للبيع اكورد 2008 اللون لؤلؤي

[SauDi_ClaSsSy]

السلام عليكم ورحمة الله وبركاته

شباب عندي هوندا اكورد 2008 النوع سبيشل جديده بقراطيسها توني مشيكها قريب تشييكت 1000 كيلو وابي ابيعها السياره جديده وبقراطيسها (خاليه من اي مخش او رش) وابي فيها 80 الف ريال .... والسعر نهائي تجنبا للاحراجات والي يبيها يرسالي رقمه على الخاص عشان اكلمه والسياره موجوده في الرياض

[عاشق الريشة]

ليش تبي تبيع؟

[البــــــاشا]

السبب خيوو ضرورري جدااااااااااا للي بيسوومون

[دايما مستعجل]

السبب خيوو ضرورري جدااااااااااا للي بيسوومون



هلا اخوي الباشا

انا اسوم ب77000ريال كاش وكاشي جاهز اذا السيارة بدون اي ملاحظة

وانا معي زي موترك بس فيه رش بويه

وناوي ابيع اللي عندي واشتري موترك كان الله وفق

ترى سومتي من الاخير وما ودي ابدى من تحت همن كل شوي ازيد 500ريال مثلا

انا صامل وكاشي جاهز

قسما بالله لقيها جديدة على الزيرو لؤلؤي 81500 ريال شامل جميع الرسوم

اذا بتبيع انا بانتظار ردك

تحياتي وتقديري لك

[SauDi_ClaSsSy]

حياكم الله يا شباب ما فيه سبب للبيع الا اني محتاج فلوسها شوي ولا السياره ما فيها اي عيب وروعه مع العلم اني اول مره اشتري هوندا لاني صراحه متعود على البي ام ونصحوني بالهوندا كاسياره انيقه وقيادتها سلسه ( مشابهه لقيادة السيارات الامانيه) بس الان محتاج مبلغها وعندي سياره مؤقته وهذا سبب البيع وبالنسبه للسومه الي سامها الاخ ديما مستعجل طيبه بس ماني مستعجل زيك بالبيع بصراحه صحيح انا محتاج بيعها بس مهب معنى اني ابيعها بخساره وشاكر لمروركم

[king accord 2008]

اخوي انا ما اتدخل فيك
وهذا شي راجع لك

لكن اللي بيدفع 80 يزيد الفين وياخذ وكاله

وكل واحد له رايه

[LikE.nO.oThER]

^^^^ بس اللؤلؤي خلص ياا حلو :)

الله يوفقك بالبيعه

[دايما مستعجل]

بس ماني مستعجل زيك
انا محتاج بيعها بس مهب معنى اني ابيعها بخساره وشاكر لمروركم


اجل تبي تبيعها بمكسب؟


تراي امزح:d

ترى احيانا يقال العود على اول ركزه وانت افهمها

على العموم انا مازلت عند سومتي وما عندي استعداد ادفع اكثر لان الصراحة هذا حقها تقريبا

واتمنى ان الله يرزقك بالسومة اللي اطيب من سومتي ويرزقك بالبيعة الطيبة اللي ترضيك

وانا في انتظارك في حال وافقت على سومتي


تحياتي وتقديري لك

[أبو الريش]

لو سيارتي مو جديده كان دقيتها لي:)

[SauDi_ClaSsSy]

الله يعطيك العافيه اخوي دايم مستعجل ويوفقك بزين من سيارتي ومن ناحية بتكسب لا والله ما شريتها انا ب الاقيام الي تقول عنها عشان اتكسب فيها والله يرزقك من واسع فضله

[SauDi_ClaSsSy]

والي يبي يزيد الفين اخوي ممكن يوفرها في جيبه وياخذ سياره جديده ترا انا يا شباب مطلعها جديده لا تحسبون اني شاريها من واحد مطلعها من الوكاله انا الي شاريها من الوكاله ... وكلن عقله براسه والي يبي حياه الله ومشكور جدا علا تعليقاتكم like اللؤلوي مقطوع الان ويعلم الله اني ما اتصيد على ما يقولون بالماء العكر بس انا ادور واحد يبي السياره يبي يستخدم وارخص له من الوكاله وبنفس الوقت ما ابي اخسر فيها كثير لانها جديده واعتقد كلكم عارفين كم سعرها بالوكاله والي ما يعرف سعرها يمر الوكاله ويسال ... ودمتم بود

[SauDi_ClaSsSy]

تستاهلها يابورايش والله يبارك لك بسيارتك

[متعاون]

سلام شباب

اخوي

السيارة أول ما تطلع من الوكالة وهي على الزيرو تنقص من قيمتها 4000 -5000 ريال

ولما تمشي السيارة حتى اذا 1000 كلم تنزل من قيمتها 10000 ريال
مع العلم هذا النظام يعمل به في البيع والشراء عام كل السيارات على حسب رغبة السوق بالسيارة!!

الان اكورد 2008 سبيشل لولوي 81500 ألف ريال جديدة على الزيرو من المعارض؟؟

واذا انت عندك تفكير ببيع السيارة ما تبيع بالسعر هذا ؟؟

راجع نفسك في بيع السيارة وفي سعر البيع
(( معلومة اذا كثرت انظار الناس في السيارة ممكن تكون عناك عين حسود عليها وتنحسد السيارة))

للنصيحة فقط

[متعاون]

السلام عليكم ورحمة الله و بركاته

اخوي SauDi_ClaSsSy

السيارة أول ما تطلع من الوكالة وهي على الزيرو تنقص من قيمتها 4000 -5000 ريال وهذه حصلت مع احد الشباب محتاج فلوس كاش

ولما تمشي السيارة حتى اذا 1000 كلم تنزل من قيمتها 10000 ريال
مع العلم هذا النظام يعمل به في البيع والشراء عام كل السيارات على حسب رغبة السوق بالسيارة!!

الان اكورد 2008 سبيشل لولوي 81500 ألف ريال جديدة على الزيرو من المعارض؟؟

للنصيحة فقط

[م ل ك 2008]

وين حصلتها 81500 ياديما مستعجل ردلي بسسسسسسسسسسسسسسسرعه

[دايما مستعجل]

وين حصلتها 81500 ياديما مستعجل ردلي بسسسسسسسسسسسسسسسرعه


مرحبا اخوي

حصلتها طال عمرك عند معرض الحميضي وعند معرض العمري

المعرضين موجوده بشارع معارض النسيم

وازيدك من الشعر بيت

الوكالة يعطونك اي لون غير الؤلؤي باقل من 81،000 ريال ( السبيشل طبعا )

وبالتوفيق للجميع

[بسمة ألم]

الله يوفقك في البيعه أن شاء الله ... بالسعر الي انت تبيه

تحياتي