظرهم يصير كريه واهم مغبرين

[Dr.accord]

يعطيكم العافيه

ما قصرتم:)

[DEMON_747]

بس الله يعينك على حرارة الأكياس إذا حرارة الجلد وضايقين الويل اللهم قنا عذاب النار

بس خذ لك خرقة وبللها بالماء والشامبو وقم بفرك المراتب مرة كل شهر

[اكورد البحرين]

انا عندي حل الى حرارة الاكياس وحل حلو بعد

تاخذ لك قطعة الفروة الي تتلبس من جهة وحدة على المراتب :d

بالنسبة لكم في السعودية مرة كل شهر عادي بس بالنسبة لي ولاكثر الشباب في البحرين يبيلنا مرة كل خمس دقايق لان احنا دايما نلبس بنطلونات جينز بعد استخدام 3 ايام على الاكثر تشوف لون الجلد مزرق :mad: