ملمع للزجاج ..

[أبو عــزوز ..]

مساكم الله بالخير ..
.
.
.
.
.

شباب من يومين رحت محل تلميع سيارات << اجل تلميع حيوانات .. :d << يستخف دمه

المهم .. المصري قاعد يتفلسف علي وكلام كثير ..
من ضمن اللي قاله .. إنهم يلمعون الزجاج :eek: ..


أنا أول مرة أسمع إنه فيه ملمعات تباع بالسوق خاصة بتلميع الزجاج ..
وإذا فيه وأنا ما أدري ياليت لو تعطوني إسمه .. واسم الشركة المنتجة ..

ثاني حاجة وش الأفضل تلميع البدي خشن أو ناعم .. وماهي الفروق بينهم ..
سؤال أخير .. أبغى أسوي لي مدة معينة ألمع فيها البدي
ناس تلمع كل 6 شهور .. وناس كل سنة ..
أبغى رايكم أعضائنا الكرام ..

شاكرين ومقدرين تعاونكم الدائم ...

............................والله يحفظكم ويرعاكم


^^^
متأثر بالخطابات الرسمية .. :rolleyes:

[ثــلــج مــشــوي]

خل عنك كلام المصري انا مره دخلت سياره واحد من الشباب عند كار كير بالرياض ومن ضمنها تلميع زجاج >>>>انت عارف وش يسوون ...
يجيب موس حق التضليل ويجيب عرفت المرش الي وسطه فيري ...بس يبخ ويحك القزاز ويمسح .....:p:p

[o-k-r]

انا عن نفسي كل اسبوع اسوي تلميع للسيارة بنفسي ..

احلى مواد موجودة بالسوق ماقويرز غيرها لا تقول

وملمع القزاز ايضا موجود
روح اقرب رد كاب وقولة ويعلمك على طول

[الــمــســافــر]

ابو عزوز خل عنك كلام المصري

ما يحتاج تروح تلمع زجاج (قزاز)

والتلميع على حسب حاجه الموتر يعني ممكن بعد 6 شهور ولا 3 سنوات

الزبده اذا شفت الموتر خشن ملمس البويه والمراتب لك عليه دخله تلميع >>ويلمعون القزاز:d

[تويتي]

اخوي ابو عزوز خل عنك الكلام الفاضي
انت شوف سيارتك وقيمها اذا تبي تلميع او لا ومثل ما قال المسافر حسب حاجه السياره اذا البويه خشنه لمعها مو خشنه ما يحتاج تلمع
وبالنسبه لملع الزجاج يوجد انواع من الملمعات للزجاج
هذا اللي اقدر افيدك فيه

[me&u]

اشتر ملمع قزاز الي مويته زرقاء وفيه بخاخ رهيب اسود تلقاه في ساكو ولاتمسح بخرقه امسح بجريدة من جوا وبرى وراح تشوف الفرق

[أكورداوي]

يبو عزوز خذ قاعده ..

لاتصدق ماتسمع وصدق نصف ماترى ..

خويك راح للعليان وماخلى ملمع الاشراه .. ملمع خاص للجنوط وملمع للجلد وملمع للقزاز وملمع للطبلون وملمع لمدري ايش الزبده انها حدود 7 ملمعات ..

وخويك مصدق الى الان .. وطلعت بحدود 230 ريال واجيك المع الطبلون والقزاز والجنوط وكل واحد بملمعه الخاص .. ياولد حسيت اني انغبنت في هذي .. كل واحد أفشل من الي قبله لدرجة اني لو لمعت الجنط بملمع الجلد ماتفرق .. آخر شي قطيتهم بالبيت ولا استفدت منهم .. الله لا يوفق هالشركات النصابه ..

[THE_HUNTER]

شف يا أبو عزوز لا أسم المركه مدري الشركه خذلك ملمع من البقاله الي جنب بيتكم تلقاه 6ريال وهذا أطلق من الي قالك المصري
ولا رح لم زيبارت (الزول):p وخله يحطاك من الملمعات الى ماتدوخ 1500:eek:

[Accord-$100]

ياحبيبي روح اقرب سوبر ماركت واشتري منظف الزجاج حق البيت وبخ على الزجاج بعد ماتغسله كويس وتمسحه من الداخل والخارج بخ على الزجاج ومسح بالخرقة وشوف كيف ينظف الزجاج مزبوط وراح تدعيلي وانا مجرها ومايضر

تقبل مروري وتحياتي....

[قلب الليل]

تقهوى عندي بكرا وابشر:d
تراي صادق رقمك رايح من جهازي ولي اسبوع ادورك

[accord05]

اقول دخلها التلميع من جو وبرى ولبس الارضيه بلاستيك وظلل زيبارت او كول وستاره ورى
وخلك من دوخت الراس واذا توسخت غسلها في مغسله محترمه

وسلامتك

[م م و السعوديه 5 5 7]

أنا أول مرة أسمع إنه فيه ملمعات تباع بالسوق خاصة بتلميع الزجاج ..




ما ألومك والله
هذا من زود الدباشة :rolleyes::rolleyes:.

[أبو عــزوز ..]

^ ^ ^

البزر لا عطيته وجه يطول معاك .. الله يعين عليك ..
خلاص يا بابا روح ألعب مع اللي كبرك ..

[عمور]

شباب انا مره سامع انه في لاصق يركب على الزجاج الامامي

لحمايته من الترميل غير الي يتركب على واجهة السياره والانوار

افيدوني ياشباب وين يتركب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[almam]

الديزل افضل شي لتنظيف الزجاج بس انتبه الى الربل والبدي كل المغاسل كده يسوون:)

[a.a]

ياحبيبي روح اقرب سوبر ماركت واشتري منظف الزجاج حق البيت