اكوردي ال 2006 تقوم على فياقرا 2004

[mhaster]

ملاحضه اكوردي 4 سلندر
سلام عليكم

ياشباب هذي السالفه صارت لي في الصيف بس توني اذكرها

الله يسلمكم كنا طبعا كالعاده معطلين لا شغله ولا مشغله
المهم ولد خالي مستانس تو خالي معطيه الفياقرا 350 او 320 والله مدري اي وحده
المهم انها سته سلندر

المهم عد وحنا نتكلم على القومات وزي كذا
جا وسألني عن سياره الوالد (كرايزلر 300 سي) وقال هل هي 6 والا 8
قلت لا 8
طبعا ما صدق لين وريته المكينه
عاد قاللي هو
تتحدى ان الفياقرا حقتي ام 6 سلندر تقوم على الكرايزلر
قلت يلله

المهم يوم شاف اني معزم
خاف وقال : يا رجال ما ابي افشلك <<<ايه طيب


المهم عاد طلعنا سوا انابألكورد وهو بالفياقرا
عاد جاك بيستل الوضع
وقال خل نتقاوم لين نوصل سرعه 100
طبعا انا قلت يلله مع اني عارف انه بيسبقني

المهم
3 ,2 , 1 , انطلق <<<<تحمس


المهم والله واول ما مشينا قمت عليه قومه اليمه
لييييييين وصلت سرعه 90 تقريبا بعدين هو شطفني

المهم الولد خلاص تحطم
وانا عاد ما صدقت

وترا القصه حقيقه 100%
واللي ما صدق يجرب بنفسه

[عاشق هوندا اكورد]

اول اخي العزيز .... الفياقرا سياره كبيرو وثقيله ولامانع انها تنطاف من سيارة مكينه 4 سلندر ولكن تسارعها قوي ...

انا مصدق الموضوع ... لكن ترى الفياقرا مو حق قومات ,,, تذكرني في واحد تحداني ..يقول السيفيك يقوم على البي ام 520 2007 ... قلت له لحظه بس ,,, 520 ,, كاي بي ام ثقيل .. ومكينته صغيره ,, 2 لتر بس !

تحياتي عزيزي !

[Classic Design]

الفياقرا مرسيدس :confused:صح ؟؟

معروف المرسيدس بالقومات ماحولك أحد لكن بالخط خذ رجل :d

[[ أبو سلمان ]]

وعليكم السلام ..

طيب وش رايك أني قمت على هايلوكس ، غماره وغمارتين 2007 ؟!

[سرريع]

8
8
8
انا قام علي هلي 2002:o

[The Godfather]

يا شباب بعدو عن شي اسمه كابرس... تراه ما يرحم و لا رحمني :o

[o-k-r]

شوف اخوي


معرف بالسيارات الفخامة في المرسيدس والبي أم
في القومة ثقيلة مرررة
بس من بعد السرعة 120 ولا بن امة يجيبة
انا مررة بالخط فاصل عداد السرعة وماشي 250 ماني قادر اجيبة وصلت الى 255 وما في امل

اما في القومة من 0 الى 120 أطلعة وبعدها يقولي سلام سلام

ومشكور على الموضوع

[B Unique]

شي طبيعي تقوم عليه يا مهستر
لان وزن المرسيديس S يوصل 2 طن ووزن الاكورد طن ونص تقريباً

الفرق واضح هنا انه لصالح الاكورد
بس لا شفت المرسيدس على الخط .. وخر عنه

:rolleyes:

[mhaster]

والله ثقيله او خفيفه
ام شي اني قمت على سياره سعرها 5 اضعاف سعر سيارتي

[msyr98]

بعطيك قاعده اخوي مهستر علما بأني مجرب الألماني وكان عندنا 2 الالماني مايقوم الا بعد ال60 او 80 على حسب مزاجه ولا وبعد لازم رجلك الدعسه تفجرها لانها تطلع فيها مثل التكة في القير من بعدها ماتشم ريحتها لو تقول لي انك شقيت s500 مو 8 الا 12 اقول لك صادق بس من 80 وطالع مالك امل في قربها لو يوم <<<< مو جالس يغني حق عبادي ولا شي ^_^

تحياتي للجميع

[قوه أكورد]

شي طبيعي انك تقوم عليها بس مثل ما قال اخوي بيونك بالخطوط وخر عنه




قوه أكورد

[a_ya7ya]

السلام عليكم
اخي العزيز mhaster
مع احترامي الشديد لك اقولك ان الفياقرا هذي عزمها رايح فيها.

الوالد عنده وحده 2003 محرك 350 ... عزم الاكورد اعرفه زين لأني جربت مع هايلكس وطلعت عليه وجربت مع فورد وطلعت عليه بس مرسيديس مايمديك الا اكورد V6
ويمكن خويك كان حاط اختيار القير على D Mode
لأن هنالك نظامين بالمرسيدس S
S Mode وهو مخصص للدعس والتسارع السريع
D Mode وهو مخصص للظروف السيئة مثل الثلج والمطر ليقلل من دوران الكفر بشكل سريع.
تحياتي

[accord 006]

مصدقين انتم تتقاومونـ مع وحوش المانيهـ .. او امريكيهـ خخخ

بعدوا عنها بس ترا اللي معانا دباباتـ يابانيه والله :( .. ومكاين زي قلتها وقسم بالله اذا دعست احس اني راكب دباب هنود ماهي هوندا :(

[accord 2007]

8


8
8
انا قام علي هلي 2002:o




اما اكورد تقوم على هلي انت من جدك
اذا الهلي قام على مكسيما ماتبيه يقوم على اكورد

وعلى موضوع الهلي أسال اهل القصيم وياكدولك كلامي
عندك مثلا ابو عزوز .. :dاساله ورايح ياكدلك كلامي

[[ أبو سلمان ]]

8
8
8
انا قام علي هلي 2002:o

قمت عليه من أحدى ثنتين ..!
أما أن السواق بتاع الهايلوكس رخمه ، لأن الهليات بالشكل القديمه مكينته نشيطه ..!
أو أن راعي الهايلوكس يبي يخليك تنبسط :D


لكن إذا تبي تجرب عزم الموتر مع أي سياره
فياقرا ، لكزس كامري ، هايلوكس لا تكون واقف تمام ، يعني امش 20 كيلو ومن ثم ادعسوا
وبكذا تتضح المكينه الأنشط ، لأن بعض السيارات v6 & v8 تباوش يعني [ يدور الكفر بمكانه ]

[سرريع]

:eek:انا كاتب هلي قام علي ماكتبت قمت عليه

[mhaster]

يا شباااااب
ارجع واقووووول

ما همني اذا المرسدس ضعيفه او لا

اهم شي اني قمت عليها بأكورد
يعني سيارتي فيها قومه احسن من المرسدس

واللي بيشرحلي والابيفهمني
ما راح افهم
لاني قمت على فياقرا وهذا اللي اعرفه وافهمه

[[ أبو سلمان ]]

:eek:انا كاتب هلي قام علي ماكتبت قمت عليه

هههههههه

عيوني يبيلهن توظيب ..!

[م م و السعوديه 5 5 7]

مهستر وش فيك عصبت
ترى كل شيء بالطيب احسن
وانا معك ما ابي افهم شيء
يكفي انك قمت على فياقرا
ياخي انت بطل<<وش تبي اكثر من كذا :d:d.

[The Godfather]

لا تعصب على شي تافه

[هوندا ورح لهلك]

الهوندا دايم ترفع الراس حتى مع الالماني
هوندا وبس

[c!v!c]

هههههههه طيب اشبك عصبت
انا معاي سيفيك الجديده قير عادي
ومقاوم مرسيدس E اقل نوع السته سلندر
وشحطته لين 180 بعد كدا يبدا يقرب .. ولو طولنا يجيبني ويروح عني كمان

هي سيارات خطوط مو حق قومات
بس يجي يجي قايم على فياقرا

انا مره كنت داعس عالاخر وجاني فياقرا شاحط فوق الـ200 وعداني كأني واقف !!!!

[قوه أكورد]

اكورد اكورد اكورد وبس ما فيه احسن من الاكورد الاكورد اذا هاجت هاجت ما يردها الا احد
وخصوصا أكورد V6

قوه أكورد

[أبو عــزوز ..]

اما اكورد تقوم على هلي انت من جدك

اذا الهلي قام على مكسيما ماتبيه يقوم على اكورد


وعلى موضوع الهلي أسال اهل القصيم وياكدولك كلامي
عندك مثلا ابو عزوز .. :dاساله ورايح ياكدلك كلامي



ماهر ماعليك منهم .. هذولاء مثل اللي يقول الأكورد تطلع على طيارهـ

من هنا أعلن أن أي شخص يقول انه يوقم على هايلكس ..
بحق وهو سيارتي للي يطلع على الهايلكس .. وأشهدو ياشباب وكلامي هذا يشهد ..

سيارتي جائزة لي أي أكورد 2007 تطلع على هايلكس بالقومة



:eek:انا كاتب هلي قام علي ماكتبت قمت عليه

شي طبيعي جداً ولاينكرهـ شخص عاقل

[[ أبو سلمان ]]

أنا وأمام هذا الملأ العظيم ، أعلن النزال ..! :d
متى الوعد >> جزوووم :d

[mhaster]

م م و السعوديه 5 5 7 : وقسم بالله انك فاهمني

[o-k-r]

شسالفة شباب

على ايش العصبية

يعني صح كلامك على يعين واسي انا زيك قومت على مرسيدس وبي ام
اما بالخط وصلني وعداني اذا عطاني 10 عواميد شوي
يعني بلا تعصب ياشباب

والله يهدي الجميع

[فتى القصيم]

:rolleyes::rolleyes:ماهر ماعليك منهم .. هذولاء مثل اللي يقول الأكورد تطلع على طيارهـ




من هنا أعلن أن أي شخص يقول انه يوقم على هايلكس ..
بحق وهو سيارتي للي يطلع على الهايلكس .. وأشهدو ياشباب وكلامي هذا يشهد ..

سيارتي جائزة لي أي أكورد 2007 تطلع على هايلكس بالقومة



تسمع بالقومات


تسمع بالقومه على الهايلوكس

[كوري و لكن]

أخوي كاتب الموضوع ,,

هاذا شي طبيعي جداا ,,

و هذا ما كنا نراهـ في القومة المشهور لـ كورولا قير عادي و لومينا Ss ذات مكينة الـ 8 سلندر و المحرك ذو الـ 5.7 ليترات !!

كانت الكورولا تقوم ,, لكن مو لأكثر من الـ 80 على ما اظن

تحياااتي لكم

[هنادي والناس تنادي]

ياشباب وشبلاكم كل واحد متعصب لرايه

انا معاي اكورد 4 سلندر وقد قاومت هايلكسات واجد فيه بعضها اروح عليها وبعضها يروح الهلي علي... التنشيط؛ وخفت وزن السياره؛ السواق؛ البنزين إذا كان فل وإلا لا؛ الكفرات الجديده؛ تنزيل القير اكثر الي يقاومون تلقى القير على D كل هذي تاثر في العزم والقومه.

وبعدين إذا قام الهلي حده 120- 130 إلا والاكورد جايبته ؛؛؛

[دايم العز]

يا شباااااب
ارجع واقووووول

ما همني اذا المرسدس ضعيفه او لا

اهم شي اني قمت عليها بأكورد
يعني سيارتي فيها قومه احسن من المرسدس

واللي بيشرحلي والابيفهمني
ما راح افهم
لاني قمت على فياقرا وهذا اللي اعرفه وافهمه



صح لسانك أخوي وأنا معاك..........................:cool:

[المـــــلكـ اكـــــورد]

يا شباااااب
ارجع واقووووول

ما همني اذا المرسدس ضعيفه او لا

اهم شي اني قمت عليها بأكورد
يعني سيارتي فيها قومه احسن من المرسدس

واللي بيشرحلي والابيفهمني
ما راح افهم
لاني قمت على فياقرا وهذا اللي اعرفه وافهمه


ياشباب اهم شي انه المهستر مبسوط :cool:

[سبايدر مان]

طيب الاكورد القير العادي تقوم علا الهايلوكس او لا
لاني اذكر واحد بالمنتدى يقول انا اقوم علا الهايلوكس غماره
ولا وش رايك ابو عزوز
وبعدين ترا مكينه الهايلوكس 2700 والاكورد 2400
اما الاكورد السته ماادري يليت تنزلون لنا لقطات مقاوم

[و ص و 330]

السلام عليكم ...


ارجع واقووول زي كلام الأخوان الألماني فالخط ويمكن قوومه اوكيه ...


لأني مره على خط القصيييم راجع للرياض امشي 200 واشطف Bmwموديل ممكن99 حولك وحواليك ...


الزبببده انا قلت هو مهدي وانا مسرع مافيه امل يجييبني شوي يوم دعست مره ثانيه ابي اجيييب 220 ...


يوم وصلت وقعدت تفصل الا الحبيييب شطفني وبغيييت اضف الصبااات من السرعه ماشاء الله عليه ...



وكل ماوصلتله دعس وتعداااني وهو على 220 تقريباً يعني شف العزم عند 220 وفيه بعد عزم ماشاء الله ...



وتقبلو مروووري بصصصدر رحححب ...




وملاحظه لأبو عزززوز ترا الهلي غير والمواتر غييير <<<كلام واحد لديه هلي 2002 بدوون مكيييف ...



يقووول والعهده على الراوي انه مره مدري وش جمعه مع 2 واحد معه هايلكس 2005 غماره والثاني معه 2004 غمارتين الزبده راعي 004 ووده يقاوم 005 قاله بقووم عليك قاله تبطي او شي زي كذذذا الزبده انهم توااعدو راعي 004 وال005 راكب راسه الا بيقققوم علليه ...

تقاااومو وقام ال004 وكسر خشم 005 وجا راعي 002 وقال لل004 إذا قمت علي بموتر خويي 005 نفسه الي تقاوم معه اول مره لك السياره والي فيها ...

وقال راعي 004 طيب وطلعو وتقاااوم وجا راعي 002 على موتر 005 وقام على 004 لأنه سووواق ماشاء الله عليه وعارف للهايلوكس مره مره ...


وجيته مره وقلتله اني قمت على موتر خووي غماره 006 وقالي مستحيل وماصددق الا لمن حلفت له ...


وقال اكيييد راعيها مايعرف يسوووق وهذا الي صار انه مايعرف يقاااوم مره مره ...


وتقاومت معه مره ثانيه قبل اسبوووع وانا معي 1 وهو معه 1 رحت عليه قومه وبالخط اهدي إذا جاني دعست ...



وانا اصووور لو تبغووون تصوووير بإذن راعي الهايلكس طبعاً الي اكييد بيعيي لكن بحاول ...


وتقبلو مروووري ...



وسلااام

[92.500]

ماعرفنا لقصك .. خويك يبي يقاوم موترك الأكورد ولا موتر ابوك الكرايسلر :d

[هوندا تاكسي]

مشكووور على الموضوع والمعلومات الجديده والله استفدت منك مشكووور

[beam]

لو تجيب دقسن قامت على الفياقرا بس العبرة باللي يروح بالخط هذا الاساس
بس احس انو تحطم ابو الشباب اللي قاومك

[Hawi Accord]

والله ثقيله او خفيفه
ام شي اني قمت على سياره سعرها 5 اضعاف سعر سيارتي






الله يعطيك العافية بيضت وجيهنا:cool:، بس انتبهوا يا شباب من السرعة http://www.hondaarabia.com/club/images/icons/icon4.gif لا تخلون قوتها وسرعتها تنسيكم انفسكم ..
و الاكورد معروفة عند كل الناس ما يحتاج احد يدخل في تحدي خصوصا مع السيارات المنافسة لانها أكيد خسرانة وهي معانا ;)

مشكووووووووور وآسف على الاطالة..

[سوبر اكورد]

يا مهستر صدق اللي قال انك مهستر
الالماني معروف انه في القومه ثقيل لاني انا عندي مرسيدس 92 كوبيه وعندي اكورد2006 V6 الفرق واضح في القومه اكووووووووووووووورد لكن الخط :tomcat:الطياره الارضيه .
سلملم
http://www.7ammil.com/data/visitors/2008/01/03/7ammil_929_sorh018-001-swyr.jpg