CiViC 2006 بحاجه لمساعدتكم بالجنوط

[ملك الـCiViC]

السلام عليكم ورحمة من الله وبركاته

باركو لي وادعوا لي ان سيارتي تطلع من الوكاله بأقرب وقت ممكن
اللون : ابيض لؤلؤي
ومن مميزاتها نوافذ كهربائية_+_ اجهزة تحكم بالديركسون مثل _+_ الرفع على المسجل وتثبيت السرعه _+_
+_قير اوتماتيك _+

لاكنها ليست تحتوي على جنوط انها بالجنوط العاديه السوداء والطيس

وانا ابي اركب لها جنوط تكون حلوه بالمقاس المناسب لها حيث لا تأثر على السيارهـ

وتكون الجنوط (( نظرهـ )) يعني حلووووهـ وتعطي السياره شكل رهيييب

وما رأيكمـ بجنوط الأكورد 2006 مقاس 16 مع الإطارات المضغوطه

وأرجوا من يضع لنا جنوط ان يضع لها صوره او على الأقل يبين لنا شكل الجنوط ومقاسها

وهل تركب أكيد على السيفيك 2006 ؟

هذي صورة السيارة

http://goeup.com/6/7/0b57e.jpg

وشــكراً,,,

أخوكم :: مـلـكـ الـCiViC

[دحوم]

ياهلا والله ياملك السيفيك في نادينا المتواضع وإن شاء الله تحوز مواضيعنا كلها على رضاك وإستحسانك , ثانيا : انا اقول ليش ماتطلب من الوكالة يعطونك جنوط السيفيك الوكالة احسن من اي جنوط تكون غير لائقها بها بحيث تلعب بالهوب وبالفحمات ونسيت اقولك مبروك والله يعطيك من خيرها ويكفيك شرها واحسنت الاختيار السيفيك ما شاء الله خصوصا الجديدة يعني ما الوم اي انسان إذا تولع فيها تعطيك من الداخل ومن الخارج وزي ما قلت لك ما لك إلا جنوط الوكالة مقاسها 16 مثل النجمة او احلى .

[BLK]

جنوط السيفيك من أحلى الجنوط الي شفتها ..

على العموم أعتقد جنوط السيفيك 4 بلوط أما الأكورد 5 بلوط ( مسامير )

[الاخطبوط]

ماشاء الله

الله يعطيك خيرها ويكفيك شرها

[ملك الـCiViC]

مشكوورين إخواني طيب مو مشكله جنوط الوكاله ياريت لو تفيدوني بكم سعرها ؟؟

علما هي خمس مسامير يعني ((بلوط))

[ملك الـCiViC]

يؤ وين الردوووود ؟؟

[اتــشـــــ]

اخوي ملك الـ civic نصيحتي لك لاتركب عليها الاجنوط السيفيك الأصلية .
ومبروك العروس الله يعطيك خيرها ويكفيك شرها .

[دحوم]

انا اقولك اخوي رح للوكالة وراح يعطونك سعرها وحتى لو ماتلاقيها انتظر حتى تنزل عندهم وانتبه تشتريها تجاري من الغرابي ما راح تكون ابدا مثل الوكالة وهذي نصيحة لك ولا السعر مهما كان غالي للغالي . يالغااااااااااااااااااالي .

[ملك الـCiViC]

مشكووووووووووووورين على ردوووودكم ومرررووورركمـ

تستاهلونـ كلـ خير,,

مشكووووورينـ على النـصـائـحـ...


اخوكم ملك السيفيكـ................!!

[دحوم]

يـــــــــــــــــــاهــــــــــلا والــــــــــــــلــــــــه

[إبراهيم الغدير]

اخوي الله يعطيك خيرها ويكفيك شرها


واذا تبي جنوط ركب هاذي اللي بالصورة


مالت هوندا اكورد 2006

[ملك الـCiViC]

مشكور اخوي ابراهيم اوكي انشاء الله بركب جنوط الأكورد

لاكن انت حاط صورة اربع بلوط ( مسامير ) والسيفيك خمسه

على العموم الشكر لك ولجميع الأعضاء

[accord-se]

إذا بتركب جنوط ... ما انصحك تركب جنوط اكورد على السيفيك

شوف لك جنوط سيفيك 2006 حلوين والله .. ومابتأثر عليها لأن نفس حجم الوكاله

[ملك الـCiViC]

اخوي انا بالقصيم اذا فيه عندكم بالرياض (صيني) ياريت تفيدوني بكم اسعارها ووين موجوده.......!

[إبراهيم الغدير]

مشكور اخوي ابراهيم اوكي انشاء الله بركب جنوط الأكورد

لاكن انت حاط صورة اربع بلوط ( مسامير ) والسيفيك خمسه

على العموم الشكر لك ولجميع الأعضاء


اخوي موجودة 5 بلوط
وهاذي 4 بلوط

علشان تركب على الهوندا اللي 4 بلوط
مثل اكورد 98 4 بلوط

[أكورداوي]

أولا ألف مبلروك السياره والله يعطيك خيرها ويكفيك شرها ..

شوف الجنوط أشكال وألوان ممكن يجيك صداع اذا جيت تدور ... انا مني نصيحه لا تاخذ الا الأصلي واذا ماعندك استطاعه لأنها غالي و إلا تركب جنوط تجاريه فانتبه تمسك فيها خط يعني احتفظ بحقت الوكاله ... لأن التجاري على الخط خطر جدا ...


وألف مبروك السياره مره ثانيه ..

[ملك الـCiViC]

العفوووووووووووو للجميع

مشكوووورين اخواني بس ياريت اسعار جنوط السيفيك ( الصيني ) أو ( الأصلي )

لو أحد يبحث لي عن أسعارها

وأبشركم طلعت السياره من الوكاله والحمد لله السياره تماااام التماااام

بس الغريبه وانتم بكرامه ليه مافيه دعاسات للرجلين (( وطايات الأرضية )) ؟؟

أخوكم :: ملك السيفيك

[H @ Z ! M]

مبروك اخوي ملك السيفيك والله يعطيك خيرها ويكفيك شرها

مشكوووورين اخواني بس ياريت اسعار جنوط السيفيك ( الصيني ) أو ( الأصلي )

لو أحد يبحث لي عن أسعارها

إن شاء الله الشباب يفيدوك

بس الغريبه وانتم بكرامه ليه مافيه دعاسات للرجلين (( وطايات الأرضية )) ؟؟


ولا غريبة ولا شيء بالعكس هذا عادي ومعروف ان سيارات (عبد الله هاشم ) مافيها دعاسات

وأنا مطلع سيارتي الأسبوع الي فات واعطوني دعاسات ماتسوى 20ريال والموظف يقولي في ناس ياخذوها ويلبسونها بـ 30 ولا 50 ريال وهي اصلا ب 20:p

بس ماقصر معايا قلي مرني بكرة وخذ دعاسات أصلية سعرها يمكن 300 ريال الي مكتوب عليها أكورد وقال احنا مانعطيها أي أحد والشركة اصلا ماتصرف لنا الا عدد محدود طبعا هذا الكلام صار يوم الأربعاء الي فات وما رحت له غير امس اداني الدعاسات وقلي المشكلة ذحين لازم هو يوقع الورقة و مسؤل المبيعات ومدير الفرع ويمكن يتصلوا كمان يسألوا تم الإستلام ولا لأ :d ((( أكيييد هذي 300 ريال ماهي قليلة))) والله مهزلة

انا عارف ان هذي يبيلها موضوع كامل

وآسف اخوي على الإطالة

[ملك الـCiViC]

مشكوور اخوي على الإفادة


...,,

[Storm CiViC]

يعطيك خيرها ويكفيك شرها
اذا كنت من عشاق التميز فانا اشوف جنط يكون على ذوقك راح يطلع احلى لان جنط بلدها مافيه تميز مع ان الجنط حلو بس راح يكون في ناس كثير مركبين نفس الجنط ولو بتركب جنط بلدها كان طلبته مع السيارة وريحت بالك
اما بالنسبة لشكلك الجنط فإنت وذوقك يعني اذا كنت تحب الرياضي او الكلاسيكي او ..... الخ

نصيحة : ركب جنط على ذوقك عشان لا كل فترة تغير الجنط ومقاس 17 اعتقد انه احلى مقاس عشان ما ينكسر في اقرب حفرة

ارجو اني افدتك يا اخوي ملك السيفك

[ملك الـCiViC]

مشكور اخوي Storm CiViC (http://www.hondaarabia.com/club/member.php?u=587)
انا احب الجنوط الرياضيه (( سبورت ))
ياريت اذا فيه شكل حلو وتعرفونه تحطونه لي

[Storm CiViC]

انا سمعت ان السيفك الجديدة خلوها 5 صواميل

اذا الكلام صحيح فانا شفت جنط مرررررة حلو في احد المواضيع بس ناسي الموضوع
ان شاء الله راح ادور عليه واحطلك الصورة

[KHAL!FA]

أنا برأيي مثل ما قال الأخ أتش لا تركب أجنوط
أترك أجنوطها الأصلين احسن..*_^

منضرها أحلى..

[Storm CiViC]

زي ما قلتلك هذه صورة الجنط الحمد لله حصلتو:)
http://www.br2h.com/up/uploads/426990593e.jpg

[دحوم]

ماشاء الله اخوي ستورم سيفيك من وين جبت هذا الجنط بصراحة شكله حلو مرة ومميز .

[ملك الـCiViC]

مشكوووووووووور اخوي

والله حلوووو

تستاهل كل خير على خدمتك

لاكن اللون حقه مايمشي مع سيارتي

[yousef]

السلام عليكم ويا هلا الف مرحبا وسهلا وما ازيد على كلام دحوم انا عندي فل اوبشون غير جنوط الوكاله لا تدور



انا اقول ليش ماتطلب من الوكالة يعطونك جنوط السيفيك الوكالة احسن من اي جنوط تكون غير لائقها بها بحيث تلعب بالهوب وبالفحمات ونسيت اقولك مبروك والله يعطيك من خيرها
ويكفيك شرها واحسنت الاختيار السيفيك ما شاء الله خصوصا الجديدة يعني ما الوم اي انسان إذا تولع فيها تعطيك من الداخل ومن الخارج وزي ما قلت لك ما لك إلا جنوط الوكالة مقاسها 16 مثل النجمة او احلى

[ملك الـCiViC]

مشكور اخوي