بخصوص تسخين السيارة

[Daniel alves]

سلام عليكم يا هنداويين

كيف الحال مع هذا البرد انشأ الله تمام

ما أطيل عليكم

عندي استفسار مهم بخصوص تسخين السيارة

هل هو مهم ؟

و ياليت اللي يعرف ايش اللي يصير داخل الماكينة اثناء التسخين أو ايش الهرجة كلها يقولنا

والله يعطيكم العافية

[HONDA BOY]

هلا اخوي دانيل انا اشرحلك ايش بيصير في السياره لمن تسخنها
دحين اول شي بسألك سؤال اول ما تقوم من النوم بالتحديد من فوق السرير تقدر تجري على طول طبعا لا اول شي تقوم من النوم وتجلس شويه وبعدين تتحرك حبه حبه وتروح على الحمام الله يكرمك نفس الكلام في السياره اول ماتشغلها وتسخنها شويه الزيت الي موجود في الكارتير يطلع على فوق وتتحرك المويه داخل المكينه وتسيب السياره الين ما ينخفض صوتها وينزل امبير الهوا تحت الواحد وبعدها تعشق وتمشي لكن تمشي بالراحه لان السياره تكون لسه بارده وانا بصراحه اشوفو مهم لانك بكذا تحافظ على السياره وماراح يصير شي لو سبت السياره تسخت من ثلاث لي اربعه دقايق وانشالله تكون المعلومه وصلت

[Black Accord 2008]

طبعاً مهم ..

ومهم جدا خصوصا مع هالبرد

والله الوصف الميكانيكي يمكن ما اعرف أوصفلك ..

لكن المفروض انه السيارة يحمى فيها الزيت قبل لاتمشي

وانت تشوف السيارة اذا شغلتها يكون ال rpm مرتفع وكل دقيقه يبدأ بالنزول الى الوضع الطبيعي أنا عن نفسي يوميا أحمي السيارة من 5 الى 7 دقايق

تحياتي

[أبو عــزوز ..]

يقولي ولد خالتي معاهـ أكورد 2002 ..

يقول بدليل المالك .. الأفضل إنك تمشي بسرعة لاتتجاوز 40 .. أفضل من تحميه السيارة لدقائق

والذمة على ولد خالتي ..

[Daniel alves]

هلا اخوي دانيل انا اشرحلك ايش بيصير في السياره لمن تسخنها


دحين اول شي بسألك سؤال اول ما تقوم من النوم بالتحديد من فوق السرير تقدر تجري على طول طبعا لا اول شي تقوم من النوم وتجلس شويه وبعدين تتحرك حبه حبه وتروح على الحمام الله يكرمك نفس الكلام في السياره اول ماتشغلها وتسخنها شويه الزيت الي موجود في الكارتير يطلع على فوق وتتحرك المويه داخل المكينه وتسيب السياره الين ما ينخفض صوتها وينزل امبير الهوا تحت الواحد وبعدها تعشق وتمشي لكن تمشي بالراحه لان السياره تكون لسه بارده وانا بصراحه اشوفو مهم لانك بكذا تحافظ على السياره وماراح يصير شي لو سبت السياره تسخت من ثلاث لي اربعه دقايق وانشالله تكون المعلومه وصلت

يعطيك العافية اخوي

كفييت ووفيت وصلت المعلومة

و بييض الله وجهك

[Daniel alves]

يعطيكم العافية شباب

وعساكم على القوة

[و د ا السعوديـة 1 5 5]

اخوي الافضل انك تحمي السياره من اربع لخمس دقايق وذا مستعجل دقيقتين وعشق القير ومشي بس لا تتعدا السرعه 60 وذا نزل الكمرسر عطه الدعستين وتوكل على الله :d

[أكورد 2007 وبس]

مهم التسخين للسيارة جداجدا أنا معي أكورد2007 اول مااشتريتها في الصيف كنت اسخنها حتى لو ارتفع الامبير وانا مسخنها حتى المعي يضحكون عليا يقولون فاهم التسخين غلط
حتىفيالظهر اسخنها فمابالك بالبرد أخلها 7 دقايق اقل شى

[أبو الريش]

انا والله اخليها في البرد ربع ساعة

اول ما اصحى من النوم اشغلها
واقضي شغلي:cool:

[HONDA BOY]

الله يعافيك اخوي وفي خدمه الاعضاء على مدار الساعه<<<ميد على غفله ههههههههههههههه

[606]

النظام اللي ماشي عليه اخلي السياره 5 دقائق او بمعنى آخر الى ماتوصل الحراره وضعها الطبيعي وبعدها امشي :)

[toOowWwt]

والله انا اتمنى:rolleyes: لو نقدر نشغل السياره بالرموت كان نخليها تتحمى براحتها

[ثــلــج مــشــوي]

والله انا اسخن لين توصل الحراره لوضعها الطبيعي يعني 5 دقايق واحياناً اذا كانت برد مره 7 دقايق وترى تسخين السياره يعتمد على السياره ...فمثلاً عندك الهايلكس يقعد 7 دقايق لين ماتوصل الحراره على C فتحمي اكثر....ارجو اني افتدك:)

[beam]

نصيحه من واحد قد جرب
حموا مواتركم ياعيال شوفوا حالتي هالحين
قسم بالله قبل مااشغل السيارة انو ماشي من زود اني مااعترف بالتحمية
واخرتها هالحين والله صايره تقل دتسن تكتم علي في كل لفه وراح تااكل علي حول الــ500
يعين نصيحه من مجرب موب قالي فلان وقال علان
اهم شئ الواحد يحمي الموتر وانا اخذ درس من هذا

[ـبطرانـ2005ــ]

نترووووووووووو <<<<<<<<<< شكلك معاني من الهلي قبل الهوندا


والله زي ما قالو العيال هي ما هي على حسب الجو او البرد المطر او قوايل <<<(قوايل يعني الظهيره) هي على حسب السياره متى هي موقفه وعلى حسب الامبير اهم شي يكون وضعها الطبيعي يا سلام سلم

[CIVICORD]

والله تبطي أحميها لأني بصراحه أقوم متأخر ولا نيب فاضي
بس للاسف جاني خراب في دقمة السلف وتصليحها بـ1600
واضنه من قل التحميه مع ان هوندا معروف فيها انها ما تحتاج تحمية

[اكـ2007ورد]

انا عادي اشغلها ومتا ما صار الضغط على ثلاث ارباع الواحد مشيت

[أكورداوي 999]

أنا أحمي السياره دايم بس إذا كنت مستعجل أعطيها دقيقه وحده وأحرك
بس طبعا إذا حركت أكون ماشي بهداوه