هام جداً/ للي من الشرقيه بيعدل سيارته !! [الأرشيف]

مشاهدة النسخة كاملة : هام جداً/ للي من الشرقيه بيعدل سيارته !!

فقير الحظ

07-12-2007, 11:05 PM

السلام عليكم ورحمة الله وبركاته

شلونكم طيبين ان شالله

نخش بالموضوع

علشان ما اطول عليكم انا امس شريت من محل زينه السيارات واغلب القطع الي عنده قطع هوندا شريت منه جنوط زينه
الجنوط حلوه ماعليها .. المهم هو قالي الجنوط هذي ماتحصلها بالامارات ولو تلف السوق اتحداك تحصلها ومن هالكلام .. المهم الجنط عجبني شريته وشريت معه بلوط 20 بلط مع مفتاح طلعت علي بـ 150 ريال

المهم اخذت الجنوط طبعا بدون الكفرات مدري ليه

رحت لشارع الملك سعود بالدمام اول محل وقفت عنده علشان اركب كفرات لقيت عنده نفس الجنط الي شريته يوم سألت اليمني قالي هذا الجنط بـ ... طلع علي الفرق 400ريال يعني هذاك غاااااااااااالي مره عنده شغلات حلوه بس تحصل بالسوق مثلها

انا حبيت انبهكم علشان محد يشتري منه وينغبن مثلي

المحل هو بالدمام شارع الامير نايف آخر الشارع تلقا محطه وجمبه محل تلميع على ما اظن والي يبيعون فيه كلهم سعوديين هم اصحاب المحل انتبهووووووو لحد ياخذ من عندهم شي

92.500

07-12-2007, 11:14 PM

ابشر .. ماحنا باخذين منهم شي :confused:

فقير الحظ

07-12-2007, 11:22 PM

يعطيك العافيه على المرور ... بس ماباركتلي على الجنوط الجديده هههههههه :)

92.500

08-12-2007, 12:39 AM

مبروووووووووووووووووووك .. تكسرهم بالعافية

م ط ي * * *

08-12-2007, 01:59 AM

مبروك ترقابها رصيف بالعافية
وانا ساكن بالرياض مشوار اروح الشرقية عشان زينة سيارة :p

ZO6

08-12-2007, 04:14 AM

مبروك الجنوط الجديده بس المحل اللي تقول عنه صحيح كلامه عنده شغلات ماتلقاها في المحلات الثانيه وانت تقول انك لقيت نفس الجنط عند اليمني بفرق 400 ريال لكن هل شفت صناعه الجنط اللي عند اليمني وقارنتها مع اللي شريته طبعا لا ... وانا بصراحه اتعامل من ناحيه الجنوط مع المحل اللي تتكلم عنه واسمه HOT LINE ولا شفت اي حاله غش منه ولا من اصحابه اللي معاه .

بس المشكله فينا حنا انه نشوف طقم جنوط عند محل ونروح محل ثاني ونلقى عنده نفس الجنوط وبسعر اقل خلنا نقول فرق 500 ريال ونقول لا والله هذا المحل غالي ومن هالكلام ياخي شوف صناعه الجنط من وين وتعرف ليش راعي المحل السعودي يفرق السعر بـــ 400 او 500 عن اليمني تلقى اللي عند السعودي صناعه افضل وقريبه من صناعه الاصلي وانا متأكد من هذا الشي لاني مغير جنوط سيارتي 3 مرات في سنه وحده ولا تاذيت من الجنوط من ناحيه رجه بالدركسون والخرابيط هذي اما اللي عند اليمني يبي يمشي البضاعه عليك وبس ... ولا همه صناعه الجنط ولاشي.

اسف على الاطاله لكن حبيت ابين لك الفرق بين الاثنين..

الــمــســافــر

08-12-2007, 07:06 AM

مبروووووووووووك الجنوط الجديده

فقير الحظ

08-12-2007, 06:10 PM

الله يبارك فيكم

أخوي zo8

اخوي الله يسلمك انا ما قلت انهم غشاشين بلعكس راعي المحل يبي يتربح بس ياخي انا الي قهرني انه قال هذا الجنط مانزل ولا تلقاه بالامارت نادر ومدري ايش ومن اول محل وقفت فيه بعد ماطلعت من عنده لقيت مثله بالضبط ونفس الصناعه وبعدين على حد علمي ماتفرق الصناعه واجد كلها جنوط زينه بترقابها رصيف بتنكسر ياباني ولا تايواني

شاكر لك مرورك انت وباقي الاعضاء :)

بس انا الي بوصله ان سعره غاااااااااالي وتحصل بالسوق نفس الجنوووووووووووط بالضبط

اتمنى وصلت الفكره :)

moosa_love

10-12-2007, 11:28 AM

اول شي مبروك على الجنوووط ويا ليت تصور لنا الجنط علشان نشوفه

لاني احتمال اركب جنوط قريب وكم مقاس الجنط ؟؟؟؟؟؟؟؟؟؟؟؟؟؟؟؟؟؟؟

o-k-r

10-12-2007, 12:32 PM

من ناحية يغشوني بو يمن انسى يلعبون على واحد مثلي

اصيدهم صيد بالأسعار
في شي اسمة مكافحة الغش
طبعا هي متخفيه بالأسواق

ومشكور اخوي

على النصيحة

فقير الحظ

10-12-2007, 07:24 PM

موسى ... الله يبارك فيك الجنوط مقاسها 18 بس المشكله اني قاعد ادورلها كفرات مالقيت للحين وان شالله بس اتعلم شلون انزل الصور للمنتدى ابشر بحطهااااا

okr

ياخي ياليت تدلني على مكافحت الغش ؟؟؟ وبعدين ذولي سعوديين مو ابو يمن طيب لو رحت لمكافحت الغش وش بيسوون بيقولون ليه تبيعه غالي !!! اكيد الرجال يبي يتكسب

تصور يا خوي انا اليوك كنت اسولف مع يمني اشتغل بمجال الجنوط 5 سنوات يقولي كنا نبيع البلوط الي تجي مع الجنوط بـ 50 ريال غير سعر الجنط وانا طال عمرك غشني ولد ديرتي اخذ مني 150 ريال على البلوط الي المفروض تجي بلاااااااااش مع الجنط طيب تبي تتكسب مني آمنا بالله بس بحدود المعقول قسم بالله اليمني الي يموت على الفلوس ما يسوي هالسوات

شي يقهر والله

accord05

10-12-2007, 09:49 PM

الله يعوضك انشا الله والف مبرووووك يالغالي وانشا الله بعد ماتنزل صوور راح اركب مثلك يالغالي
نطقم يعني
والله انك صادق ولد ديرتك يغبنك:mad:

هوندا قوه الاحلام

19-12-2007, 04:48 PM

اولا مبروك على الجنوط ولا تنسانا من الصور
وثانيا تفرق انا سياره راحت علي بسبت جنوط تجاريه تكسرو علي وانا في الخط وسياره تشليح وكان صناعتهم صيني
وسمحلي على الاطاله

المـــــلكـ اكـــــورد

19-12-2007, 10:29 PM

يامطنش

19-12-2007, 11:05 PM

فقير الحظ

22-12-2007, 02:38 AM

اولا مبروك على الجنوط ولا تنسانا من الصور
وثانيا تفرق انا سياره راحت علي بسبت جنوط تجاريه تكسرو علي وانا في الخط وسياره تشليح وكان صناعتهم صيني
وسمحلي على الاطاله

ياخي بالله ياليت تفيدني اكثر اليوم ركبت الجنوط التجاريه الصينيه ويوم الجمعه راجع الشرقيه وش رايك افكهاولا اخليها بس ما اسرع عليها بالخط ؟؟؟؟

فقير الحظ

22-12-2007, 02:40 AM

مبروك على الجنوط وتكسرها بالعافيه

ممكن سوال>> لما سالت اليمني عن سعر الجنوط شاف الجنوط اللي شريتها ؟

المقصد من السوال انه بعض الخلق يشوف الجنط معك ويقولك ترى سعره كذا لانه متاكد انك مراح ترجعها وتاخذ اللي عنده >>يعني حركة نذاله

نفس الجنوط الي شريتها من الي غشني شفتها عند اليمني نفسها بالضبط وابشرك انا امس كنت بالغرابي الاسعار ارخص وارخص ونفس الاشكال بعد في محل اسمه الزوف بالغرابي عنده مثل الجنوط الي ذكرتها وبسعر رخيص

أكورداوي

23-12-2007, 07:57 PM

سبق وأن حذرنا من هذا المحل .. لكن الموضوع كان الموضوع فأكيد انك مادريت عنه ..

على العموم الله يبارك لك بالجنوط ..

هيبة ملك

28-12-2007, 05:09 AM

مبرووووووووك ع الجنوووط يعطيك خيرها ويكفيك شرها .. :)

شفت صورها بموضوعك الثاني

الصراحة ماشاء الله مرة حلوة

بس يبغالك تنزلها شوي و تطلع في التوب

تحياتي

ZO6

29-12-2007, 02:05 AM

أرجع واقول ان راعي المحل السعودي مايغش زباينه ابد

فقير الحظ

29-12-2007, 09:19 PM

أرجع واقول ان راعي المحل السعودي مايغش زباينه ابد

ياخي يسلم راسكـ مايغش أحـد بس اسعاره غاليه على الفاضي !!!

وبعدين كيف مايغش احد ؟؟؟ اجل بلوط تجي مع الجنوط بلاش يعطيني اياهم بـ 150 وابو يمن يبيعها 50 << هذا النصاب يبيعها بـ 50

وياليت تقول صناعته اصليه ولا درجه اولى !! يمكن تحصل الي عند ابو يمن اطلق شوف جنوطي من امشي ميه شوي وتنطل من الرجه

وبعدين على فكرهـ مكتوب بالفاتوره ان البضاعه لا ترد ولا تستبد يعني لو تطلع من المحل ولا تركب الجنوط ماتقدر ترجعها انسا انا اخبر ان باقي المحلات ا1ا شرت جنط من عندهم ولا ركبته تقدر ترجعه خلال يوم او يومين ...

NEO FOX

29-12-2007, 11:29 PM

HOT LINE

بالذات لي تجربة مرة معاه ، غشني باصطبات ، وبعد البيع بيوم يعني اقل من 24 ساعة رفض اي مساعدة او ارجاع لبضاعته الخايسة ، يعني قبل البيع كلام حلو و وعود و حركات ، وبعد البيع تغير الوجه مية بالمية ، واذا تبي تتأكد ارجعله و قله كيف تقول ما الاقي الجنط في اي مكان ، وشوف كيف المعاملة ، انا بالبداية انخميت لانه سعودي ومو كل يوم نتعامل مع سعودي في زينة السيارات لكن HOT LINE بالذات شي ثاني

انا كتبت اكثر من مرة بالمنتدى احذر منه

ولعلمكم الي يقلكم مافي مثل بضاعتي في السوق فأقله كذاب بين عيونه ، لانهم بالنهاية كلهم بيشترو من المصنع نفسه او الموزع نفسه فلا نضحك على بعض

و على فكرة كثير من الشباب كتبو في منتديات أخرى يتكلمو عن حالات غش بالبضاعة او السعر يعني مو اول مرة

كلامي اقوله للتنبيه ، ومثل ما يقولو اسألو مجرب ولا تسألو طبيب

:)

ZO6

30-12-2007, 01:40 AM

ياخي يسلم راسكـ مايغش أحـد بس اسعاره غاليه على الفاضي !!!

وبعدين كيف مايغش احد ؟؟؟ اجل بلوط تجي مع الجنوط بلاش يعطيني اياهم بـ 150 وابو يمن يبيعها 50 << هذا النصاب يبيعها بـ 50

ولامره شفت محل جنوط يبيع الجنط مع البلوط :confused: لان الجنط مايجي معه بلوط انت تشتريله بلوط :p

هذي نقطه .....

وياليت تقول صناعته اصليه ولا درجه اولى !! يمكن تحصل الي عند ابو يمن اطلق شوف جنوطي من امشي ميه شوي وتنطل من الرجه

المشكله من عند المحل اللي مرصص كفراتك عنده :d ,,,, ارجع للبنشري ( ابو يمن :p ) وخله يرصصهم لك مضبوط. ماله دخل الجنط

وهذي الثانيه.....

وبعدين على فكرهـ مكتوب بالفاتوره ان البضاعه لا ترد ولا تستبد يعني لو تطلع من المحل ولا تركب الجنوط ماتقدر ترجعها انسا انا اخبر ان باقي المحلات ا1ا شرت جنط من عندهم ولا ركبته تقدر ترجعه خلال يوم او يومين ...

لو انك سائل راعي المحل على الجنط هل هو يركب ولا لا كان قالك روح عند البنشري اللي جنبه وجرب الجنط على سيارتك هل هو يركب ولا لا

دائما انا اسويها قبل لااشتري الجنط....

وهذي الثالثه......

:rolleyes:

ZO6

30-12-2007, 01:46 AM

HOT LINE

بالذات لي تجربة مرة معاه ، غشني باصطبات ، وبعد البيع بيوم يعني اقل من 24 ساعة رفض اي مساعدة او ارجاع لبضاعته الخايسة

وضح اكثر كيف غشك باصطبات ( اشرح ):confused:

civic sir

30-12-2007, 02:15 PM

مشكووووووووووور أخوي على الموضوع :d :p:cool::cool::cool::cool::cool: ومشكوووووووووووووووور مرة ثانية.....

فقير الحظ

31-12-2007, 01:10 AM

ولامره شفت محل جنوط يبيع الجنط مع البلوط :confused: لان الجنط مايجي معه بلوط انت تشتريله بلوط :p

هذي نقطه .....

حبيب قلبي انا اعرف كم واحد شرا جنط من الغرابي جت البلوط معاه وحتى لو يبيع البلوط يبيعها بسعر معقول

المشكله من عند المحل اللي مرصص كفراتك عنده :d ,,,, ارجع للبنشري ( ابو يمن :p ) وخله يرصصهم لك مضبوط. ماله دخل الجنط

وهذي الثانيه.....

ياعزيزي انا سويت ترصيص ارضي من عند العضيب << روح اسأل عنها من افضل الورش المختصه بالترصيص سويت ترصيص ارضي وعطوني ضمان شهر ولا راحت الرجه يوم رجعت لهم قالوا البلا من الجنط وردولي فلوسي وبعدين خويك راعي المحل قالي ماترج ولا شي !!! وفي نقطه احب اذكرها توني اكتشفها ضراحه خويك راعي المحل راعي مفاجأت اكتشفت ان الجنط الي انا مركبه موب حق هوندا اكورد اصلا عريض حيل يوم ركبت الكفرات صارت تحك مع الرفرف لو اني مركب جنط عرضه مناسب كان ما يحك الكفر بالرفرف كل ماركب معاي كم شخص ورا ؟؟؟ وهو قالي ان الجنط حق اكورد ويضبط ومدري ايش ؟؟؟؟
وعلى فكره كل الجنوط الي شفته عنده شفتها بالغرابي بمحل كبير اسمه الزوف فيه كل الاشكال الي موجوده بـ هوت لاين و على كلامه ان الجنوط ماتحصلها بالامارات وتجي من برا ترا كل الجنوط الي عنده يجيبها من الغرابي

نقطه ثانيه في بلط من البلوط طلع مايركب ورميته :mad:

لو انك سائل راعي المحل على الجنط هل هو يركب ولا لا كان قالك روح عند البنشري اللي جنبه وجرب الجنط على سيارتك هل هو يركب ولا لا

دائما انا اسويها قبل لااشتري الجنط....

وهذي الثالثه......

:rolleyes:

دائماً الي بيشتري جنوط بيشتري جنط مابعد تركب عليه ولا كفر بيشتريه بكرتونه بس الي انت تروحلهم يركبون لك جنوط مستعمله انا قبل لا اركب هذي الجنوط رحت لاكثر محلات الجنوط وكلهم رفضو انهم يركبون لي كفرات حتى لو اني بجرب شكله مع اني وريتهم فلوسي وعرفوا اني صامل بس ماركبوا ؟؟

ثاني شي انا قلتله بركب عليه الكفر وبجربه رفض !!!

اخوي zo6 الموضوع واضح جداً ...
انا اكتبلك اشياء انا جربتها بنفسي
اذا تبي تتأكد بنفسك او اي احد من الاعضاء حاب يتأكد عنوان محل رد لاين مكتوب بالموضوع .. تقدر تشوف الاسعار عنده ونوع البضاعه وروح لشارع الملك سعود في محل بآخر شارع الملك سعود يبيع فيه واحد اردني فيه نفس الجنوط الي عند رد لاين وعندك ياطويل العمر الغرابي معرض الزوف << هذا الي انا شفته مادورت واجد ولو دورت راح احصل

فكيف تفسر كلامهـ ان الجنط هذا ما تحصله بالامارات ومدري ايش

بعدين يا عزيزي انا لو ابي احجرلهـ كان رجعت له وذكرته بكلامهـ

هو قالي اذا حصلت هذي الجنوط بأي مكان هنا تعال انا مستعد اشتريهم منك

هذا كلام واحد شريك لراعي المحل

بس الحمدلله ماني بحاجت هالكم ريال الي اخذهم ;)

بس كتبت هالموضوع علشان العالم ما تنخدع فيهـ

***

اشكرك على مرورك

فقير الحظ

31-12-2007, 01:13 AM

اخوي سفك ....

مشكووووووور على مروركـ يلغالي

MoTeC

31-12-2007, 01:49 AM

أخوي فقير الحظ اول شي مبرووووووووك على الجنوط

وبالنسبه لكلامك انا وياك وصارت معاي بس بمحل ثاني وسعودي ........ جيت بشتري فلتر مع الرامير حق متسوبيشي جالانت وقالي عنده وطلعه لي ودلني على واحد يركبه يوم رحت للشخص اللي دلني عليه قالي هذا الشخص نصاب انت يمكن رابع واحد يجيني ومعاك هالفلتر قلت له افا ليه وش فيه الفلتر قالي هذا فلتر هوندا اكورد ...... مع انه مكتوب على علبة الفلتر هوندا اكورد لكن للأسف شفت الرجال سعودي وصاحب المحل وثقت فيه ثقة عمياء لكن الشكوى لله رجعت له للمحل وسويت سالفه لكن ما رضى يرجع الفلتر مع انه ما تمت ساعه على شراء الفلتر والفلتر على حطت ايدك جديييييييد ما انلمس بس بالموووووووت بدله مع دبة صوت

فما اقول الا احذروا من المحلات مثل اللي ذكرها اخوي " فقير الحظ "

تحياتي

ZO6

31-12-2007, 02:02 AM

دائماً الي بيشتري جنوط بيشتري جنط مابعد تركب عليه ولا كفر بيشتريه بكرتونه بس الي انت تروحلهم يركبون لك جنوط مستعمله انا قبل لا اركب هذي الجنوط رحت لاكثر محلات الجنوط وكلهم رفضو انهم يركبون لي كفرات حتى لو اني بجرب شكله مع اني وريتهم فلوسي وعرفوا اني صامل بس ماركبوا ؟؟

ثاني شي انا قلتله بركب عليه الكفر وبجربه رفض !!!

جنوط مستعمله؟؟؟؟؟؟ :confused:
لا سلامتك الجنط اللي اجربه على السياره يكون جديد :cool: والجنط اللي باشتريه هو اللي بجربه :rolleyes:
واكيد انهم بيرفضون انك تركب كفر عليه عشان اذا صار للجنط شي راح تدفع قيمته حتى لو انه مو عاجبك ...:p

وثاني شي في خيار عندك فوق يقول اختار حجم الخط ولا ماكان عندك وقت ودك ترد وتفتك

بعدين يا عزيزي انا لو ابي احجرلهـ كان رجعت له وذكرته بكلامهـ

هو قالي اذا حصلت هذي الجنوط بأي مكان هنا تعال انا مستعد اشتريهم منك

هذا كلام واحد شريك لراعي المحل

***

ليش مارجعت وذكرته هذا يدل ان المشكله منك مهب من راعي المحل
:d
راعي المحل اذا قال كلمه وفى فيها انت عندك فاتوره للجنط كان رجعتله وذكرته بالكلام اللي قاله

وفي نقطه ثانيه انت تقول انك لقيت جنط يشبه في شارع الملك سعود المحل عنده فرع هناك يمكن انك رحت محله الثاني وشفت نفس الجنط:p

هذا كلام واحد شريك لراعي المحل

راعي المحل ماعنده شريك ,,, حبيت احدث معلوماتك

:rolleyes:

ZO6

31-12-2007, 02:18 AM

أخوي zo8

اذا بتكتب اسمي اكتبه صح :mad:

فقير الحظ

31-12-2007, 02:28 AM

جنوط مستعمله؟؟؟؟؟؟ :confused:

لا سلامتك الجنط اللي اجربه على السياره يكون جديد :cool: والجنط اللي باشتريه هو اللي بجربه :rolleyes:
واكيد انهم بيرفضون انك تركب كفر عليه عشان اذا صار للجنط شي راح تدفع قيمته حتى لو انه مو عاجبك ...:p

وثاني شي في خيار عندك فوق يقول اختار حجم الخط ولا ماكان عندك وقت ودك ترد وتفتك

ياخي انت كلامك متناقض ؟؟ كيف تقول الجنط الي اجربه على السياره يكون جديد وتقول انهم بيرفضون انك تركب كفر عليه علشان ما تخربه يمن يصير للجنط شي وتقول يمكن ما يعجبك ياليت توضح هالنقطه زين

فيه فرق لما تركب الجنط على السياره وترفع السياره بس ماتركب عليه كفر وفيه فرق لما تركب الكفر على الجنط الجديد وتركبه على السياره اذا ركب الكفر على الجنط الجديد اصبح الجنط مستعمل لانه يبين عليه ان قد ركب عليه كفر ومحد بيشتريه
ان شالله يكون الخط واضح كذا :d:d..

ليش مارجعت وذكرته هذا يدل ان المشكله منك مهب من راعي المحل
:d
راعي المحل اذا قال كلمه وفى فيها انت عندك فاتوره للجنط كان رجعتله وذكرته بالكلام اللي قاله

راعي المحل اذا قال كلمه وفى فيها .. طيب شرايك ارجع لراعي المحل واوريه الجنط الي لقيته بشارع الملك سعود مثله بالضبط واذا رفض يشتريها بنفس القيمه على حسب كلامه تاخذهم انت ؟؟ (( انت الحين متأكد أنه بيوفي بكلامه))

وبعدين وش دخل الفاتوره انا يوم كلمته كان يدري ان الفاتوره معاي بس مافيه فاتوره على الكلام الي يقوله اتمنى تفهم هذي النقطه زين
وفي نقطه ثانيه انت تقول انك لقيت جنط يشبه في شارع الملك سعود المحل عنده فرع هناك يمكن انك رحت محله الثاني وشفت نفس الجنط:p

يا اخوي تبيني اوصفلك المحل تروحله بنفسك ؟؟؟ اوصفلك اياه ماعندي مشكله اول ما تدخل شارع الملك سعود يتفرع فيك الشارع لـ 3 سايدات او مسارات امسك النص وابتل لأااخر الشارع تعدي يمكن 3 او 4 اشارات المهم اذا خلص الشارع ديور معه يجيك اول محل على اليمين او ثاني محل المهم الاسبوع هذا بجيبلك الوصف ان شالله بالتفصيل ورقم المحل ..
راعي المحل ماعنده شريك ,,, حبيت احدث معلوماتك

الي قاله يصير ولد خالت الي يبيع تبيني اعطيك اسمه الكامل ورقمه ماعندي مانع :d

بنتظار باقي الاستفسارات

:rolleyes:

..

ZO6

31-12-2007, 03:07 AM

قصدي انك تجرب الجنط على السياره بدون كفر وهي مرتفعه بالعفريته ,,,,, ومعروف ان عرض الجنط اللي بيركب على الاكورد بالكثير 8.5 انش اذا كان اكبر راح يحك والباقي على مقاس الكفرات لازم يكون عرض الكفر 215 عشان مايحك بالرفرف ........

راعي المحل اذا قال كلمه وفى فيها .. طيب شرايك ارجع لراعي المحل واوريه الجنط الي لقيته بشارع الملك سعود مثله بالضبط واذا رفض يشتريها بنفس القيمه على حسب كلامه تاخذهم انت ؟؟ (( انت الحين متأكد أنه بيوفي بكلامه))

الحين تروح توريه الجنط اكيد بقولك تيسر وليش ماجيتني نفس اليوم ....
واكيد ماراح اخذهم لانه مدري ذوقك على الجنوط كيف واذا كان الجنط الرمادي الي منزل موضوعه فا اسمحلي ذوقك مش ولا بد <<<<يعني مش كويس:d

فقير الحظ

31-12-2007, 10:41 AM

قصدي انك تجرب الجنط على السياره بدون كفر وهي مرتفعه بالعفريته ,,,,, ومعروف ان عرض الجنط اللي بيركب على الاكورد بالكثير 8.5 انش اذا كان اكبر راح يحك والباقي على مقاس الكفرات لازم يكون عرض الكفر 215 عشان مايحك بالرفرف ........

طيب انا الجنط الي عندي عرضه موب اقل من 8 انش ويحك الكفر بالرفرف؟؟

راعي المحل اذا قال كلمه وفى فيها .. طيب شرايك ارجع لراعي المحل واوريه الجنط الي لقيته بشارع الملك سعود مثله بالضبط واذا رفض يشتريها بنفس القيمه على حسب كلامه تاخذهم انت ؟؟ (( انت الحين متأكد أنه بيوفي بكلامه))

الحين تروح توريه الجنط اكيد بقولك تيسر وليش ماجيتني نفس اليوم ....
واكيد ماراح اخذهم لانه مدري ذوقك على الجنوط كيف واذا كان الجنط الرمادي الي منزل موضوعه فا اسمحلي ذوقك مش ولا بد <<<<يعني مش كويس:d

ياخي انت تتكلم كنك راعي المحل !! هو ماقالي تعال بنفس اليوم ؟؟ وقالي بعد ان الشكل هذا جديد توه مانزل يبيله اقل شي 4 شهور على ما ماينزل للسوق .. يوم طلعت من عنده علطول اول محل وقفت فيه لقيته ؟؟ وبعدين قالي اذا حصلت هذا الجنط هنا تعال انا مستعد اخذهم منك بنفس السعر ؟؟
ياخي الي هذا اوله ينعرف تاليه

بالبدايه يقول ماتحصل الجنط وبأول محل حصلته

ياخي لا يقول شي الا وهو متأكد منه

قال صلى الله عليه وسلم (( من غشنا فليس منا ))

وبعدين من قالك ان رايك بذوقي يهمني ؟؟

الناس اذواق اذا ذوقي ماعجبك يعجب غيرك
:d

ZO6

31-12-2007, 09:16 PM

فقير الحظ

01-01-2008, 04:09 PM

طيب انا الجنط الي عندي عرضه موب اقل من 8 انش ويحك الكفر بالرفرف؟؟

المشكله بحجم الكفر اللي عندك يمكن عرضه اكبر من 215 ,,, تاكد من العرض حق الكفر وازين عرض للكفر عشان مايحك بالرفرف 215

ونصيحه مني قبل لاتركب شغله على السياره اسأل ناس فاهمه بالسوالف هذي من ناحيه حجم الكفرات ونوعه واذا تبي تنزل السياره نوع اليايات هل هي من النوع الثابت او المتحرك ومن السوالف هذي...

الجنط الي انا مركبه عريض مره .. وانا بصراحه رحت عند راعي محل زينه اعرفه بالغرابي وعطاني مقاس الكفر وانااشوف ان الكفر جاي على الجنط بالمقاس بس المشكله ان الجنط عريض والسياره تحك وحلها اني اركب تبريزه للجنوط الي ورا علشان ما تحك او اني انزلها مره الين مايفرش الكفر الي ورا ويدخل بالرفرف ... هذي مشكله والمشكله الثانيه ان الجنوط ترج رجه قويه وبكره بروح الخضريه بركب سبنسرات وغير كذا اذا مشيت اسمع صوت حدايد تحك ((من الجنط))

ياخي انت تتكلم كنك راعي المحل !!

انا وراعي المحل واحد

طيب دامك انت وراعي المحل واحد... تقدر تقولي ليه هذي الطريق بالبيع ؟؟ كون أنك تقولي كلام واروح المحل الي جمبك واشوف كلام ثاني هذا اعتبره غش صراحه ..اوكي بتغلي الاسعار غليها على كيفك محلك ونت حر فيه بس ليه تقولي هذا الجنط ما تحصله هنا ولا بالامارات ؟؟ صراحه هذا الشي الي دفعني اني اشتريه .. وتقولي الجنط مافيه رجه ولا شي ومن يوم ركبته والسياره كنها ددسن مع العلم اني رصصتها 3 مرات ؟؟؟

انت كذا تخسر زباين !! يعني لو انك بايعني الجنط بسعر مناسب حتى لو طلعت رجه بالجنط بقول عادي هذا الجنط شريته بسعر السوق وكل الجنوط كذا

بس اشتري جنوط بمبلغ وقدره وبلوط وتطلع فيها رجه وفيه كم بلط مايركب والجنوط فيها رجه .. معليش حرام الي قاعد يصير

وبعدين من قالك ان رايك بذوقي يهمني ؟؟

الناس اذواق اذا ذوقي ماعجبك يعجب غيرك

انت منزل موضوع عن راينا بالجنط اللي مركبه وانا ابديت راي
ومالها داعي ان الواحد يغلط على الثاني

هذاك موضوع وهذا موضوع ياليت تبدي رايك بموضوع الجنوط
مش بهذا الموضوع ..

أتمنى ما تطلع عن الموضوع

مشكلتي مع الجنوط مش مع الكفرات

اشكرك على متابعتك للموضوع

ZO6

03-01-2008, 06:09 AM

بصراحه انا تعبت معك انت شخص ( من غير زعل ) راسك ياااابس مو راضي تقتنع
على العموم انت وراحتك السياره سيارتك واحنا حاضرين في اي مشوره ودك تستفسر عنها
تحياتي..........

فقير الحظ

04-01-2008, 04:44 AM

يعطيك العافيه

مشكور على مرورك يالغالي