فكرة قروب هوندا لشباب الهوندا في جدة

[ملك مملكة جدة]

بسم الله الرحمن الرحيم

اليومين هذه ملاحظ انه كثرت قروبات السيارات في جدة منها قروبات ( اللومينا - الميني كوبر - المازدا - البيجو )

فيوم الجمعة الي راح كان لقروب المازدا حضور قوي في طريق الملك ( اكثر من 10 سيارات ) فتمنيت لو كان فيه قروب للهوندا ..

نسميه

H unit

حاليا القروب مكون من سيارتين هي هوندا اكورد 2006

و القروب هذا غير مقتصر على الاكورد فقط .. و لكن اتمنى التفاعل من شباب ( السيفيك - السيتي - الـ CR - V )

اتمنى يكون فيه تفاعل من قبل الاعضاء ... لانه القروبات الثانية ماهي احسن مننا في شي

اي واحد له الرغبة في الاشتراك الرجاء ان يقوم بإرسال رساله خاصة لي

تقبلوا تحياتي
ملك مملكة جدة - إيـاد

[ACCORD 764]

هلا أخوي إياد
سوينا تجمع في جدة قبل أسبوعين و صورنا لكن المسؤول إلى الآن مانزل الصور بسبب ظروفه الخاصة الله يكون معاه .
كان التجمع في الممشى أعتقد كنا 8 أكوردات و 1 سيفيك بعدها تحركنا مروراً بطريق الملك و كوفي بين عند الصواري مول وبعدها إلى التحلية .

[ملك مملكة جدة]

طيب احنا راح نقعد كذا ؟ لك ما صار شي لازم نكلم الادارة و بعدين تحدد لنا موعد و نطلع و نستعرض ؟

يا اخوي احنا نبغى نعمل تجمع مثلا مره في الشهر ؟ مثلنا مثل اي قروب ؟

[Zero Cold]

فكرة حلوة عزيزي و شوف أتفقوا فين المكان والزمان
وأنا معاكم
تحياتي;)

[civic2007]

فكرة جيده بصراحه

[ملك مملكة جدة]

طيب وين الفعل يا شباب

يا الله الي يبغى يشترك يراسلني على الخاص .. و نكون القروب

[الفارس؟]

اسمحولي يا شباب جدة والله انتم فكك
لا ودكم تتجمعون ولا شي بس يا زينكم كلام

سوونا يوم في الشهر نجتمع فيه ؟؟؟؟؟؟؟؟؟؟؟؟؟؟

[HONDA BOY]

والله يا اخوي الفارس انا معاك من ناحيه فكك فهو بقووووووه فكك كيف نتجمع واصلن مافي احد يحمس لتجمعات او قروبات العالم جالسه تتجمع واحنا لسه بنخطط كل يوم اخرج الفلف بالسياره واشوف زحمه هوندات فكل وقت حتا لمن اخرج في اوقات متأخره تشوف عالم جالسه تلفلف بالسيارات طيب الشباب دول لو اتجمعو يطلعو كم سياره يسو تجمع مره كبير لكن فين كلو كلام وانا عن نفسي فاضي ماعندي ولا شي شوفو انتو نسقو مع بعض وكلموني على جوالي او على ايميلي ولا حد يسوي مستحي خخخخخخخ اتصلوبي قوليلي فيه تجمع يجي؟يجييييي
دااااااج على مدار الساعه<<<<<قوه وسوسه هههههههه
nandoo_321@hotmail.com (nandoo_321@hotmail.com) 0567465114

[Accord 2006 v4]

حلو الكلام بس انا اشوف حاجات اتكلم فيها قبل مانبدا المشروع
وهي اهم شي بدون اذية الناس او التجمع عند المولات واماكن العائلات اذا راح نمشي على هذا الشي احب اقول لكم go head

[HONDA BOY]

انا اشوف الاماكن الي تكون فاضيه ومافيها ازعاج للناس او قروشه من الدوريات المخططات الفاضيه مو اماكن حلوه؟ لان قروب الومينات اظن انهم يتجمعو في مخططات على حسب علمي وطبعا دا رأي ونشوف ارأكم

[العــاشــق]

والله على نظامكم كذا

ما في امل تجتمعون ابد تدرون ليه ؟؟

لأن كل واحد يلقي المسؤوليه على الثاني

لو انكم صدق جادين كان واحد يمسكها

وهو الي ينظم وتتفقون على يوم وتاريخ اما كذا اسمحولي

كل واحد يقول ارسلولي على الخاص اذا تبون تجتمعون

ترا هي بدايتها صعبه لكن مع الوقت تكون سهله

على العموم الله يوفقكم

[ملك مملكة جدة]

طيب ماشي يا شباب

انا من ناحيتي فاضي و الفاضي يعمل قاضي ... وش رايكم في الاربعاء الجاي ؟

ها مين معايا ؟

[A N M A R]

فكره حلوة ياخوي اياد

الربوع الجاي الموافق 14-1

اخر يوم عندي

نايس

ممتاز

فين التجمع ممكن امركم

:)

[HONDA BOY]

الربوع حلو بس فين ومتا ايش رايكم نتجمع اول شي في محطه المنار الي في طريق الملك وبعدها نشوف لو فيه مكان ثاني احسن بس على اساس محد يضيع او يدورلنا مو فكره جيده؟

[ملك مملكة جدة]

الربوع حلو بس فين ومتا ايش رايكم نتجمع اول شي في محطه المنار الي في طريق الملك وبعدها نشوف لو فيه مكان ثاني احسن بس على اساس محد يضيع او يدورلنا مو فكره جيده؟

و الله فكره حلوه

و ان شاء الله اشوف ردود الشباب

[أبو عــزوز ..]

يغلق .. للمشاركة في التجمع ،، راجع الرابط
777

http://www.hondaarabia.com/club/thread7760.html (http://www.hondaarabia.com/club/thread7760.html)