المساعد الشخصي الرقمي

مشاهدة النسخة كاملة : هذي الشاشة معجبتني لكـن

دحوم
30-07-2006, 06:42 PM
http://www.l22l.com/l22l-up-4/6fe191a47e.jpg

كيفكم اعضاء النادي بصراحة ياشباب معجبتني الشاشة مرة لانها مناسبة جدا لمكان الدرج للاكورد بدون اي ترهيم طلبي هو :

وين القاها في الرياض ؟
وهل تأتي بأنواع ؟
وماهي مواصفاتها؟
وبكم سعرها ؟
وهل بإمكاني إضافة نظام الملاحة عليها ؟

شباب هل تتوقعون ان يكون في شاشة اكثر عملية في مكان درج االاكورد افضل من هذي وشكرا ,,,

تحياتي .
accord 06
30-07-2006, 10:23 PM
هلا اخوي دحوم

الشاشه هذي انا مصورها من عند العمودي موزع هوندا على طريق التخصصي

صناعتها صينيه او ماليزيه ما ادري بالضبط .. و سعرها 1700 ريال :eek:
<< ما تستاهل سعرها

و بالنسبه للمواصفات ما اعرف عنها شي .. لكن كلمتهم قبل شوي
و قالي انها مخصصه اصلا للـ GPS ( نظام الملاحه ) و تقدر تشغل عليها دي في دي
طبعا 1700 ريال سعر الشاشه بس بدون اغراض ال GPS .


اذا كان اهم شي عندك نظام الملاحه انصحك باجهزة قارمن او ماجلان
ما تحتاج تركيب و عمليه و اسعارها معقوله .
دحوم
30-07-2006, 10:50 PM
شاكر مرورك اكورد 06 وينه بالضبط المحل وكم رقمهم وهل عنده انواع كثيرة من الشاشات مناسبة للدرج ولا لا ارجو الإفادة . وشكرا .
دحوم
30-07-2006, 10:51 PM
ياليت اكورد تفيدني اكثر باجهزة جارمن او ماجلان .
accord 06
31-07-2006, 12:09 AM
ما عندهم الا النوع هذا

و مكانهم بالضبط و انت على التخصصي متجه شمال كنك رايح للثمامه
بعد ما تتعدى طريق الملك عبدالله و طريق الجامعه بتشوفه على يسارك

و بالنسبه للقارمن و الماجلان للاسف ما استخدمتها لكن اعرف ناس
يستخدمونها و ماشيه معهم تمام .. و الاسعار تختلف حسب المواصفات
لكن اتوقع ما راح يتعدا 1500 ريال للنوع اللي يناسبك
BLK
31-07-2006, 01:18 AM
بالتوفيق :) ...

ما شاء الله عليكم خبرة في كل شيء :) ...

الله يحفظكم من كل مكروه :d

و خبرنا شصار وياك دحوم ...
دحوم
31-07-2006, 02:06 AM
مشكور اكورد 06 على التوضيح , وشاكر مرورك Blk وإن شاءالله بزور المحل باقرب فرصة .
S T ! N G
31-07-2006, 03:33 PM
ما قصر معك الرجال

ويا دحوم اذا رحت فتح عيونك وشف اذا فيه شي ثاني يستاهل صوره

خخخخخخخخخخخخخخخخخخخخخخ
الاخطبوط
31-07-2006, 03:42 PM
دحوم روح لمحل دارموجه طريق الملك فهد بالجهه الثانيه من الجوازات هو وكيل جارمن

وعلى مااعتقد فيه محل اخر اسمه دار الملاحه ضمانه سنتين ودار موجه ضمانه سنتين بعد ماكان سنه زمان


هذا موقعهم احسن لك من الشاشة اللي تبي تركبها
http://www.darmoja.com/

بتحتار من كثر الاجهزه لارحتلهم
دحوم
31-07-2006, 08:59 PM
ستينق شاكر مرورك والاخطبوط الف شكر حبيبي على المحل وعلى الموقع
اكورد الجنوب
01-08-2006, 09:23 AM
دحوم
لامنك رحت تسومها عطنا مميزاتها بالتفصيل لنها مره عاجبتني وابي اركبها مع التغيرات الجديده الي بتكون اخر الشهر بإذن الله وهل يشتغل عليها نظام الملاحه ولا لا
الله يعطيك العافية يامراسلنا في العاصمه;)
دحوم
01-08-2006, 04:29 PM
الله يعافيك وإن شاء في القريب .
الاخطبوط
02-08-2006, 08:43 PM
دحوم

امس رحت دارموجه وكيل جارمن

عندهم جهاز يحبه قلبك رقمه 276c رهيب بـ 2100 ريال

يعطيك الشوارع الرئيسية بكل العالم

واذا تبي الشوارع الفرعيه بالخليج الرياض الشرقيه دبي البحرين الشوارع الفرعيه زي حارتكم لازم تاخذ سي دي بـ 800 ريال

رح مرهم اليوم وخذ معك كتالوج من عندهم ولا تنسى تصورهم :)
ن ك د السـعــــوديه 3 5 7
02-08-2006, 11:28 PM
مساكم الله بالخير ياشباب ومعليش على الغيبه :(

بس مادري ماشوف صور ولا شي :( عن الموضوع ؟؟؟؟؟
دحوم
03-08-2006, 02:21 PM
ن ك د فتح عيونك وراح تشوف شكلك مغمض هههههههههههههههههههههه , ومشكور على المعلومة يالاخطبوط لكن ياليت توصف المكان بالضبط بالتفصيل .
الاخطبوط
03-08-2006, 06:36 PM
طريق الملك فهد وانت جاي من الشمال

تقاطع الوشم توقف عند الاشارة واذا خضرت امشي قدام كنك رايح جنوب بس خلك بالخدمه

قبل الاشاره الجايه تلقى المحل على يدك اليمين داخل المجمع بس فيه لوحه كبيره مكتوب عليها دارموجه
دحوم
04-08-2006, 02:19 PM
مشكور يالاخطبوط وضح الوصف .
ن ك د السـعــــوديه 3 5 7
05-08-2006, 04:42 AM
دحوم مافيه صور
دحوم
06-08-2006, 04:14 PM
ن ك د وش رايك ارسلها على جوالك احسن لك عشان ترتاح وبعد ذلك اشبك الصورة مع العنوان والكلام الموجود وبذلك يكون كأنك قرأت موضوعي كامل فكرة صح .
ن ك د السـعــــوديه 3 5 7
07-08-2006, 06:04 AM
تستهبل يالدب :mad:

طيييييييييييييييييييب اوريك :mad:
دحوم
07-08-2006, 10:50 PM
الله يهديك يان ك د يااخي انا حتى الآن ناقص 7 كيلو .
Storm CiViC
08-08-2006, 03:07 AM
هههههههههههههههههههههههه

اخوي دحوم بس حبيت اقلك ما طلعت معاي صور:p

الله يعينك بتتعب معانا وتحط صور جديدة ;)
ن ك د السـعــــوديه 3 5 7
08-08-2006, 04:27 AM
شفت هذا Storm Civic

ماطلعت معه

وبعدين ناقص 7 كيلو معناتها انك كنت دب صح والا لا

خخخخخخخخخخخخخخخخخخخخخخخخه
دحوم
08-08-2006, 09:53 AM
ياشباب انا كل يوم ادخل على هذا الموضوع واشوف الصورة بدون اي تعب .
الاخطبوط
08-08-2006, 10:20 AM
الصور طارت يادحوم كانت اول موجوده

على فكره الجهاز اللي اقولك عليه نزل سعره شكلي باخذه

بسافر ان شاء الله صلاله وراح يفيدني كثير بالطريق
دحوم
08-08-2006, 07:29 PM
هذا رابط جديد للصورة :


http://www.7mlo.com/up/8شاشة.jpg


تحياتي ,,, :d :d :d
دحوم
08-08-2006, 07:34 PM
ياشباب حملت الصورة لكن اتوقع كل مواقع التحميل معطلة ماادري ليش ياشباب .
S T ! N G
08-08-2006, 10:08 PM
ما عليك انا ارفعها على سرفري الخاص

<<<<<<<<<<< مسوي فيها

هع هع

ثواني واجيب لها رابط
S T ! N G
08-08-2006, 10:10 PM
وهذا الرابط

http://mediamax.streamload.com/za7eef0/Hosted/6fe191a47e.jpg

http://mediamax.streamload.com/za7eef0/Hosted/6fe191a47e.jpg
دحوم
09-08-2006, 07:36 PM
يعطيك العافية ياستينق على المجهود لان ن ك د اذاني يبغى يشوفها وعجزت احملها شاكر مرورك الكريم .