فرصة نادرة : قطعة مثبت السرعة والتحكم الصوتي للبيع .. [الأرشيف]

مشاهدة النسخة كاملة : فرصة نادرة : قطعة مثبت السرعة والتحكم الصوتي للبيع ..

كوكو كورد

29-01-2008, 03:00 PM

السلام عليكم ورحمه الله وبركاتة ..

كيفكم شباب ؟ كيفكم مع الاختبارات !! انا عني الفت كتاب Writing جديد في اختبار اليوم في معهد الادارة :d

المــهم كلن ذنبة على جـنـبة :o قاعد العب travian (http://www.travian.ae/?uc=ae2_47327)وما ذاكرت ...

للبيع : قطعة التحكم الصوتي ومثبت السرعة ..

(( للي معهم فل L4 من موديل 2005 وانت طالع )) هم اللي بيستفيدون منها اذا كانو بيركبون التحكم الصوتي من الدركسون ..
واصحاب السبشل فقط تركب كمنظر وزينة ..

للمزيد من المعلومات عن تركيب القطعة وتشغيلها لاصحاب الفل L4 :
هذا الرابط :
http://www.hondaarabia.com/club/thread1404.html
^^^^^^^^^^^^^^^^^^^^^^^^

صور القطعة :
http://www.hondaarabia.com/club/attachment.php?attachmentid=1815&stc=1&d=1201606060

http://www.hondaarabia.com/club/attachment.php?attachmentid=1812&stc=1&d=1201605568

http://www.hondaarabia.com/club/attachment.php?attachmentid=1813&stc=1&d=1201605568

http://www.hondaarabia.com/club/attachment.php?attachmentid=1814&stc=1&d=1201605568

سبب البيع : صاحب السيارة معة 2004 وماتركب عندة .. لان الفيش الابيض اللي بالصورة الاخيرة حق 2004 يختلف .. ومنطولة بالبيت عندة من 6 اشهر ..

مكان البيع : الرياض ..
وسائل اتصال : الرسائل الخاصة .. والموضوع .

---------------------------------------------------------------------------------

اهم شي في الموضوع واهم شي في السالفة ..

الموضوع للجادين فقط ..

* مابي اشوف ردود فارغة حتى لو فيها امنية حلوة لي بالتوفيق في البيعة ..!!!
اللي بيشتري يضع رغبتة بالشراء والسومة الجديدة ..

* جميع المعلومات موجودة بالموضوع ..
واذا ميب فية .. فهي موجودة في الرابط اللي في الموضوع اللي فية شرح طريقة التركيب ... (http://www.hondaarabia.com/club/thread1404.html)

------------------------------------------------------------------

* افضلية السير لمن بداخل الدوار ;)

والله الموفق ..

al3ood

29-01-2008, 03:05 PM

الله يوفقه في البيعه

ثــلــج مــشــوي

29-01-2008, 03:16 PM

كوكو ...بتبيع قطعتين سوا ولا وحده ؟؟

طيب اذا وحده كم طالب بقطعه التحكم بالصووت

MaLiK1987

29-01-2008, 03:16 PM

هآي كوكي.’.’.’ :o

نكك قلب آلموآجع.’.’.’ :(

وهـ بس.’.’.’ :o

خيوووهـ آنآ بشتري آلتحكم بآلصوت لآن عندي مثبت آلسرعه بس آلسعر آحسك شآطح شوي لآ تنسى آلتركيب يبيلهـ بعد 100 :p

رآعيني شوي وآنآ فعلآ جآد > آحلف لوووول :d

تقبلوا تحياتي ملوووكهـ1987 نيد فور سبيد...

كوكو كورد

29-01-2008, 03:26 PM

اخ مالك والاخ نيترو :

مع احترامي الشديد لكم .. كتبت بالموضوع كل شي واضح ..
واذا فية شي موب واضح ..

خشو على الرابط ..

اذا خشيتو على الرابط ..

بتلاحظون انها قطعة وحدة كاملة ( مثبت سرعة موصل بسلك الى التحكم الصوتي ) ولا تنفع تنباع لحالها الا بقص واتلاف السلك ..

البيع للقطع كاملة ..

ما ادري .. ليش ما تقرون زين !!!

MaLiK1987

29-01-2008, 03:52 PM

عآسفين يآ بيهـ .’.’.’ :d

مسوي تهزء آنت وكوكتك .’.’.’ :d

مآ آنتبهنآ .’.’.’ > آنوآع آلغشمآن :d

طيب كم ترآعينآ بآلسعر آلقطعه كآمله.’.’.’ :d

تقبلوا تحياتي ملوووكهـ1987 نيد فور سبيد...

ثــلــج مــشــوي

29-01-2008, 04:02 PM

اسفين ياخوي خلاص لاتعصب:d

قرينا بس الفهم لك عليه:d

طيب عندي سؤال واضح كم تبي فيهم علشان محد يبخس سعرهم ...ّ

كوكو كورد

29-01-2008, 04:12 PM

اللي مركبها حاليا وشريتها من الوكالة بـ 427 ريال ..
فية اعضاء شروها بـ 405 ريال .. جاهم خصم ..
فية اعضاء خذوها بـ 380 ريال حسب رابط الموضوع ..
مدري عن ذا الوكالة .. مسوين سوق الاسهم السعودي المتذبذب !..

القطعة ع السوووووووم .. حط سومتك والبيع لأعلى سعر ..
( البيع للقطعة كاملة ) .

و ص ص السعوديه 9 7 2

29-01-2008, 07:00 PM

150 ريال وانا جاد في الشرا بس اهم شي تكون تشتغل

الإلكتروني

29-01-2008, 07:11 PM

سؤال !

هل فيها إضاءة ؟

لأن عندي فل كامل وركبت حقت الصوت بس بدون إضاءة أرجو الرد ؟

MaLiK1987

29-01-2008, 08:44 PM

كوكتي.’.’.’ :o

آنآ آسومهآ 200 ريآل وجآد بآلشرآء.’.’.’ :rolleyes:

بس بشروت.’.’.’ :o

1-فيهآ ضو :o
2-آنآ بتبوك ترسلهآ لي لآ هنت :o

وطبعآ مآ ننسى آهم شرت

3-تكون شغآلهـ هع ع ع :d

تقبلوا تحياتي ملوووكهـ1987 نيد فور سبيد...

و ص ص السعوديه 9 7 2

30-01-2008, 01:08 AM

انا يالغالي اسومها 225 وانا جاد في الشرا وانشاء الله من نصيبي قل تم
اهم شي يالغالي تشتغل وفيها نور

S T ! N G

30-01-2008, 01:22 AM

اسوم 250
بس تكون فيها اضاءه وشغاله زين يا كوكو

هع هع هع

و ى ل السعوديه 8 5 5

30-01-2008, 02:42 AM

255 وجاد بالشراء...

لو يكون فيها نور افضل...

و ص ص السعوديه 9 7 2

30-01-2008, 04:37 AM

طيب يالغالي اذا شريتها علطول اركبها والا يبغالها شي ثاني

اشتريه فيش مثلا او اسلاك ياليت تجاوبني قبل ما تبيعها

كورد

30-01-2008, 05:26 AM

يالله كل هذا من الاختبارات

وش فيها الاخلاق تجاريه

ان شاء الله تنجح وتجيب مجموع طيب بعد

الا انت في ترافيان على السيرفر الاول ولا الثاني

برسلك دعووووووووه من التحالف حقنا

accord 2007

30-01-2008, 10:20 AM

نيابة عن اخوي وحبيبي كوكو
القطعه شغاله وباحسن حال وهي جديده زي مذكر أصلاً
ماادري لي ماتقرون
المهم القطعه فيها نور وشغاله ومايحتاج الا التركيب وتمديد الاسلاك ولمعرفة كيفية الحصول على أسلاك التمديد راجع موضوع مشمش على الرابط التالي

تركيب ازرار التحكم بالصوت من الدركسون ( شرح مصور ) (http://www.hondaarabia.com/club/thread1404.html)

والله انا الاحظ ان كل اللي اللي قلته ذكره مصعب
وصدقونوا لو انكم تراجعون الرابط رايحن تحصلون جميع الاجوبه

تحياتي لكم
وتقبل مروري ياكوكو

الاخطبوط

30-01-2008, 12:15 PM

يااخوان

القطعة اللي عارضها كوكو انا شريت وحده مثلها قبل سنه ونص تقريبا وركبتها عند محل تخشيب والشغله كلها فك القديمه بأسلاكها وركب الجديده بأسلاكها بدون شراء اسلاك اضافيه وبتولع معك انوار ازرار المثبت وانوار ازرار التحكم بالصوت

ازرار التحكم بالصوت بتكون مولعه أنوارها زينه ولازم توصلها اسلاك للمسجل مثل موضوع اخونا accord 06 عشان تقدر تتحكم بالصوت منها

MaLiK1987

30-01-2008, 01:59 PM

accord 2007

30-01-2008, 02:08 PM

8
88
8888

بدينآ شغل شريطيهـ يآليت آحد يشتري .’.’.’

لآ حووول .’.’.’

آسومهآ 280 وجآد بآلشرآء بس بشورتي آلي فوق لآهنت.’.’.’

آن زآدت عن كذآ .’.’.’

آشتريهآ من آلوكآلهـ آصرف لي وشغل طوكيوو آليآبآن مهو آلغرآبي .’.’.’

تقبلوا تحياتي ملوووكهـ1987 نيد فور سبيد...

يعني كيف شغل طوكيو اليابان مهو الغرابي
عمرك سمعت ان السعوديه تصنع:d
ترى القطعه الرجال مشتريها من الوكاله يعني من اليابان
لاكن التركيب مافي احد يركبها لك الا محل الابداع في الغرابي لان الوكاله ماتركب القطعه

MaLiK1987

30-01-2008, 02:49 PM

بآلله .’.’.’

خ خ خ خ.’.’.’

آدري آلسعوديه مآ تصنع بس آبو يمن مآخلو شي .’.’.’

تجآري وآنتيهنآ ولآ من آلتشليح.’.’.’

على عموم كوكوتي يقول آنهآ من آلشركهـ ومصدقين آلرجآل .’.’.’

تقبلوا تحياتي ملوووكهـ1987 نيد فور سبيد...

الإلكتروني

30-01-2008, 07:45 PM

290 قول تم

و ى ل السعوديه 8 5 5

31-01-2008, 12:53 AM

295 ريال وان شاء الله تم...

DUMA

31-01-2008, 01:32 PM

300 ريال وترسلها لي بالفيد اكس للدمام على حسابك ..

واسمح لي اذا ماعجبتك السومه ..

تحياتي ،،،

و ى ل السعوديه 8 5 5

31-01-2008, 02:20 PM

310 ريال ولا ترسلها ولا شيء...

انا بالرياض...

MaLiK1987

31-01-2008, 02:38 PM

نصب ب ب ب ب ب ب ب ب ب ب ب ب .’.’.’

>>> مجمع خويآهـ يرفعوآ آلسومهـ .’.’.’

آلله يخلي لنآ عبودي مو مقصر يجيبهآ لنآ وبقرآتيسهآ .’.’.’

تقبلوا تحياتي ملوووكهـ1987 نيد فور سبيد...

المـــــلكـ اكـــــورد

01-02-2008, 04:14 AM

^^^^^^^^^^^^^^^^^^
ياخي عيب عليك ماتستحي على وجهك

الرجال مايبيعك لك لو بتشتريها ب1000ريال <مايتعامل مع بزران

تتهم الرجال وتقول مجمع خوياه

اقول روح نام وخل عنك المبزره

>>اعذرني كوكو على ردي بس من جد رفع ضغطي هالبزر:mad:

MaLiK1987

01-02-2008, 07:08 AM

آقـوول لآ يكـتر آلحكـي .’.’.’

يآ آلله صبـآح آلخيـر .’.’.’

آنآ آلنصـب محبـه .’.’.’

وكـوكـو نزل موضوع ويسوي آلي يبيه وبكيفهـ آن شآء آلله يجمع عيآل حآرتهم آنت آيش عليك؟؟ مو آنت آلي تجي ترفـع صوتك عـلى نيـد يآ شنب .’.’.’

وعيـب يآخي آحتـرم وش مبزرهـ ومآ آدري آيش آشـوف تيحـتهآ بآلمررهـ.’.’.’

تـقبلـوآ تحيـآتـي مـلـوووڪه1987 نيـد فـور سبيـد

ACCoRD.SNiPER

01-02-2008, 10:58 AM

هلا وغلا اخوي مصعب

شحالكم شباب ان شاء الله بألف صحه وعافيه

شوف أخوي مصعب بخصوص مثبت السرعه اذا يركب على السبشل تراني شراي مع التحكم بالصوت .. لاكن ممكن توظحلي طريقه تركيب مثبت السرعه يعنيم ا يحتاج اي قطع ثانيه او انه في مجال يركب على السبشل ...واخر سومه وصلت على ال 310 .. وانا اسومهن ب 400
اذا أهم شي مثبت السرعه يركب والشحن علي فاللإمارات واظني تعرفني اخوي مصعب ما يحتاج اخبرك ^_^

ه و ط/467

01-02-2008, 01:49 PM

السلام عليكم

بختصار اسومه 350 ريال بس فيه احد يركبه لي بالقصيم او الوكاله مثلا

تحياااااااااااااااااتي

كوكو كورد

01-02-2008, 03:30 PM

السلام عليكم ورحمه الله وبركاتة ..

المعذرةع التاخير في الرد .. النت هاليومين الماضية في حالة تقطع عن البيت .. حتى عند اخوياي ..

المهم .. نرجع للموضوع ..

تقريباً جت طلبات واجد تقول هل القطعة تشغل النور ولا لأ !!

انا مدري .. فلذك ماراح ابيع .. الا لين اتاكد من هالشغلة وانها تشتغل 100%

الاكيد ان موديلات 2003 - 2004 مافيها اضاءة ابد ..
الاكيد ايضاً موديلات 2006 - 2007 فيها اضاءة شد بلد ..
لكن موديل 2005 هذا اللي انا شاك فية لانة جاي بينهم .. ما ادري وراح اتأكد بالتجربة ..

ACCoRD.SNiPER :هلا وسهلا فيك اخوي هيثم وبأهل بالامارات كلهم .. ( بنسوي لك مفاجاة قريب جداً بس ان شاء الله تتم ع خير ) اخوي هيثم ... قطعة التحكم بالصوت ماتركب الا اذا كان مسجلك يحتوي على مشغل لـ 6CD's فقط ومثبت السرعة مايركب الا اذا جت السيارة شد بلد ..يعني .. اذا كانك بتاخذ هالقطع ماراح تركب عندك الا كأكسسوار فقط :o وللمزيد .. راجع الرابط الموجود في الرد الاول .
سومة 400 ... ( القطعة بسعر جديد اقل من هالسعر :) ولو تشتري كل وحدة لحالها بدون السلك اللي بينهم تصير ارخص بعد اذا تبيهن كأكسسوار فقط) .
و ص ص السعوديه 9 7 2 : شكراً على السوم وبالنسبة لأستفسارك راجع الموضوع في الرد الاول .
S T ! N G : شكراً على السوم وعلى الرسايل الخاصة .
و ى ل السعوديه 8 5 5 : شكراً ع السومات .
كورد : الاخلاق موب تجارية .. بس شوف اغلب مواضيع البيع والشراء كيف تنقلب سوالف وهالشي ما احبة عشان كذا الاسلوب جاف شوي .. سيرفر 2 والباقي ع الخاص .
NETRO : اقرا واقرا واقرا ..
al3ood (http://www.hondaarabia.com/club/member.php?u=2822) : كما كتب .. للجادين فقط .. واقرا الملاحظة بعد ..
ه و ط/467 : ما اخبر احد يركب بالقصيم ! لكن الشغلة وشرح التركيب موضحة في رابط الرد الاول .
الملكـــــةاكـــــورد :شاكر مرورك والشكوى لله.. وش نسوي مع هالاشكال اللي مثل ما قلت اللي مسوية ظريفة ؟ حاشر نفسة وهو في تبوك ومكتوب مكان البيع في الرياض ومسوي ظريف وان ظرافتة سبب اني ابيع له ومسوي انة اعرفة من 60 سنة وكوكي وانت وكوكتك اسلوب كتابة اقل مافية زي البنات وخل بنشر عبدالله هاشم اللي فرحان فية عندهم يجبها له اول .. عشان يركبها له ..
DUMA : هلا بك اخوي سومة طيبة والدمام قريبة وما يحتاج فيدكس ولا DHL اقرب زرقة لي اجيبها ..
الإلكتروني : سومة طيبة .. مشكور .
accord 2007 و الاخطبوط : اشكركم على افادة الاعضاء وعلى المحافظة على الروتين الجدي للموضوع .

وضع القطعة الحالي : اليوم ان شاء الله توصلني من صاحبها .. بكرة بجربها على سيارة واحد من الاعضاء .. واوافيكم بالاخبار ..

ACCoRD.SNiPER

01-02-2008, 03:51 PM

تسلم ايدك اخوي مصعب

شو نسوي ياخوك هذي حال السبشل ألم في ألم مع اني والله كن ناوي أخذهم ... بس دام انهم ما يركبون شو نسوي انا الي كان هامني مثبت السرعه ... وكنت باخذ تحكم الصوت بس جي لانك تبيعهم قطعه وحده وما يصير خاطرك الا طيب .. الله كريم بس

وبعدين ياخوك تراك شوقتني واتحرقص في مكاني شو المفاجأه خبرني انا انسان ماعندي صبر :mad:

لازم اعرف :rolleyes:

كوكو كورد

03-02-2008, 01:42 AM

الله يكون في عونك اخوي ACCoRD.SNiPER (http://www.hondaarabia.com/club/member.php?u=3267) حتى انا كانت عندي نفس المعانة مع السبشل حقتي الاولى وعوضني الله بفل :) بعد سالفة سويتها :)

المهم .. ركبت القطعة .. على سيارة واحد من الاعضاء .. العضو ( تويتي ) باركو لة :)

وابشركم ..

2005 - 2006 - 2007 تقبل نفس القطعة اللي فيها الاضاءة ( الاضاءة شغالة - ونفس حجم الفيش ).. وتركب تمام بدون اي مشاكل ..

طبعاً .. طبعاً عجبتة القطعة وشراها ..

يرجى اغلاق الموضوع ..

دمتم بود ...