تجمع الهوندا في نادي رايس وي <<< تفضلوا

[ملك مملكة جدة]

بسم الله الرحمن الرحيم


ان شاء الله راح يكون فيه تجمع في نادي جدة رايس واي .. لان واحد من شباب قروب

H unit

راح يكون احد الشباب المتسابقين من فئة الـ 4 سلندر ... وهو الاخ


" عبد الرحمن "

و مره وحد حابين نثبت وجودنا كفريق H unit بين القروبات الموجودة في هذا النادي ...

المكان و اليوم و الوقت

المكان : نادي جدة رايس واي لسباق السيارات

اليوم : يوم الاثنين الموافق 4 \ 2 \ 2008

الوقت : بعد صلاة العشاء مباشرة << يعني نكون متواجدين هناك


الي حابين يجوا ... ممكن يرسلوا لي رسالة خاصة فيها ... الاسم الاول .. نوع السيارة .. لون السيارة .. رقم الجوال << للتنسيق فقط لا غير


و ان شاء الله نكون وجه خير على الاخ عبدالرحمن


تقبلوا تحياتي

إيــــــــ العنزي ـــــــاد


قروب

H unit

[ولد جده]

يا إياد ليش تحكم و تقول واحد متسابق إنشاء الله الشباب حينزلو معايا أبغا حماس مو أنا لوحدي لو لوحدي ما راح إنزل <<<<< يتونس صح

المهم نبغا شباب الأكوردات و السيفكات ينزلو

[ملك مملكة جدة]

انا من ناحيتي صدقني لو بيعطوني فلوس ما نزلت <<< ياخي يا كذبك :d

انا من ناحيتي بوقف سيارتي في المواقف و بطلع على المدرجات لاني مو قد السرعة ولا قد قطع الهوندا :shawrma:

يا الله يا بطل نشوفك تكسر خشم الالتيما ... :aa_cup:

[A N M A R]

ان شاء الله اجي اذا فضيت

لني الايام ديه منشغل مع اهلي

لو جيت انسو اني راح اتسابق

لني مني حق مطارحات

:)

[أبو عــزوز ..]

أتمنى لك التوفيق أخوي عبدالرحمن ..

ملك ممكلة جدة .. لاتحرمنا من جديدك ..

[Zero Cold]

إن شاء الله أحضر الحلبة
إذا ما جاني ظرف
وأعتقد حضوري يكفي:d
تحياتي;)

[ولد جده]

لا يا شباب ما يسير كلكم ما تبغو تنزلو ترى من جد ما راح أنزل

و بعدين أخوي إياد ترى إذا تتكلم عن الألتما ال6 سلندر ترى وحش ما أقدر عليها بس الدراق غير إذا ما كنت سواق و تحمي الكفر تمام و تنمر تمام مالك أمل يجي 4 سلندر يطلع و بعدين الله يخليك أنا ما قلت إني أطلع على السته سلندر الألتيما لكن الي صار في الدراق إني نزلت مع ألتما و طلعت عليه ف الله يخليك لا تجبلنا كلام من العالم الماجنا السته سلندر نفس الشي في الشارع جامد بس الدراق غير ف الله يخليك أنا ما أحب أتكلم و ياما جربت مع سيارات و طلعو عليا و ياما طلعت على ناس بس الوضع حبي بعدين أنا جربت مع أكورد قير عادي و طلع عليا و جربت مع واحد من الشباب معاه أكورد عليها فلتر و إكزوست كامل و طلع عليا و أول ما طلعت السياره كرولا 1.8 قير عادي طلع عليا قومه ف الله يخيك لا تعطيني أكتر من حقي أنا في الأخر 4 سلندر

و أنا واحد غاوي مطارحات و دعس و تلغيم بس لا بطل و لا أحد يعرفني من شباب المطارحات لأني لو نزلت الخط حيطلعو عليا اللإس إسات و الألتيمات و المكسيمات و القائمه تطول

بس أنا متعصب للياباني جدا جدا و أحلى تحيه للهوندا الـ(crx) اللؤلؤي الي نزل الخميس في الليل في خط القاعده و فشخ في العالم :cool::cool::cool: والله وحش

و إنشاء الله نشرف الهوندا و الياباني

تحياتي للجمييييييييييييييييييييع

[تويتي]

مشكور اخوي على الخبريه
والله يوفق اخونا عبدالرحمن
وان شاء الله نشوف تقرير مصور من يديك

[lonely010]

بالتوفيق اخوي عبدالرحمن
وإن شاء الله نكون من مشجعينك
اكيد

[ACCORD 764]

أفا في الريس :eek: .
أنا معاكم :) .
هيّا يالعبد الرحمن صرت مشهور <<<< صح عليك .
لا يا شباب ما يسير كلكم ما تبغو تنزلو ترى من جد ما راح أنزل
عبد الرحمن ولا يهمك أنا معاك , أبغا أجرب معاك مرة ثانية <<< ركبت نفس الإنتيك إللي عندك بس مع الراس الإسفنج .
خلاص الوعد الدراق يوم 4 / فبراير يعني بعد بكرة .
بس ياعبدالرحمن يوم جربت معاك ذاك اليوم في الجامعة كيف كان مستواي ؟ بصراحة لأنك إنت الوحيد المعدل إللي جربت معاه و البقية كلهم استوك .
بس يا شباب ما يجي بس إحنا إللي ننزل .

انا من ناحيتي بوقف سيارتي في المواقف و بطلع على المدرجات لاني مو قد السرعة ولا قد قطع الهوندا
أوف المنظم بيطلع المدرجات :confused: <<< هذي قوية :d .

طيب ياشباب على الأقل خلونا إحنا الهوندات نجرب مع بعض لحالنا بدون سيارات ثانية يعني بس سيارات الهوندا .

[dr.vtec]

والله انا ودي انزل بالسيفك الكوبيه حقتي..
عليها h22a وقير m24a وانتيك و msd وكلتش فاندينزا stage 4..
ولكن ظرووف العمل ماتسمح..
واتمنى لك التوفيق يا عبدالرحمن وللي ينزلو معاه من قرووب الهوندا..
والجايات اكثر ان شاء الله..

[HONDA BOY]

مشالله تبارك الله يله يا شباب انشالله نشوفكم في الدراق وانشالله لمن اجي محضرلكم مفاجئه بس اهم حاجه يكون فيه اكبر عدد لهوندات هناك

[ملك مملكة جدة]

مشكورين على المرور

بس الي بيجي ارجوا انه يرسل لي البيانات الي ذكرتها فوق

وشكرا

[ملك مملكة جدة]

Accord 764 : خليك محضر خير هههه

لا يا ابوي انا لاني ملغم وعلى السيارة جنط 18 " يعني ثقيلة ؟ تبغاني اتشخط ؟

[ولد جده]

والله يا أبو خلود إنك وحش و أنا أتحمست عشانك ولا أنا كنت ناوي أخش أعتذر لأن السياره حاسس فيها مشكله كنت بحضر بس ما راح أنزل لكن إنت حمستني و راح أنزل بس 3 نزلات و لو أتحمست ردوني لا أكمل و سيارتك مشاء الله تمام بس ليش ما كلمتني كان أعطيتك إلى عندي و كان أشتريت إنت بس الفلتر الإسفنجي و مافي أحد يقول بطلع المدرجات الي ما يبي يطارح يدفع الثلاثين و ينزل معانا في الحلبه تحت و الي بيطارح يدفع خمسين ما أبغا أشوف أحد في المدرجات نبغاكم معانا

[ولد جده]

يا دكتر فيتك ليش و الله زعل أنا أبغا أقابل أحد يكون معاه فيتك في بالي مشروع جبار و يا ريت تجينا و هوند بوي أنا من يوم شفت الصوره الرمزيه و التوقيع و أنا أقول الرجال ذا عنده هرجه طيبه
يالله نتقابل على خير و نتشرف بوجودكم

[ولد جده]

أخوي دكتور الفيتك الكلتش نفس الي عند يوسف

[dr.vtec]

هلا والله بولد جده..
ايه عزيزي.
اللي عليها زي اللي عند يوسف..
لكن اللي عند يوسف stage 3
واللي عندي stage 4

وكان والله ودي احضر..
لكن ظرووف العمل ..وبعد المسافه هي اللي تتعبني..
والحايات اكثر ان شاء الله..

[HONDA BOY]

انشالله يا ولد جده بأحضر بس لا تنغر بالصوره الرمزيه والتوقيع ههههههه لانها محرد صور لا يروح بالك بعيد:08: وان فيه مطارحات او نزول:aa_drive: فهي بس هبقات مو على طول ولو بأنزل فهي نزله لعيونكم:7bteen: